保家山 (已結業)

🍔觀塘駱駝漆出名多野食，仲要有好多唔同既特色小店，上次經過尼間舖頭，都諗住試下😋🔸葵手工和牛漢堡「葵」即係山葵，個醬係山葵味，但又唔會搶左其他味道，配料都好多，有生菜、蕃茄🍅同洋蔥🧅，全部都係厚切，漢堡扒都好厚身，兩邊剪到好香口，但又唔會乾，仲食到少少香料味😍🔸健康沙律沙律係跟餐，沙律🥗配料比較簡單，有菜同蕃茄，加埋醋汁，酸酸甜甜好開胃🔸辣汁嫩雞漢堡成個漢堡好足料好有重量，雞扒有兩塊，仲要係超級嫩滑，咬開係有肉汁流出黎💦，雞肉好入味，配埋酸瓜，成個包好酸酸辣辣，好惹味🤤🔸麻辣薯條跟餐加+$4就可以轉薯條🍟，薯條有三隻味可以揀，有紫菜薯條、香脆牛油薯條、麻辣薯條，想特別啲又鍾意食辣🌶️，可以試下麻辣薯條，薯條外脆內軟，麻辣味十足，越食越辣超刺激🤣🔸可樂食漢堡包點可以少得可樂🥤，仲要係樽裝😍正

🍔🍝🍴漢堡包以外都吾錯▫️自助形式，先付款後取餐☑️北海道帶子鮮茄意大利飯 - $88午市堂食見到要大部份人都係食意粉及意大利飯，而唔係漢堡。而我食咗兩次漢堡之後，今次就試意大利飯。帶子有四大粒，每粒都大粒厚身，冇中間斬開兩粒扮4粒，而且加上香草煎得好靚。配料仲有蘆筍增加口感。意大利飯偏硬，但係每粒飯都好掛汁，茄味都濃，食完都幾飽。☑️法式焦糖燉蛋 - $12加$12蚊就食到咁出色嘅法式焦糖燉蛋實在好難得。佢係凍食的，面頭嘅焦糖好脆口，而燉蛋十分滑溜，奶味香濃，甜度適中，令人回味無窮。

保家山//‘傳統’和牛手工漢堡 配 牛油薯條 汽水 （$102）又嚟到Happy Friday 今日同同事去咗駱駝漆搵食 本來想食嗰間大排長龍 所以去咗保家山( ´▽｀)lunch menu全部都係意粉無burger 所以叫翻regular menu~ 講翻野食 呢個burger絕對對得住佢個價錢 和牛扒好juicy 啲汁都比得好大方 成個burger夾埋好厚 一啖絕對咬唔晒成個(˶‾᷄ ⁻̫ ‾᷅˵) 因為唔食沙律既關係 加咗+$4轉牛油薯條 薯條炸得好好 好脆但又唔會太乾身 Lunch食到呢個burger好滿足👍🏻下次會再試下意粉或者其他醬汁既burger( ´▽` )ﾉ

對上一次嚟觀塘掃街，搵左兩間位於駱駝漆大廈嘅漢堡店，不過最後只食左雪糕漢堡果間，之後經過保家山發現人流多D😮，所以當下決定下次嚟駱駝漆要食保家山。事隔大概半年，終於有機會嚟試。🙉星期一晚上7點正嚟到，人流唔多，只有幾枱客。餐廳全自助形式，自己搵位、拎餐、用餐後執盤等。餐廳除左供應漢堡外，仲有意粉，不過目測在場人士都係食漢堡😏葵漢堡(山葵醬) $98呢個醬特別得嚟又調得幾好味，芥苿少少、真係好少攻鼻，不過已經夠刺激🙊 漢堡扒好厚好多汁，而且醬味咁濃都仍然食得到牛味，正😋。藍漢堡(藍芝士醬) $108藍芝士味點到即止，唔會太濃太臭，不過食多兩啖就覺得好鹹，有D似食緊腐乳醬嘅FEEL。😅紫菜+$4、麻辣味薯條+$4薯條炸到好香脆，不過無乜薯味，而且兩款味粉好濃，特別係麻辣果款，食完成個口都麻哂😂 我地一致認為漢堡比較出色，下次會再嚟食葵漢堡🤤。

睇到店內既呢個burger 塔就係來自長洲搶包山呢個inspiration而來的就自然比我覺得有種...fushion.唔食牛肉既我唔怕，因為店員推介左我食呢個羊肉burger, 羊肉又唔so, 口感幼嫩。不過我最鐘意都係麻辣味既薯條，真係正到食極都唔夠，係我食過令我最開胃既薯條。Overall, staff service 同待餐須時既efficiency 都幾好，簡直係喺工廈尋到寶咁。Loved the inspirations of Cheung Chau Bun Snatching Hill Top onto Burgers, especially as I love exploring in industrial buildings! The burger variations are very fushion based between HK lifestyle and Western size, especially when I enjoyed the Szechuan Chill fries most!

1. 手工和牛漢堡（山葵醬汁）$98個飽軟熟，煎香咗先搽上醬汁，咁就唔會索到淋晒，手工和牛真材實料，完全冇牛嘅羶味，用料靚，只有牛嘅香味，用上和牛，仲要手打，所以特別多肉汁，而且口感覺豐富，配上山葵醬汁完美帶出和牛嘅香味，係非常出色嘅漢堡飽。2. 辣汁嫩雞漢堡（$96）塊雞扒好厚身，肉嫩多汁，完全對得住個名，配上辣汁，真係好夾，超好食，唔食牛嘅人可以叫呢個食！3. +$4要叫牛油薯條&麻辣薯條薯條超級脆，入面好粉，非常好食，特別推介麻辣味，真係好麻好辣！嘢食都有加入香港地道嘅味道！

滿足到我想食burger 慾望🤤藍芝士漢堡好濃，中意重口味既人可以試下，山葵漢堡冇咁流又唔會話好攻鼻，burger 凍左都好食，有肉汁好正，已經第二次嚟食，希望出素肉漢堡🥰

今日喺駱駝漆大廈搵食，見到個burger山覺得幾搞笑。再睇，得知名字理念係同長洲搶包山有關，將平安包 概念，轉換成為「漢堡包」。餐廳老闆希望能夠製作有香港特色嘅漢堡包，唔再只係某幾間大型牌子。咁本土既餐廳，當然要支持一下✌️二人分別叫左 「葵」手工和牛漢堡 、「藍」手工和牛漢堡🍔兩個漢堡都好大個，有厚厚嘅漢堡、好大塊生菜、蕃茄，最重要就係個醬汁。藍芝士醬汁比較濃味，食落口好有滿足感；山葵醬汁就辣辣地，有攻鼻嘅感覺😌薯條一個嗌咗原味，熱辣辣脆卜卜，仲好長；另一個就叫咗麻辣味，真係幾辣😂😆餐廳環境寬敞 坐得舒服

啱啱去咗間叫做「保家山」嘅漢堡店，係觀塘駱駝漆大廈🤣 之前有朋友食過burger同埋pasta 佢推介我黎！除咗傳統嘅牛肉漢堡之外，仲有手工和牛漢堡配搭唔同醬汁同埋紐西蘭羊肉漢堡可以揀。佢地嘅芝士汁薯條同紫菜薯條都好足料！😍岩岩坐正係姜濤牆隔離🤣 “藍”  手工和牛漢堡（藍芝士醬）$108講翻手工和牛漢堡🍔，呢款漢堡真係好juicy，真材實料，同藍芝士醬汁嘅配搭真係好正啊！芝士汁薯條就更加係一級棒，每條薯條都有芝士包裹住，食落去就好似係芝士天堂咁，成口都係芝士味！“羊”  蔥香紐西蘭羊肉漢堡 $98紐西蘭羊肉漢堡都唔錯，肉質好鮮嫩，一點都冇羊臊味，加埋特調嘅醬汁，咬落去啖啖肉，真係好好味啊😋！紫菜薯條都好獨特，每條薯條都有紫菜嘅香氣，食落去非常開胃。仲有呢個自家製無糖蜜桃茶 好想蜜桃味 飲落好清新舒服！ 無糖又健康 好夾個漢堡😋保家山嘅名字理念好有意思，由長洲搶包山平安包轉變成漢堡包，創辦人希望創造香港獨有嘅漢堡包味道，加入香港文化元素，真係好有心啊！如果你鍾意食漢堡，真係唔好錯過保家山啊！👍

「山」手工和牛漢堡 （港式醬汁） 老實講，好耐冇食過咁高質嘅和牛漢堡！！！喺平日嘅晏晝兩點左右嚟到，人潮都算好少一坐低就有得叫位置都好多。等咗一陣就好快嚟齊晒兩個漢堡，即使即叫即做都好快準備好！然後影完相之後，和牛漢堡一食落去，個漢堡勁多！！！中間仲不斷有肉汁滲出！！！好癲睇返店裏面嘅人物專訪報道，先知原來係用咗澳洲和牛同安格斯牛肉做比例上嘅調和，帶有和牛嘅油脂香，亦都令到漢堡嘅肉質更加結實，口感更加實在！「山」手工和牛漢堡係用港式醬汁，係由10款香港特色嘅醬料，調配而成～對於香港人嚟講特別有親切感！豚肉生薑燒漢堡另外，我哋都叫咗個豚肉漢堡，因為有時都會有啲唔食牛肉嘅朋友，而今次豚肉生薑燒漢堡都好出色，快快豚肉薄切咗，但係有份量好多，咬落口感好豐富同好多汁，仲好香口！加埋生薑燒嘅配搭，味道更加豐富，令豚肉嘅油脂咁冇咁油膩！酸酸甜甜咁～兩個都鍾意食！另外，佢哋嘅薯條都超好食！係勁脆勁麥嗰種，調味仲勁正，除咗完美仲有麻辣味，真係勁麻香😂呢度飲品仲有樽裝嘅可口可樂Zero，同埋唔會太甜嘅蜜桃紅茶，整體都算性價比唔錯！

手工漢堡就真係手工漢堡「藍」手工和牛漢堡+芝士汁薯條藍芝士味勁出，完全冇偷工減料，一食落去就食到藍芝士嘅味，同平時啲芝士唔同味道，比較重奶味同咸香，再黎係牛肉，幾juicy，咬落去仲會爆啲牛肉汁食到落底都仲有勁多芝士醬，薯條仲要係熱辣辣勁脆，加錢係抵嘅辣汁「嫩雞」漢堡+麻辣薯條辣度可以話係10小辣，可以接受嘅程度，雞就真係名符其實，真係好嫩！！！麻辣薯條就真係勁麻勁辣，鍾意辣嘅可以試下，不過個人推薦芝士多啲

Today, I’m going to share a hamburger restaurant I ate recently, which is called 「burger 山」Burger uses a variety of sauces and beef, plus its own spicy French fries, each bite is full of aftertaste.We eat the most popular ”blue handmade and beef burger“ in the store, which contains lettuce, tomatoes, onions, beef and special sauces. Each bite is a perfect taste. The bread is soft and elastic, and the beef cake is tender and juicy. It is mixed with sauce, making people feel a strong American flav

公司剛剛搬嚟觀塘 平時都係帶飯多 今日開心星期五 諗住想出去食 之後上open rice睇下工廈有咩食 跟住look look下就見到一間食評滿分嘅漢堡店 可能時間尚早 冇咁多人 咁佢嘅menu都多選擇 唔單止有包 仲有意粉同飯 種類同數量都多 不過漢堡包價錢偏貴 唔加餐嘅話其實100蚊有找 但佢啲薯條真係唔錯 我會下次帶埋男朋友嚟食

🍔保家山～個名嘅理念係由長洲搶包山得來，由香港平安包轉成漢堡包，真係同工作人員傾計先知。原來創辦人想創造香港獨有的漢堡包味道，咁有heart，一定要支持，而且有邊個會唔鍾意食burger架🫢🐓辣汁”嫩雞”漢堡來保家山點可以唔食burger ，咁啱推介辣汁”嫩雞”漢堡，所以就試試。麵包挺身咬落鬆軟，”嫩雞”係名副其實超鮮嫩juicy，兩大塊厚肉又彈牙，一咬爆汁。跟餐可+$4 轉麻辣薯條啤酒薯條非常香脆，如果鍾意麻辣口味嘅，一定要試試。香麻感覺夠惹味，雖然有啲熱氣但還是非常推介，香口麻辣感覺令人食唔停口。🥑鮮蟹肉牛油果意粉 配沙律及餐湯 $108意粉第一啖wasabi 味好搶，鍾意個意粉有好多蟹肉，一絲絲非常有口感，仲有牛油果，整體感覺creamy又好match！意粉又唔會煮得太淋，軟硬度適中，而且啖啖都有蟹肉加牛油果，口感豐富。🥗 沙律清新，忌廉蘑菇湯有粒粒口感，足夠之餘入口又順滑。

I recently visited a restaurant called "Burger Saan," which specializes in burgers and pasta. The name of the restaurant is inspired by the "Cheung Chau Chong Bao Shan" (Cheung Chau Hill of the Longevity Bun), where the idea of the longevity buns has been transformed into burgers. 😚The founder of the restaurant wanted to create a unique Hong Kong-style burger by adding local cultural elements👨🏻‍🍳✨I tried two burgers during my visit: the Wagyu beef burger and the New Zealand lamb burger. I added