信芳廚

营业中

休息中

平時係公司同一班同事叫開外賣，都唔少人叫，叫親都會指明幾點前到達，你話一次都算啦，仲要唔止一次，經常遲到，仲要唔止遲到少少，次次都遲成三個字至半個鐘、咁我地唔洗食啦，仲要問點解越來越少人叫，你咁樣做生意搵鬼人叫咩。

星期日叫咗佢個西炒飯外賣，食咗2啖成盒掉咗，成兜濕到不得了，飯底仲可以有汁系到，好明顯一煲起就即炒，對食冇乜要求但呢兜真係搞唔掂🤮以為應該唔會再叫信芳廚🤮🤮🤮

信多一次以為佢會準時返，但原來又係遲，11:30㩒制叫外賣，寫明14:00送到，最後要打電話三催四請，搞到14:30先送到，如果煮唔切麻煩一早打電話通知聲，得返半粒鐘時間食飯，唔會再幫襯，完全唔得。

今日下晝突然之間好肚餓所以叫咗個外賣食見餐單有得揀信芳廚下午茶A+B+C餐沙嗲牛肉麵有足料嘅沙嗲湯底 都好重花生味牛肉麵已下午茶來講都算足料 可以話接近沙嗲醬嘅沙嗲湯底絕對冇Hea你西多士我估佢之前應該係一大塊牛油放係面慢慢溶開所以見到側邊有好多油🤣呢個加上蜜糖真係絕配食落去入面唔算多花生醬如果再多花生醬會更加好#美孚 #cafe#台式#聚會 #多國菜#打卡#新餐廳#朱古力#咖啡#辣野#薄餅#意粉#据扒#台灣#掃街#cafe#pizza#fusion#hkfood#hkfoodie #hkfoodblogger#igfoodie#igfood#igfoodporn #igfoodshare #美食推薦 #美食日記 #美食攝影 #相機先食

早上11點幾落單，2點送到，打電話去問，同我講話落雨，現家先啱啱開始煮，好心趕唔到嘅就一早講聲，打電話先知，仲賴落雨，下次唔會再叫，打第二次仲煮緊，離晒大譜，非常失望。

呢間餐廳每日都有唔同嘅特價午餐 本身想食菠蘿咕嚕肉飯 可能太搶手啦呢啲鑊氣小菜 所以就冇啦😂 唯有揀過第二樣啦沙薑豬手拼雞中翼飯飯嘅份量超級多 基本上可以分兩個飯盒 沙薑豬手都有四大件🐷 而且炆得好入味又好夠林 雞中翼就有兩隻 加上有啲蔥油喺飯面 好好送飯🤤 椒鹽鮮魷飯呢個就唔係特價午餐嚟嘅 可能係外賣嘅關係啦 椒鹽鮮魷外皮已經唔脆🥲 可能堂食會更加好食 佢個調味其實唔錯 只可惜係鮮魷嘅炸粉已經腍晒🦑紅豆冰要加兩蚊先有呢杯紅豆冰 不過本身凍飲都要加兩蚊㗎啦🫘 所以覺得加兩蚊有得飲係比較抵飲 可惜外賣嘅關係啲冰融得7788 紅豆冰嘅奶唔係好香😂熱奶茶味道正正常常 都係一啲正常港式風味☕️外賣飯餐$40真係買少見少 而且質素唔錯 餐廳而家都轉型主打做外賣🥡 如果下次想食外賣飯盒都應該會諗起佢

每次午餐外賣，個外賣員經常懶得打電話，會直接將餐放在保安那裡，(保安會黑面，因為無義務幫人收外賣兼比錢) 還要講大話，同保安講打左電話無人接。其實根本就無打過電話。已經唔係第一次發生尼種事。理解唔到點解可以隨口講大話。因為自己嘅懶散就麻煩人地。唔想送餐咪唔好接單咯差評！

由於本人返工食食時間超彈性，有時可以食下午茶。 下午茶通常都細細份，佢呢個下午茶餐可多可少，多果個份量多到正直壯年既男仔都會食得飽，女仔食完唔洗食晚飯添😂😂😂佢有A B C 三個column, A係肉類，可選瑞士雞脾/雞翼/吉豬/吉魚；B係飽類，三文治/西多果啲；C係粉麵類。可A+B/A+C/A+B+C, 所以份量係可控制的！ 我因為晚上要練波既關係所以通常都會ABC叫晒瑞士雞脾大隻又入味，無得輸西多即叫即整，入面仲有花生醬🤤；有次食奶醬朱，諗住係半邊包，點知係全個😨粉麵就正正常常咁啦！ 總之就抵食！下午茶連晚餐，40零蚊有找P.S. 佢有份量再少啲既手下午茶餐

。。。鹹到離譜。。。得白飯可以入口投訴過後員工無動於衷，那如果店鋪因食物質素差劣而結業咁對他們來說都無咩所謂吧有得選擇的話不會再光顧！真係做咗咁多年人都未食過咁鹹的飯

本週六中午點了午餐：薑蔥蘿蔔斑腩飯。蘿蔔係上世紀燜的，斑腩係中世紀炸的，最惹味的是不堪入口的鹹。同侍應反映，回答是加D白飯俾你啦，白飯唔鹹。坐在門口收錢的女人聽到也無動於衷。😱真的無語。如此糟蹋食物，侮辱顧客食欲的餐廳，竟也可以生存至今。不求進步，無視客人基本需求，簡直饮食界一大恥辱。

工作中好遲先食午餐，已經係下午茶時間，呢度門外可以泊車，入內地方茶餐廳格局，比較殘舊，中央大枱都比啲飯盒佔據晒，店員搬開啲外賣飯盒清空一張枱比我哋，下午茶有個必食嘅ABC餐！大家落單後食物極速到晒！瑞士雞脾（$30）：雞髀唔算大隻，炆得入味！入面嘅肉炆得入味！瑞士汁甜膩，薯條：波浪薯條唔夠脆，比較乾硬，失望！熱檸茶：茶餐廳水準，茶底濃而不澀，好味！菠蘿包（$12）因為唔夠飽，見同事個菠蘿麵包好靚加單叫，菠蘿包焗得香脆！（雖然知係翻熱）以下係同事食奶醬多：西多士薯條沙律店員好忙，仲不停整理緊啲外賣飯盒（多到要入紙箱），不過佢哋好勤快，基本上見到都即刻回應！飯盒工廠

一星期總會去數次信芳廚吃飯，大概13:15左右會到，在這午飯時間也幸好不用等位太久。每次去時總要問：今天有什麼餐是沒有的？⋯⋯雖然這餐廳午時總會有些餐售完，但是因為這裡容易找位置而且送餐快，所以便總會在這吃了。至於食物。我吃過栗米班腩飯，這個還不錯吃，份量算大，班腩肉嫩好入口，栗米跟飯配，挺開胃的，就是栗米汁少了些。也吃過窩蛋牛肉意粉，蛋跟牛肉碎也是跟普通的無差別，不過不失，而且牛肉碎多這一點還真好。唯一有些問題是那意粉沒什嚼勁，感覺意粉太軟了。但有一點要稍提一提，信芳廚的午餐餐牌裡好像較吸引的餐往往都會完售（表示那餐是真的較好吃），所以在午市一時多左右進去前真的要先問有什麼餐沒有喔。

是日精選午餐揀左個黑椒牛柳粒煎蛋飯，餐飲要埋個紅豆冰，都只不過係$36。個黑椒汁味道係唔錯嘅，牛柳粒個量都足夠，雖然隻蛋唔係荷包蛋，但呢個價錢有咁嘅質素，抵嘅....我一開始係咁評價的。但直至我食左大半時---😑師傅，乜咁客氣啊...我都無話要''加料''呢舊係膠紙，一舊巢左嘅膠紙，一舊送左入口再吐返出黎嘅膠紙。嗰一刻，諗住立即同侍應姐姐反映嘅，但我朋友個咖哩雜菜飯已經食完，我嘅就大概得返三分一，嘈都無意思，就算換個新俾我都食唔落啦。咁之後我地就頭也不過地埋單走人了。餐飲業最緊要係乾淨衛生，畢竟係俾人食落肚嘅食物，希望呢種事情唔會再發生係任何一位顧客身上。

又搵到間平靚正既茶餐廳，叫左個蕃茄豬扒煎蛋意粉，個汁味道好鮮甜，豬扒又整得好好食。重叫左個肉餅飯，個肉餅都幾新鮮，調味得好正，真係好少茶餐廳整肉餅整得咁好味，呢個讚。杯熱奶茶幾香，菠蘿冰都好正，兩個飲品都做得好出色。

雖然在其他地區辦事，但卻沒有在同區食飯，反而走來了葵芳食飯，可謂有點不可思議，因為始終都要搭車時間吧。選擇信芳廚，是因為很久沒有到過這茶餐廳食飯，因此不如簡便地食過茶餐廳獨有的數字或字母餐吧。蒜茸雞扒腸仔飯是一個很普通的碟碩飯，一塊雞扒加一條腸仔，再加上茶記特製的醬汁。不過這個醬汁，話雖是蒜茸，可是沒有半點蒜茸在內，反而有點鹹鹹地的感覺吧。雞扒是煎過的，有點脆和有咀嚼感覺，香腸嘛，都是那種口味。凍奶茶可謂茶記的其中代表作，每間茶記製作奶茶，可能用上不同的茶葉混合一起，沖出來的茶味各有不同，好喝與否，就看看運氣。在茶記食飯有一好處，就是在平日上班已是繁忙，加上只有一個小時吃飯，在茶記吃飯，總會很快的吃完當天午餐。