俺流塩らーめん (東薈城名店倉)

营业中

休息中

去完水口村玩完摸蜆，回程經過東涌順路醫肚，去到無咩人唔駛等位，環境舒適，二人安排了卡位坐。美食不多主打拉麵，二百蚊埋單都算經濟。大阪燒餃子(6件) $39比平時食開形狀有點唔同，餃子呈蝦餃狀，細細粒鋪滿木魚絲，有肉汁幾好食。俺流鰻魚飯 $69鰻魚飯用上珍珠米飯粒粒分明，鰻魚汁好味可惜淋太少，魚肉不算肥美無碎骨，味道ＯＫ。黑蒜油熟成濃湯拉麵 $75大大碗拉麵得一片薄薄的叉燒有點不夠喉，但都幾好味肥瘦適中，糖心蛋黃呈流心非常滿意，湯底好有黑蒜味重口味，加了蔥花、荀絲、菠菜增加了不少口感，拉麵口感彈牙，唔錯。

原來這間新式拉麵店，擴充得非常快，很多地區都有，住所附近都有一間，但是沒什麼人會在屋企附近食成百蚊拉麵吧。看一看餐牌，好像沒有什麼類型的麵條，湯底就有幾款，其餘都是配合不同的食品。反正現在外出吃東西的機會不算太多，間中來拉麵店，倒不如一次過試最多的，因此就點了個俺流男盛拉麵，點了鹽湯那一款。可能由於店子不算太大，內裏亦都未有坐滿食客，因此拉麵很快便端來了。湯底熱燙的，先喝一口，輕微鹽香感覺豬骨湯不夠香濃，但亦都不會太過鹹。餐牌上面沒有麵條選擇，就是因為它所用的麵條，是最基本的日式拉麵麵條，這樣感覺不太好因為麵條的賣相就像普通快熟麵，只看麵條，其實和家中自己煮的快熟麵差不多；麵就挑選了硬麵，煮得還算夠硬身，有點兒嚼勁。湯底旁邊還有少許柚子蜜的柚子皮、青荵白荵調味。點男盛拉麵，因為會有齊三種配料：即是雞塊、叉燒、糖心蛋。本身一看，雞球炸完之後直接放進湯底之內，心中暗想不妙，在心算如果一咬下去雞球是暖的那就大鑊豈料，雞球是意料之外那麼熱燙沒有浸在湯裏邊的，當然比較香脆，浸在湯之內，外皮稍微軟化，但亦都不見得特別軟林林，反而令到雞球有兩種口感顯得不錯。雞皮之外，中間的雞肉亦都保留相當肉汁，中間

聽講呢間拉麵店係東京涉谷好岀名，今日入開東涌咁岩見到就試下啦😋未點餐就見到枱面有4隻醬汁，分別係黑蒜油，柚子胡椒，梅子醬同辣油。佢仲有哂唔同拉麵配搭到既醬汁😛我貪心d想試多d餸就揀左俺流男盛熟成拉麵，入面有炸雞，叉燒同溏心蛋❤️湯底好濃郁，油而不膩👍🏻👍🏻👍🏻好味呀！黎到小食，身為芝士愛好者，呢個明太子芝士餃子極度推介👍🏻👍🏻芝士夠多👍🏻🤣仲做左火炙既效果，好惹味朋友叫左碗辛辣塩湯拉麵，辣度唔高，唔食辣既朋友都可以應付到🤣覺得唔夠辣可以加辣油麵上面仲有d柚子調味❤️辣中有甜❤️立即加分

又心思思想食拉麵 😋去左東涌搵左間新開冇幾耐既俺流塩らーめん 環境開揚 平日6:30 唔洗等位👍Menu 有唔少選擇主要分3大類: 特製 熟成 塩老公揀左期間限定 三重芝士熟成拉麵 🧀我揀左俺流男盛拉麵 Order 完唔夠5分鐘我既拉麵已經上枱俺流男盛拉麵 $89一上枱，賣相唔吸引日本菜唔係擺得比較精緻的嗎🤨湯底奶白色，但味道較清有1隻流心蛋，但上枱已經9成熟炸雞有2大件，好入味，不過已經比湯浸淋左如果有得另上會比較好叉燒有2大塊，有炙燒過既感覺，仲有一半肥肉，口感一流三重芝士熟成拉麵 $89好多芝士，好吸引咖哩湯底好配襯芝士叉燒有1大塊但感覺比較偏向韓式多於日式總括而言，沒有想像中美味😌

今年的情人節相信大家過得有點不一樣！我今年沒有在家自煮皆因困家多天真心悶蛋到一個點呀！所以情人節晚餐我便跟車爸爸隨意在東薈城揀選慶祝！ 被寵幸的是日式拉麵店俺流塩らーめん貪其可以快快吃罷鬆人嘛！！ 檯上放滿各式的調味料包括有餃子醋、醬油、辣油和拉麵胡椒，另外還有黒蒜油、柚子胡椒及梅子醬，選擇超多更有最合適配搭提示很貼心。 點選拉麵可以＄10換購原價＄18的可口可樂最合車爸爸的口胃啦！！ 小食點了一客俺流餃子＄32，賣相非一般日式餃子反而像廣東雲吞的模樣，煎至金黃的餃子外皮香脆而內裡肉餡則十分Juicy非常可口。 嗜辣的我選了辛辣鹽湯拉麵＄65，辛辣味單一了點反而鹽較出色，加入了柚子胡椒令味道更具層次，內有一片肥瘦均稱的軟淋日式叉燒，拉麵是幼身的我選了硬身口感還不錯這價錢我收貨的，如可多半邊玉子便更加稱心了。 車爸爸選上材料最豐富的豚肉盛合拉麵＄89，內裡有軟滑富肉香的豚肉片四片、香濃肥瘦均稱的日式叉燒兩片和炆煮入味又鬆化的豚腩肉一件，另有玉子一顆配料相當豐盛，濃稠的奶白的湯底帶出點鹹蛋黃的味道絕不是我杯茶！ 那顆玉子咬破後邊位略熟！可幸中心位置

今日到東薈城食下午茶，二期開左好多新食肆，其中見到有間日本拉麵店，平日晚上都要排隊，見今日下午無乜人，一於試下。一個人坐4人枱，非常舒服，一坐下馬上遞menu同清水，水杯面蓋住張紙巾，感覺衛生清潔。第一次來，叫左一碗人氣黑蒜熟成濃湯拉麵。不用五分鐘就上，湯底非常濃郁，味道適中不會太鹹，附一塊厚叉燒同一隻的流心旦，落單時要求有葱和筍，夾埋拉麵一齊食非常好味，拉麵底揀左普通，口感確是軟硬適中。整體而言，環境舒適，服務良好，味道也非常地道，可改善是拉麵上時再熱d仲正，下次會再試其他野！

星期日出黎東薈城搵食一直知道將會開一間拉面店 今次行過終於開左啦門外仲有人排隊前面有7-9人 等左20分鐘就可以入排隊個隊 店員比定菜單我地自己剔同男朋友分別叫左蛤蜊拉面$89，豚合盛拉面$89御飯$1x 明太子芝士餃子$39見佢推介係蛤蜊拉麵有別於一般拉麵店 竟然係海鮮拉麵 湯頭好鮮 唔會濃到好杰身 最後加埋飯食 飲晒呢個湯咁濟蜆有好多 隻隻都鮮 唔腥 $89 物超所值面質係一般貨仔 中規中矩好細心咁介紹邊款面 落咩調味檯面有好多款你揀 唔驚落錯左 唔好食豚合盛拉麵我加左黑蒜油調味 淡淡既蒜香湯底濃度 豚肉有厚叉燒 薄叉燒 豚肉腩片厚叉燒 唔算淋 有少少鞋玉子水準好高 另外追加多隻都係$1x 面質都上面個個拉麵都係一樣明太子芝士餃子🥟 唔算好推介 佢有推介 俺流餃子 🥟 應該會更好味一點價錢加埋一 $26x 東薈城黎講算唔錯 應該會再回頭

上到黎 有一條可以接受既人龍排緊咁排左一陣 就有店員送上menu 比我地睇主要拉麵就分左三大類 特製 熟成 同鹽睇完簡介都唔太睇得出個分別( ´▽｀)就係不夠具體 等左大概四個字入去見到set 枱主要就係放水 然後再紙巾喺上面免左成杯塵 不過都有成壺水比你自己斟兩個人其實叫左兩碗拉麵！不過同行者冇等我拍照就狼呑虎嚥佢嗌豚肉盛拉麵個樣係擺到同menu一模一樣！大概係豚肉片 叉燒 豬腩係好好食既。。。叉燒有兩塊 都係厚切配料既豬個量一黎多 二黎口感不一致食落一啲都唔單調！豬骨湯好濃郁半熟蛋係一整隻上！唔係單邊我既係柚子拉麵叫完後悔左 死啦又鹹又甜又酸會唔會好伏但結果冇！個湯好清 但食到柚子味！係鹽味但有柚子香真係大推薦！上面再配返少少柚子絲係少少甜同少少酸 但真係唔伏 反而多種清新感如果跟豬骨湯就可能唔夾 但呢個真係好好食講返 本身每個拉麵都配左竹筍乾 蔥 同菠菜！好少見呢個組合 但係夾既！個麵口感都係好食既 揀左硬就係有口感既硬！叉燒得一塊 但好厚 肥瘦係適中既 呢個係期間限定risotto 可樂餅( ´▽｀)個配搭又係對我黎講好新好伏( ´▽｀)但又係好好食入面係芝士risotto 出