俺流塩らーめん (大埔超級城) (已結業)

第一次食呢間係坑口分店，當時叫咗個炸雞拉麵，覺得啲雞好似炸完擺咗好耐咁，又浸到林晒，所以都冇諗住再食呢間.....不過因為繁忙時間，周圍都好多人，而呢間嘅店員知我哋有六個人都非常協助我哋可以盡快入座，所以比多次機會佢啦😌我就點左呢個有寫住「人氣」嘅俺流特製撈麵，同我上次食嘅拉麵簡直有天淵之別啊！以為係拉麵店食撈麵應該平平無奇啦，佢嘅自家製醬汁同個麵好夾，不過略為鹹咗少少，但識落好開胃，如果可以多舊肉就好啦！🤪

呢間鋪既員工態度真係好差唔係個別 當日有四個員工 兩男兩女爸母先到 先入座 因為第一次黎唔知係自己寫字點餐 而點餐紙又攝左係餐牌入面見唔到所以叫左店員話想點餐 點知個女員工直頭係西佢地面 然後同佢地講:「咪比左張紙你地點餐囉」態度好差後到入黎無人比水杯 同店員想要水 又係完全無回應行去拎完放低枱面送餐上枱 又係完全唔講野 拎住兩碗野企係我地側邊 等我地有反應縮開 然後放上枱就算水壺無水無人加 水壺蓋好容易比冰撞開 倒瀉左叫店員 又係西住面咩聲都唔出咁求其抹 連冰都無抹走哂我地全家人每次叫店員都唔該前唔該後 麻煩晒你咁啲員工都咁既態度 衰過去茶餐廳真係得門口個收銀係正常重要收加一服務費 但完全無服務可言個個趕客咁款 唔係祈求要五星酒店服務但真係普通禮貌都無

今次嚟咗食拉麵，點咗黑蒜油熟成濃湯拉麵。一嚟到個樣好𡃁，淨係睇個樣就好吸引，好似好好味。試真啲，個湯好好飲，同日本拉麵店一樣，拉麵底可以揀硬度。呢間拉麵同湯都好正。不過拉麵入面有啲有柚子絲，個人就對柚子一般，因為本身柚子甜中帶甘口，最後食到有點帶苦。如果有得走柚子絲就perfect喇

今次係第二次食呢間日本拉麵店，第一次食嘅時候已經差唔多係三年前🤔， 嗰陣食呢間拉麵店嘅時候唔係太討好可能揀咗個小編唔係太鍾意嘅湯底👉👈， 所以之後冇再特別去試其他嘅拉麵，三年後再返嚟食佢嘅第二款拉麵感覺好好多😏，而且係我鍾意食嘅湯底佢嘅拉麵偏硬，小編揀咗質感係普通拉麵，但係都比較硬， 鍾意食淋啲嘅朋友仔記得要揀軟身啲啦😊😗， 拉麵入面亦都有兩塊叉燒，都係偏淋嘅，感覺有啲似味千拉麵入面嘅叉燒 😋😋我哋今次揀咗定食會有一碗拉麵一碟餃子同埋一碗沙律畀我哋， 餃子都好唔錯，過咗一陣表面依然脆身👍 #好耐冇出去食好嘢啦

我其實都好鐘意食拉麵。食過咁多間，呢間個質素都算係香港黎講，價錢大眾化得黎，拉麵又好食，湯底又正。個人最鐘意佢個黑蒜油豬骨湯拉麵。不過今次試新野，個炸墨魚就麻麻。淋身左d，無乜口感，同埋唔夠脆口。

今天是平日，經過這間日式食店門外看見相片吸引，餐牌上的午餐配搭及材料都很合自己口味，瞄了一下餐牌價格，以日式食店來說，食物價錢不算過高，而且可能過了午飯時間，店內有很多桌子空着，人客稀少，但大埔超級城附近選擇頗多，猶豫了一會兒，便決定一個人到店內吃午飯，餐牌上主要有各式各樣拉麵和日式便當，考慮後我點選了一個俺流叉燒飯，可惜試食後覺得可以用難食嚟形容，醬汁味道尚算可以，跟飯的流心蛋也屬于正常發揮，跟餐小食三隻餃子挺好食，皮薄細軟，但...最最最敗筆的地方是整碗飯的靈魂叉燒，叉燒十分乾硬，完！建議食拉麵比較穩陣

我喜歡食日本餐，因為总是比較乾淨，店員又比較亲切有禮。所以今日放假都係食返个日本野。聽講大埔有間日本野食午餐五十蚊左右都有得食，真係抵，立即去試下。原來係炸雞飯，好似叫炸雞丼。个飯勁多沙律醬，雞又真係炸得幾好食。个日無咩人，環境好舒適。

三重芝士咖哩熟成拉麵，芝士粉絲一定要試，有幾種唔同既芝士口感，反而蓋過咖哩味。另一個芝士意大利飯可麗餅反而大有驚喜，內裏飯不會太乾，小小溶化芝士，加上表面脆脆，小小一舊很易入口，勁推

好鍾意佢拉麵可以選擇軟硬度，可以選擇蔥花同筍要嘅份量。鹽湯比較清爽容易入口，但個人覺得拉麵份量比較多。午市套餐有連野飲，薯仔沙律同埋餃子。餃子不錯，但薯仔沙律食落味道好青🤢個人覺得價錢合理，但相對同區飲食偏貴

今日中午黎開大埔超級城，經過呢間餐廳諗住都係行過睇下個餐牌就算，暫時唔想食拉麵住。不過最終入咗去幫襯 😂 原來佢地個午餐有飯食之剩重幾抵食 😍 😍午市餐牌有 9 款食品選擇，4 款拉麵 5 款飯 ; 叫咗叉燒蛋丼定食。午市套餐每款都會隨餐附送薯仔沙律、煎餃子同飲品。薯仔沙律賣相就差啲，不過生菜新鮮，薯仔球都好好味，加埋胡麻醬酸酸甜甜好醒胃，飯都食多幾碗。😌餃子外皮薄身，而且煎得脆口，內裏餡料亦好足。👍🏻本身想試提子梳打不過無哂，而蜜瓜味之前飲過味道唔錯，所以今次試橙味，不過味道無咁好飲，芬達既橙味汽水好飲過佢。叉燒蛋丼 : 見到實物已經忍唔住，不過相機食先 😌 左邊係一片完整既叉燒，右邊就係叉燒粒，配上大量既蔥花。先講叉燒粒，其實同左邊果塊叉燒一模一樣不過係切成粒狀，可能係啲食材既斬頭斬尾部分，不過都無所謂，最緊要係好食，而且份量都幾多，叉燒粒食落唔嚡而且重超香口。😍 😍流心蛋時間掌握得唔錯，蛋白同蛋黃都處於半凝固狀態，所以食落好滑口，而且上枱時見到蛋汁慢慢流落啲白飯下面，想殺死人咩 🤤 🤤真係超正既體驗，一嚟白飯幾大碗，個醬汁又好好味，一個正常男仔既份量，二嚟又有沙律，餃子，同罐裝日

夜晚屋企人出外面吃，我都有機會試試新野。呢間拉麵開業初期好多人排隊，想食好多次都比人潮嚇得卻步，今晚見到人少左就入左去試。叫了個最豪（？）嘅麵，加埋一都成舊水，等佢黎嘅時間講真都幾忐忑。上枱之後見到佢嘅豐富份量同配料放返心。有炸雞、蛋、叉燒同少量洋蔥等，配得上名入面個“盛”字。正式開始食：麵軟有少少吸湯👍 兩嚿炸雞係湯有d 林，入面嘅雞肉肉質一般，索埋D湯有D咸。如果可以另上或者會好D。 叉燒煎過香口，而且肉質彈牙同爽，同一D低質拉麵嘅煲湯渣豬肉叉燒好大分別。 蛋應該預先整定有少少凍，食的時候可以切開比湯浸返熱少少先食。食完都算飽，拉麵最正嘅地方就係除左個碗全部都可以食，又唔洗lur骨。

通常接完阿囡放學都會去附近搵野食醫一醫肚，超級城有得免費泊車一小時就岩哂我。一泊好車上條樓梯就到。阿囡鐘意食拉麵，值得一提的是佢d雞肉雖然只係白洽，不過都有雞肉味。唔似係急凍貨。下午茶只係$4x 一碗拉麵。抵食

成日行過呢間拉麵店都未試過, 今日到下午茶時段, 見人少少, 一於試試佢😆 呢度環境都幾舒服, 光猛四正, 我一個人黎都比我坐卡位🤪不過waiter服務就一般般, 可以有待改善🤭下午茶餐, 拉麵+小食+飲品, 加埋一$52, 日本拉麵店來講都算幾抵食!! 個拉麵我揀左辛辣雞拉麵, 麵質軟硬適中, 食落幾爽口, 枱上都放滿調味醬汁及調味粉, 任君選擇! 小食就係餃子, 味道都唔錯呀! 總括來講, 我對今餐都幾滿意呀~! 下次都可以再試下其他拉面!

原本見個門面都五錯，點知係伏黎既，叫左個拉麵同餃子，d拉麵除左個湯係熱既之外所有野都係凍既，你五放入湯度煮下，都放入微波爐叮下，起碼五好俾人知係凍嫁，個餃子都係凍既，都五知放左幾耐

第一次去大埔超級城, 一個行到腳軟的商場! 我們到埗後走到C區搵食! 貪心的我咩都想試, 俺流男盛拉麵 $89 啱晒! 有2大件炸雞, 2大片厚叉燒, 1隻玉子! ….飽到郁唔到! 拉麵軟硬適中, 濃湯略咸! 炸雞好出色, 滑嫩多肉汁! 叉燒反而有點失望, 好嚡又硬! 食完呢碗麵, 口渴足一日! 黑蒜油熟成濃湯拉麵 $73 ~ 睇個樣就已經知唔夠我嗰碗吸引啦, 咁少餸 (最後偷人哋炸雞飯既雞)… (有人食拉麵只會著重個麵, 有無餸係無所謂的, 但係無餸既麵我會唔想食 lor …好貪心) 唐揚炸雞飯 $42 ~ 炸雞無得輸, 足有3大件!明太子芝士燒餃子 $38 ~ 有6件, 好抵食, 勁多明太子醬, 芝士放面再燒,趁熱食有拉絲! 註: 設有柚子胡椒、梅子醬及黑蒜蓉的不同調味品, 每枱設有店主推介拉麵最合適調味搭配建議表, 可以一試! 飲品 + $10 (波子汽水 +$14)