俺流塩らーめん (大埔超級城) (已結業)

連名都唔識讀嘅拉麵店，經常都排長龍，難得平日下午茶人流較少又有優惠下午茶餐，試！下午茶餐都有四至六款套餐可以選擇，唔記得實際數目，總之夠揀啦！我哋揀咗櫻花蝦鮮雞肉拉麵同埋叉燒蛋丼(每份$48)，套餐包三隻餃子同埋一罐水果味嘅梳打，眼闊肚窄嘅我係都要叫多份炸雞($42)😝。細細碗拉麵/丼，女士們夠食，男士就要加碼。拉麵個湯底好鮮甜👍🏼，鮮雞肉有味唔會淡戊戊，醬油飯都好食，如果飯再熱少少醬油多少少會更好，炸雞出奇咁大份，雞好滑，皮再脆一點更好，不過都好好味，抵食！結論是會再幫襯。

今晚食壽司, remote 用app 拎飛等80張！老公話肚餓，咁就去左隔離食兩碗拉面先啦！但兩個細路係都要話要食壽司！咁唯有食完拉面先再過隔離食壽司啦我地兩個揀左一碗2號一碗3號！個湯濃到呢....冇得彈我仲要加多一匙羹黑蒜蓉！超好味👍🏻👍🏻👍🏻連小朋友食左都話好味👍🏻👍🏻👍🏻

知道腦細喜歡食日本菜, 又喜歡食日本拉麵, 我就上OPENRICE睇下, 睇下有冇新選擇......搵OPENRICE最好啦, 多選擇, 又多食評, 又多圖片分享//////好唔好食, 一定要嚐試食下先知///////又唔係貴, 一大班朋友去又好, 三五知己去又好, 同事幾個加埋紬腦細去又好, 最緊要食的開心, 又滿足, 有時候真的有很多驚喜喔! 上網一看, 大埔好少有全日本拉麵專門店, 好有新鮮感外, 很特別......麵的湯底有黑, 柚, 梅及俺之分。我們點了有飲品提供的拉麵SET, 見到飲品, 香港未見過的了.....有烏龍茶、蜜瓜梳打、提子梳打、檸檬茶及可口可樂選擇柚子胡椒、梅子醬及黑蒜蓉的不同調味品, 很獨特。 拉麵有埋小食沙律配上, 好味道。 拉麵有埋小食( 明太子餃子 X 3 ) + 大板燒餃子X3 配上, 很有脆及好味道。 炸雞肉好脆及熱騰騰的喔! 辛辣濃湯拉麵及俺清湯拉麵THANK YOU SO MUCH FOR BIG BOSS

我覺得拉麵味道不錯味道和在日本吃的有點像只是可以多一些小吃就好了。我鍾意嗰個俺流男盛拉麵，炸雞也算吧。雖然很好吃但有人食咗半碗就唔吃啦。麵好吃但飲完湯之後要飲好多水

老公好鍾意食拉麵，所以成日會帶我去唔同地方試。今次去咗呢間成日見到嘅拉麵店，嗰日係星期五但係竟然有位，入到去叫咗一個撈麵、一個拉麵同埋小食，小食唔錯嘅，拉麵亦都OK，不過個撈麵就有少少失望，整體來說講都OK嘅，可以試吓

商場人流真是多又多..........特別是假日........這間是排隊入座的.........有數款吾同口味既拉麵......有辣有吾辣.......還教你怎樣配搭................幾特別丫！👍🏻👍🏻👍🏻點了一客明太子芝士餃子.......不錯不錯.....👍🏻👍🏻👍🏻👍🏻👍🏻👍🏻重口味辣味拉麵 沒有溫泉蛋辣味芝士.....有溫泉蛋！ 但芝士味不足黑蒜撈麵.....又是重口味！

#LuBie大埔🍜俺流男盛拉麵（$89）（🤤：5.5/10）🔽都係第一次食呢間鋪頭，之前行過都唔知佢係賣拉麵既，因為裝修果啲都唔太日式。去完日本之後 返香港第一次食拉麵，水準要求當然唔可以太高，但係呢一碗拉麵就未免太不入流了吧。🔽雖然未至於去到難食，但幾方面都做得唔太好。湯頭方面，係濃白湯，但個人覺得個湯較稀，亦都無咩味，難聽啲講個感覺就如飲緊公仔面既湯。麵方面，選擇左硬身啲，食落普通 但掛湯能力都可以既。餸方面都幾多款既 有菜、荀、蛋、叉燒同炸雞。嚿炸雞係凍既 應該係最後煮完碗麵放落去既，完全無幫嚿炸雞keep warm,隻蛋唔太流心，裹面有八成都係熟左既，同埋無咩味。叉燒就應該係最好食果樣，兩塊叉燒都夠厚身，油份唔多 所以唔會好溶係個口度，但幾有肉味 同燒得幾鬆軟。📍俺流塩らーめん Oreryu Shio Ramen📍大埔安邦路9號大埔超級城C區地下516-517號鋪#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foods

今日同皇太后❨我呀媽❩去shopping﹐正式嚟講即係做跟班。由於行到腳攰，又見呢間拉麵店唔使等位，所以9秒9入咗去。查實間拉麵店中文叫咩名我真係睇唔明，因為太潦草，又有日文，於是我用麵嘅名嚟search下佢有咩特別。原來呢間店係從日本嚟嘅過江龍。我地叫咗清湯底嘅俺流鹽湯拉麵同埋俺流柚子拉麵，麵嘅份量ok﹐我地選嘅軟硬度係普通，皇太后話麵條質地好，食落有咬口。叉燒夠軟腍，不過份量就…﹐半熟蛋唔算特別出色。講到拉麵嘅靈魂-湯底，其實冇咩特別，只係柚子果碗有d柚子皮點綴下，有少少少少柚子味。另外，想讚下侍應，友善、有禮。

新開咗唔係好耐，見到都幾多人幫襯，就問個侍應拎個menu嚟睇吓啱唔啱食，就咁就比佢個menu吸引咗入去！入到去，已經擺好位，用紙巾cover了杯水，可以避免入塵~用剔剔紙入單，方便簡單！半開放式廚房，見到大部份煮食程序同衛生情況特製撈麵(HKD73)-實際賣相與MENU相符柚子拉麵(HKD73)-實際賣相與MENU相符個蛋好精彩呀！可惜食嘅時候仲係凍，可能我太心急食佢，如果浸耐少少會熱啲~雖然肉嘅面積唔大，但個厚度令我有滿足感，而且燒至焦香，令人回味呀！麵係比較白同幼身，唔會太淋或太硬，我見廚師會用計時器渌麵，相信佢地可以做到一定嘅標準！

一直是電台識貨之人的聽眾，所以今次試試跟大家評論一下到底這間餐廳抵唔抵食。中午時分，餐廳有提供lunch menu，麵+小食+飲品=$78+10%；飯+小食+飲品=$68+10%。我選的拉麵是辛辣塩拉麵+大阪燒餃子三隻+罐裝coke zero。拉麵的麵條算細，煮得剛好，亦沒有鹼水味。但由於湯底不算濃厚，應配上較佳掛湯能力的麵條，在這方面便稍有不足。塩味湯底配上少量柚子皮，口味十分清爽。唯香辛料的部分，只是外加的一匙辣油，而香氣缺乏，辣味流於表面，建議無需選擇辛辣口味。配料方面有一撮筍絲、一撮菠菜、一堆蔥和一片叉燒。筍絲有口感，叉燒算鬆化，整體配料的口味不錯。但只有一片叉燒，略嫌太少，而午市套餐裡面的拉麵也沒有蛋。小食方面，餃子大小只如魚皮餃，配上燒汁、蛋黃醬和木魚，幾乎看不見餃子本體。餃子細小，加上餡料欠奉，吃進口裡，只感覺一大堆木魚、醬料和餃皮。飲品是罐品飲品也就不佢評論了。就價格而言，在香港吃到的拉麵麵不怎麼便宜。這個拉麵套餐配上飲品和小食才不到一百，在拉麵界來說看似抵食。但拉麵水準一般，配料不足，略扣分數。主要死因更是那難吃得要命的餃子，真的不要更好。這樣的預算，吃到這樣的份量，

見超多人排，再睇開飯食評及相，決定試下，一試先知，食評内啲相，應是廣告。中伏了~排左28分鐘,食碗又凍，莫講話弹牙，佢呢碗麵身淋晒，麵完全無味，湯超咸。简直係伏中之伏。最奇妙係，成個麵底，都未掦開，但就完全淋到爛晒！伏！

大埔拉麵店不多，經朋友介紹呢間超級城既拉麵，叫左一個俺流男盛熟成拉麵，湯底豬骨做主調。湯底奶白色味道夠濃郁。配料有厚叉燒同炸雞，有炸雞真心有d 9唔搭八。叉燒好厚身，但有少少鞋口。味道都唔錯既，炸雞浸左係湯，淋哂，呢個配搭錯哂！哂料面揀左硬，幾彈牙明太子餃子個賣相唔知想點，味道還可以既，但餃子好似糊仔咁，個皮整得好差

經朋友介紹這個位於大埔超級城的拉麵。身為一個日本愛好者，都算吃遍無數拉麵，但這個拉麵店個人認為試過一次便夠。與男友點了個男盛豬骨拉麵，價錢$80多，不貴而且份量很大，有炸雞、叉燒及半熟蛋。拉麵選了硬，尚算有咬口，不俗。叉燒非常厚身，亦因爲這點，有點o鞋口及痴牙，不夠稔身。炸雞略嫌太大，而且浸在湯內，外皮變稔失去應有的脆口感覺，敗筆，整件事變得很港式。明太子餃子賣相不吸引，皮太稔，口感像吃漿糊。唯明太子味道搭救，但不試也罷。但大埔拉麵店欠奉，非要吃拉麵都可以一試

假日晚餐時段, 預左周圍嘅餐廳都會有好多人等, 但唯獨是呢間門口仲未出現人龍, 抱住終於搵到間唔洗等嘅餐廳心態入左去試｡ 餐廳雖然唔算好大, 但佢嘅座位都幾多, 而且唔會坐到好迫｡呢間拉麵店出名食俺流鹽拉麵, 湯底主要分鹽湯同埋熟成鹽湯, 聽講熟成鹽湯係用壓力煲將豬骨、雞骨同其他蔬菜材料煮成｡ 既然咁出名, 緊係要 Order 一碗試下啦｡辛辣熟成濃湯拉麵先飲番啖湯, 微辣, 味道 OK, 但唔算好濃味｡ 拉麵屬幼身, 可以揀麵嘅軟硬度｡ 有一塊薄叉燒、香蔥 & 筍｡ 整體黎講驚喜不大｡

好少會路經大埔。今日咁啱路經呢度，見到呢間平時喺其他商場要排隊既拉麵店有空位。一於試下。睇下有幾好食。黑蒜油熟成濃湯拉麵 $73其實我都唔太清楚黑蒜油應該係咩味。呢碗拉麵中規中距啦。麵我選擇咗“硬”，算係幾好。湯頭係幾濃味，但唔係嗰種長時間餚煮既味道。配料份量好少，塊叉燒共實幾好食，可惜非常非常薄，而且只係得一千零一塊。筍份量少得可憐。煎餃子 $30幾香口。可惜無餃子醬油供應。整體非常普通。如果要排隊就免問。