倚窗閣

营业中

休息中

放工放得夜，又想 坐得舒服啲食餐好， 最好不過嚟九龍酒店， 因為佢哋嘅宵夜係九點半開始， 適合曬我哋啲夜鬼食物種類唔算太多， 始終都係宵夜時段， 但總叫有生蠔刺身 算唔錯， 其實已經嚟過好多次， 但我覺得佢嘅水準冇以前咁好， 尤其喺食物 種類同質素方面， 希望可以改進環境 裝修唔算新淨， 但坐落去都係舒服， 重點係佢哋泊車非常方便， 唔使畀人泊， 自己直泊樓下入去就得。總結： 如果你係夜收工又想 坐得舒適輕鬆下， 佢係唔錯嘅選擇， 但就唔好期望嘢食會好好食， 不過總體都唔算太差

🇭🇰倚窗閣·我哋又買咗九龍酒店既staycation package啦 🥳今次我地其實主要係想試佢個自助餐 因為我哋睇Alfred同埋有啖好食都話佢個自助餐超級高質 講到勁好食咁 超吸引😈所以我哋就想趁而家有呢啲package去試 如果唔係平時正價我咁細食我真係覺得好唔抵🙊🙊😂·今次呢個佢係$1000房價 之後會送$1200嘅dining credits比你 補多$200就可以食埋佢地個自助晚餐姐 性價比我覺得ok啦 幾抵既 但係超級抵又未到😂因為佢間酒店房真係好普通 就算我哋嗰日勁好彩比佢upgrade咗上行政樓層 但係其實間房同張床都係比較細 而且係無咩設施可言🤭不過佢個自助餐真係幾唔錯既 尤其係啲中式野同肉類好高質 依家就咁食buffet都做緊75折 可以一戰既·「鮑魚 · 龍蝦海鮮盛宴」自助晚餐星期一至星期四 $588 (​​折後 $499.8)星期五至星期日 $638 (​​折後 $542.3)·是日燉湯-木瓜海底椰燉竹絲雞老黃瓜扁豆煲唐排因為佢間餐廳實在太凍 所以今次我地繞場一圈之後第一個攞既係佢既湯😂😂佢個燉湯真係做得超出色 超級真材實料 而且係勁有燉湯嗰種甜味 飲落好舒

早兩日透過九龍酒店eshop購買自助午餐券，今日到倚窗閣享用。七五折後成人每位$270.3，長者每位$244.8，價錢已包原價10%服務費。今次一行3人獲安排靠窗之4人枱，環境理應不錯，唯兩面玻璃之窗簾中間有虚位，其中一個座位被太陽曬住；另，餐枱離食物枱頗遠。熱葷不太吸引，選擇亦不太多，可能係唔太啱胃口吧！凍海鮮只有青口、蟹腳/鉗同生蠔(我唔太好青口)；刺生有幾款(我見三文魚唔太靚，無食到)。沙律都係啲正常嘢、生果只有3樣、甜品大概係10款左右。整體感覺不過不失，但我就未必會再有興趣食多轉。

聽朋友講話倚窗閣好好食，就去ehshop訂位試下。。下午buffet有生蠔，有鵝肝，真係好難得，重點係好新鮮，好味。 。款式選擇十幾款，我覺得好足夠，主要係熱食都幾好味，由於我唔食太多凍野，所以都品嚐晒所有熟食。很好😍。。甜品，疏乎厘必食，芒果拿破崙必食！。員工禮貌好，環境好舒服，今次用優惠270蚊一位，費事出去食個飯，都要咁嘅價錢。呢度坐得舒服地方，慢慢享受，平到爆炸😂。由於我係咁食嘢，今次冇影好多相😂

每人$340的價錢，未能食到應有嘅質素生蠔迷你版，要回本靠佢。熱盤選擇極少，食哂好耐都唔refill，慳皮？？甜品蛋糕小貓幾款，得一檔即焗梳乎里，無即煎pancake，無lunch buffet 預期嘅陣容，朱古力控，竟然無得食朱古力蛋糕，too sad...雪糕以為有幾款Movenpick，專心一睇，得兩款ja，其他係dryers...

9月20日去食dinner，當晚去到見到有三款生蠔🦪其中兩款即開，心諗唔錯喎點知唔夠45分鐘，即係6:45 即開生蠔已經冇晒，咁咪諗住試吓開好嘅生蠔啦，點知仲差過啲$10隻，淨係食到啲雪水味，蟹腳得個鹹字冇鮮味，刺身吞拿魚食落口好似俾水浸透過嘅炸渣，希靈魚鹹到抽筋冇諗過連刺身都咁差，款式又少，唯一最好食嘅就係羊㗎，連雪糕未到9:00 已經得返4-5個，嘢飲區仲要有曱甴，未試過未夠鐘就已經可以走人，簡直差劣，$5xx咁嘅價錢，真係冇下次

首先，食物種類非常少，甚至乎係無咩人會不斷fill返野食。個鮑魚一下就比人拎走晒，行左幾轉都無人會再補。壽司來來去去得一兩種，海鮮淨係得蝦、蟹、青口、生蠔。都唔算好生鮮....見到龍蝦佢每次淨係擺兩三隻出黎入面係沙律，食唔出龍蝦。食到一半，成張檯都係碟，無咩人會執下碟，換碟換餐具。完全係唔夠職員工作。野飲都係得熱水，熱咖啡，自制凍檸茶🤬連飲杯可樂果汁都無熟食真係來來去去得幾樣，普通到你平時食飯都見到既「欖菜炒四季豆」「金菇炒時蔬」😑 唯一比較好食就係牛扒。基本上行一次，你就行晒成條buffet既空間。真係好少野食好少種類，好似唔知食左咩咁。甜品都算唔錯既，有movenpick、梳乎厘、豆腐花。但真係無下次，完全唔值哩個價。疫情下食物都變少左好多好多😑唔推薦

食物種類少，味道一般，無性價比。生蠔又萎縮，希靈魚咸到一個點。嘢飲剩係得茶同咖啡同水，連基本果汁都無。梳乎厘甜到完全食唔到，燉蛋好老，除左芒果拿破崙，同兩款玻璃杯甜品食得下。三款生果，得菠蘿有味。台面都係碟無人執。其餘大部分熟食都係一般般，浪費咗三百幾蚊，完全唔值得黎，唔會再黎。。。。。。。。。。。。。。。。。。。。。。。。。。。。。。

見eshop75折今日狗衝原來要早2日買先用得，好在經理通融 大家也要注意下。今日遲了入場但疫情關系人流不多 以為refill會慢 但還是很快 食物款式和種類十分少 熱盤幾款 少律幾款 中西湯 咖啡機 凍檸檬茶機 由於疫情不開夜市 店家所訂既貨cut唔切 聽講平日蠔只有一款但今日就有兩款了 剛到也有三四人排著 開蠔洗蠔只有一人 但也不慢可能食客少 今天是美國同法國蠔 個人推薦美國 兩款都好食 都有海水味 286蚊全包 即開算抵食 放題連加一都220啦 另外青口 蟹腳 藍青口也不分好味燒味有叉燒同白切雞 味道也不錯 粥和pizza沒有試 熟食幾款有試一下 不過不失沒驚喜 甜品一般 movepick 沒想像中好吃 是日4款分別是雲尼拿 朱古力 士多啤梨和曲奇 職員收碟速度一般正常 酒店wifi只有半小時比較可惜。。。有機人會還會再去L4出口

親人生日指定食九龍酒店自助餐，之前食過 都好食。今次 姑勿論， 好唔好食、 服務如何，食完之後 一個鐘頭左右即刻肚瀉，周圍搵廁所。食嗰陣時，生蠔都算新鮮（ 除咗少少蠔殼）、三文魚魚生除咗唔係咁肥美都可接受。平時都有食開 平民連鎖壽司店、超市壽司， 都冇事， 腸胃應該都ok， 估唔到酒店自助餐出事。 唯一有個讚既位，短髮女經理服務週到。唔知其他人有冇試過食佢嘅 午市自助餐既生蠔同三文魚後肚瀉。我估我有一排都唔會食生蠔同三文魚魚生。

今日終於可以解除限聚令，我地一行九人去左九龍酒店食Lunch buffet,因朋友在網上先付款有折，平均一人$270左右。海鮮選擇很少，除了生蠔只有蟹腳同青口，魚生約有五個品種，都係一般款式，甜蝦同帶子都無。熟食款式唔多，只有幾款熱食如燒牛肉，紅燒火腿，菜和生滾粥，但無粉麵選擇。湯有一款中湯和一款西湯，甜品種類ok,有豆腐花，芝士蛋糕，芒果拿破倫，款式比較多，冷熱齊備。另外有咖啡檸茶無限供應，略嫌待應出食物比較慢，經常有盤沒有食物。

~$280 人均消費可以食到有生蠔，長腳蟹，刺身，牛肉片，其實都算唔錯。值得一提係，生蠔係好鮮甜，有濃濃嘅海水味鮮味，當然同高級肥美既有一段距離，但考慮到價錢，會覺得非常值得。蟹，味道其實普通，不過叫做有多一個選擇。刺身，有三文魚，鯛魚，玉子，蟹子等，味道中規中矩。牛肉，佢係從一大塊牛肉上面切出黎，個人覺得有驚喜，牛肉肉質鮮嫩，汁液都配合得非常好，有紅酒蘑菇汁，值得推介。其他熱食，選擇唔太多，味道都中規中矩。甜品，有熱嘅疏乎厘（值得一試），其他都正正常常。唯獨飲品欠奉，需要改善嘅地方。總括而言，考慮到性價比，生蠔同牛肉既質素，我會推介大家去試吓，但如果佢返$350到，就會再考慮吓。

早前與友人到九龍酒店的倚窗閣來了一餐豐盛的自助晚餐。由於健康問題，餐廳改了模式，點餐再送到枱上。侍應們的服務態度非常好，速度快我們一入坐，侍應便送上新鮮海鮮拼盤，有長腳蟹，生蠔，鮑魚，凍蝦。海鮮拼盤很新鮮，而且十分鮮甜。凍蝦爽口，鮑魚味道有點不足。生蠔有兩款，一款法國，一款紐西蘭，我認為後者較為好吃雜錦刺身，份量多，三文魚腩刺身新鮮，吞拿魚水準差了一點。餐廳送給每位客人一口和牛和鵝乾，口感不錯甜品大概十款，推介芒果拿破崙，草莓瑞士卷。草莓瑞士卷有半粒大草莓。

失望至極的自助午餐，地方整潔一般，服務人手不足，供應食物水準未如理想。燒味只有义燒和油鷄，中式點心欠奉, 有預先煲好的粥品供應。除－欵炆伊麵外, 沒有其他選擇，連基本炒飯都無。熱葷有幾欵例牌菜式，冷盤少得可憐，煙三文魚都無供應 ，壽司細到手尾指大小，刺身全是超市包裝貨式！生 bar 的生超小型, 體積只有五毫子大少，温度又唔夠凍。總括只有甜品見得人。生果又係失敗，只有西爪和密爪粒。從無試過這應差的自助午餐。

傳統酒店的自助餐，無論品質，環境，服務一定有保證。生譹，鮑魚，長腳蟹，龍蝦都是我的至愛，很新鮮，美味，價錢合理。自從疫症開始，自助餐的形式變了，不用出去拿食物，在點菜紙上✅便可以，方便得不得了，最適合我這種懶人，又可以防止交叉感染的機會。現在大部分人和餐廳都注重衛生，這樣對大家都好。