倚窗閣

营业中

休息中

之前曾經來過數次食lunch及dinner buffet，感覺很好。今次在疫情中慶祝生日，沒有了自助餐改為任寫點菜紙(鵝肝及和牛除外)，結果失望而回。晚餐餐紙上寫任點2款生蠔，點菜時卻說只有1款，而且很腥，感覺不新鮮。餐紙寫每人有鵝肝一件，來到時卻是鴨肝。餐紙寫每人一件和牛，來到時卻食不出是和牛，像普通的一片薄牛柳。食物新鮮度不足，種類也不多。4百多元實在不值。惟一可取是侍應服務良好。

  之前食過好多次午餐，因爲工作時間關係所以未能嘗試晚餐，昨天晚上第一次嘗試。  看了4月尾那篇食評，而且午餐一向質素不錯所以滿懷期待食晚餐。晚餐eshop一早買定，現在來說其實算貴，因為5星級酒店都紛紛降價，呢度而家呢個價5算便宜。有留意的朋友一定知道，例如尖沙咀北京道某酒店，我早兩日食過，食物尤其海鮮真係無得頂。  我滿心歡喜想著食午餐沒提供的法國蠔和鮑魚，怎知道一次只給一隻，該服務員更用十分堅定的語氣說牌子上面寫了，於是我看了看，其實牌子上面寫的是生蠔一次拿兩隻！頓時感覺自己好似乞丐！明明上星期食午餐時候態度不錯，雖然對待客人有差別，海鮮給某些客給得很慷慨，看見旁邊的4個嬸嬸桌子上都剩下好多翡翠螺海蝦還有牛扒。現在我給多於雙倍價錢竟然反而服務和食物都差左？ ？ ？我完全5明！ ！跟住張叫野食的紙上面款式也比4月那個食評裡面少好多，完全被騙！比我只生蠔細過手指尾！ ！鮑魚系打橫片開左，最好食個度無左，搞到食完完全好似無食過甘！我真係呆左！  奉勸大家，而家呢個價錢，5好食晚餐。而我本人，連午餐都一定5再幫襯，欺騙人的後果就是這樣。

大家千祈唔好去，少野食都唔緊要，質素都好D，無樣嘢好食，第一次食自助餐係咁差，生蠔唔係好新鮮，雪糕又唔夠凍，連生果都唔甜，甜品得4-5款，麻麻地，出去攞的熱食只有炒飯炒麵，每個客都會分派一份龍蝦🦞和牛肉，又un唔好食，總之差差差，大家唔好中伏😭😭

我已經很久沒有食自助餐，朋友建議去倚窗閣。我search 在E shop 買有7折約$500一位!朋友先到話餐廳會安排一份海鮮拼盤，但第一輪等侯時間要成15分鐘以上😅終於有得食以下為二人份，海鮮好新鮮，尤其長腳蟹，好大隻，又鮮甜，值得推介到我最喜愛的生蠔左面係紐西蘭較淡味，右面係美國較濃海水味及creamy ，我喜愛後者到上一人一份和牛加鵝肝，份量很少，味道不過不失另外，燕窩芒果龍蝦沙律好值得推介，我成半隻龍蝦，沙律入面啖啖龍蝦肉，清新可口整體而言，食物很高質，但食物款式太少，建議可多D熱食

大家小心泊車問題：今午和同事共17人上網訂了中午自助餐共四千多元,book 位時說明滿$400可泊一輛車,所以我們共泊了四部。自助餐過程中,部長說酒店定立的規矩是一張單只可泊一部車,而泊車費是1小時100元,所以只有一部車可以免費!之後部長說己經盡力幫我們,他們員工們夾錢幫我們交費2部車,即係我們4部車有3部免費,餘下1部是需要自費。我雖然說了一千個對我們不公平的理由,不過部長也回應一萬果理由每個都係公司規矩,不能不可沒有....酒店老細,這個部長非常值得升職加薪,用盡方法保護公司。反轉說又對我們17人又公平嗎,我們又不是你們一分子,冇人會知酒店的規矩。我book 位時問左你哋17人可否泊四車,你哋答可以,並提醒只有16個車位先到先得。如果你們神早說需要分單我哋咪分開訂。在這事情下,非常嚴重影響我們17人心情,己經冇心機再吃下去。我們再check 下張泊車飛,見到印上細字仔泊車1個鐘$180 (如果沒有消費),我們2個鐘咪$360！於是我再問清楚部長 1個鐘係100 or 180。部長細心的回答我事情己經解決了,最後一部車由他們同事們再夾錢比,並且希望不再影響我們17人吃飯的心情。總結

食評呢家嘢真係見仁見智。我唔介意你睇返我之前嘅食評 再睇下我哋嘅口味一唔一樣 我按住自己嘅味蕾去寫食評，不喜勿插。睇完上面幾個食評 好似比其他幾間做緊特價既酒店自助餐好，就決定上eshop買coupon黎食。埋單唔哂$500@ 包啤酒汽水。聽上去真係好抵呢？ 黎到先見真章。。。環境。。。嘩！ 大陸酒店咁 又暗又old school, d waiter 傾計多過做野。問佢有咩飲，佢反問我想飲咩... 之後我話，我就係唔知先問你麻... 佢話我都唔知你包唔包。。。 大佬 包唔包你咪去check lor... 唔包時, 你咪話我知加幾$咪得~  唔係咁講野既，同埋 餐廳sell drink package都有數丫.... 佢地可能要明白，香港服務業水平同佢地家鄉offer既差太遠。幾個後生d既就比較responsive同有禮貌，特別係個帶眼鏡既肥哥哥。食物 揀呢度嘅目的係因為佢每晚都有唔同地方嘅生蠔。 平心而論呢個選擇好比其他酒店多，有紐西蘭，太平洋同法國生蠔。 重點黎啦 好可惜冇一隻生蠔仲喺郁嘅。唔係即時開， 一盤盤開哂係到，每款都食過2隻，冇一隻識郁....即係唔新鮮。 如果你ok唔郁既

一家人去食dinner buffet, 唔貴, 選擇唔算少, 味道都ok. 好多冷盤生蠔, 肉食同甜品唔錯, highlighted個和牛都好好食, 不過只係出幾轉, 排到就淨係一人派一塊咁大把, 遲咗出去都無你份. 但overall都幾好！只係出面serve客人個啲staff就ok, 食物counter個啲員工就好晦氣,你好聲好氣問野, 佢啲答覆態度好似想同你嗌交咁. for example, 拎魚生, 企係佢面前話我要邊啲, 個呀姐自己發緊夢, 呆兩秒, 仲要好大聲咁喝我問我「要乜丫你」. 另一個屋企人望唔到擺咗另一邊嘅雪糕牌, 問一問個個係咩味, 又有個員工勁晦氣個頭fing一fing話「你自己睇啦」......

因為男主朋友鍾意食生蠔所以book左九龍酒店嘅自助餐🥂因為預約嘅時候講咗要窗邊位坐起上嚟就舒服啲同埋有feel啲我哋一嚟就食咗海鮮先🍽開頭主攻生蠔同埋小龍蝦生蠔有三款每次只可以拎兩隻食落都好新鮮唔會好腥size都唔會好細👍🏻小龍蝦就冇乜肉 撈左好多沙律另外都有啲青口 蝦 長腳蟹等等魚生就有四至五款即場有人煎鵝肝 但係就比較焦餐廳定時會有人fing噹噹 有特別嘅dish出嚟有咸有甜 要排隊拎🛎至於甜品種類唔算多🧁想食嗰個伯爵茶蛋糕一直都冇fill但係雪糕就有好多種有hagan-dazs雪糕杯movenpick雪糕球加cone🍦呢度服務唔錯 收碟又夠快👩🏻‍🍳我地換asia miles嚟食嘅 唔洗再比加一就可以離席總括食物不過不失 食海鮮同雪糕都值回票價環境適合一家大細嚟享用👨‍👩‍👧‍👦

每次去酒店食自助餐，都會睇吓有咩海鮮食估唔到今次二百幾蚊嘅自助午餐，竟然有任食生蠔生蠔的size幾大，食落鮮甜肥美，無咩腥味🤩除咗生蠔外，仲有兩款青口同埋蟹腳我就覺得蟹腳嘅蟹殼比較厚，而且肉質偏實如果蟹肉係軟熟啲，整體或會更好😋.今次嘅自助餐另外一個重頭戲就係即煮香草羊扒經過香煎嘅羊扒口感嫩滑香口，而且無咩羶味，值得一試除咗羊扒外，仲有無限量供應嘅即切烤雞和肉眼牛扒👍烤雞塊嘅肉質比較厚實，味道表現正常而肉眼扒嘅肉質比較軟腍，而且夠曬香，係唔錯嘅選擇😚.刺生嘅款式有玉子、甜蝦、三文魚等🍣但三文魚同埋甜蝦比起生蠔嘅鮮甜，就相對顯得有點遜色而刺身旁邊就有各式加州卷和沙律壽司等，味道表現正常.前菜嘅選擇有火腿、芝士、沙律和煙三文魚等，款式幾多而餐廳亦設有自助烘包機，方便烘到D面包脆一脆🍞前菜嘅旁邊亦放滿了各式切粒水果，有西瓜、菠蘿同蜜瓜等，款款都味道清新🌿.熟食嘅選擇都好豐富，有煙燻鴨肝、栗子燴火雞、燕窩粥同埋脆炸三文魚頭等我最欣賞個鴨肝，因為食落個肝味濃郁，而且口感十足🥰而栗子燴火雞的栗子味都好出眾，配埋啖啖肉嘅火雞真係幾搭配，好味🤪燕窩粥煮到幾綿，但燕窩嘅味道比想像中淡，重手一點就正啦🙈.

九龍酒店的消夜自助餐，生蠔比較薄身但都沒有太腥的味道都可以，所以最後都食了半打。刺 身有三款加蟹籽，刺身味道都不錯有驚喜，仲可以自取，所以都拿了不少三文魚腩。沙律都有 幾款要了粟米火腿沙律，中湯海底椰湯味都幾濃，燒味有雞有點凍仲有义燒選擇，白汁青口海 鮮的味不太濃同杰都可以，海鮮新鮮程度可以，瑞士雞翼不太好味，菜款式不多，最後再叫了 豆卜和生菜。薄餅有點濕，材料都幾好味，甜品不是太多但味道每款都不錯，拿破崙比較淋了 點，芝士蛋糕好味夠濃，甜品選擇都夠食，而且仲有即整的芒果薄餅，入面仲有忌簾都味道可 以如少點更好。燉奶，咸的類似白汁撻味道一般，最後再食雪糕，折了再加優惠每人二百七十 都可接受。

之前已經試過下午茶、晚餐同宵夜buffet，今次襯著聖誕假期一家大小就試一試 lunch buffet，價錢仲要係 cafe 假期 price list 中最平嘅其中一日，加埋另外優惠，埋單一個大人連加一都唔駛$250，真係超抵！紐西蘭生蠔雖然 size 唔係太大，不過都重海水味，還可以。青口有兩款，個人比較喜歡藍青口，口感爽脆啲。仲有長腳蟹，刺身就有5款。熟食個人就比較少食，無乜特別可以推介。甜品方面，除咗有 Movenpick 5款口味之外，梳乎厘真係要試，燉奶同豆腐花亦夠滑。保持水準。

香港人好累，容許我去咗平行時空3個鐘，食過buffet幸福一下❤️早排揀咗尖沙咀 The Kowloon Hotel九龍酒店「鮑魚 · 龍蝦海鮮盛宴」自助晚餐 #性價比高，因為好想瘋狂食海鮮。好佩服大廚嘅心思，一口氣設計到全場多款用鮑魚同龍蝦製作嘅菜式。仲有多款各國海鮮(即開生蠔都有3款！仲有加拿大雪花蟹腳， 智利藍青口baaaaaa)同自助餐必備的食物，有驚喜嘅！👄 想話「櫻花蝦蟹籽龍蝦沙律」好夾，櫻花蝦+蟹籽+柚子感覺好fresh。👄 「籠仔紅咖哩蒸鮑魚伴椰菜苗」好爽口，原來鮑魚 ·龍蝦可以有咁多玩法。Encore左好多次 櫻花蝦蟹籽龍蝦沙律 • 避風塘炒龍蝦鉗 • 醉滷鮑魚伴杞子 • 蒸鮮鮑魚伴鮮菇魚肚👧🏻溫馨提示：可能擔心大家miss咗美食出爐嘅最佳品嚐時間，當有精選美食出場時，會有同事環繞全場敲鐘聲🔔「乳豬燴飯」同「火焰雪糕蛋糕」出場都有提示，放入口嘅乳豬皮仲係最香脆！仲可以幫火焰雪糕點火moment打個卡。作為甜品粉絲食buffet係行咗甜品zone先🤤今次個芒果系列太震撼，好盡力品嚐最多款，最鐘意「芒果栗子蛋糕」同「芒果椰汁糯米飯」🎈仲有招牌「雲呢嗱梳乎厘」，Haagen-

Lunch buffet 有75折，以為吸引！但竟然加價+$100，簡直取巧！很久沒嚟九龍酒店食自助餐。現在食品選擇少，味道差，職員招待麻麻！如無意外，唔會再幫襯🙄🙄

上網看到這裡打正𣄃號任食鹿兒島和牛，哈哈原來全晚出兩次，每人限取一片，結果我全餐吃到了兩片，其中一片入口更是鞋的。生蠔我覺得不錯，細細隻夠鮮甜，有美國、法國、紐西蘭三款，多吃幾隻也不太膩。中式燉湯及老火湯也好味。印度咖哩牛：不夠香不夠辣汁水太薄像湯一樣，差。刺身只有四五款，質素一般，不吃也不是損失。埋單人均＄493，一分錢 一分貨，世界是公平的

知道屋企人鐘意食buffet，之前食開尖沙咀另外一間好幾次，今次想俾屋企人試下其他。係OpenRice 睇咗幾間既comment同比較價錢，最後揀咗呢間。今次主題話係和牛，但現場所見唔算話好多和牛款，不過其他款式搭夠。我地一黎先飲個頭啖湯，有熱野落肚先，個湯係海底椰燉竹絲雞，非常清甜生蠔有3款，美國、紐西蘭，法國，法國好鮮甜再黎就有鴨肝，煎得好脆口，唔錯，我地都食咗好幾舊另外亦都有片皮鴨、牛柳之類等肉食，都好正常刺身就不過不失，屋企人話魚質咬落硬咗D，唔係入口即溶，都係新鮮的，加拿大長腳蟹都好鮮甜，我都食咗兩、三轉其他基本菜式就唔多講，反而介紹番餐廳每晚既限定美食，聽到玲聲，店員大叫，就要識得排定隊，而今晚就係火焰和牛、脆皮乳豬糯米飯、火焰雪糕屋企人話和牛內口即溶，夠油脂，同個醬汁好夾，好得呢個乳豬糯米飯，好好食，皮夠脆，又香口甜品，雪糕款式都唔少，但唔記得影相，同埋要讚下佢地既pancake，估唔到佢地個pancake皮咁好食，唔硬，好軟熟，我揀咗榴槤蓉，簡直係perfect match，哈哈整體黎講係唔錯，仲要飲品任酙任飲，另OpenRice 有75折優惠，再計埋加一，每人都係50