健康齋廚

营业中

休息中

去完黃大仙, 想找間素食吃午餐, 見到依度有d好評, 不如去一下, 其實一個人比較難叫, 個刻唔想食飯, 叫左個鮮茄鮮竹湯烏冬, 加一個例湯, 等左一陣, 我估係老闆娘, 送上例湯, 見到也好大碗, 係粉葛🫘赤小豆, 清清地唔錯, 加10蚊真係ok, 之後再送上湯烏冬, 不過無加到蕃茄, 變左係鮮竹菜心湯烏冬, 飲啖湯先, 清清地有d味, 但味道唔算好出色, 50蚊加5蚊轉烏冬, 烏冬質素叫做合格😅, 鮮竹唔算有豆味, 我覺得硬左dd, 加左d薑我唔喜歡, 菜心條條短短地, 容易食, 菜心清甜唔老☺️, 不過整體味道我覺得叫合格, 唔叫特別令我想再來食😂但小本經營, 都要支持下家庭式小店😚

朋友中意食菜多過食肉，今晚就叫左我陪佢去左黃大仙呢間齋菜館，清清地食返餐。餐廳裝修企理簡潔，好有住家感覺，老闆娘都好友善。齋滷味（細）$40有成4-5走唔同口味的酸齋，仲有一款岩口味，入口唔會油膩，又夠入味，酸酸甜甜好開胃。紅燒豆腐$65豆腐漲卜卜，仲好多件，食極都有，調味都適中，唔會過咸，健康之選。涼瓜鮮竹$60涼瓜用豆豉炒過，唔會太苦，味甘又爽脆，枝竹同雲耳索哂精華，送飯一流。腰果菇丁$65西芹爽脆翠綠，菇菇夠哂厚實，腰果香脆，口感豐富之餘，仲夠哂清新。📌健康齋廚地址：黃大仙飛鳳街34號地鋪評語食物性價比高店員友善好客🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong#黃大仙 #飛鳳街 #健康齋廚 #齋滷味 #紅燒豆腐 #涼瓜鮮竹 #腰果菇丁 #傳統齋菜

今日就同朋友去咗健康齋廚食飯餐廳有好多唔同款式嘅齋菜, 全部都少油少鹽, 食落冇咩油膩感, 非常健康二人套餐包括一款湯品，兩款小菜+白飯南瓜素翅份量超多, 質感濃稠, 有香濃嘅南瓜味, 入邊仲有翅針木耳等配料, 口感豐富, 加左椰汁更香口枝竹羊腩煲枝竹炆得好入味, 主要用咗素肉, 羊腩都做到好像真, 用瓦煲上仲keep住個溫度熱辣辣欖菜四季豆炒素雞四季豆好爽脆,加入素雞同埋冬菇炒, 好有鑊氣有三款唔同嘅齋，酸酸甜甜好入味，超級開胃

去了一家名不見經傳的食堂，分分鐘將你拉入無肉的美食天堂。🌿 嚐了他們的招牌「芋頭魚」，嘩，外皮炸到金黃香脆，芋頭那股淡淡的香味咬落去真係「噴香」，仲有份融化喺嘴裡的幼滑，呢度真係芋頭控的天堂啊！跟住食了碟「西芹腰果炒菇」，腰果咬落「爽脆」，西芹清甜帶點爽口，冬菇嗰份香，一叮一啖，好滿足！再講埋個「竹笙上上素煲」，真係一試難忘，個鍋熱氣騰騰，竹笙同支竹食落去真係「滲味」，似忍不住要嗌多碗白飯咁！最後點了碗「素翅」，入口嗰剎那，一種說不出的「鮮味」四溢開來，豆絲仿佛與木耳打了個完美配合，真係飲一啖渴望下一啖！仲有個甜酸汁，鮮豔誘人，揸住炸物蘸一下，嚟個「開胃」又解膩。總結嚟講，今次嘅齋菜體驗簡直驚喜滿分，食得健康又唔失口感，下次再來必定再點多幾樣新嘗試！🍅🍍🍴

平時食野都偏油膩，今日就想食清淡啲，所以就黎左依間餐廳食😋。依間餐廳啲嘢食幾清淡，感覺好健康。如果我住附近，應該會成日幫襯🤣。鹹魚雞粒炒飯幾好食，雖然唔係真係鹹魚同雞粒，但係都食到少少鹹味同有鹹魚嘅口感，好神奇，唔知用左咩食材代替鹹魚🤔。茄汁酸酸甜甜咁幾開胃🤤🤤，「蝦仁」 同 「元貝」 都好有咬口， 值得一試👍🏻。粟米豆腐羮幾好飲，唔會好淡味，落左好多粟米、豆腐同菇粒😻😻，我好鍾意飲☺️。🍽2人餐： $148🍽️秘製茄汁乾貝蝦仁：HK $75

平時出街食都好少會揀中式嘅齋舖，因為一係就冇乜特別，一係就好多煎炸嘢太油膩🙈今次試嘅呢一間色香味俱全之餘，又會少油鹽，係可以成為飯堂嘅選擇😎豉汁素鰻魚鰻魚煲超有鑊氣！上到嚟仲滾緊 熱辣辣好正🔥味道上惹味得來又唔會太油膩或者太濃，份量上鰻魚都幾多，而且仲有其他蔬菜唔錯👍🏼南瓜素翅呢個南瓜素翅係最令我驚喜嘅🤩佢第一啖食落有啲似南瓜西米露，因為有好香濃嘅南瓜味🎃而且再帶啲椰香🥰 同樣都係好足料，啖啖都食到南瓜絲同其他配料，絕對推薦😆生炒排骨係我食過最特別嘅數生炒骨，醬汁方面都係普通咕嚕肉隻甜酸，但係個肉佢就用咗素肉包住竹蔗整成，令到你有食排骨嘅感覺🤣而且都係有幾多舊，配嘅菠蘿都係新鮮菠蘿唔係罐頭 🍍雪菜豆腐呢個餸平淡得來都幾好食，係有家常菜嘅感覺，雪菜加豆腐撈飯就已經一流❤️同樣都係唔會話好油膩，同一般嘅中式素食好唔同👍🏼

最初以為係一間好傳統嘅素食店，點知有驚喜🤩款式選擇好多🫶🏻淨係煲仔已經有一版menu🤣選擇困難症🤣今次就試左大家都推介嘅豉汁素饅魚煲👍腐乳炒通菜、咖喱乾貝龍蝦球(走奶)、西湖牛肉羹、粟米豆腐羹😇 全部都好食，同埋唔會好油好鹹😎仲有好多款都未試🤣下次再黎試下🤓 個人特別鐘意食豉汁素饅魚煲同西湖牛肉羹😆好香好惹味！另外，佢仲有賣一枝枝嘅羅漢果菊花茶，冇落糖❤️太好飲同消暑，打包買多枝走🤣

好耐冇幫襯傳統齋鋪，今次帶大家試下位於黃大仙飛鳳街嘅健康齋廚。💪唔係求其改個名咁簡單，呢度真係主打健康嘅素食，冇味精之餘仲要少鹽少油，顛覆大家對傳統齋鋪嘅印象。🥦由於做咗功課知道呢度嘅嘢食份量都幾多，今次帶咗個朋友 Sam 哥 👨陪我一齊食（冇錯我原來有朋友嘅）。我哋叫咗：🍱 自製齋滷味（細）$40嚟到齋鋪叫碟齋滷味食住等是常識吧 ⏳。入口真係唔油膩，食得出冇落味精之餘味道亦好好。我最鍾意嘅係叉燒，有咬口得嚟唔硬，正。👍🎃 南瓜素翅（碗）$40由於真漢子同老婆都超鍾意食湯羹，所以就算兩個人食飯都會叫一窩，不過今次同 friend 食就叫住一碗試吓先。但呢度嘅份量真係好慷慨，$40 碗兩個人分都好夠食。☺️個湯好足料，南瓜，木耳同翅針都好多，口感豐富。不過佢哋加咗花奶，所以比較甜，有少少似食緊熱嘅楊枝甘露。🦐 咖哩乾貝龍蝦球 $75咖哩微辣但幾惹味開胃，適合送飯。乾貝其實即係素帶子，都幾像真。龍蝦丸冇我想像中咁大粒，但同帶子一樣都好食同彈牙。另外仲有啲西蘭花，紅椒同薯仔粒。注意咖哩都有落到花奶。🍼🍝 茄汁肉醬意粉 $60响餐牌見到有意粉我已經決定一定要試，好想知道傳統齋鋪嘅意粉會煮成點呢？

張枱污糟到呢，好核突🤢見到張枱已經反胃，成包濕紙巾用晒黎抹枱。張濕紙巾由白色變成灰色。真心講，做餐廳既，咁既衛生程度，難怪你初一十五都完全唔full啦！就算啲野okay好食又點😃

上次食完牛大人，覺得有啲罪惡感今日特登走來黃大仙，幫襯呢一間素食餐廳——健康齋廚食開肉類嘅我，老實講都驚有啲唔習慣，不過抱着一顆好奇嘅心，入到嚟呢一間餐廳，簡直係大開眼界！餐廳嘅Menu上面竟然有魚香茄子？炸雲吞？蕃茄牛麵？竹笙魚翅？ ？ ？抱着一顆好奇嘅心，小弟嗌咗呢幾款餸，真係幾意外！首先講吓佢嘅炸雲吞，點上酸酸美味嘅甜酸醬，係一款簡單而開胃嘅頭盤，香脆嘅口感增加左我嘅食慾！而且佢哋係即叫即炸，肯定夠晒香脆❤️朋友今日想食蕃茄牛麵，呢度嘅蕃茄牛同樣都係甜甜酸酸，撈埋米粉食，蕃茄醬掛滿麵條上面，好開胃偷咗佢一個牛肉嚟食，雖然係齋嘅，不過好友牛肉嘅口感，感覺冇咁邪惡🤤接着上菜嘅喺呢度嘅竹笙魚翅老實講，小弟之前睇過套紀錄片，有關魚翅嘅製作，覺得真係好殘忍，自此之後都冇乜點樣食過魚翅。但係呢度嘅竹笙翅口感可以媲美魚翅、上面嘅木耳增加左佢嘅口感，一啖爽脆一啖羹，就係冬日裏面嘅小溫暖。朋友最後嗌咗魚香茄子鍋，呢個真係驚喜！魚香茄子鍋係即叫即煮，瓦煲裏邊裝住超多茄子，雖然冇鹹魚，但係用上唔同嘅配料，當能夠模仿出鹹鹹香香嘅風味，而且上菜嘅時候熱辣辣、鍋邊仍然冒着蒸氣，真係令人食指大動！餐廳位置喺黃大

第一次黎黃大仙搵食，係黃大仙廟問人介紹齋舖，於是就黎左呢到，呢條街比較靜，但估唔到有驚喜天氣凍就好想食熱辣辣嘅野，見到有煲仔就二話不說叫番個！岀哂煙一上枱有少少打邊爐feel～成個煲好足料，除咗金菇同素牛之外，仲有入晒沙嗲味嘅粉絲，個汁同餸用嚟送飯真係好正！沙嗲金菇素牛煲 $70雪菜素肉絲湯米就見得多，素鴨絲湯米都就第一次見到～鴨絲本身已經入味，浸埋入湯仲好味，加埋咸香雪菜都幾惹味雪菜鴨絲湯米 $50/碗聽老闆娘講係最近新岀既，於是就決定試一試！入口有啖啖南瓜蓉，不會太咸又不油，配埋素翅味道清淡得宜～南瓜素翅 $40/碗腐皮包著素肉炸左，再用酸甜汁煮，有種外脆內軟感覺～本身以為放耐左會淋左無咁好食，點知食到最後都仲有少少脆，索咗啲汁仲好入口～金沙卷 $70雖然要行條斜路仔上黎，不過野食好味同抵食就抵番哂

感謝好友陪試食呢間黃大仙嘅中式齋菜館裝修簡單乾淨, 有家庭式的FU☺️試咗二人套餐:🥣素紅燒雞絲翅 - 實在太耐無食過碗仔翅酸辣湯嘅物體, 因為出面全部幾乎都有肉, 呢個羹仲要勁足料, 最少食到木耳豆乾, 好治癒🍄腰果菇粒 - 除咗腰果同菇, 仲有西芹幾爽脆, 清清哋啱健康人士/老人家🐠豉汁素鰻魚 - 有紫菜嘅腐皮卷即刻有umami😂仲有冬菇同三色椒又靚又有營養🙂另外叫多咗款炸物🍠芋頭魚 - 一啲都唔油(!), 面頭酥脆裏面夠軟, 店家不吝嗇食材, 素魚旁邊仲有幾塊芋塊, 食到停唔到口😂其實佢哋份量唔細, 兩個女仔都食唔晒, 下次可以考慮自備定餐盒打包😂

其實香港好多傳統齋鋪都幾好食㗎，食得多西餐有時食返港式素菜都唔錯。黃大仙健康齋廚食落真係多菜少油幾健康，菜式多元化食得出大廚手工，有湯有飯有菜的全日套餐只賣HK$50，去開黃大仙記得食下。黃大仙地鐵站A或E出口行過去7分鐘左右，咁大間好容易找到。健康齋廚2017年由深水埗搬去黃大仙，原來已經開業16年，你會唔會係熟客仔呢？每日供應無味精全日套餐，有飯有湯有菜只係HK$50。素菜款式好多元化，有香口野也有清淡菜式，傳統齋菜都吃得到。方便炒粉麵飯、惹味煲仔，一班人來吃可以叫唔同款式。仲有唔同人數的套餐，健康齋廚都有做到會、盆菜，有需要可以留意。欖菜四季豆幸運腸 HK$50 (套餐)　試試素食套餐份量十足，炒菜非常足料無欺場，欖菜味香，食完亦唔會成口油。是日老火湯伏苓粉葛湯都幾好飲，清甜滋潤。鮮竹雲耳炒翠玉瓜 HK$60喜歡吃菜都唔少清淡選擇，無味精唔油膩，而且食落真係好足料，整個非常豐富好飽肚。南瓜素翅 HK$40(碗)這個跟我想像中完全不同，入面除了素翅還有豆腐、菇絲之類，最正係啖啖南瓜肉，因為加了椰奶吃起來感覺有點像甜品，整個非常有趣有驚喜。經典香荔酥卷 HK$88這個據說是非常傳統的

呢間素食店，幾年前曾經同靚媽，試過OK仲吹鷄叫過，以前嘅所謂屋企人來食晚飯，見近來食得肉類太多，想話清清腸胃，11月19号就同靚媽舊地重遊，到此店食番餐素菜，當日合共點了三個素菜及一就個素湯，包括：菠蘿生根，八珍上素，双菇魚腐，及蓮藕，眉豆，腰菓湯，上述食品除咗個素湯，係叫做有C級評分，其餘3個全部都係D级水準，每樣餸嘅材料都係經過，拖水灼熟，然後放入鑊内，係咁意炒兩下就上碟，每樣餸都係白恰味道，真係食到口都淡埋，經此一餐呢間素食店，我寧願食生菓餐都吾會再幫襯佢，起碼食橙有橙味，食柑有柑味，就算食蕉都有蕉味吖，吾似呢間素食店D嘢，樣樣都係得白恰味。

有時清清地唔想食咁多肉間唔中都會陪屋企人去四周圍食下素菜今日試左呢間之前喺深水埗開ge齋舖依加搬到黃大仙ge齋舖我鍾意食素菜ge 時候睇個廚師功架點樣將啲素食煮到好似肉咁咕嚕肉肉質係用猴頭菇做同以往食開ge 好唔同中間仲會有一支甘蔗😅所以唔可以一啖咬落去因為會咬崩牙🤣🤣個汁酸酸甜甜好開胃配菜仲有青瓜紅椒綠椒菠蘿份量都幾大碟雜錦炒飯炒飯入面有青豆、欖菜、粟米、紅蘿蔔粒估唔到用欖菜炒出嚟嘅炒飯有幾特別 好有鹹香