影片
电话号码
63214523
营业时间
今日营业
11:30 - 20:30
星期一至日
11:30 - 20:30
以上资料只供参考，请与餐厅确认详情
有关奖赏计划
有一日午餐和同事去覓食，本來想揀茶餐廳，見到有台灣店，即管試一試。入門口有一位穿着T恤的大叔招呼我們，我以為係廚房佬因為他的T恤十分污糟，原來他是樓面。員工外表唔緊要，食店最緊要食物質素好。餐廳係手機點餐，我和同事各自看手機的菜單，我先行下單，同事仲揀緊。我聽到呢位污糟大叔同另外一個夥計講「喂，佢地落得半份咋喎」，語調表示嫌棄認為兩人叫一份餐咁孤寒。我聽見即刻同佢講我同事落緊單，你唔使咁緊張。 我叫的牛肉麵唔使2分鐘上枱，麵條發脹，好明顯煮落咗好耐，快快灼翻熱，牛肉兩三舊碎牛，蘿蔔仲大嚿過佢，湯底偏鹹。飲品選擇以罐裝飲品為主，台灣麵店連熱烏龍茶都冇，同事飲的手打檸檬茶好難飲。 同事叫的牛肉飯，牛肉同我碗麵一樣又碎又細舊。這店的價錢與食物質素不成正比，服務態度惡劣之餘仲要收10%服務費，茶木價錢相若，質素好佢幾倍。總而言之，偶遇之後可一不可再。
继续阅读
佢個臭臭鍋 臭到出面都聞到 又貴又難食 唔好呃人係台灣野 個肉燥飯少肉到得白飯咁 牛肉麵味精又勁 無餐飲跟 全部加錢 唔會再食 唔會推薦 十分難食 臭臭鍋not recommend not recommend
继续阅读
入到去 無招呼自己落完單 即刻同你講無牛肚 然後個待應自己取消咗張單 完全無再理我哋我哋自己發現個飯比人取消咗再點過另一樣個紅燒牛肉飯啲牛肉好慳 得5舊1.5cm x1.5cm嘅牛肉（ 不過啲味還可以 ）仲有杯飲品 到我食完飯都未到 我再望下啲員工係度做乜一個係度按電話一個行黎行去一個係咁望住廚房完全無人理過我哋到我問佢地係咪漏單三個人望住廚房？做乜嘢完全唔交代下最後黎咗一杯 劣質嘅檸檬茶擺低 又無人交代下 唔會再幫襯就實不過想提下啲唔小心入咗去嘅人姐
继续阅读
只有三枱客都可以漏單。叫完一個牛肚滷肉飯，然後話無牛肚就走咗去，又唔講係要重新落過單定係點。之後自己睇返手機訂單先知取消咗兩個飯，得返兩杯野飲。重新落過兩個飯之後，食完兩個飯，兩杯野飲都未到。問起先嚟叫廚房整，仲要整完又送錯去隔離枱，最後仲要剩係嚟得一杯。前後等咗30分鐘左右先有一杯野飲？？？最終嗰一杯都無飲，決定直接埋單兩個飯走人。望一望張單，咁嘅服務都收到服務費？基本服務都唔掂？絕對唔會有下次。
继续阅读
呢間嘢啲食材用料普通過茶餐廳,飾物質素非常一般,食個酥炸雞扒飯,塊雞扒好似街市買十蚊三塊嗰啲,價錢又貴仲要收一,唔知嗰個10%服務費憑什麼收？,QR code點菜 連水也沒有一杯咁不如直接收30%啦
继续阅读