傑星冰廳

营业中

休息中

這間茶餐廳位於深水埗汝州街，主打地道正宗的港式料理，價錢定位親民貼地。店內環境寬敞舒適，裝潢以藍綠色為主調，設有多張卡位，亦有單向座位，適合一人及多人聚會。假日亦同樣設有早、午及晚市套餐，亦有全日供應的小食等等，跟配基本熱飲，可以優惠價轉凍飲或特飲。自助水果吧有蜜瓜、龍眼及橙等時令水果，香甜多汁好新鮮。香煎牛扒配煎雙蛋、司華力腸及薯條 - $54大大塊厚度十足的牛扒，帶陣陣黑椒香氣，嫩滑多汁帶爽脆的嫩筋，牛味頗濃郁；兩隻太陽蛋切開流出濃濃蛋液；半條司華力腸香脆多汁；金黃酥脆的薯條毫不油膩。忌廉芝士豬扒飯 - $56輕輕烤焗帶點微焦，濃稠的鮮蕃茄汁酸酸甜甜，半溶化的芝士富奶香有微微拉絲，一件件豬扒嫩滑多汁好豐富，還有時蔬平衡膩感。椒鹽豬仔骨 - $32五件帶骨豬扒特別軟腍富肉汁，肉味特別香濃，有陣陣椒鹽香氣。酥炸墨魚丸 - $34六粒墨魚丸外脆內嫩，魚肉結實彈牙，有少少爽脆的花枝肉。奶茶涼粉冰 +$12港式奶茶的茶香好突出，帶有濃郁的芳香，奶味偏於厚重，但又不掩蓋其茶香，一粒粒涼粉爽滑彈牙好清新。柚子茶 +$3具有獨特誘人的酸甜香氣。

這間位於深水埗的【傑星冰廳】，晚市主打小菜、炒粉麵，價錢貼地，而且食物份量十足。小菜款式很多，全部都幾十元起，即叫即煮，新鮮熱辣。豉椒倉魚倉魚新鮮即叫即蒸，魚肉雪白，十分新鮮又嫩滑。金沙骨酸甜醬汁剛好掛在金沙骨上，金沙骨炸至外脆肉嫩，肉質爽口，十分開胃。鮮蝦雲吞雲吞每隻都脹卜卜，餡料十足，新鮮的豬肉餡加上原隻爽口蝦仁。福建炒米粉米粉炒至爽口，加上火腿、鴨肉、蝦仁等配料，十分豐富又帶點濕潤。奶茶紅豆冰奶茶不會太甜，超多煮至腍的紅豆。

SSPO最抵食小菜之一，環境又乾淨企理好服務，我地今晚叫左清蒸倉魚❤ 口感結實，仲有D豆豉香味清蒸黃花魚❤ 魚肉鮮嫩，大大條鴛鴦扒❤ 煎雙蛋 蒜蓉汁 意粉 雞扒豬扒都大大塊好juicy，蒜蓉汁惹味可口，意粉煮到岩岩好，撈埋2隻蛋，大滿足。鮮果沙律❤ 開胃小食瑞士雞脾❤ 瑞士雞中翼❤ 4隻 瑞士汁味濃，跟白飯食一流。菜心❤ 全走 爽甜，份量正常豬潤❤ 湯上 厚切大大塊，黎到俾佢浸多陣係D湯會更加入味，不過記得唔好浸太耐就唔會食到爽口脆身既感覺，零騷味，好抵食

今天黃昏，我到位於深水埗的傑星冰廳享用晚餐。這家餐廳以其豐富的菜單和舒適的環境而聞名，讓我迫不及待想要品嚐他們的招牌菜。我點了一份瑞士雞髀，雞肉入味，內裡卻鮮嫩多汁，搭配特製的瑞士醬汁是我最愛，口感層次分明，令人回味無窮。接著是豉椒倉魚，魚肉鮮嫩，豉椒的香氣恰到好處，讓這道菜更加美味。酸菜豬潤湯則是我此次用餐的驚喜，湯底清淡卻不失醇厚，酸菜的酸味與豬潤的鮮味相得益彰，暖心又暖胃。最後，我點了紅豆涼粉奶茶特飲，涼粉滑嫩，紅豆香甜，搭配濃郁的奶茶，真是完美。整體而言，這次的用餐體驗非常愉快，傑星冰廳的街坊菜都讓我感受到他們對食材的用心，值得再次光臨。

嚟開深水埗，有少少餓就search有乜好食。睇到間茶記有咁多笑笑食評，心諗應該ok於是就幫襯下，點知就中伏了...樓面阿姐無禮貌已經係預計之內，由得佢，但食物質素真心唔值我比一個笑，相都廢時影。叫咗常餐，叫一丁唔需要加錢於是就叫咗沙嗲牛肉一丁+煎蛋+牛油多士，凍檸茶少甜。主角沙嗲牛麵陣沙嗲味淡到以為自己條脷壞咗改名做清湯牛片麵就差唔多。作為茶記連最一般嘅menu 都做唔到，而且價錢唔算十分平，無下次。

✳️假日不用上班，瞓到自然醒，就與老婆來到深水埗的傑星冰廳享用早餐，性價比高的街坊用餐。✨老婆點的是醒神粉麵早餐，只需 $45，內容包括炒滑蛋、牛油多士、豬潤湯米線，還有一杯熱奶茶。炒滑蛋滑嫩可口，配上香脆的牛油多士，簡直是絕配。豬潤湯米線的湯底鮮甜，米線彈牙，豬潤新鮮美味，加上一口熱奶茶☕，整個早晨都變得溫暖起來。✨至於我，則選擇了歐陸扒餐，只需 $48，豐富的餐品包括炒滑蛋、司華力腸、多士、生炸雞腿，還有一杯熱奶茶。炒滑蛋一如既往地滑溜，司華力腸的鹹香味十足，多士外脆內軟，讓人一口接一口。而生炸雞腿外酥內嫩，雞肉多汁，咬下一口真是讓人無法抗拒，再配上那杯濃郁的熱奶茶☕，真是滿足。

這間冰廳位於深水埗汝州街, 主打港式料理, 食物款式選擇多, 價錢都好大眾化; 冰廳裝修簡單舒服企理, 裝潢以白藍綠色為主調, 有多張卡位, 亦有一排向牆的座位; 牆身貼滿好多熊貓公仔裝飾, 服務態度好好。餐牌上有早、午及晚市套餐, 仲有全日供應嘅小食等, 套餐跟配基本熱飲, 都可以用優惠價轉凍飲或特飲。除咗套餐, 仲有炒粉麵飯,常餐等, 晚市套餐仲可以加錢要酸菜豬潤湯。酸菜豬潤湯 – 加$8這個湯上菜時熱辣辣, 有家的味道, 夠哂味, 豬潤厚身, 肥美, 爽口, 唔腥，個豬潤湯好好飲。雜果咕嚕肉 - $65醬汁酸酸甜甜配上鮮嫩嘅咕嚕肉, 再加上豐富嘅雜果, 三色椒洋蔥一齊炒, 每一口都令人回味, 一試難忘。鴨胸橄欖菜炒豆角 - $65橄欖菜香氣四溢, 鴨胸煎香, 味道更突出, 配埋豆角一齊炒, 味道超惹味, 超好送飯。法蘭西多士 - $28熱辣辣上枱, 牛油一大片, 又香又濃; 西多士炸得啱啱好, 金黃色, 口感依然鬆脆, 我叫係配練奶食, 落去唔會覺得膩, 一口接一口食唔停呀!凍檸茶 - $3兩個飯餐配凍檸茶, 走甜的; 檸檬茶夠香濃, 有茶味, 唔錯!呢餐飯好有家的味道, 全部食

平靚正茶記～ 話說大佬下星期又要去旅行，所以落咗深水埗買電話卡，買完電話卡就去咗搵嘢食～ 光猛乾淨企理有晚市套餐、炒粉炒麵～ 晚市套餐包咗飯，加錢要咗酸菜豬潤湯～ 叫咗兩set : 豉油豬扒同金沙骨豉油豬扒似屋企餸～ 唔會太咸，個汁送飯啱晒金沙骨炸過香口，醬汁酸酸甜甜明星撈丁好多餸揀阿姐推介食炸雞翼、椒鹽豬仔骨，用瑞士汁嚟撈丁，鍾意佢將豬仔骨切片，啖啖肉咖喱吉列魚柳蛋蓋飯大大件嘅脆魚柳，咖喱汁係白飯小偷嚟全部都包飲品～

位於深水埗❣︎傑星冰廳❣︎裝修舒服企理，牆身貼滿好多熊貓🐼公仔裝飾🤩店主真係緊貼潮流👍🏻食物款式選擇多，價錢大眾化👍🏻服務態度仲好好添。❣︎豉椒黃花魚飯❣︎午餐E $58大大條黃花魚😍面頭鋪滿蔥絲，肉質鮮甜，街市都買三十幾蚊起一條，呢到都係$58，真係超抵食👍🏻👍🏻❣︎韭菜豬肉餃拼豬潤意粉❣︎$54呢到啲豬潤係招牌菜來，大大塊厚切👍🏻口感爽滑無腥味😋韭菜豬肉餃超大粒豐滿🤩爆餡料噤滯勁鮮味，湯底清而夠味。❣︎蠔油菜心❣︎$22菜心淥得岩岩好👍🏻清甜無渣。❣︎斑斕咖椰鮮油多❣︎茶餐$30多士即叫即烘外脆內軟😋👍🏻斑斕醬香甜幼滑，加埋大大舊牛油🧈邪惡😈得來超好味。❣︎紅豆涼粉鴛鴦❣︎跟埋+$12紅豆夠淋，加埋涼粉一齊食，可以當糖水飲都得😆❣︎紅豆冰❣︎跟埋+$12甜度適中，飲完冰涼舒服😋

同阿頭響深水埗做完嘢，佢話有一間茶餐廳好有特色，帶咗我嚟傑星第一個睇到嘅特色，係裝修幾特別，我睇到一個牌寫住食來運轉，希望食咗好運不停響我身上轉啦🤣第二個特色，自助加水加茶見得多，但係茶餐廳有自助生果，係第一次見，今日食晒三款龍眼、哈密瓜、同埋橙阿頭二話不說，叫咗雜扒蛋蓋飯，上碟時發現，雞牛豬三塊扒都已經切好，上碟個豐富感好鬼正呀！我每樣都試一小塊，醃得入味，肉質好，加埋蒜蓉汁夠濃夠香，色香味齊晒啦！既然個牌寫人生在世，先吃為敬，就試冬日限定羊腩飯啦！上碟熱辣辣，食落暖笠笠，入味得嚟啲羊腩有咬口唔係腍哂，唔會難𡁻或“鞋”口，十分惹味，正呀！飲特飲都只係加$12一杯，我哋分別點咗鴛鴦紅豆冰，同埋紅豆凉粉冰，個人覺得紅豆配鴛鴦，比起傳統落嚟嘅紅豆冰更勝一籌，而紅豆同涼粉一淋一硬嘅口感亦都好特別！午餐食得有少少壓力，因為真係好多人入嚟啊！咁有特色兼好味嘅茶餐廳，咁都係好值得嘅，多謝阿頭帶我嚟！食來運轉在傑星午飯一頓叻靚醒先吃為敬冇得頂人生在世有温情

位於深水埗既「傑星冰廳✨」，絕對係平民美食之選，傳統既港式冰室有美味既常餐、扒餐、撈麵餐等等，好味夠地道，服務夠親切，價廉物美，絕對係街坊之選👍🏻。傑星冰廳裝潢簡單而實在，讓人感受到傳統港式冰室嘅魅力。餐廳內部唔算太大，但座位安排得舒服。必點常餐，火腿通心粉味道正宗，通心粉煮得剛好，火腿原塊上，搭配炒蛋同牛油多士，簡直係完美嘅組合！多士外脆內軟。而扒餐脆魚柳炸得金黃酥脆，魚肉保持咗鮮嫩，搭配上面嘅司華力腸，味道更加豐富。煎蛋蛋黃流心，真係好好味！另外，撈麵餐點選沙爹牛肉，味道濃郁，牛肉切得薄厚適中，口感滑溜。而椒鹽豬仔骨外脆內嫩，咬落去好有肉味。總結來講，傑星冰室真係一個好地方，無論係食物質素定係價錢，都非常抵食。✨

冰室位於深水埗汝州街、價錢定位親民貼地、最多正宗地到香港茶餐廳風味、小菜粉麵小食等應有盡有、店內設有卡位雅座寬敞舒適，適合一大班人聚會，亦有單向座位，也適合一至兩個人。餐牌上設有全日供應小食、早午晚市套餐、仲可以加配變得飲或者凍飲。酥炸墨魚丸：熱辣辣炸到酥脆金黃、外脆內軟、魚肉較為結實，但有墨魚顆粒感，好有咬口一啖一啖。夜市小炒金沙骨（配白飯）：糖醋醬金沙骨、金沙骨經過烹調後，豬肉的風味和金沙的鮮味相互融合，味道濃郁而不油膩。 肉質緊實，口感豐富，肉質彈牙。糖醋醬汁十分開胃、好有鑊氣，仲配上三色椒，絕對冇揸流攤，送飯一流。炸雞翼沙嗲牛肉撈丁：港式文化沙嗲牛肉撈丁，沙嗲牛肉冇鬆肉粉、完全純牛味、充滿沙嗲醬濃香、沙嗲醬汁完美融入公仔麵公仔，每一啖都掛上帶有花生醬香沙嗲汁，好惹味！炸雞翼仲可以當小食、仲要係全翼，可以增加口感。紅豆涼粉冰：紅豆軟綿，甜度適合自己的口味，涼粉軟滑帶少許煙韌，椰汁飄香撲鼻，仲有黑白淡奶增加細滑程度。總結：價錢親民貼地店員服務一流 人情味滿滿

今天晚上 ，我們走了過去汝州街傑星冰廳晚飯。我們點了青椒炒牛肉，牛肉鮮嫩，青椒脆爽，搭配得恰到好處。鴨胸橄欖菜炒豆角，則是另一道亮點；香氣四溢，豆角的鮮甜與鴨胸的濃郁相互映襯，讓人食欲大開。最後，我們品嚐了酸菜豬潤湯，湯底鮮美，湯裡的豬潤滑嫩，讓人回味無窮。我們又點了熱檸水，清新的口感讓人感到舒適，特別適合這個季節。接著是涼粉冰，清涼爽口，為炎熱的天氣帶來了一絲消暑的快樂。整頓飯的價格非常經濟，兩位只需158元，實在是物超所值。

深水埗打卡冰室行完街見到呢間裝橫新潮的冰室，到處掛了港式金句及新潮用語，於是就被吸引入黎醫肚，冰室主打正宗港式美食，乾淨企理，內籠光猛，設有一人及多人座位。蔥油豬扒雙蛋飯份量充足，香煎豬扒鬆脆香口，淋上熱辣辣的蔥油，加入雙蛋，中和了豬扒的油膩感。香煎豬扒雙併鮮蝦雲吞米線豬扒煮得入味，夠稔，唔會鞋口，鮮蝦雲呑皮薄，餡料足料，有大大隻香甜的蝦及啖啖肉碎，咬落去有鮮甜的蝦汁，令人回味。另外還點了炸雞脾併鮮果沙律及斑斕咖椰多士，十分美味！

呢間傑星冰室有好多種類可以選擇 🍽️。當日去到，見到好多其他食客都選滑蛋，我就決定試試瑞士雞髀蛋蓋飯 🐔🍳。當上菜的時候，雞髀煮得剛剛好，肉質鮮嫩多汁，滑蛋香滑軟嫩，每一口都令人讚不絕口 😊。 而我的同事則選了午餐的流心蛋醬骨飯 🍖🍚，微辣的味道正好開胃，讓人食慾大增。醬骨的骨肉分離，入味非常，每一口都是味蕾的享受 👌。再配上一杯清爽的鹹檸七 🥤，更是完美的搭配，清新又解膩。整體來講，呢間餐廳無論是食物的質素定係種類都非常出色，令人滿足。😋