優豪方火鍋料理 (已搬遷) 新店位置

lee間火鍋店最好就係個湯底，飲嗰個湯底感覺好似阿媽煲嘅湯咁，另外個湯底雖然有少少貴要三百幾蚊一個湯底，但係非常足料有雞、花膠、粟米、豬骨、蘿蔔....其實如果兩個人去食完個湯底都真係飽曬，但好在我有一班朋友一齊去可以再試吓其他嘢，佢共享名係即炸，牛肉都非常好食，仲有其他啲嘢食都只可以講比一般火鍋店性價比高！但佢最大嘅缺點就係要行樓梯上樓食，另外廁所係要行都非常之入🤨其實如果一個女仔去廁所真係有少少驚嘅，但可以講佢廁所都叫乾淨只係沿路有啲恐怖姐

黎左咁多次，本來都幾欣賞呢間野，點知今次令我大失所望。 今次叫左個頂級手切牛，d肉又硬又無味，同經理講d肉好差，佢話係咁，下次可以食極品，我提議下次同客講聲，等人知道。佢立即話佢d牛係咁硬，因為平野。 我話貴野同平野都係差50,你早講我食貴野，無捻過200幾概牛會差成咁。 佢強行解釋話你不如叫多碟極品囉。 我好無奈同無語，下次唔會再黎。呢個經理概態度比其他員工差好多，仲一路講電話一路兇你，希望老細注意下，唔好越做越差。

家庭聚會！老爸想打邊爐，妹妹想唱歌仔，我好想食龍蝦刺身！一行十人就選擇元朗優豪火鍋，訂咗房享受一餐美味火煱！6:00去到員工第一時間開卡拉OK比我們唱歌！今晚叫咗2個煱！魽魚海鮮煱！味道鮮甜鉗魚肉滑👍🏻👍🏻胡椒豬骨煱！足料胡椒味十足👍🏻龍蝦刺身！😋😋象蛂蚌！新鮮再叫兩款牛肉，一款本地牛肉牛味重，另一款安格斯牛，另加一些貢丸、魚皮餃、午餐肉、墨魚滑、炸魚皮等食材尚算新鮮!最值得一讚新鮮肥鵝長、三式鬼馬油炸鬼👍🏻👍🏻整體材料新鮮,價錢尚算抵食!

冬天火鍋係至愛,位置近西鐵站,好易搵湯底揀左3.6牛奶豬骨湯底,十分濃郁既牛奶味加上豬骨既味,絕對令食材更入味,不過牛奶湯底會燶底,所以要keep住細火,食材方面全部好新鮮,餃子皮薄餡料多,也煮不爛,手打墨魚丸夠彈牙，新鮮既雞腸用牛奶湯底煮過後好食到好快KO左一碟😋

天氣轉涼又係時候去拾下拾下啦，今次係由雞地地膽帶我地去搵食，佢話去間價錢大眾化d既。一入到去，d姐姐好歡迎我地，仲問我地包唔包間房一邊拾一邊唱k咁，我地話齋拾就拒絕左佢地。之後點野食，選擇都算多，我地點左個沙巴龍躉孖寶湯底，湯底揀左YOHO海鮮豬骨鍋，另外再叫左個日本A4和牛同A級安格斯肥牛，加d邊爐必嗌野食咁。先講下個湯底，我覺得比較重胡椒粉味，不過打打下加左上湯溝稀左好d，而d海鮮都算新鮮既，仲要分量都多，個龍躉就真係幾滑同好食，好值得👍🏻👍🏻👍🏻至於d牛，其實個賣相好，但食落冇咩特別，同普通肥牛應該差唔遠，而其他野食都係一般啦，但係有窩筍嗌就比較少，而佢食落好爽口。總括黎講都係ok既。

<yoho 優豪方>🐖胡椒豬肚湯底($98)▫️真係一直都5知元朗有間咁嘅嘢😂Btw👫兩個人晏就打邊爐。。一個下午食左9樣嘢，再加個湯底，你都咪話5癲😅覺得自己好crazy。-湯底係一個賣點‼️refill係加湯5係加水。🌸個湯底好香胡椒味👍未落嘢之前忍5住飲左兩啖。🌸入面仲有雞腳，白蘿蔔，豬肚同咸菜。🌸𢯎到尾啲蘿蔔入晒味，不過可以再𢯎耐到下世紀，令佢再腍身啲會更好食！-超多嘅9樣餸：1️⃣炸魚皮👍2️⃣炸響鈴👍3️⃣田園拼盤4️⃣雙拼餃皇5️⃣牛胸油6️⃣九肚魚7️⃣肥美鵝腸8️⃣桂花蚌9️⃣白鱔片-推薦炸魚皮同炸響鈴，因為真係即叫即炸，暫時食過最好食嘅☝🏿️絶對5同任食個個質素，平時食響鈴5浸耐d會硬皮，但依個可有體驗浸3下就食嘅講法，好鬼脆🙈而且比平時食開嘅大舊一倍，真係食2~3舊都飽。炸魚皮我係極仲2食，好多個皮太薄又腍，依個完全5會，仲令個5仲2食嘅同行者都開金口食左幾舊😌而且($38)好大盤。-依到最大優點係用料新鮮，5會有雪藏味。不過份量其實偏少，價錢都偏高，不過5知係咪因為我地係晏就去，全場都只係得我地2個人，第一陣開嘅材料新鮮啲，放到夜晚就可能無咁新鮮。-🐄牛胸油個名好少見，原來都係脂肪位，但

喺最凍個日，當然做左最溫暖嘅事， 打邊爐同屋企人打，5駛顧儀態，只管夠5夠飽呢餐好豐富 材料好齊全，飲品又算多款式，喜愛吃菜的我們，吃了金菇，生菜，娃娃，通菜，另有炸魚皮，肥牛等等材料5係話好高級，但新鮮，食落爽口，脆身牛肉生滾好咪5鞋口，其他材料5會有雪味，算不錯當天坐滿場 唯獨來菜太慢

Yoho Fong元朗Yoho附近有好多打邊爐嘅地方，而我呢個邊爐鬼就覺得Yoho坊係區內值得一推嘅一間。無他，因為佢選擇多而用料又新鮮。我最愛係佢嘅海鮮湯底，一路撈會一路發現佢用左唔同海鮮去熬個湯底，喺未開始"十下十下"之前一定要飲返碗海鮮湯，包你lam lam脷！主菜方面生魚片、鮑魚同蝦係我必點之選，原因都係新鮮。雞件同手切牛我就覺得有d驚喜，雞件多汁又滑，唔知會唔會係新鮮雞? 手切牛就好濃牛味，起碼唔似有d邊爐鋪標榜手切牛賣成二百幾三百蚊碟，但就完全冇牛味得個滑字！菜籃又係必點，因為份量夠又多款式畀你，唔係話得一款菜加菇。呢度另一樣好就係坐得舒服，唔會逼到你要聽埋隔離枱嘅對話，又有電視送飯，坐三個鐘慢慢食都唔會有人黎嘈你。雖然唔係任食，但呢個價位，有咁嘅食材、環境、服務，我覺得值，亦都會推介住元朗或黎元朗玩嘅朋友仔黎呢間

收工同屋企人起附近想食火鍋，於是一最就BK左優豪方沙bu沙bu。優豪方其實個格局好似酒樓，不過裝潢比較似bar多點，但食材既誠意度都高。點解會講誠意度，因為有d酒樓上菜俾你既時候都放到七國咁亂。多人吃梗係要吃到大滿足啦，點左個沙巴龍躉(放落湯到)，一個雞，魚滑咁樣樣，其實仲有d零零碎碎既菜式，再加一碟牛。因為家人關係就點左個藥食善湯，不過佢地就起左d龍躉肉，放左小小入去滾條魚骨。雞啦，因為佢話係新鮮雞，雞肉嫩滑，淥完上黎個雞胸都無"鞋"既感覺，幾有鮮味。魚滑個份量都好多下，因為佢果個類似竹筒既物體好大個，而且個厚度都好高，比起普通酒樓個d細細都好好多。順帶一提，個湯有落一大塊海帶，再加上魚骨既湯，所以都好清甜。至於另外叫左個魷魚片，就唔太岩我口味，因為都幾硬下。整體來講豪就豪，不過都未算太好，味道仍然同普通既香港火鍋一樣。唉，香港幾時先有類似台灣既火鍋出現

第一次來元朗火鍋打邊爐，朋友負責訂位，話好食又坐得舒服，當然咁就要比多些“水“ (錢)，和朋友由元朗西鐵站步行到呢間店，周圍食肆林立，檯與檯不會太貼，價錢算非常合理，食物種類算多。 在餐廳走了一轉，地方好大，有好多間房，話可以卡拉OK, 連打麻雀都得，真係香港乜都有。推介炸魚皮,熱騰騰，即炸，非常好味道，外面店鋪未食過，柯打了 海鮮鍋，花膠豬骨鍋，豬骨鍋幾好，但朋友話一定要寫，花膠就搵唔到，豬皮就有幾塊，今次第一次試食，比想像好， 有下次。 不過人多就好，餐牌以套餐形式，如果一兩個人，就好難選食物。

湯底是一個賣店 , 味道十足1 個埸似酒吧 , 黑到四周很污穢一樣 2 店員似未做過Trainig , 只是不段強調食夠一千不收開瓶費3 牛肉似大陸貨 , 最平 $200得 8 片紙咁薄 , 香口膠一樣闊 . 己沒有火鍋樂趣4 強烈煙味  5 蝦滑味道可以如裝修及同事不要太過硬SALE , 都可以接受 .

食物質素︰一般，以價錢而論，唔值。唯一OK既係＄29有支裝德國啤酒。環境︰一入門口好似唔錯幾高級咁，近鏡睇卡位sofa就有些少漬，同埋坐落唔係好舒適，不過就唔迫。服務︰問個阿姐湯底有無芫茜，佢隨口答話無，上到枱發現有，仲係好多，對一個唔想食芫茜味既人黎講係好大件事！其他都叫應有既有，比如自動問下你使唔使加湯，收下碟...無相係因為湯底，火煱料上到枱覺得唔值得推介，所以都唔打算影相喇。

睇報紙食評得知元朗開了間新火鍋店賣點係多款特別火鍋湯底選擇而且地方大到近乎有8000呎所以特意於朋友生日時訂位試試踏入餐廳就已經感受到地方寬敞的好處一般雅座四個人都迫迫地，但這裡完全唔會每邊坐滿兩個人之外，仲可以放兩個大袋如果兩個大人，再加一個小朋友都夠坐而且沿途肉眼所見既地方都很乾淨如地下，走廊等等地方沒有水跡或任行食物及垃圾由於我地有3個大人+1個小朋友大家又唔係好肚餓，所以就決定只叫一個大鍋，再另加一兩碟今次我地選擇既係報紙推介的未落柯打，伙記水都唔識比，要叫先識做但佢就急不及待放低調味料架主菜上喇$228價錢都算足料但另加既安格斯牛肉就唔得喇睇到都覺得佢唔夠鮮仲要賣約$18x

店舖鄰近西鐵元朗站，交通尚可。店門外，有一個露天停車場，方便駕車人仕。店舖位於大廈的一樓，上一層樓梯後，右邊就是大門口。一進大門口，感覺有點似酒吧，因環境較暗。店內面積大，裝修華麗。有圓枱，也有卡位，卡位可坐六個人，座椅舒適。此外，亦有包廂，有卡拉 OK 可供使用。店舖以火鍋為主打，但亦可選擇點小菜。我們一行五人，決定以火鍋為今晚晚餐。餐前，有九宮格醬料供自行選擇。我們選擇了一個海鮮火鍋湯底，約 $2XX 。海鮮種類豐富，味道不錯。墨魚併蝦丸及雲吞。雲吞都幾大粒。響鈴有獨立甜酸醬。侍應服務尚可，有主動為湯底加湯。但就不是太主動加茶水及更換已盛滿垃圾的碟。整體食物水準不錯。

本人仲意周圍食火鍋，元朗的火鍋店都已經去過晒。去咗幾次呢間真係好唔掂！裝修華麗但一啲都無火鍋店特色，地方陰暗，以為去咗西餐廳！啲侍應黑口黑面，同啲客講野就好聲好氣，同同事就指三指四！啲象找虴全條唔扺食，成3百幾蚊！一時出2蝶，一時出1蝶當做全條！同我叫半條＄198一碟一樣！！呢個優惠真係好取考！啲肥牛又薄又無質感，佢樓下問名人火鍋好佢地好多！同樣價錢，人地賣的價錢值得多！白飯又凍。。。點食呀！食完野，啲侍應好似趕住收工咁“收晒”我枱上啲野，趕客！等人走先收好啲囉！叫埋單，十世（10分鐘）都唔見個姐姐仔過嚟。地方大唔夠人就請多啲人啦！唔會再去呢間，“名人火鍋”好佢地好多！（ 人地咁細間都入選OPENRICE的心水火鍋店）。唔係地方大，裝修靚就好過人嘅！