元帥麵館

营业中

休息中

今日去咗元朗，經過千色廣場，發現有間元帥麵館，見差不多食晏，入去試吓，點左個元帥麻醬麵，佢有三種麵底可以選擇，分別係粗麵、幼麵或米線，我點左米線，麵質彈牙，配合麻醬，真係好好食，如果去開元朗千色廣場，一定要去試吓

平時行千色店總時過門不入，因為真係位迫人又多～ 今日見有幾個位吉左無咁扛多，不妨一試～實說，餐牌上的大同小異，配菜大致相同～ 見今日口淡就試個酸辣炸醬湯麵+魚腐啦份量是足夠的， 呷一口湯頭帶酸是醒胃的，麵身夠彈， 我是將所有配菜撈埋先開始食，整體來說是酸中帶微香辣，吃不慣辣的人也可一試，底部的白菜絲原來係大白菜絲，入口汲哂湯嚟食！ 唯一我係覺得用$7加的魚腐原來得兩舊細細既... 我就唔加啦+$6有罐可樂午餐來說$50有找都是不錯選擇

元帥撈粗麵今次我淨係加左腩肉腩肉好入味，瘦肉底配料充足，很多配菜賣相吸引可令食慾大增粗麵口感彈牙，軟硬適中由於係撈麵關係，只用醬料調味如覺得唔夠濕潤可額外叫廚房俾碗湯店員態度有禮貌會再繼續幫襯

呢間鋪係千色廣場側門，新開張以來行經數次，直至今天才有空嚐鮮。店舖采用了透明玻璃設計，由外望入店增加了不少空間感，實情係一踏入店就感到壓迫感，枱互相并鄰，一張小小的圓桌要坐6人以上，幸好我用餐時還不算太多人，否則要和別人手碰手的吃午餐這件事實在不能接受。因為天氣炎熱，本來打算吃撈麵的，但店家的冷氣開得足夠凉快，還是嚐下湯麵，看看是否湯底如餐牌寫般好喝！點了這碗元帥肥腸麵，肥腸真的如其名，非常肥美富咬口，滷得頗入味。手工麵煙韌，是大陸類似刀削麵的那種。至於京式炸醬同個湯底都係無咩驚喜，甚少係勉勉強強合格。有一下我會想也許撈麵會更好吃，但同枱阿姨和鄰枱的師奶也先後指住我那碗湯麵問店員為何我有湯，她們也想要湯（她們點的是撈麵）⋯哈哈⋯也許是隔離飯香罷

今日一個人早左幾個鐘到元朗，去揾野醫下個肚，見有間未食過，咁就入去試下。元帥京醬撈麵我見有個鋪頭名，應該係招牌麵，所以就試試。我仲加多左份雞翼。味道還可以，可惜我是一隻食肉獸，麵有很多不同的配料（京葱、甘荀絲等）但肉就無咩，所以我感覺一般。但我個人覺得個京式炸醬都 幾好味，我個人覺得如果京式炸醬的量如果多d，足夠撈晒成碗麵，咁一定會再好食d。整體感覺不過不失，價錢仲有新張優惠值，同野飲半值。不過對我來說就一般，有機會下次可能試下牛展麵。

系元朗千色匯呢邊翻工，同事介紹下 就決定試下呢間 麵館，見餐牌有 撈麵 湯麵選擇下午三四點 店舖客人人流都 ok，每臺都有人甘 ，我叫左個腩肉湯麵 ，d腩肉料都夠多，粗麵夠Q彈 ，個湯底有少少辣 食落好惹味 😊

我們今次二人去試，叫了雞翼炸醬麵和牛麵，雞翼, 牛和凍檸茶都冇特別味道很普通，但麵比較有驚喜，食落有啲彈牙，加了些分搭夠，可惜座位太窄，坐得非常之唔舒服，試過一次就夠 ^ ^ 😀

見佢開張咗都一段時間，初期都人山人海，又要排隊，地方又細，所以唔想同人逼，昨晚行過，裡面得兩三個人，就入去試吓，叫咗個牛𦟌麵，一個撈麵，枱面有隻黄色嘅調味料，唔知係乜，但一索就知係辣椒，好香辣椒味，原來係黄辣椒，我怕辣，無試，我朋友有試，話好辣😅 講翻個麵先，麵質滿意，湯都 ok ，但d牛𦟌就真係好無 heart 炆煮嘅嘢，無味無道，就係烚熟咗嘅牛𦟌，一d香料理味都無，求求奇咁舖咗幾片喺麵面，呢個幾失望，相比同區 XX麵 相差好遠😌再望吓廚房，幾個女工，好有快餐店feel 😑 個撈麵個麻醬都做得好濃，都可以

因為唔係好餓，唔知食咩好，所以先搞搞新意思，見佢新開就試下佢，估唔到佢啲麵超水準，個汁都好開胃！我見隔離枱食得（元帥撈粗麵）好滋味，叫姐姐整碗一樣（走芫茜）嘅再加腩肉。首先，個麵係佢地手打，好彈牙！撈埋佢個秘製醬汁真係味蕾嘅享受！腩肉又肥瘦分明又入味！呢啲真係風味！嗰陣食有新開張優惠咋（5月尾食，剛剛up返相見佢得3個真係勢估唔到！超好味！馬上打返食評表揚下，其實我之後都有去encore）麵先28蚊，腩肉加7蚊，性價比巨高！我覺得入元朗係必試的！就算之後唔係新開張價都值！男朋友就叫咗元帥牛展麵加牛柏葉。男朋友唔俾食評但俾咗4分佢（滿分5分）（tried his best）。我唔鍾意食牛嘅，只係食咗淡麵同飲咗啖湯（tried my best）由於我唔鍾意牛浸味，而我都好唔鍾意湯底浸味，我估食牛嘅朋友會好鍾意！麵都彈牙，但我覺得撈麵正啲！小食就普通但都特別，叫咗個涼拌雲耳，佢地興撈芝麻醬（個醬比平時食稀少少嘅），個人覺得唔係好夾，不過可能係風味。但個涼拌唔夠涼

之前睇飲食男女介紹過呢間元帥麵館嗰時就已經想試下，咁啱琴日就經過，又見即刻有位坐，就順理成章去咗食。我地兩個人叫咗一碗京醬撈麵加牛展，一碗京醬酸辣湯麵加豆干同一份雪山豆腐涼拌，再用半價加咗兩杯凍飲。兩個人埋單加起先百一蚊，好抵食！京醬撈粗麵$32+$14好大碗同有好多配料。有青瓜，芽菜，紅蘿蔔絲，黃豆等，仲有佢地嘅秘製京醬。佢可以另外用$7再加其他配菜，我就加咗$14配牛展。平時好怕食淋麵，但佢地啲麵質好彈牙好有咬口，好正。京醬唔太鹹，帶有少少辣，再加埋佢嗰啲配菜，令到成碗麵幾清爽。不過牛展就麻麻地，可以唔洗加$14食。酸辣京醬湯麵$28+$7可能我鍾意食撈麵多過湯麵，我覺得佢地湯麵真係麻麻。個湯無咩味，得少少酸味。加$7叫個豆干，無咩豆香味🤷🏻‍♀️雪山豆腐$20本來唔係好好肉鬆，點知原來肉鬆配豆腐出奇地好食，佢嗰涼拌汁好夾嗰豆腐。一啖熱麵一啖凍豆腐，好享受！

元朗新開主打手工麵的小店，本住熱愛麵食既心，呢日終於黎到一試r雖然湯底聲稱無味精好想一試，但夏天更想食拌麵，order 左拌麵拼豬耳唔食得辣既我叫左唔辣既麵，但豬耳一定辣，諗住應該都ok, 叫埋菊花茶點知，就出晒事啦。。。麵食得出真係手工做，好有咬口，回味無濃，但係個豬耳真係spciy 到喊出黎同埋d 肉碎應該落左味精，飲完一個菊花茶都好渴好渴，事後不停飲水都生晒痱滋如果可以手工麵單賣就好啦😂另，店面太細，店家又好想所以客人都入黎，所以店面都幾混亂，好迫既位都要你坐到滿晒貼晒，想chill chill enjoy 一d 時光既朋友可以直接搵其他小店

因為男友要去元朗搵相熟眼鏡舖整眼鏡順利成章，下午茶時段係元朗搵食企左係呢間麵店門口同男友商量食咩既時候疑似老闆熱情咁話佢地新開，叫我地試下反正都未諗到食咩好，我地就即管入去試試 ((感覺我地好易拐orz))因為lunch已經食左少少野，唔太餓，就冇叫到小食只係叫左兩豌麵，價錢都好平，好吸引元帥麻醬麵 (加腩肉)肉鬆好多，搞到賣相唔太吸引但味道絕對唔差肉鬆香，再配上麻醬，意料之外咁夾粗麵都幾彈牙美中不足既係腩肉辣味不足元帥京醬麵 (加蘿蔔 & 海帶)呢碗賣相吸引好多京醬醬香濃郁，好開胃蘿蔔煮到好腍最值得推薦既係呢個辣椒醬起初疑惑佢既咩醬，一打開就有濃濃的辣椒香食落去【超】【級】【辣】嚐辣的人士至愛!!(我男友也覺得非常惹味，但快吃到噴火XD)配撈麵吃簡直一流~!PS.埋單時問老闆，先知道呢樽係黃燈籠椒醬怪唔得咁辣啦~

上飲食網介紹呢間新開「元帥麵館」，就順便嚟試下😁介紹呢間麵館既湯無味精，真材實料，3小時豬骨湯座！麵條煙韌彈牙，分粗幼麵！叫左一碗元帥牛𦟌麵，走葱走芫茜。湯底本身不太濃郁，但拌均左肉碎後，整碗麵就即刻提升湯底味道。而牛𦟌煮到入口即溶😍，粗麵彈牙但又唔會「糊」，好入味。另外亦叫左碗元帥酸辣炸醬，配幼麵、魚腐、牛柏葉。都幾辣，食到出晒汗。麵家強調麵身自家製，但幼麵不及粗麵咬落「彈牙」，所以個人比較喜歡粗麵😋。

新開了一段日子， 舊址係車仔麵。新開張， 麵都比平時平$3， 再另外叫做餸， 每款餸$7-14我簡左元帥京醬麵（$32）加雞翼（$7）面好多已加醃製肉碎， 碗內還有蘿蔔絲， 青瓜絲及芽菜， 麵好似上海麵咁我食得重味d加左醋及少許辣油調味👍🏻加$7還有飲品