元朗區體育會餐廳

营业中

休息中

沒想到體育大樓內有如此高質餐廳！今次試「沙丹豬扒飯」，豬扒很入味很淋身，咬落去有肉汁，沙丹汁不會太鹹，配白飯剛剛好😋飲品點了涷檸茶，茶味還可以😋其實除了西式，還有中式既選擇，下次再去試下先😆

今日去咗元朗體育館，同朋友做完運動諗住食啲嘢好向上地就去咗體育館入邊嘅餐廳。賣多國菜，感覺就普普通通。朋友叫咗台式雞扒肉燥飯配炒椰菜，我叫咗all day Breakfast-台式雞扒肉燥飯配炒椰菜最主要係個肉燥可以用嚟配飯，濕濕地如果個份量多啲就好啲，雞粒都滑既不過椰菜份量好少，但呢啲餐廳差唔多了。-全日早餐其實個全日早餐真係唔會係唔好食嘅，普普通通正常咁。唔會係用啲靚嘅牛油去幫你整架啦，不過成$88我就覺唔係好值啦。不過想要人少少，環境唔錯，坐得舒服~食嘢價錢都OK嘅都係個唔錯嘅選擇。

咁啱喺樓上gym完，落雨唔想行來行去，就會落嚟食lunch 。今次都第三次幫襯，但都比前兩次好食，外貌都唔錯。味道方面，肉碎飯都好難唔好食，雞排夠香夠滑，份量都夠食，係略嫌肉碎唔夠多，同飯既比例可以平均啲，不過位置咁方便，價錢又抵，所以性價比都高🤣另外杯mocha 就比預料出色，朱古力味🍫☕️都幾出，比茶記質素高，但唔好令其他Cafe黎比較，因為都只係+$5，所以呢個質素算唔錯👍🏻。又方便舒服，咁既價錢有咁既質素都唔錯！

上星期六同流沙包黎呢度食tea, 其實選擇有好多, 照計應該好容易揀, 但諗起自己要節食, 以前我必叫既雞髀薯條唔叫得; 見到個奄列拼薯條都好吸引喎, 但薯條太heavy, 又唔叫得... 睇黎睇去都唔知食咩好, 嗚~~~ 最後叫佐個黑椒肉片炒意粉, 流沙包叫佐個腸仔煎蛋熱香餅(好早餐feel). 個黑椒肉片意粉比想像中好食好多喎, 即炒熱辣辣又夠鑊氣, 味道又剛剛好, D意粉又炒得幾入味, 唔會一D太鹹一D太淡一D無色, 佢炒得好平均. 呢度既意粉真係幾出色幾好食, 上次lunch黎食意粉都係水準不俗. 以前覺得呢度係"up dup"餐廳D野唔慌好食, 但從此我會改觀, 因為D意粉真係好得~~

同個朋友仔去食晏,諗到這間餐廳泊車方便,唔諗咁多及未經朋友仔同意下揸架車落去食晏。進入餐廳範圍,行左個圈,都冇人招呼,出聲問侍應先至叫我地座低,我叫左個set lunch 係白汁海鮮焗飯,朋友仔叫左個白汁拼雞柳拼天使麵,先黎餐湯...我地叫左一紅一白,飲第一啖朋友仔已經話好鹹,但我又覺得可以接受。到主菜,個白汁拼雞柳拼天使麵既賣相唔錯,而我個白汁海鮮焗飯就普通d,味道一般,朋友仔食剩左半碟....(可能佢細食掛)自己走出去櫃面埋單,d侍應絲絲然咁行過黎計數,太散漫。

上個禮拜日試過呢度,環境唔錯,坐得好舒服,d 仕應都幾好招呼,我叫左個set dinner,係雞扒餐($48),洋蔥汁跟飯,仲加多十蚊試埋佢個酥皮海皇湯,有少少龍蝦仔,好好飲,而d雞扒都幾嫩,d汁又整得好好味,價錢中上,但有咁好既水準都值得幫趁!

今日同朋友睇完戲去左呢度食飯我叫左個特式脆辣魔鬼魚套餐條魔鬼魚味道唔錯配上森巴汁（說穿了其實似係茄汁加ｔａｂａｓｃｏ）幾開胃好味跟埋既大蝦好香蒜蓉味,又彈牙ｄ薯菜都仲暖個餐湯叫左羅宋湯好濃又有大大粒薯仔肉貨真價實７５蚊個餐再加一都唔係貴但係唔好既係上菜好慢叫野飲同食物都好耐先上枱真係餓既話一定嘈佢另外個場外表睇好似好ｕｐ　ｄｕｐ咁但入面都幾有特色有人唱ｌｉｖｅ又有ｄ好舒服既梳化坐好坐到唔想走同埋有兩個男侍應都幾好禮貌架幾ｎｉｃｅ又幾好玩之不過呢，有個女侍應成日黑口黑面令人幾反感如果可以改善埋就好好多ｌｕ