影片
营业时间
今日营业
11:00 - 21:00
星期一至日
11:00 - 21:00
以上资料只供参考，请与餐厅确认详情
本應約埋假日一起開心地共進午餐，但她的服務態度惡劣，隔離左右也是說普通話的，可能只希望服務內地人士！絕對無一下次！除咗食物是否美味，服務態度，環境也是很重要的！
继续阅读
之前喺灣仔食過另一間分店，今日咁啱見到呢一邊都有呢一間餐廳，所以就同朋友即刻入去先！呢一間餐廳主打胡椒湯真係非常好食🙈🙈 而且真係材料非常新鮮，每一次都可以揀到唔同嘅選擇，今次我就揀咗墨魚頭牛脷同埋牛肉餅！我就食米粉今日🙈🙈 個人嚟講鍾意食佢嘅菜普，非常好食，而且香口！墨魚頭非常爽口彈牙食得出餐廳嘅材料真係非常新鮮，另外每一次我都叫牛脷同埋牛肉餅，呢兩個真係呢一間餐廳嘅鎮店之寶，牛肉餅非常出色，咬落去仲有少少juicy! 👍🏻
继续阅读
佢墨丸真係非常高質，每一粒都非常彈牙，食得出餐廳係用新鮮嘅墨魚滑製造，果然朋友都想話打邊爐嘅時候都幫襯佢嘅墨魚丸，味道真係非常好食，冇得輸！牛脷嘅味道亦都非常好食，佢嘅厚切，所以食得出本身成個牛脷嘅口感，而且味道都非常好食，加埋佢嘅胡椒湯，簡直冇得輸！牛肉餅都係餐廳其中一個出名嘅菜式之一，牛肉餅加埋少少芫荽，成個口感都幾好味，而且我同朋友都幾鍾意佢本身牛肉餅嘅口感，味道亦都做得唔錯米粉嘅份量，雖然正正常常，但係再加埋胡椒湯，簡直就係另一個好食嘅味道，鍾意食辣菜譜嘅朋友都可以食佢餐廳提供嘅免費菜譜，而且餐廳嘅辣椒油亦都非常出色，鍾意食辣嘅朋友都不能錯過！
继续阅读
試咗呢一間裝修幾有特色嘅麵店，第一次幫襯梗係試下佢啲招牌嘢。鮮牛肉沙茶醬撈麵配紫菜黑豚肉餃湯。牛肉質素唔錯，係個沙茶醬比較普通，最主要係唔夠香。紫菜黑豚肉餃湯亦都冇乜特別，感覺就係味精湯加啲紫菜加啲黑豚肉餃咁啦，不過啲餸又算係多嘅。不過我覺得成件事最奇怪就係作為一間麵店，呢個撈麵竟然係用即食麵而唔係用啲傳統嘅廣東麵，即刻扣咗分。另一樣叫咗柱侯炆牛腩配米粉，跟餐會連一碗紫菜支竹魚蛋湯。牛腩入味好食，個湯同之前一樣只係配料唔同。另外仲叫咗個白蘿蔔小食，都係正常嘢，雖然應該加咗冰糖落去煮，不過唔係溏心白蘿蔔就唔係，扮唔到嘅。仲飲咗支豆漿仔。
继续阅读
呢間舖頭真係值得最少一個星期食一餐今日同同事又過嚟食，點咗恆常嘅胡椒豬肚湯，配搭豬肺，豬脷還有豬大腸。胡椒豬肚湯一如既往咁好味，白胡椒嘅辣度啱啱好，唔係好似辣椒咁辣，但係充滿咗白胡椒嘅香味，我懷疑佢炒過，再研磨碎，配搭柔軟香滑又有點咬感嘅豬肺，洗得好乾淨嘅豬大腸，間唔中一啖米粉，一啖豬脷，一啖湯，真係好爽。不得慨嘆一下，冬天寒冷嘅天氣過嚟食返一碗胡椒湯底嘅米粉，真係過冬天除咗煲仔飯另一個好選擇
继续阅读