元朗合隆潮州粉麵 (建基大廈) (已結業)

搬走左啦，間鋪去左灣仔，用程式無法更新餐廳資料，所以直接留一個食評。搬走左啦，間鋪去左灣仔，用程式無法更新餐廳資料，所以直接留一個食評。搬走左啦，間鋪去左灣仔，用程式無法更新餐廳資料，所以直接留一個食評。

其實平時牛雜就見得多，豬雜就真係好少見。去到北角見到間粉面店竟然寫住元朗，覺得都幾特別，所以就決定入去試下。一般粉面鋪都唔會好乾淨，冇蛇蟲鼠蟻都算好；但呢間係難得見到衛生搞得唔錯既舖頭，張臺同餐具唔會好油，雖然環境同茶餐廳差唔多就唔係好好睇。嗌左份豬雜麵、魚皮同雞翼。魚皮幾脆口，味道算OK但有少少偏鹹，份量不多；雞中翼我鍾意去皮食，肉質滑嫩，好味。然後仲有辣菜脯可以食。豬雜麵份量幾多，湯底睇落係清湯但有濃濃既胡椒味，配豬雜一起食味道正常，但我本人因為唔係好鍾意食內臟個D食物，所以都係一般般。

完全係為咗豬什而去!外賣一碗淨豬什... 入面有豬潤、粉腸、大腸、頸肉、豬心、豬肺、豬肚、豬耳、豬脷... 全部都係我鍾意食嘅... 可惜份量非常細... 仲要芽菜墊底!😅😅😅 不過... 呢碗豬什確係好食👍👍👍... 好香濃嘅胡椒湯底... 食完暖笠笠... 而且豬什處理得好... 乾淨又冇"壓"味... 值得讚吓!👏👏👏整體上係唔錯... 只係份量少... 扣咗d分... 不過下次再幫襯我會考慮配粉麵... 起碼飽肚d!🤭🤭🤭

貪近同快，就在公司對面，因為只有半小時晏晝。一看餐牌就覺得貴。然後我問有沒有豬手魚蛋麵。一位店員說沒有。只可以叫豬手尖麵加魚蛋。那就豬手米加魚蛋。豬手米豬手的份量不少，HK$48一碗我可以接受，但加HK$9只給我兩粒魚蛋，真的是最貴的兩粒魚蛋。豬手是胡椒豬手，湯有很重的胡椒味，味道不錯。粉麵的配料有很多。主打的似乎是豬雜，很多顧客都點。叫魚蛋的真的沒幾個。座位有十個左右，人多來會比較麻煩。出餐很快。

今晚在北角上堂，早到了一點，在附近閒蕩搵食。 見到一間跨區的小店「元朗」合隆，門面清潔親民，便試一試。餐牌上的食物選擇不算太多，但貪食的我，都花了點時間。 猶豫之間，一陣陣清香的胡椒、肉湯味，不斷打擾我，令我選擇更加困難，最後要了碗簡單的豬潤豬面青河。 豬潤面青恰到好處，河粉爽滑，食緊嘅時候，已經諗緊下次幾時再可光顧。下次想試試豬油撈麵，呢排無乜quota，唯有留番下次。我好少會飲晒潮州麵鋪嘅湯🤪順帶一提，招呼嘅姐姐好nice同好細心😊

疫情中，很想去這間豬什粉麵專門店，我住北角區，步行去這店要成10分鐘,這店有點近天后地鐵站，營業時間開11：30.我第一個客人入去，選了個望近馬路位置，過了十分鐘，也有不少客人進入，看了餐牌，可以自選豬什，最後都叫了豬什銀針粉，因為本身喜愛吃銀針粉，來到第一時間飲湯底，胡椒湯底，應該有用豬骨做湯胆，湯底好味，濃味中帶清湯底，豬什，（有肚，肺，腸，肝，還有豬頸肉，各項都很新鮮，及煮得剛好，不老，還叫了支豆漿，因為我張所有湯喝完，所以豆漿喝不完，下次一定再去，走時打包了醉酒雞翼，酒味特別重，揸車朋友小心

呢間舖頭有元朗兩個字。喺元朗住咗咁多年，我都冇食過呢間嘢。反而喺北角，我試咗粉間元朗嘢.間嘢裝修簡單得嚟幾乾淨,落地玻璃成間cafe咁.出面有張細枱仔,都幾舒服㗎.叫咗大豬雜湯米, 濃濃胡椒湯底,豬什正正常常,粉腸入面冇粉嗰種standard野.但係出街食算係咁.湯底一定會有啲味精,但係夠辣夠味,豬手都係好好味.鍾意胡椒湯底嘅一定要嚟試下,冬天食一定暖笠笠好正。呢個湯底食都唔厭,下次試埋豬油撈麵, 同埋醉雞.

今日午餐想食粉麵，同事被這店外大大隻字豬油撈飯所吸引，就決定响度食。店子比一般粉麵店企理。見到有豬什麵即刻心心眼，豬什豬油撈麵$45豬什好足料：有豬心、豬耳、豬肚、豬腸、豬肺、肉青、豬脷、豬粉腸、豬肝。最重要係豬什整得乾淨無異味附帶大量香蔥、芫茜、芽菜，清爽好味。胡椒湯底亦好好味，飲不停。豬油撈麵麵條有咬口，份量多到食唔曬要打包。同事叫的花雕醉雞米粉$48，鍾意佢醉雞分開上，試左一舊，酒香撲鼻，雞肉嫩滑，幾好食。

很美味的豬什河，湯底很香又唔太辣，河粉好滑，豬什份量好多，辣椒油很好味。我看見他櫃檯有辣菜甫，但我唔好意思問佢攞，下次一定要試吓。店員服務態度很好，而且價錢合理

那天中午與同事都唔知食吔嘢好，不如就近近地去了這間新開的麵檔買了幾個外賣。本來想坐下來食但那新鮮的豬什味，本人有點不太接受。原來𠈄地仲有懷舊豬油飯及豬油麵，所以我地便買了豬什配豬油飯、豬什配豬油麵、及豬什湯米粉。我選擇左個湯米因為冇咁heavy，個湯底超好飲、好鮮甜、味道十分好。豬什可能我本身不太食內臟，但真心沒有任何很強嘅豬內臟臭味。我的同事們都覺得好好味，豬油飯又香又大碗、豬油麵也是一樣。佢地仲讚D豬什超好食和夠新鮮⋯可以再幫襯！👍🏻👍🏻👍🏻

天氣乾燥忽冷忽熱，食啲流質野最舒服，經過幾次都見好多人排隊，下午經過剛巧冇乜人就入去食，環境真係麵食鋪當中算係咁，清潔企利。入到去已經有濃厚而醒神嘅胡椒味。好多樣食物都好吸引。最後叫咗花雕醉雞米粉。阿姐細心又醒目，會提醒我：「如果湯麵係油麵嚟㗎喎。」因為本身諗住叫麵食粉麵最緊要一啖湯，唔飲猶自可，一飲停唔到。嗰種由口而入嘅暖心暖肺暖胃再到腸道嘅感覺正係好正。連續飲咗五六啖先至開始食米粉。花雕雞好正夠滑，個人喜歡暖暖哋，如果係暖嘅就會更好。總括來講係開心嘅下午茶

一發現呢間野，短短5日內已經試過3次，基本招牌豬雜，魚皮，墨丸，牛肉都試過，樣樣都好到位好足料，特別係牛肉同魚皮，鮮味十足，香港好難食到。個胡椒湯底亦好入味，特別一讚係員工都超級有禮貌，同埋環境好乾淨，一般潮州麵店做唔到，強烈推介！（記得要試埋個「辣菜甫」）

成日都聽同事講呢間豬什湯食極都唔厭，其實我都唔係太信，但係今日同事終於帶左我黎初嚐。我同事食左個豬什湯豬油撈飯，佢既豬油撈飯大大碗，再加埋個豬什湯，兩個人食啱啱好。而我就食咗個豬什湯銀針粉，第一件事當然飲啖湯啦！飲完，心諗平時啲豬肚湯都冇咁正，呢碗湯一流，湯底正。豬什料好足，有豬心豬耳豬肚豬腸豬肺！最緊要係呢碗野平靚正，又大碗，咁都只係細碗，香港地物價咁高，真係可遇不可求啊！再叫個油菜同墨魚頭做小菜，飽曬！我一定會再嚟食！