元朗合隆潮州粉麵 (智群商業中心)

营业中

休息中

叫牛利羊肉双併外賣，回家打開無牛利嘅。落晒大雨，唔再落去啦。上網搵電話打去，又原來冇電話俾你搵到。幾好呀，好似咁想搵佢反映都搵唔倒。低級錯誤，叫嘢的時候都唔算太忙。咁都可以啤漏牛利，明明兩餸得番一餸。差差差差差。。。。

堂食點了一份一字排骨飯食落去味道都唔錯，然後睇到牆上各種遠的價目表鯪魚球一斤$180老闆話冇落胡椒粉同埋全部都係手打放咗陳皮。聽咗之後覺得都有啲吸引就買了半斤是結果一打開個盒一聞就有好濃嘅胡椒粉味，然後再食一啲陳皮都冇呃人。總結鯪魚球又貴

夥計態度惡劣：1. 鄰座伯伯取自帶礦泉水飲，被夥計喝止！伯伯話只是要飯前服藥而已⋯⋯2. 我已經吃了九成，就來食完走人，居然要我移到隔壁桌去！完全不尊重食客，呼呼喝喝。

可能係星期日假期，約中午時分都算多人在門口等入，坐下叫了一碗豬潤加粉腸米粉胡椒湯底 ，首先想講呢一碗米粉完全唔合格，第一盛裝的碗份量好少，另外所謂白胡椒湯底完全食唔到白胡椒湯味？？最重要係想講嗰啲粉腸入面是帶苦味的(所以沒有食哂)，而豬潤就又細塊又乾，齋俾這50蚊份量細，又沒有飲品可以加購，又坐到迫迫夾夾咁！真的不值一試。

灣仔的元朗合隆潮州粉麵，呢到嘅特色配餸真係出面粉麵檔比較少見，就好似豬什類嘅豬心，豬脷，真。潮州風味我點了3拼粉麵，分別是鮮牛利、豬肉青 & 魚皮餃，搭油麵同白胡椒湯底。呢個湯底真係世一，唔太辣，今日涼涼地岩哂，又可以軀寒 。每一樣配料都非常新鮮，牛利的口感滑嫩，豬肉青的味道鮮美，魚皮餃外皮薄透，內餡鮮香。真係新鮮包，唔似冷藏個種魚皮餃 。油麵的口感彈牙，吸哂湯底的精華，呢個麵真係可以再encore🍜❤️環境比較懷舊風，綠色白色紙皮石，我都鐘意呢種80年代感 。lunch都超多人，證明真係好食！

一直都好想試呢間元朗嘅豬雜粉。今日朋友過黎香港揾我，一於帶佢一齊去食啦。朋友都係豬雜嘅愛好者，幫佢叫咗個大嘅豬雜河。而我自己就因為太鍾意食牛筋牛腩，所以最後都無叫到豬雜，下次先啦。牛筋牛腩不過不失，最神來之筆係配豬油撈麵，一絕。叫果時都唔知叫豬油撈乜好？佢有麵/米/河/銀針粉/飯，糾結咗一陣，叫豬油撈麵啦。黎到一食，真係正，我個人覺得，豬油撈麵正過豬油撈飯。再加個足料五花茶，滿足。下次一定要叫豬雜粉食。

Went to this Chinese noodle resto in Wan Chai for lunch with colleague..I ordered Small Pork Offal with Rice Noodle. The pork offal assortment included liver, intestine, lung, stomach, ear and tongue. The offal was slightly dry and tasted quite plain, seeming to struggle to absorb the broth's essence. The liver slices were thin. Luckily I selected White Pepper Soup for the soup base, which helped to elevate the flavour of the dish. My colleague ordered Beef Tripe and Pig Ear with Rice Noodle. Sh

呢間潮洲鋪新開張幾個月左右lunch次次經過都見佢地排晒長龍搵日終於同男友嚟試下第一次食完覺得好食，所以有再嚟翻兜第二次第一次嚟叫左：🍽蠔仔泡飯個湯係白胡椒湯底，幾好味，少少辣味，d蠔仔都大粒同比得多，整體唔錯，可以encore🍽沙薑雞沙薑雞另外有比醬點雞食，但我通常唔點，試佢夠唔夠入味，雞肉有d鞋，個雞好淡味，似白切雞，唔掛得要靠點醬食，呢碟沙薑雞覺得好麻麻🍽牛筋腩正常水準，唔算好特別，筋位唔算好多，因為都“多肉”第二次再嚟食：🍽單餸 - 鮮牛肉 白胡椒湯 銀針粉個鮮牛幾好味，唔會"那"冧去冇晒牛味，同埋都比得幾多肉，白胡椒湯勁正，因為我鍾意白胡椒個辣味，飲左好多啖，冬天飲完暖笠笠，返到公司唔算口渴，味精應該唔重🍽3餸 - 魚片頭 黑椒牛丸 珍珠蠔 撈銀針粉魚片頭正常，黑椒牛丸就失望了，因為完全冇黑胡椒味，覺得似街邊好普通既牛丸咁，珍珠蠔係比泡飯隻蠔再細粒少少，就正正常常，銀針粉鋪頭加左少少豉油落去撈撈🍽上湯白蘿蔔蘿蔔正常貨仔，個湯係白胡椒湯底嚟

😎位置方面，喺灣仔站行過去大概2分鐘，方便而且喺皇后大道中，絕對唔難搵，大大個綠色招牌！😎食物方面，梗係要食佢嘅胡椒湯，同米粉配搭非常好，而家天氣轉涼，食胡椒湯個人成個人暖笠笠，非常好！揀咗牛舌，墨魚丸同埋支竹，三個餸都非常好食，支竹再加胡椒湯底吸入佢本身精華嘅味道😎服務方面，上菜時間都幾快，大概5分鐘，覺得可以接受😎價錢方面，有好多個餸可以選擇我揀咗三個，$53，如果食飯嘅話就加15！我覺得食米粉類別嘅會比較抵

呢間餐廳係食胡椒湯，如果冬天食嘅話一定暖笠笠，同事非常推介，所以就去咗試佢嘅三餸米～$53/3款, 佢嘅辣椒油同埋菜譜都好似好好食，嘢食未到之前就食咗佢嘅菜譜 味道都幾辣 不過我覺得都幾好食好開胃 碗嘢好快到咗 大概3分鐘 胡椒湯嘅味道非常香濃 飲啖湯先開始食 都好好飲 好暖個胃 佢嘅招牌牛肉餅原來可以外賣 下次打邊爐買啲返屋企食 味道非常好食 好似牛肉滑 爽口彈牙！牛舌就冇乜味道 不過勝在厚身 整體都可以嘅 米粉好大碗 我都食唔晒啲米粉 下次再返嚟試吓佢其他餸先 有好多唔同嘅選擇

同事呢一排都推介呢一間胡椒湯底為主嘅餐廳，佢係有幾間唔同嘅分店，咁啱就開咗喺皇后大道中，公司行過去大概都係5分鐘路程，新舖嘅裝修亦都非常簡約，空間感亦都比舊舖大，坐低堂食亦都唔會有好迫嘅感覺，今日就嚟試咗佢嘅三拼米🙈🙈 本身想食墨魚丸，但係賣晒🙈🙈芫荽牛肉餅係呢一間餐廳其中一樣特色嘅食物，喺出邊都好少有呢一個牛肉餅嘅配搭，係用新鮮嘅牛肉滑製造，所以食落去都非常爽口彈牙🙈 牛舌亦都非常有口感，佢同日式嘅唔同，佢比較厚身，所以咬落去有另類嘅口感🙈🙈 加埋米粉食嘅配搭都好，鍾意食辣嘅我，尤其我哋點少得㗎呢一間餐廳嘅辣椒油，餐廳自家製嘅辣椒油做得非常出色🙈 有衝動買一支返屋企🙈🙈

堂吃，冷氣未開，我要用点餐紙撥涼幾次，服務員先發現才開，唔夠要夠人數才可以開啟。😅另一男後生服務員，我已進食中，但不停比份餐同飲品我，我已說了兩次唔係我，又唔看單，又唔問人，其實我張檯有另一名食客，佢又唔問人。但付款單又識比兩份對方，我要問雙方取回。這位服務員比較👎👎。這位服務員好想快 d收工，北上嗎😅😅

之前媽咪見到呢間元朗合興隆有黑豚肉餃賣，位置係喺灣仔德仁街，於是放假返屋企之前就去嗰度買咗半斤豚肉餃返屋企俾媽咪食。媽咪話好食。某天我放工行返屋企嘅時候，發覺呢間元朗合興隆竟然開咗間分店喺我屋企附近，於是我下次返屋企就買咗個豬油撈銀針粉，另外雙拼餸係黑豚肉餃加佢推介嘅牛肉餅。買到返屋企梗係俾媽咪試先，黑豚肉之前食過都係一樣咁好食，牛肉餅就同一粒扁咗嘅牛丸冇分別😂豬油撈銀針粉就偏鹹，味道一般，總括嚟講唔會有下次😂

仲以為呢間元朗合隆只係喺灣仔近住摩理臣山嗰邊得嗰一間，原來而家除咗灣仔呢間分店，喺港九各區都已經多咗好多間分店。不過我之前見到灣仔摩理臣山嗰間排晒長龍，排咗外邊又熱又曬，都不是問題，內裏入咗去，仲要搭枱搭上搭，就無謂。我點了個白胡椒湯，想不到是比起家中的胡椒豬肚湯或是酒樓的胡椒豬肚辣得多，非常辣😥。辣的白胡椒味道，辣到喉嚨有點兒嗆；不過由於它是潮州舖頭，這也是正常的，因此你都唔使再試佢嘅辣椒油都會估到辣椒油應該更加係潮州辣椒油咁辣；另外我是了它的菜譜，同樣亦都是，食一粒，好似「辣椒版嘅香口膠」，一野就上頭，然之後頭頂直冒汗。🫨不過佢嘅配料分幾多，因此容易受客人歡迎，例如我叫呢個豬心、豬肺及鮮牛脷，基本上每一樣配料佢都有五六件，因為你內臟其實本身非常便宜，然之後仲要切到薄薄的細細塊，🤤其實成本也不用太多銀針粉嘅份量其實都唔算太多，都只係剛剛吃到飽的那個狀態。😳豬肺細細件的，質感尚可，不算是有些酒樓見到那些大大塊厚實的豬肺，不過味道都算清新。🤓豬心就偏向細化，細塊得唔嚟質地就比較硬實，🙂‍↕️因此都要慢慢咀嚼。最美味的，就是意料之外，在粉麵舖吃鮮牛脷竟然那麼爽口彈牙，可能因為它是鮮牛脷的原因

有朋友曾經推介過, 因為看過所謂食神Ricky San 推介, 從來唔信呢啲所謂廚神講的食評, 尤其是我佢過佢果間祥仔茶記(永康街9 號食過2次) 更加知道咩野料, 間野超難食都好快摺咗, 講真成舊水一嚄粟米玉粒反, 味道真係好so so 果程囉, 抵摺講返呢間元朗潮洲粉面環境好擠迫, 坐得唔舒服. 人手間野算大, 請了3 個樓面一個收銀. 明顯人手不足, 服務和態度好一般啦, 叫做唔駛QR code 落單食物質素點了2 個餐1 個是隻併米粉 481 個是三併撈飯 68小吃蘿白一碟 25見佢出名是爆汁牛肉餅, 一看見上枱, 妖佢老味, 牛肉餅只是牛丸 一開3 應該有2粒, 唔明點解會叫爆汁, 片開3片, 啲汁係邊?  味道唔覺好出色, 反而面環附近有間達豪仔, 味道好有驚喜, 另外是墨魚丸, 普通雪藏野味道沒有特別, 最後是黑豚肉餃, 食完覺得點解唔去附近間餃子店吃. 平凡個平凡. 最出事係個白飯, 啲飯偏硬難食, 成碗野叫好味係個湯, 叫味道香濃, 不過68元,  2 粒牛丸, 2 粒墨魚丸再加5 隻餃子, 真係係貴同唔飽.  食附近出名的燒味飯碟頭應該會飽肚和滿足啲米粉方面, 太太