元札幌拉麵 (悅來坊)

营业中

休息中

悅來坊拉麵🍜-荃灣依間位於熊貓酒店旁邊的悅來坊，座位有分店內及店外，都唔會話逼夾，坐得舒服😌。-豚軟骨拉麵$78 雜錦拉麵 $82而家一碗拉麵閒閒地都要$90，但元札幌拉麵餐牌上最平的拉麵只要$62，定食既飯最平都有$68，真係幾抵食。拉麵唔係平時直條形個種，麵身比較粗，曲線形，食落算有咬口，豚軟骨好腍好嫩，唔會多肥膏，咬落有肉汁。😌-環境：7/10服務：7/10好味指數：6/10回頭率：6/10

今日同朋友係荃灣行街，咁啱朋友係個拉麵控，最中意就係食拉麵，於是我地經過呢間拉麵店就入左黎試試。元札榥拉麵有好多款拉麵比客人選擇，例如有豚軟骨拉麵、元拉麵、海鮮拉麵等等，鍾意食辣既朋友都可以試下地獄拉麵。除左拉麵之外，呢到都有好多小食，例如牛舌串燒、串燒雞軟骨等小食。我同朋友分別嗌左地獄拉麵同海鮮拉麵，而且我地因為太肚餓既關係，仲加左麵底tim！加麵底就要20蚊。加完麵底之後拉麵既份量十分充足，而且湯底味道濃厚，食完麵都記得要飲埋個湯阿！地獄拉麵唔會話太辣，但就有一份獨有既辣味。而我朋友嗌既海鮮拉麵都十分美味，如果可以既話第時都會再黎幫襯。我地呢到最後用左220蚊，計番姐係110一個人，都算係正常拉麵店既價錢。

湯底分別有味噌、 醬油和鹽三款味道選擇👌元拉麵就選擇左醬油味💁‍♂️第一啖飲落去時覺得好重肉味😋估計師傅應該用左豬骨或雞骨去熬製👨‍🍳食落仲有陣濃濃既醬油味，味道層次夠曬豐富～配料分面，元拉麵有一大片叉燒😱叉燒肥瘦比例均勻，食落肉質好軟熟🤩.豬軟骨拉麵就選擇咗味噌味，而湯底亦夠曬特色💁‍♀️豬軟骨的份量大概有四嚿左右😚每嚿都煮到軟淋淋，就連D軟骨位都好易咬得開😝最尾仲發現有半隻溏心蛋tim🥚

今日去咗悅來坊嗰邊行街， 嗰度好多食肆咁行行下就去到一間拉麵舖， 佢啲裝修都好似日式同日本既店面都好似有個大叮噹公仔，12：30黎到有位，之後慢慢越黎越多人日式感覺Menu 好抵食呀原來78蚊一個set包左一款拉麵，一款小食，加飲品超級抵食平時呢個價錢只係食到一碗拉麵而已我揀左豚軟骨拉麵，入面有4舊，重料豬軟骨好軟仲好大舊我最鍾意既流心蛋丫小食我揀左餃子皮唔會太厚，豬肉味道岩岩好，唔會太咸另外都叫左款小食，野菜魚餅平時都好鍾魚餅既口感呢隻都好彈牙同扎實份量多，都幾大塊我一個女仔真係食唔哂咁多野不過就係想樣樣都食下真係整體都幾好，仲要係好抵食

喺荃灣熊貓🐼洒店個商場行日式超級市場，shopping 完有啲攰，所以跟住就嚟左呢間日式餐廳食晚飯。入到去裡面就比個大大嘅多拉A夢公仔吸引住，大大個好得意好吸睛，望吓周圍嘅裝修又幾有日本feel，柔和燈光幾relax，坐低之後就叫咗個蒲燒鰻魚飯($90)，呢個套餐有四樣嘢食，主菜當然係鰻魚飯，其他仲有一小杯熱辣辣嘅燉蛋，沙律🥗菜，同埋麵豉湯。鰻魚唔算係好大好肥美咁，但係就醬汁滿滿，食入口啖啖都幾野味。跟住仲叫咗一啲小食，串燒牛舌($38)，串燒雞軟骨($18)。牛舌都幾厚底，一串有五塊，幾底食。燒鷄軟骨仲底食，兩串燒雞軟骨只係$18，重點係入口有鷄油嘅香味，絶對唔係雪藏味!所以要比個LIKE👍超值👏

夜晚去悅來坊的元札幌拉麵食晚餐。餐廳內擺放一隻巨型多啦a夢，特別吸引小朋友視線。餐廳提供各款拉麵，也有飯類選擇。小食和飲品也有供應。札幌螃蟹拉麵的主角當然是螃蟹，另外配合半隻名副其實的流心蛋，和很豐富的粟米，非常切合個人口味。拉麵口感軟硬適中，份量也不少。湯底味道剛剛好，不會太咸或太淡。加了一碟小食燒八爪魚餅。這在餐牌找不到的，是寫了在牆上的店主推介。厚度大概一厘米，輕輕地被煎香，不會太過油膩，可能是上佳的佐酒小食。特別選了綠茶可樂。 來自日本就是其最大賣點；綠茶味沒有很濃，但始終比一般可樂味道清新。

朝早驗身完後，非常肚餓，來到這間元札幌拉麵店。餐廳位於悅來坊商場內，採用半開放設計，具有日式的裝潢，置身其中，猶如置身在日本。午市有各款套餐，有拉麵有定食，價錢不到100元，有主菜小食及飲品，份外豐富，另收加一服務費。札幌螃蟹拉麵拉麵湯底有濃濃的味憎味，是傳統北海道的味道。糖心蛋呈半熟形態，甜甜地有蛋香。蟹柳大大條，很滑口，拉麵彈牙且軟硬適中，煮得恰到好處。此外還有紫菜及粟米，每款都很好味。串燒雞翼雞翼有兩大件，用竹籤串連著，即叫即製，雞皮煎得脆口，鹹味適中，加上一點檸檬汁有助提味。可樂喝下一罐冰凍可樂，好味又滿足。如果去開荃灣又想吃拉麵，元札幌拉麵絕對是必然之選。

今日嚟到悅來坊到食晚餐，行完個商場留意完有咩嘢食之後，我同朋友就決定嚟到B1嘅元札幌拉麵🍜原因係見到佢嘅裝修比較日式，食物選擇多同夠哂實惠💰望一望個餐牌....飯嘅選擇相對比較少，有6款，拉麵選擇就會多啲，有13款👍🏼我就揀咗温泉蛋牛舌飯😋係呢到推薦嘅食物之一，咁就即管試試佢啦🙌🏼個飯係一個套餐嚟嘅~包咗茶碗蒸、沙律同麵豉湯🤓個沙律係用咗柚子汁去撈，酸酸哋夠哂開胃~個麵豉湯都唔錯...唔會太咸，飲完都唔會有口乾嘅感覺😇至於碗飯亦都份量十足，一共有6塊牛舌添🤤每塊牛舌都好厚切，一啲都唔會覺得韌添😚而且煮得幾入味~飯入面仲配咗隻流心蛋🥚吉開個蛋黃，撈埋啲珍珠米一齊食...正！

商場內的日式拉麵選擇大約6點半就到咗，仲早所以店內只有幾枱客，食到走大約7點半就已經full full地了店內其實唔只得拉麵🍜仲有日式飯選擇👍🏼兩個人仲可以叫少量小食share 我自己叫咗個豬軟骨拉麵🍜餐牌之廚師推介👨‍🍳豬軟骨已經好冧同入曬味，大約有三舊大的豬軟骨，份量十足🙈拉麵屬於幼身，麵質適中，配有糖心蛋和海帶等配菜糖心蛋入味，一啖放入口😆湯底適中，唔重味精湯味，濃濃豬骨味🐷又唔會太咸太淡小食叫咗店主推介的農田揚炸雞🍗大約有4件大雞塊雖然炸但表面的油不太多，炸至金黃色🐥而且入面炸粉薄，肉厚，可以加上沙律醬食，十分惹味，岩曬同朋友一齊食最後叫了雞翼和雞腎，加點檸檬汁🍋令表面更fresh，十分滋味

同老婆去荃灣行街街見到呢一間日本餐廳，入邊有一個好大既多啦A夢公仔，老婆就嘈住話不如入去食晚飯啦。呢間拉麵店係悅來坊入面,裝修簡而精。餐牌好清晰，我哋叫咗一碗叉燒拉麵，而且仲加左溫泉蛋、海草、紫菜同埋粟米做配料，每樣配料份量都好多。呢度既叉燒大大片有肥有瘦，麵條軟硬適中，湯底方面仲可以揀鹽味味僧同醬油。另外，我哋仲叫咗一碗蒲燒鰻魚飯。蒲燒鰻魚真係好吸引，個汁同肉簡直係絕配。連埋飯同埋蛋絲一齊食實在係一大享受。呢個餐仲包埋份沙律，茶碗蒸，麵豉湯，非常豐富我哋叫埋一個煙鴨胸豆腐沙律，首先佢份量好多，鴨胸既鹹比豆腐同酸甜既芝麻醬中和返，係一道幾好既開胃菜。食完之後我地兩個人都好飽好滿足。真係抵食又好食

同老公喺荃灣行街，經過呢一間日本餐廳，見到入邊有一個好大嘅多啦A夢公仔，非常可愛，於是就被吸引了。首先，我哋叫咗一碗叉燒拉麵，並加了海草、紫菜、溫泉蛋和粟米做配料，我幾欣賞呢度嘅拉麵，有好多種配料可以選擇，每種都只係加幾蚊。叉燒的味道不錯，麵條軟硬適中，湯底方面，可以選擇味噌，湯底濃郁，而且海草和紫菜有豐富的碘，很健康。另外，我哋叫咗一碗蒲燒鰻魚飯。鰻魚燒得很香，飯上面鋪上了蛋絲，咁高質嘅鰻魚飯， $100都唔使，性價比很高。還有一碗沙律，蒸蛋，麵豉湯。最後，我哋叫咗一個煙鴨胸豆腐沙律，沙律菜上的芝麻醬令沙律生色了不少，而且份量非常多。總括來說，這一間日本餐廳的食材選擇很多，裝潢非常日式地道，價錢合理。

食過荔枝角元札幌拉麵至知咩叫大件夾抵食，今晚去大窩口都見到一間，七點已經有幾多人，相信質素都唔錯，對腳好自然行入去搵位，一個人好易就有位，環境同荔枝角差唔多，幽暗中帶點偏紅色，但多左個大大多拉A夢企響店中間「睇場」，感覺上比較細，不過又幾有親切感。Ankake 拉麵（$72）好大碗，麵多唔載講，麵質適中，糖心蛋好靚，湯底鹹度適中，食後唔口渴，真材實料，加多$28就可以追加自家製手包餃子一客，有四件香煎手餃，好有屋企味👍🏼👍🏼北海道南瓜炸薯餅（$18），即炸熱辣辣，南瓜肉融入薯蓉中，香、甜、滑嘅內餡，配合脆卜卜外層，口感一絕，大大件伴上沙律菜，雖然食得出炸油新鮮度不足，但十八個大洋真係好抵食。

近排酒店價格回落 所以book咗悦來酒店幫朋友慶祝生日🎂同朋友一早黎到酒店佈展房間 大家都肚餓就落咗留下商場到揾野食😊我地行到有間有多拉a夢嘅日本餐廳用膳 平日午餐時段吾算太多人 餐廳設計新穎 鍾意多啦A夢嘅人可以到此一遊我叫咗個$78自選三寶套餐 有拉麵 小食 飲品拉麵我揀咗Ankake拉麵 湯底吾會太咸 麵份量充足 都幾彈牙 流心蛋有流心效果 塊叉燒吾太厚 都幾吾錯小食揀咗我最愛嘅串燒雞軟骨 加入檸檬汁 酸酸甜甜 再加上燒得啱啱好 好熱好脆口 好有口感 真係一串都吾想同朋友交換 朋友小食揀咗燒多春魚 佢話燒得吾會太乾口 食落吾會太硬另外我地再追加小食 第一份係章魚燒 真係又大又圓又飽滿 另外一份係煙鴨胸肉豆腐沙律 芝麻醬沙律非常充足 多到瀉 吾會係食一半已經冇晒沙律醬

香港食拉麵價錢真係貴過日本好多，今次係荃灣揾到間價錢合理又親民嘅日本菜🇯🇵係商場入面，都易揾，門口已經有濃濃嘅日式風味拉麵🍜種類都幾多，有大約十幾種款式今次就揀咗餐牌上有👍🏼嘅北海道櫻花蝦拉麵🍜有基本配料:筍、海帶、糖心蛋、少量洋蔥、葱花，少量肉類湯底十分濃郁🥣拉麵吸收盡湯底精華🤤湯同拉麵一齊食😆👍🏼不過個人鍾意硬麵🤦🏻‍♀️但我唔記得咗落單講份量屬於正常，一個人食都偏飽店內仲有串燒類可以選擇$18 串燒雞翼 兩隻，juicy，燒至金黃色，調味十分惹味$18 鹽燒雞腎 兩串，香口之選😆燒八爪魚🐙餅，配少量醋，厚度剛好，一啖入口，外面也燒至金黃色，咬口彈牙，呢個係廚司推介嚟，$32兩塊

悅來坊不知不覺愈來愈多野食，日本野茶餐廳連鎖炸雞店宦都有得揀。今次一個人晚餐就想簡簡單單食個拉面。入到去好有日本feel，仲有隻巨型多啦A夢看門口。小朋友打卡就岩哂啦!!一場嚟到就叫左個樣樣都有d嘅雜錦拉面。份量都幾多，面質屬彈牙粗身個種，湯底好濃。流心蛋好流心haha另外，有蟹棒，豬軟骨幾入味。叉燒都有一片。食完已經好飽飽，不過仲想嚟多串燒雞軟骨，附左一片檸檬好熱啊! 一份有兩串，送啤酒就最岩啦。