元気寿司 (大埔超級城)

营业中

休息中

大埔分店每晚都很多人排隊，但sushi 質素不錯，平時最喜歡炸蝦卷，燒帆立貝，tuna, 牛油蜆烏冬。燒左口魚邊也很不錯！ 服務質素一般，幾次都見到門口有客人鬧交，可能太忙了。

是日放假照顧阿B，結果好晏先食午餐/下午餐，差不多4點先食，去左大埔中心食壽司，因為平時元氣太多人，無心機等，今次就唔洗等。依家轉左用手機自己落單，食物由高速列車送上，連伙記都減少左。叫左個下午茶，5件壽司、蒸蛋同南瓜餅，再加左個手卷，埋單60幾蚊，其實唔太抵食，但壽司同圍都貴，而且元氣無減份量（有啲壽司店壽司超細舊），所以算咁上下。味道方面有一向水準，說不上好好食，但總比超市壽司好食，個蒸蛋都幾滑，而南瓜餅又夠乾身/脆口，雖然手卷啲餸少左啲，但勝在跟餐平左，都算交足功課。

-又是元氣了😛又出了新產品！♥全球冠軍香港代表🇭🇰《避風塘吞拿魚》嗯⋯覺得怪怪的🤨口感層次的確豐富了，不過失去了吞拿魚香味🙁而且吞拿魚有筋，質素一般～另外炸蒜不夠脆，也許受潮了😶♥日本代表🇯🇵《忌廉芝士醬油脆蒜吞拿魚》這個也是很有口感的🤗不是辣，而變成了酸忌廉～這配搭比較能突出吞拿魚香味💛而這塊吞拿魚也剛好比較美味xd不過下次～還是想吃普通的吞拿魚❣️♥小提示 Tips：每次來元氣壽司必叫軟殼蟹手卷、炙燒黑椒三文魚、蟹肉蟹膏軍艦、三文魚和帆立貝🥰 個人認為這些比較高質！不過這次的質素+分量是近一個月來最差的，軟殼蟹還是冷的，紫菜且是軟掉了，下次不來這間分店了🙃

2019年3月5日同同事又食元氣，冇乜人。好快就入左去坐。叫左啲就等佢野食到。第一件黎到，就係咁樣唔知仲以為壽司係中途打交咁。差評第二碟。三文魚。真係差到喊出黎佢仲要係結左冰咬落係沙冰咁青瓜卷。正常啲。但好似放左好耐咁。最出色係佢。北寄貝，睇落最新鮮。普通野。炸蝦卷。涼既。一啲都唔熱。都唔知點解會咁出。包得好醜樣既卷物。不過佢個牛油果唔係硬。可接受程度高左啲。最好係佢。夠曬凍。個炸芝士年糕係暖。唔係熱唔夠熱既炸芝士年糕係唔好食對佢失望！最近都唔再黎食佢

唔知幾時開始我喜歡了一個人去元氣嘆壽司，靜靜的坐在迴轉Bar枱，可以看著壽司不停在眼前轉轉轉，但今次有點不同，已轉用了高速線，首先要掃瞄張單上面既QR code，在網上落單，可以慢慢揀，當然有1小時免費Wifi提供，每次只可以落6項單點，食物真係超高速送到面前，咁就唔怕壽司唔新鮮，唔知擺左幾耐（哈，不過我每次都只會即叫）。講番野食先，每次來都要食蒸蛋，果然無令我失望，一樣係咁滑，一樣咁鮮甜，黎元氣必食。

2019年2月27日午餐同同事去左大中，見元氣冇乜人就去左食元氣。由於佢轉左上網落單，要用電話入。但係我電話入唔到，佢都好體貼咁借左部機比我。點完車就等佢個火車到。一黎就黎錯野跟住同佢講。佢幫我對左單就拎走左。之後就冇再錯過。榮螺。普普通通。三文魚，都係普普通通。炸粟米，夠熱！都幾好食。青瓜卷係我既必食。冇特別。但開始愈來愈細件。左邊係北寄貝沙律，右邊係北寄貝。蟹子沙律軍艦炸年糕！夠熱就好食。加州卷，愈來愈細件。炸蝦卷。唔太夠熱。其他無影到。都係不過不失。

中午陪阿媽去食，叫d 好基本三文魚帶子油甘魚壽司刺身，好一般。刺身中間仲有少少雪，入口有點水水感覺，失望。元氣一直俾我感覺雖係連鎖店，但食物水準有保証，火車快速送食物都無用啦，都唔新鮮既...

一想食壽司，都會第一時間唸起元氣，因為始終分店多，又有高速列車，order好快到面前。但亦因爲人客太多，元氣好似水準下降中，好似三文魚壽司為例，三文魚仲未完全解凍，又冰又係咁出水甜蝦卷就得少少碎蝦，而且外貌好凌亂，不討好北寄貝沙律中規中矩，算係比較、好食。因為見到廚房都係由經理/侍應幫手整壽司，所以都無咩期待鰻魚芝士卷丁屎咁大粒，真係元氣價錢，爭鮮質素

非常超级低効率，應删除電話取飛，只留現埸取飛。假日至少等90分鐘以上。座位由少，由不懂留位给3人或以上的客人，只不斷给座位於1至2位的客人。不懂檢討。設計及策劃者真趕客，不到也吧！

新裝修後沒有來過，現在全變了自己點單，不過有問題想問侍應或者點錯單既話想同侍應講聲，一舉手都即刻有人回應。跟朋友一同點了午後之選，50蚊一個LUNCH SET，個質素同個價錢都OK 成正比，而家個壽司拼盤就變左高速咁送過黎~熱食烏冬就都係人手拎過黎，炸多春魚很不錯~~~! 烏冬就正常味道啦~冇咩特別亦都冇咩伏~一向都鍾意食呢度既赤海蝦同炸蝦卷~~~~好好食~~!!可能因為兩點半後先黎到，唔洗等位就有得即刻入座同食~坐左個大卡位，超舒服~上菜都唔慢既~~~~!

今晚忽然想食元氣，所以預早喺元氣個app度攞得飛，諗住落到去就可以入去食，點知去到已見人山人海，最後都要等二十分鐘才可入座，但嗰陣時其實只係六點鐘咋喎。一坐低二話不說就拎起元氣提供嘅Tablet去落order，三文魚刺身、壽司就一定走唔甩，其他還有芥末八爪魚、玉子壽司、牛肋骨壽司、粟米、海膽，火炙帆立貝、三文魚頭湯、軟殼蟹手卷等等。啲食物都好新鮮，三文魚腩夠肥美。另外出奇地叫咗一杯白桃梳打，好香桃嘅味道而唔太甜。呢餐四個人食咗六百幾(本身以為過千)，都算抵食喇~

有時唔想食得太heavy的時候，食壽司會係一個好的選擇，因為小了煎煎炸炸的食物！想食壽司，自然會即刻想起元氣壽司，價錢適中而且質素okay!但奈何就係要等.....等.....位啦😑😑😑😑一等就等左over 一小時才入座，入座時已經非常肚餓了！等了又等中松葉蟹軍艦～～有牛油果及我最喜歡的蟹！😍火炙帶子壽司～最喜歡食帶子，大大粒好鮮甜😍😍香蔥吞拿魚卷～入口即溶，回味無窮厚燒玉子～～小小飯包起入面加上厚厚的玉子，真係超滿足！如不介意等1.5小時位的話，佢係一個保險的選擇！

一直都是元氣壽司的fans，貪其食物及服務都有一定的質素且價錢合理。這次來到大埔中心的元氣壽司，等候時間不長，約２０分鐘左右就能入座，而食物上餐速度也挺快的。整體還不錯。

今日放工一個人返大埔，圍繞自己屋企附近冇咩好食，所以到大埔中心元氣，點知一去到超多人，唯有叫外賣!等around 10-15 mins就拎得，行大概10分鐘就返到屋企! 外賣都包裝得好企理，一啲都唔馬虎!雜錦刺身: 第一下就食甜蝦，好甜呀，食落去甜味停留左喺舌頭上，令我十分滿足! 三文魚 同 北寄貝 同平時所食都差唔多，冇咩特別!三文魚壽司 & 炙燒三文魚壽司: 兩款都好新鮮，外賣都不失堂食既感覺!帆立貝壽司: 佢同甜蝦一樣都有嗰種新鮮既甜味 好味既!軟殼蟹手卷: 最後先食手卷，已經開始飽啦! 雖然經過10分鐘既路程，之前又食左咁多野先到軟殼蟹手卷放入口，不過佢依然熱熱地既，紫菜同飯食既時候先合體，紫菜原全冇"林"既感覺! 美中不足覺得今次既軟殼蟹有些少鹹!三文魚頭湯: 每次去元氣例必飲佢既三文魚頭湯，佢啲湯奶白色，今次重有兩件魚頭，超多軟骨，唔多食魚既我都喜歡飲!

這陣子元氣再次招募會員，我那位會籍過期已久的家姐自然想從新入會吧。不過來到限期前的一天她才說還欠二百多元，要幫口吃到夠的工作，我與媽媽自是義不容辭呢~本來已預期星期五的晚上等位是必然的吧，但等了足足一句鐘才能入座，似乎低估了大埔街坊對壽司的喜愛？還好這天加班了一段時間，其實我只等了五分鐘便入座了~日式燉蛋 $18*2元氣的日式燉蛋質素向來有所保證，香濃的湯汁使嫩滑蛋身更顯滋味十足，美味！日本溫泉玉子烏冬 (溫) $28溫泉玉子烏冬似乎是我吃元氣的指定動作，將溫泉玉子與烏冬拌勻後，麵條入口盡是被蛋香包裹的爽滑，滿足~野菜餅烏冬 $28點了一客湯烏冬給媽媽，當然我也偷吃了一點的野菜餅，大概只有紅蘿蔔與油蔥，味道較為一般，比較起來丸龜的野菜餅要出色一點。日式炸雞 $28看上去挺乾身的炸雞，吃起來雞肉還算嫩腍，還能吃到肉汁是大驚喜！來到壽司出場，先來的是軍艦三味($25)與辣味三文魚軍艦($16)，味道沒有驚喜，新鮮程度也是一般，只有口感仍爽的海膽墨魚算是值得一提。炸蝦卷 $20入口雖然只有微溫，但炸蝦仍算香脆，不錯吃。元気卷 $22元気卷看似是修改過配料，捲在飯裡的竟然是魚皮？質感軟軟倒是有