元気寿司

营业中

休息中

平日1點半去好多人，出餐速度比較慢，另外又落錯單搞到等左半個鐘先出到個三文魚手卷。牛肉薯餅竟然係最快出，外面夠脆入面薯蓉夠熱夠軟，加埋d牛肉碎，口感好好。壽司定食 $68，好抵食， 但炸蝦卷d紫菜林晒，另外烏冬湯底無味，加左7味粉好好多。

上星期打風，沒有去試新食店，所以暫停寫食評一星期，今個星期，我和同事去到杏花村的元氣壽司午膳，其實之前都有介紹過元氣，不過我見這間元氣的餐牌與之前光顧的那間略有不同，所以即管試下，看看水準可有不同。今次同事點了燒鯖魚套餐，套餐包括燒鯖魚，關東煮，麵鼓湯，沙律和白飯，相對較為抵食。而我則點了三款食物，分別是日式燉蛋，芝士蟹籽吉列豬扒壽司和我最喜歡的鰻魚手卷。日式燉蛋賣相不太吸引，幸好味道跟之前食過的沒有太大分別，仍是十分足料，日式燉蛋內有蟹柳，日式魚片，冬菇和素翅，燉蛋亦夠滑，燉蛋吸收了配料的精華，味道不俗。鰻魚手卷的份量不太多，加上日式醬汁，醬汁甜甜的，配上手卷更能帶出鰻魚的味道。至於芝士蟹籽吉列豬扒壽司，吉列豬扒和蟹籽都很夾，可惜的是沒有芝士味，反而口感有點像千島醬 ，但整體而言味道唔錯。

唔知係咪因為天氣凍又加上係平日，店內客人唔太多，完全唔洗等位。迴轉帶上面既壽司廖廖可數，基本上都要搵服務員落單，不過客人唔太多，所以好快就會有服務員過黎。環境都算係咁，除左張枱未抹乾淨，仲殘留上手客人食剩既食物屑之外。兩個人食左二百六十幾蚊連加一，好飽。食物既質素不過不失，唔算好食，但起碼唔難食，覺得還可以接受啦，純粹用黎填肚還ok，但唔會有一種好好味好正好幸福既感覺。佢個炸雞中翼係覺得比較出色既，第一樣到既食物就係佢，但我地冇即時食，放到好後期至食，但仍然好脆，裡面仲竟然有少少肉汁。其他叫既食物，包括有玉子壽司、芝麻八爪魚、花之戀、芝士鰻魚卷、吉列豬扒手卷、日式炸芝士年糕、炙燒辛辣三文魚腩壽司、鵝肝壽司、日式燉蛋、蟹柳沙律船、炸雞軍艦等。日式燉蛋同平時食開既蒸水蛋冇分別。花之戀既三文魚唔夠新鮮。整體黎講還可以啦，可以有下次，當我諗唔到食乜而佢又係附近既時候可以再去既，但唔會專登去食，因為真係好普通既質素。

之前因為身體唔係太好, 唔敢食生嘢, 呢幾日好返好多, 一於去食壽司, 點了12件最愛吃的3文魚腩, 一放入口, 感覺有點怪, 失去了原來的鮮甜味道...滿心以為錯覺, 再試第二舊...真失望! 味道完全不及以前! 我仲叫左12件...真係想退貨, 唉!甜蝦軍艦味道就可以保持, 尚算好味.特大凡立貝依然夠晒鮮甜! 美味!今次D燒牛肋骨夠嫩口了, 有進步.加州卷味道很好!

講到食壽司, 都係呢間抵食又好味, 首先點了12件最愛吃的3文魚腩, 夠晒肥美.甜蝦軍艦味道就不過不失.特大凡立貝就真係夠晒鮮甜!燒牛肋骨略嫌牛肉不夠嫩口.炸蝦卷味道很好!

點了三文魚腩壽司, 甜蝦軍艦, 特大凡立貝壽司, 燒牛肋壽司. 其中最好食就是三文魚腩壽司, 少少肥, 入口嫩滑. 至於特大凡立貝壽司, 真的夠晒大舊, 差少少不能成舊一次過放入口. 甜蝦軍艦就一般, 不過不失. 燒牛肋壽司就差左少少, 唔夠嫩口.