元気寿司 (新翠商場)

营业中

休息中

👶🏻初嘗珍珠奶茶🧋😍平時我嗌珍珠奶茶🧋 黃豆會問我可唔可以請佢飲🤣 會因有咖啡因同糖分高而拒絕佢😏 宜家Mother Pearl 圓貝 推出左👶🏻小朋友都岩飲既「圓貝媽寶」系列🧋 佢自己可以飲一杯😎😎 「圓貝媽寶」系列🧋有7款選擇 每款都用自家製植物奶同選用健康糖 每杯兒童飲品都有不同營養價值 而且無咖啡因 大人小朋友都岩飲🤗🤗黃豆鍾意Baa Baa Black Pearl 爸爸羊同Golden Minion 黃金少少兵 顏色鮮艷 成杯好似幅畫咁🤩🤩仲有Q彈既珍珠 佢想一口氣飲哂🤭🤭我同豆爸鍾意 Cookie Monster 曲奇怪獸 朱古力🍫味濃同滑身但唔甜 🫶🏻 有小朋友就揀Mother Pearl 圓貝🧋唔洗再偷偷摸摸🤫🤫「圓貝媽寶」系列🧋⚪Snowy Olaf 抱抱白雪人🟡Golden Minion 黃金少少兵⁠🔵 Baa Baa Black Pearl 爸爸羊🟢 Groot In the Woods 小樹人🔴 Peppa George 佐治小豬🟣 Dragon Trainer 馴龍騎士🟤 Cookie Monster 曲奇怪獸

好耐無一個人去食壽司柴灣真係唔多選擇唯有入去元氣，當自己快閃一轉日本遊啦🔆玉子壽司一般，無咩特別🔆炸蝦軍艦炸蝦都夠脆口，不錯🔆蟹籽壽司蟹籽都唔小！🔆牛油果軟殼蝦手卷因為錯手落錯order，第一次試軟殼蝦，都幾特別，都脆口有蝦味！簡簡單單的一個午餐，都不錯啦😆

諗住黎同老公入黎食少少野醫下肚，點知元氣既質素差左咁多，炸軟殼蟹手卷同炸蝦卷壽司黎到完全唔熱系冰凍既，三文魚壽司啲三文魚仲差過爭鮮，真係好失望！叫佢重新整等左勁耐都唔黎，以後唔會再黎食

元氣算係中價壽司，我通常會去食下午茶因為真係好抵，大概60幾蚊就已經有壽司有蒸蛋同有熱嘅小食。環境方面佢基本上係格住左兩個兩個，幾有自己嘅空間，如果一個人嚟都唔怕尷尬。

喜出望外的午餐好耐已經無去 元氣壽司了，何解？因為香港食野真係太多選擇 😂，闊別一年再嚟元氣，水準依舊唔錯，尤其是佢哋嘅招牌名物 : 軟殼蟹手卷真係無得輸，上枱時蟹身仍有微温，放進咀裡嗰種香脆口感簡直一試難忘，實屬每次必點嘅食物，正 !當然咁耐無嚟，梗係要食多幾款啦，蜆湯烏冬，赤海蝦壽司，超巨帆立貝花之盛，螃蟹湯 ...... 款式太多未能盡錄，大滿足的一天。另外一提， 店員既服務態度幾好，好有禮貌服務亦好迅速，值得一讚。

公司聚餐就去元氣買外賣番公司成班同事一齊食。我地散叫壽司, 小食, 刺身又揀左一set set 壽司同便當, 仲叫埋甜品。元氣長期都有人排隊, 所以落左單都等左差不多二十分鐘先有外賣拎。番到公司就將D野食放哂出黎影番張相留念先。三文魚刺身好肥美, 帶子刺身夠鮮甜。壽司全部都大大粒。影完張相就即刻開餐食完枱面上既食物, 個肚已經好full, 所以叫左既芝士蛋糕同雪糕都冇即刻食, 留番下午茶時間先再嘆。

今天午餐時段來，發現不用等位坐下用手機點餐新出珍寶帶子壽司不錯真的超級厚身但忘了影相中吞拿魚感覺不錯三文魚親子和油甘魚賣相不好睇到都覺得質素差了好薄身……洋蔥柚子胡椒油甘魚都正常溫泉蛋，等了好一陣子炸三文魚皮應該好油，越食越覺得油味很濃，不是香脆，偏硬沒沙律醬完全吃不下……放棄

香港人應該高達75%或以上都鐘意食壽司🍣，但要帶埋有朋友一齊食壽司就一定要揀元氣壽司，有兩大原因，1.價錢物美，2.有兒童餐單，例如：烏冬，蛋壽司🍣，炸蝦卷，蒸蛋...呢排仲有生物角落主題☺️☺️呢個炸蝦🍤卷，每次最少要叫3-4 碟😋😋蒸蛋入面有，蝦🦐，日本魚蛋，蟹柳，清清甜甜，岩哂小朋友👍🏻👍🏻👍🏻我就鐘意食牡丹蝦，又大隻，又新鮮，而家仲做緊優惠$10@😜😜最後小朋友最鐘意食泡芙，外面有朱古力醬，裏邊有雲呢拿雪糕🍦

賣相差，刀功將啲魚生切到一忽一忽，米又唔熟，紫菜好似刷膠。 大大話話食過幾十次元氣，主要集中將軍澳沿線，完全冇問題，未道好穩定。 唔知點解柴灣呢間會變到咁。我點了超過十款，沒有一個我覺得ok. 點解呢？ 點解呢間店會咁樣？

而家疫情下收咗工冇得坐喺元氣回轉吧枱食壽司😭唯有買外賣返屋企食啦!🔺灸燒帶子壽司🍣佢粒帶子好大粒，而且味道幾新鮮唔會有腥味，再撈埋面上嘅沙律醬一齊食好正！ 🔺炙燒黑椒三文魚壽司🍣個三文魚燒得勁過帶子個款，食起上嚟唔會食到好勁黑椒味所以怕辣人士都可以食。好鍾意個沙律醬撈埋一齊食令個壽司生色不少！🔺三文魚腩壽司🍣佢$10件咋好抵食！每次都會必叫的！一入口佢嘅油脂味就爆出嚟成口都係好正😍🔺花之戀壽司🍣佢價錢比較貴要$22得一件😭但佢有2大塊都切得厚嘅三文魚，我最鍾意係佢裏面有好大pat沙律醬一啖食入口好滿足！

因為疫情緊張，好多時想食不同的各國料理都未能親身去食，剛好現在有多個外賣app, 鳴巴eat, 熊貓外賣，deliver嗚，實在各花齊放～早幾日突然想食壽司，於是用熊貓app訂屋企附近的元氣，大概30分鐘送到～一打開壽司送到黎都仲幾靚仔，蝦卷仍非常脆口，好味道～～ 長長大蝦既蝦肉鮮味可口我最鐘意既鰻魚，一如以往美味，簡單燒汁大滿足蟹棒啖啖肉，鮮味十足！今次用熊貓外賣因為屬於第一次，有迎新優惠，成盤都只係要1百蚊多d,實在太抵了！！

去元氣壽司不一定食壽司，還可以食極有新年氣氛的「撈起」（約$180）。不過既然是「元氣壽司」出產，也少不得日本特色的三文魚刺身：所以這一道也算是fusion菜。這道菜的材料除了魚生外，也包括多種菜絲：椰菜絲、紫椰菜絲、青瓜絲、甘荀絲、中華沙律、薑絲和蘿蔔絲等，就像七色彩虹一樣。加上花生碎和鬆化薄脆，配以特製的芝蔴梅子汁及調味粉撈勻，大家齊聲說「風生水起，大吉大利」等喜慶話語，好不熱鬧！相信始終這一道菜是粵菜，元氣做起來總是味道不及中菜餐館的好食，趴感覺是食一團菜絲，可能是少了一些材料。下次再訂其他餐館的「撈起」，再作比較！

元氣一直都係一間非常受歡迎嘅壽司店但係我覺得佢唔同分店之間嘅質素非常之參差柴灣呢一間我覺得係唔好食嘅因為佢啲飯非常之硬而且壽司上面嗰塊魚生嘅形狀非常之奇怪 我覺得好似百佳嗰啲包裝機制壽司咁

每日lunch都要諗食乜好，正當搵緊食咩時，就醒起自己元氣儲多百幾蚊消費就可以做到會員喇！咁就拿拿聲沖去拎位啦！因為元氣lunch時間同晚市時間都係勁多人架！好彩唔洗等位就入得，而家元氣改左用火車送壽司去到你面前，感覺係新鮮左同埋衛生左。一坐低拿拿聲入單叫左炸雞翼、湯烏冬、黑椒炙燒蠔壽司、八爪魚壽司、仲有炸蝦卷呀！最鍾意食佢ge炸雞翼，外脆內嫩，入面仲好juice一啲都唔乾。另外，炸蝦卷都係必點，表面蟹籽卜卜脆，入面再配脆脆地炸蝦🍤，好有層次。好好食呀！今餐終於儲夠做到會員喇，入會仲送左我一套禮物🎁，係綠茶粉同一隻元氣杯。下次再去元氣可以遙距拎位喇✌🏻✌🏻✌🏻✌🏻

去到柴灣呢個搵食沙漠。諗唔到食咩好就去左元氣。lunch time場內都坐唔滿。冇set叫要散叫。掃瞄QR code落單。好快壽司就會由列車送到面前。黑椒蠔眼見都好飽滿。黑椒太過搶味食唔到蠔味。芥辣八爪魚啲八爪魚好多。芥辣味好夠嗆。三文魚係平時超市買到嘅味道。油金魚色偏黃。食落好腥唔夠新鮮。筋子味道唔會過咸有驚喜。厚玉子好似擺左一陣咁。中間放飯放得有啲求其。蟹棒咬落好多汁。唔錯。總結食物味道中規中矩。魚類唔太夠新鮮。