元気寿司 (新翠商場)

营业中

休息中

嗰日同幾個細路去食下午茶，細路仔鍾意食元氣，冇問題啦細路仔，一行三人去食咁叫野都OK豐富，但講真係下午茶嚟嘅啫佢又麻煩星期六日冇下午茶咁都冇問題，細路仔又到發育期，胃口都幾好當然細佬要食我哋做大人嘅都積極配合依家佢改咗唔係會轉，係有部火車送出嚟。呢個想法係肥雞20年前已經諗到，唯一比我講一句俾人干擾點算？俾人截胡點算？當然20年前人嘅素質冇現在咁好，現在應該唔會出現...掛....之後我一個食評係嗰間爭鮮，其實都唔會平得去邊！但一大兩細，去食下午茶食$400。有些貴，但放心仍然會食

差唔多9點半嚟到，所以都無咩人，而店員亦好好態度招呼。可能一次落得太多茶粉，有點濃不過好香茶味。分別叫左一個竹輪烏冬同太極面，竹輪烏冬湯底仍然保持水準，十分濃郁，忍唔住飲哂太極面就比較乾，加少少湯去食就好好多。炸蝦卷相當脆口，每次必點之選！炙燒明太子三文魚上面d明太子非常好食，為三文魚嘅鮮甜點綴。玉子壽司就比較乾身，魷魚亦都唔夠新鮮，有點失望。北寄貝沙律壽司則沙津味偏重。至於炸大蝦天婦羅就真係好大，足足有一部電話咁長，相當脆口，不過炸粉太厚，是為敗筆。最後必點的軟榖蟹手卷，軟殼蟹外脆內軟，加上沙律醬，perfect match！ 不過軟殼蟹好似比上次細左。

只要我諗起日本壽司，我一定第一時間諗起元氣🍣雖然佢係一間連鎖餐廳，但係勝在多分店，種類又多，價錢又正常。每次去食都必定會叫辣味三文魚軍艦，油甘魚，吞拿魚，三文魚腩。依家好多高速列車分店，仲更加方便，啱晒香港人急促嘅節奏😃

食過2次，2次都係排哂長龍同女朋友夜晚突然想食壽司，就去左呢到排隊8:00左右開始排，排呀排呀，都排左成個鐘好在可以有就到通知功能，可以週圍行下街要等19個，都比想像中快了入到去座吧枱位用app點餐，都幾易用，全線用快車感覺比迴轉好新鮮一點，有趣一點叫左帶子，三文魚腩，甜虾，芥辣八爪魚一個面 ，試完之後，面可以唔叫，其他都可以不過送餐架車就亂到7彩有時去到同格離個個中間個位停左都唔知係邊個叫，今日試左 1,人地食左我地個壽司2.我地又食左人地個壽司3.叫左啲野食無黎希望可以改善下呢個問題

喜歡到元氣吃下午茶，價錢便宜，而且還可以當早飯吃。位於新翠商場的元氣壽司，利用新幹線傳遞食物，大人和小朋友都十分喜愛！套餐有五款供選擇，可以選一個壽司盛，一個小食和一個輕食。我認為性價比較高的是A餐（相片中的是B餐），而且要跟一個燉蛋。眾多款壽司中最愛天婦羅炸蝦🍤卷物，脆卜卜，好好味。另外鮮蝦刺身也是爽口彈牙，回味無窮！南瓜薯餅熱辣辣非常香脆可口！平時不是太熱愛南瓜的我也十分喜歡！燉蛋也非常出色，燉蛋又甜又滑，入面還有大大粒元貝。如果覺得不夠食，還可以加手卷或者日本芝士蛋糕呢！我會推介芝士蛋糕，芝士非常滑溜，入口即溶，極之美味！

今晚帶咗小朋友去柴灣嘅元氣壽司食晚飯，柴灣元氣嘅特色係新幹線，即係話佢哋唔係傳統嘅迴轉壽司，係用電腦入完單之後會有一個新幹線造型嘅餐盤將壽司送到去指定嘅位置，呢個設計已經唔係新野，但係小朋友就係第一次去，小朋友見到覺得好新鮮；講番啲食物，其實佢哋嘅食物都冇乜大嘅分別，保持一貫高嘅水平，個人來講最鍾意食佢哋嘅黑椒燒蠔壽司，真係好好味

食下午茶時間, 呢個商場係冇麥幾多間好揀。下午2點半, 餐廳冇麥人, 得3成人, 我表示一個人唔想坐吧位, 店員話我得一個人坐卡位唔好, 有人黎要搭木台。 我話okay 因為唔多食生魚片既關係, 我叫個50蚊既有個肥肥既冇戴眼鏡既女店員成份咁放係度.. 放果陣個頭檸左去另一面, 放低就走左, 我心諗姐係我要等佢上菜定自己黎? 等左陣見到果位店員係我面前走過, 我就知道姐係要我自己黎。 先食壽司先, 材料係新鮮 都乾淨, 北寄貝係最愛再食雞翼, 我覺得好正, 小小辣, 真係好似張相咁有3舊。溫度唔會太凍又唔太熱口。 幾好食。個蛋材料十足要收加一。。。 埋單55蚊俾劣評係因為果位店員既態度, 我覺得做野返工, 就算你幾唔鍾意份工都好, 但你都要對得住自己, 唔可以容許自己做野咁求其。 希望餐廳會同果位員工傾傾計。

放工在柴灣轉車，順便在商場搵食，商場唔大，晚上9點幾選擇都唔多，今晚揀食壽司！在門口寫好落單紙後比錢，場內已經無乜客人！所以坐住等！好快包好比我，包裝企理！但搭完車返屋企，發現蟹籽沙律嘅沙律汁漏晒出來，因為個透明盒無封邊！如果有汁嘅食物就唔適合！好污糟！比晒調味，連即棄豉油碟都有！幾窩心！三文魚腩（$10）肥髀食！赤海蝦（$10）蝦大隻，肉爽口唔腥！螺片（$10）螺肉有咬口！好爽脆！赤貝（$22）其中一件細塊啲，又啞色啲，薄身，雖然唔腥，但咬口口感唔夠！一般芥辣八爪魚軍艦（$14/2件）八爪魚有咬口，芥末唔夠，無乜攻鼻！ok!飛魚子軍艦（$17/2件）蟹籽多到滿瀉！鹹鹹地卜卜脆！紫菜已淋！ 好味！八爪魚梅子卷（$22/4件）新出品，八爪魚有咬口，梅子酸酸地清新開胃，飯鬆軟，好味！炙燒左口魚群邊（$12）燒過魚油出晒又唔膩，好肥美！蟹籽沙律（$19）漏晒汁好醜樣，青瓜爽脆，蟹籽卜卜脆！好味由落單到比外賣我，店員都斯文有禮！地方大舒服！外賣包裝有可以改善地方

很久無食這店，朋友突然想食，所以便去。原來有午市套餐，而且都多款式。環境迫了點，服務員都很好。這款套餐真是很抵食，都夠飽呀，係有點不滿意，就是等個日式蒸蛋，因等了差不多十分鐘，才補發上來，比較浪費了我時間，刺身飯好食，夠新鮮，刺身款式都可以，大致上滿足到我想食刺身的要求。我們還散叫了花之戀，一個三文魚腩，一三文魚，啲刺身仍然保持水準，所以值得食。夠方便兩個人食都好飽，價錢都唔係太貴，所以還可以接受，所以仍然值得再去，因現在放題都很多，如果散叫東門，這間店算不錯，一直還可以保持水準，只是蒸蛋出現問題時間比較耐點，可能因午市時間問題，所以大致上仍然值得繼續再食，而且午市套餐又抵食。

今天入柴灣，與朋友嘆個下午茶。朋友選擇了商場的＜元氣＞。由於是下午2時左右，客人不多，可馬上就座。在卡位旁邊就是迴轉帶了。轉帶上的食物數量不多，所以向職員落單，應該是保證新鮮了。 大滿足餐牌，有很多款式。油甘魚，筋子皆我所愛。朋友也點了几款。     餐牌照片，筋子是覆蓋整個壽司飯面(100%)而實際上，筋子只覆蓋大部份壽司飯(75%)，還露出部份白色的飯。筋子，你太短了！　　　　口感：筋子没有卜卜脆／爆破的感覺　　　味道：鹹鮮味OK，但不夠滿足。如果筋子份量再多一點就好了！　下午2時，客人不多，職員也不多。但眼見職員忙得團團轉，想加單也不好意思煩到職員囉！　　　其實大家肚子仍很空虛，想多點几款美食。預算是每人花費一百元。　這次全單118元，即是每位30元。 奈何，職員太忙了！唉！　 小發現：發現水杯口位置有啡色的粉末。原來是熱水出口位凹槽暗藏銹漬，在加熱水時剛好沾上了。咁都比我遇到！真係估佢唔到囉！好在自己會留意杯口多左D野。

我們前後點了三十多碟。碟碟都好好味。唯獨我不太喜歡飲用綠茶粉。還是喜歡直接沖泡綠茶的感覺。香煎惹味鵝肝必食項目。鵝肝表皮煎成金黃味美。入口香口，鵝肝油香四溢。一口芝士波外脆內軟，入口鬆化。適合1人1粒淺嚐，過多容易太飽。翠綠枝豆一碗枝豆青翠嫩甜，黃豆豆香清新。在我暴食完一輪肉食煎炸食物後的清泉。螺肉一碟螺肉爽口彈牙。適合當前菜，當涼伴菜蠻開胃。螺肉的獻汁有別於平價壽司店的味道。有芥末有咖哩味……說不準是哪單一調味。味道層次豐富。冬菇蟹柳燉蛋此款是我隻豬的心頭肉。每次都元氣必點之選。燉蛋滑溜，彷彿入口即融。冬菇香味滲透到燉蛋當中。只略嫌份量較少。蛋嘛……多少少份量都唔怕啦。海膽軍艦壽司海膽鮮甜味美，但與廣告版圖相比明顯份量少多了有點兒失望脆炸鮮甜軟殼蟹軟殼蟹肉經高温炸後內裡的蟹肉仍鮮甜嫩滑軟殼蟹夠香夠脆靚太推薦給愛吃香脆物的您。蘇炸吉蠔炸蠔的面包糠很蘇脆裡面的珍珠炸蠔也滑溜由於太好味的關係，照機都無法食先了。

有時候覺得食快餐店先無服務其實而家快餐店好左好多。。。今日一個人諗唔到食咩，知道元氣有下午茶一個人食都ok🤔行入去等左一陣店員就安排我坐之後走左去咁我諗左好耐食咩啦，到我諗到舉高手好耐先有人應我🙄點左個48蚊嘅下午茶因為唔想食炸野，點左沙律以前係蟹子沙律好食d今日個沙律有一條蟹柳同粟米仲有d生菜打底，不過d生菜黑黑地咁壽司主要都係三文魚嘅辣味三文魚d紫菜淋哂。。。其他都正常個燉蛋好好味😋😋😋又夠滑又足料👍🏻👍🏻👍🏻我最愛嘅元氣食物之一加12蚊可以有3文魚頭湯今日嘅湯好小家，得一塊蘿蔔。。。兩舊魚頭☹️☹️☹️算啦，湯頭味道都係好飲嘅埋單個店員仲向我前面個客發脾氣同反白眼搞笑。。。

平日下午2點到，無咩人，唔駛等位，但落左order 都要等左20分鐘先有得食。點左個元氣定食，有刺身，迷你油漬飯，炸雞翼，日式燉蛋，每樣都細細份，但加埋都幾飽。日式燉蛋好有誠意，熱辣辣又滑，入面又足料，個底仲要有粉絲

最近我們都會去元氣食lunch，我原本打算叫套餐，但套餐的份量太多食唔哂，又唔想浪費，而且壽司吃多了未免吃膩了，想試下新出品，於是我決定散叫試下其他美食，想不到這兒的日式熟食水準不錯，絕對是驚喜之選。首先介紹的是炸牛肉餅，這是該店新推介的炸物，我見價錢唔貴，所以點了一客，炸牛肉餅因為新鮮炸起，熱哄哄的，咬落去外脆內軟，牛肉味很重，餡料除了牛肉外，還有薯蓉，味道唔錯，值得一試。跟著提到的是鰻魚手卷，因為我是鰻魚控，所以去到日式料理店，必選以鰻魚作料理的小食或壽司，這次點了鰻魚手卷，鰻魚唔腥，飯和紫菜捲得很好，飯團唔會散開，可以用手拎起來食，配上醬汁，風味十足。最後我點了一客日式蒸水蛋，因為是即蒸，熱騰騰的放在眼前，香氣四溢，令人垂涎三尺。淺嘗一口，水蛋很滑，帶有淡淡鮮甜味，水蛋吸收了日式魚片，冬菇和蟹柳的精華，味道清香柔滑，入口即溶。而配料日式魚片，冬菇及蟹柳也很出色，令這原本平平無奇的蒸水蛋變得口感豐富，香氣撲人，也令這款蒸水蛋賣相十足，色香味俱全。註：值得一提的是這兒有迴轉壽司，但如果想點的壽司不在迴轉輪上，也可散叫。

特地出到柴灣是為了吃芝士火鍋，但又是超長人龍......最終又再次放棄。那麼在這商場吃什麼好呢 >_____< ?猶豫的時間，突然記起這裡有壽司店！！！時間尚早，這邊不用等位就決定吃這個。不過老實說~ 食物是不錯.....但感覺在這要吃很多才可以滿飽就是~~最喜歡這裡的綠茶~~不是茶包，是綠茶粉來。想濃點可自行調量來沖~壽司的話基本上每次都是點那些款式。芥辣八爪魚軍艦 ($14)雖然是落單叫的，但來到時紫菜已經不脆了~不過喜歡芥辣味夠濃！！軍艦三味 ($25)感覺很抵吃的組合~喜歡其中的海膽魷魚。很爽口彈牙的口感 厚燒玉子 ($18/1件) & 三文魚三味 ($25)甜甜的玉子且暖暖的夾著飯來吃，比起冰冰的玉子壽司~我更喜歡這種。跟前者的三味一樣，是3件的組合。特地點來給家人吃~~松葉蟹牛油果軍艦 ($16)我是因為看到有牛油果才點的~很香很軟滑。不過松葉蟹肉就一般，勝在量多...用口感來填補了不夠鮮的味道卷物方面 炸軟殼蟹芝士卷 ($22) - 軟殼蟹尚算香口鬆脆波士頓卷 ($18) - 感覺就是在吃芝士就是了牛油果軟殼蟹卷 ($16) - 不太喜歡這個卷物入面還有豆