元気寿司 (遠東金融中心)

营业中

休息中

昨晚遊完AIA，步行到金鐘，想食壽司，就行去元氣，在途經店舖外，發覺內裡還很多座位，想可以直入不用等，點知…… 入內後沒有人理會，看見三數人排隊結賬，一名店員在收錢，就看不到人，那時才晚上7 時50 分左右，我問了這店員關門時間是9 點，那為什麼沒人招呼我們先坐下？我前面還有一個客人在等，真的不知等什麼，這樣真的很差，坐下已是入店8 分鐘後的事。另外，這家元氣的壽司亦不行，五件中三件夾起飯團都是散開的。還可以聽到店員粗言穢語對話，服務性行業，可以表現有禮一點，別在舖面有客人地方粗話吧。

Genki Sushi 🍣 surprised me with the seasonal dishes "Supreme" 🗻一個人去元氣，間間都咁多人，但金鐘呢一間就可以避下人潮，佢個大滿足系列出左新款，所以嚟試下，除左筋子同張圖相差超遠之外，其他都可以啦，好味啲就係個油甘魚。🐟其他有：脆蒜長鰭吞拿魚、炙燒辛辣長鰭吞拿魚、辛辣香蔥吞拿魚、蟹肉蟹膏軍艦、汁燒油甘魚同脆蒜油甘魚有樣好嘅係，可以SCAN QR code落單，唔使好似用精靈球咁捕獲侍應。🤣不過佢哋工作都幾忙，管理層啩。

唔知係咪太耐冇嚟食嘅關係呢，最近個lunch set有一個係新嘅刺身飯喎，仲有得配一個海鮮嘅茶碗蒸， 嘢飲可以揀汽水或者係湯，仲有兩件唐揚炸雞。刺身飯刺身唔少喎，仲要有兩隻赤蝦，我覺得好唔錯，一定夠飽！附送嘅茶碗蒸入面真係有成隻帆立貝個禾 而且送上嚟嘅係勁熱，好唔錯。炸雞就好正常咁啦~另外朋友就嗌咗壽司嘅set，都係好似之前咁嘅， 熟同唔熟嘅壽司都有，佢就唔係配茶碗蒸，係配蟹子沙律嘅， 當然就仲有嘢飲啦。我覺得出咗呢個刺身飯嘅set會令我多咗黎食xp因為我覺得呢個價錢同份量，金鐘黎講都算幾抵㗎喇！

星期六下午茶時段都冇乜人，唔洗等位。嗌左差唔多十款嘅壽司。三文魚腩壽司有根，又冇三文魚味，淨係得油，唔建議嗌。帆立貝壽司都算大粒嘅帆立貝，普通水準。脆蒜長鰭呑拿魚壽司好鐘意食脆蒜，所以每次都會嗌，但今次件壽司一夾就散開🙁甜蝦蟹膏軍艦係我係元氣最愛嘅軍艦，蟹膏好香，好味！！！炙燒黑椒三文魚壽司魚油香，可惜壽司炙燒完都唔熱，有啲美中不足。其他仲嗌左玉子壽司，汁燒油甘魚壽司，普普通通。最後嗌左個期間限定嘅甜品，唔記得個名，不過幾好食！

話說早幾日去左元氣食lunch，為左去抓緊最後機會試佢新出左一段時間既期間限定款式 (成日都等到最後先去試新嘢🤪).🧁芒果卷蛋拌雲呢拿雪米糍 $21落完order最先上既竟然係甜品😂😂😂第一啖食就聞到好香芒果味，卷蛋口感鬆軟，中間原來係芒果雪糕🥰至於雪米糍凍冰冰夠煙韌，冇咩特別。旁邊仲有兩粒冰凍草莓🍓，酸酸的，好開胃🤣.🦀紅鱈蟹卷 $22 壽司有牛油果同青瓜絲係入面，而面頭就有一座紅鱈蟹肉山😂再配以飛魚籽及沙律醬，口感好豐富又清新🤩.🍣汁燒翡翠螺 $19螺肉大舊厚肉又彈牙，淋上醬汁之後會再炙燒一下，好惹味😋一碟兩舊幾抵食😍🥑牛油果雞肉沙律 $14唔好睇以為就咁將舊牛油果同雞肉放埋一齊就冇特別😆雞肉嫩滑，重點係面頭既紫蘇同五穀醋啫喱，酸酸地既味道好得意，又唔係難食😉不過一碟得個一件🤔偏貴

<Genki Sushi>-本身真係冇諗住寫元氣壽司 成日食 食到都冇乜感覺咁啱食lunch見到 “呑拿魚餐目大比拼”個promotion Menu見佢呢個避風塘呑拿魚壽司 claims itself to be全球冠軍🏆又話自己係香港代表乜乜乜 即管試一試佢—————————————————————-『避風塘呑拿魚壽司』🍣 - $12-賣相係幾靚 一片四邊燒過既呑拿魚上面有蔥花 炸蒜粒 炸蔥頭 仲有少少紅色嘅脆脆不過唔知係上碟定傳菜嘅問題 部份配料左落隻碟不過其實都無可避免 🙈味道方面 可能我真係比較傳統 唔係幾接受到呢種壽司本身以為同脆蒜油甘魚咁上下 識落先知原來差天共地成件壽司既味道 都被上面配料蓋過就連味道咁強嘅吞拿魚 都只係入口第一啖略略食得出之後除咗辣味就係蒜味 除咗蒜味就係辣味真心覺得可以話係晒咗件壽司🤦🏻‍♂️—————————————————————P.S. 元氣忠實擁躉都頂唔順🤷🏻‍♂️#foodbeggar #hkfood #food #sushi #tuna #tunasushi #garlic #admiralty #begginginadmira

最近元氣出咗新嘅午餐🥣其實呢個Lunch Menu我唔知佢轉左幾耐，不過我就第一次食佢呢個Menu午餐😻Menu嘅價錢由$68至$88都有，我揀咗牛肉烏冬配炙燒魚生迷你丼，盛惠$68呢個餐除咗有烏冬同魚生丼飯之外，仲有芝士薯餅同糖心蛋，講真真係幾抵食午餐來講。同埋金鐘真係冇咩嘢食選擇，大部份嘢食都係閑閑哋百零蚊，所以元氣絕對係喺金鐘既午餐之選，尚算係平靚正系列🥳🥳除咗食午餐之外，我仲加咗個日式芝士蛋糕比自己，元氣嘅日式芝士蛋糕真係冇得彈👍🤩

元氣基本上好多人都食過，無需要寫D咩食評，但小編好鍾意元氣，所以循例都想比返個舔脷佢。諗返起細個香港都有幾間連鎖式嘅平價回轉壽司舖，以前元氣唔係特別出眾，有得揀都未必會食元氣。但係隨住年月過去，呢種平價回轉壽司舖已經執得8899，得元氣仲存在緊。大集團之後拎左元氣嘅經營權，近幾年仲不斷推廣元氣，食物質素亦都有所提升。宜家好多地方都有元氣食，好方便。元氣性價比高，壽司質素一D都唔差，魚同飯嘅比例亦都做得好。喺menu上叫得嘅野大部分都冇伏，而且都係好食嘅。小編最鍾意食辣味三文魚軍艦同大滿足嘅珍寶皇帝蟹柳，每次去都要嗌。鍾意食cream cheese嘅朋友會好鍾意食波士頓卷，放入口真係好滿足。

以前成日都會食元氣， 後來係因為太多日本餐廳出現，宜家只會下午茶先食， 下午茶都算抵食嘅！元氣必點係個日式燉蛋， 呢個整得好好食 比起同樣係連鎖店嘅板長好食， 至於其他壽司刺身 叫做不過不失， 海鮮唔會特別厚亦都唔會特別薄。

曾是港人最愛的迴轉壽司店，還記得十多年前剛剛登陸香港之時，午晚兩市各店門外都有排隊入座的人龍，隨著板前、板長壽及台灣人氣店爭鮮紛紛在港開業，元氣壽司的聲勢，經已大不如前。剛巧在金鐘辦完事，接近中午兩點，想到久未光顧，便入座試試他們最近出品如何。點了午市HK$88的定食，有芝心薯餅、糖心蛋炙燒三文魚飯、魚生、竹輪卷烏冬，另外點了兩貫壽司，分別為伊佐木及油甘魚。芝心薯餅味道很統一，難以做得太差，優劣取決於是否炸得乾身，圖中載着薯餅的碟殘留不少油份，炸得一般，不夠乾身。魚生沒甚光澤，新鮮度普普通通。烏冬麵是龜龜第一道吃的食物，湯只暖和，以熱食來說温度太低。炙燒三文魚水份油份皆不足，太乾。兩貫壽司上的生魚片尚新鮮，但都各有缺點，伊佐木的魚皮韌如皮革，油甘魚份量很小，厚度薄如蟬翼，賣HK$10一貫，生魚片只有後起之秀爭鮮每貫賣HK$8的三份一份量，性價比頗低！總體來說店的環境頗佳，服務一般之極，本點了額外三貫壽司，最後之來了兩貫，一貫下漏了單食物的性價比遠較競爭對手板前、板長及爭鮮等為低！

咁呢就同同事講好想食元氣喎，咁我哋就決定咗過幾日去食啦！咁終於食到喇又約得齊人，又係Office嗰度咁定係飛，點知去到門口啦都係超級多人！！！😂😂😂😂😂😂😂等左好耐，終於入到去啦！咁就嗱嗱聲叫嘢食啦梗係😅咁都黎得幾快嘅啲嘢食，味道依然唔錯啦😝😝同其他分店差唔多啦👍🏻👍🏻食物主要係叫貴啲燒個嗰啲壽司啦，因為真係好正！！另外呢我就仲叫埋烏冬，佢哋嘅烏冬呢好架個湯👍🏻👍🏻好滿足嘅一餐😋😋

因為去完海洋公園所以近近地黎金鐘呢間元氣食啲嘢，呢間野原來係冇高速列車嘅第一次嚟都唔知，仲係做緊迴轉壽司，咁都算啦，上面得果兩三碟野係咁轉乜都冇坐低叫野食，等左勁來都唔黎，一嚟到就見到個花之戀啲蟹子少到阿媽都唔認得！！！炙燒三文魚壽司 呢個正常水準，帆立貝勁腥，完全係唔新鮮！ 玻璃蝦麻麻地，軟殼蟹卷吾脆！花之戀真心出事三文魚吾新鮮，燉水蛋係勁水，夠膽死好似飲湯咁，黎個雞軟骨$27得17粒仲要係勁鹹，檸檬都唔俾舊返我哋 食緊鹹雞粒嗎？最後三文魚頭湯可能係成餐最好味 點解呢間元氣會咁🙃 去完海洋公園食餐飯變成咁，呢間元氣細細個op 金鐘落車都見到 今次食完冇下次

甘岩經過元氣甘啱又係平日甘啱時間又係五點半之前咁就一於你個下午茶啦！!元氣下午茶好豐富㗎有A B C 3樣嘢揀 仲可以加$12要多個手卷添我通常就會揀軟學蟹手卷 紫菜又趣又好味ABC加埋就已經等於1個壽司拼盤+1個燉蛋再加個薯餅咁樣食完已經好飽夜晚都唔使食 慳返如果星期六日都有就好啦

週六夜晚外賣 都不算等好久 10分鐘倒 但是雞軟骨份量超小 26塊 就幾粒 拿回家 冇跌冇撞 但天婦羅炸蝦壽司已經散左 味道還行 蟹柳壽司 甜蝦刺身都不錯 但是同樣價位可以有更好的選擇吧

中午時間，要找個舒適空間吃個午餐，但又不想花高價，元気寿司的確是個不錯的選擇，看到新推出的lunch set套餐，嚐嚐先，點了個D set：迷你燒鰻魚丼飯，薄薄的鰻魚片伴些許的wasami 醬，雖無法與厚實的鰻魚肉相比，但午餐能食到鰻魚也已是幸福。什錦寿司雖然多樣，但似未比單點的來的新鮮，有些可惜。芝士薯餅，則是這個套餐最大的亮點，溫熱的芝士內餡，不油膩的黃金酥皮，大大滿足還有溏心蛋與豆鼓湯（亦可更換成瓶裝汽水）整體來說，雖然多樣，但下回應該還是會單點