元祖和風食堂虎藏

营业中

休息中

自從禾輋新街市開左之後，多咗好多新嘅餐廳🍴元祖和風食堂就係其中一間門面靚環境好闊落，幾乾淨，店員少呢度冇咩招呼客人既服務，要自助拎水飲定食、拉麵🍜、主菜、甜品都有餐牌都幾靚，相影得d食物好吸引叫咗個吉列豬扒拉麵定食$76-吉列豬扒用碟另上，炸得幾脆佢既拉麵咪道都唔差，比較幼身有一碗茶漬飯，唔太鹹。用紫菜夾飯食幾正整個定食嘅味道都唔錯餐飲熱檸茶，要加$7全單$83，唔使+1以呢個質素來講，$83唔算好貴，亦都幾好坐。

住開沙田 有日朋友話開左間日本餐廳又平又好食 我又鍾意食日本野 於是去試下 去到剛好晚市 客量算多但好彩好快有位 叫左個拉麵餐 又有個細飯 幾十蚊價錢唔錯 而味道亦都超出價錢 性價比高 完全滿意但係當我差唔多滿意離開之前 俾我見到個女服務員大力將個出晒煙既食物放係個小朋友面前 個家長即刻着晒火趙佢 但係個女服務員居然不屑地轉身就行開 好彩當個家長想發難之際有另一個女服務員過來解圍 事件才得平息我之後諗黎諗去 一間公司食物質素可以又價錢合理 係咪就要將貨就價請的低質素伙計呢？其實件事只要道歉己經冇事 點解會搞成咁 俾我感覺一間日本餐廳變左一間平民茶餐廳可能我為人比較多事 跟住我email左佢哋公司投訴 但係成個星期佢哋都冇理 咁我唯有祝佢哋好運啦！

見到禾輋開左禁多新餐廳，緊系要去試下啦！真系會食極都唔厭囉真系。宜家普普通通去個飯冇野飲都要四五十蚊啦，佢呢道50內竟然可以有碗麵、一個蛋糕同一杯野飲真系好抵食。個綠茶蛋糕真系好好味，同出面三四十蚊果啲差唔多。我朋友叫左雪糕果個餐，個雪糕好重奶味，好正。重有食左個便當，好豐富，有香腸有雞翼有天婦羅有飯，重有味噌湯。呢三個餐都系48蚊個，又食得飽喎，真心好抵食。佢啲麵唔會好硬，但覺得佢個味噌湯底就咸左啲咁啦，便當果道啲木魚都系好咸，但整體上真系好好食。佢重有好多餐都好想食，所以會去多啲幫襯。

話說去完車公廟拜神之後，作為九龍人的人難得出到沙田當然要尋找下附近有咩好東西食，俾我誤打誤撞搵到沙田禾輋商場有間日式料理既便當好吸引，於是就決定去，正當晚飯時間，都要拎飛等一陣，未入去已經決定好我要食雞翼便當，男朋友就揀咗咖喱豬扒飯👍🏻好好味，而且價錢不貴，值得一試，不過唯一想要水要自助去斟

假日經過都好多人等位，係咪咁好食呢？約左係附近返工的朋友食飯就決定一試啦!可能唔係假日，所以7點到達唔洗等位但已經有9成滿啦!生意果然很好吧!有定食亦可散叫，驚喜是拉麵餐配抹茶甜品!睇相是不錯，價錢亦合理!今日點左拉麵餐配抹茶蛋糕，另加一碗滑蛋豬扒飯!賣相不錯，不過呢個價錢你唔可以抱有太大期望，份量足亦飽肚!豬扒味道一般，不過滑蛋汁美味!抹茶蛋糕賣相漂亮有淡淡的抹茶味，不太甜!二人合共86蚊!好抵!

果日同朋友經過，見新開，裝潢同display都幾好，就打算試下。佢仲要排隊tim，但禁完飛個店員冇帶位，我地行左入去，明明叫左飛但冇人理。之後行到入去問先知自己坐邊。唔緊要，我都唔係話想要好高質素嘅服務，見佢街坊生意。但野食質素又真係好麻麻，我哋叫左一人一個拉麵加飯嘅定食。貌相係ok，但麵就好一般啦。最無奈係個餃子，一反轉係濃曬，叫人點食。個飯好硬，明顯煲飯落唔夠水。總之，唔會再去。