元綠壽司 (已結業)

唉...好後悔食之前冇睇呢度個食評, 原來真係咁差~ 蒜蓉牛柳粒: 好咸 牛柳粒煮到過晒火, 食牛肉乾咁. 鰻魚炒飯: 預先炒定, 所以凍之餘帶點硬! 牛油帶子: 熱辣辣上檯, 好香牛油味. 玉子壽司: 一般. 冇話好食定唔好食.腐皮壽司: 壽司飯加了薑, 麻麻~服務一般, 要叫先加茶

一個人的晚上，想食壽司遊遊盪盪就入左去元綠。見佢有promote火鍋，睇落好似又唔係貴，又貪得意試下﹗$25一個小鍋湯底加一碟蔬菜，湯底是昆布湯，就咁試一啖很鹹，蔬菜籃有粟米、金菇、冬菇同埋菜等。叫了兩碟火鍋料，一碟係海鮮拼盤，而另外一碟則是特級牛仔肉。海鮮拼盤有蝦、帶子、象拔蚌同埋八爪魚棒，每樣有四粒總共成十六件，講真應該是二人份量來的，不過海鮮有得食又點會嫌多呢，蝦是新鮮刺身蝦﹔象拔蚌輕灼後爽甜，新鮮﹔八爪魚棒亦煙韌彈牙。牛肉有十五蚊的美國肥牛同埋呢隻三十蚊的牛仔肉，自己一個食當然食好點，肥瘦勻稱，牛味亦濃郁，食牛貴野總有原因，我相信一定好過那些半肥瘦的美國肥牛。吃完肥牛再加多碟手打烏冬，$15碟一人份量，烏冬彈牙而有嚼勁，不是噹噹貨色，吸左0的湯底精華，好味﹗再加多碟三文魚壽司同埋蟹柳卷，埋單百六蚊，呢餐真係貴喇，出去打邊爐都係差唔多呢0的價錢，估不到反而在元綠食，貴係貴0的不過味道是不錯的，想打邊爐又想食壽司，這裡是個好去處。

10月11日唔知係咪因為落雨所以好多人叫壽司外賣速遞呀! 我 7:20 pm 打去落 order 佢叫我留低電話號碼轉頭回覆我, 但係等左成十幾分鐘都無打返黎咁咪再打去囉! 打第二次去佢先幫我落 order, 落完 order 又要再等佢打來回覆價錢, 又再等左十五分鐘都係無打黎回覆價錢, 我就怕佢漏 order 所以自己又打去追問下, 個落單員回覆我張單未入到要下張先入, 要再等一陣先覆到金額呀! 等...................... 都唔知係咪真係咁多 order 呀! 等到就黎八點都未打黎回覆金額, 真係唔知張單要入幾耐呀! 等到好心急又忍唔住再打去問, 隔左十幾分鐘打去點知得來的答案都係未入單, 我就好同佢講 "係咪要取消 order 呀! 落左成 40分鐘都未落到單, 你地仲話要等個半鐘先送到黎, 咁我咪要等到 十點先有得食囉! " 佢聽到我話要取消 order 佢就立即話五分鐘內會回覆價錢, 佢仲話送貨時間需要個半鐘係包括半小時落單, 另外一小時係送貨呀! 責罵完之後佢就向五分鐘內回覆價錢啦! 終於落到 order 啦! 睇下個鐘已經 8:10 pm 這時又要

我都唔係第一次去食佢啦,不過真係好好味架,大家不妨去食下!首先要介紹三文魚手卷,我次次來都食,入面d三文魚正過壽司架!接下來係一個叫皇帝蟹壽司,佢做緊特價,$8一件,蟹肉好鮮甜架,要食就要快,因為做完特價就可能無!另外有一款必食既特價野,係三文魚腩剌身,$42四件.厚厚的,肥美的,好似食緊肥豬肉,但又不肥!吉列炸蝦卷又係好好味的,呢個壽司既配搭真係一流,外面係蟹籽既壽司飯,入面有塊祡菜再包住脆脆既吉列蝦,好味!呢間元綠壽司係超好味,食佐成八年都keep住來食,贈句俾佢:keep住水準!

商場有三個鐘免費泊車, 大小公子又放流感假, 就帶他們出嚟行吓! 大公子一望水牌, 就話要食壽司, 我連忙說: 元綠? 唔好食架喎! 但我也想不到吃什麽好, 只好行去看看, 見到做緊獅子咭有八折, 好吧, 姑且一試!我們三人座下一會, 點了些壽司, 手卷等, 我又從迴轉帶上拿了三文魚壽司, 食落覺得比元氣好, 都幾肥美, 件魚都唔係好薄, 唔錯! 其他壽司卷物都不過不失, 當然比不上那些長籠壽司店, 但氹吓小朋友又幾ok喎! 埋單八折咗都要二佰幾, 其實都唔平架!

九時後火鍋七五折, 加一是正價計算 日式牛肉火鍋 湯底係好鹹的日式豉油湯底 肥牛偏韌, 故只能輕輕灼一灼 配菜有小棠菜, 旺菜, 金菇, 豆腐, 及只得半件的鮮冬菇 份量算少, 食完都只是半飽

買一送一天婦羅真係唔錯仲會送一份野菜天婦羅成碟好大份多油無辦法架喇但用料都算係咁夜晚火煱七五折都幾好!不過個帶子滑真係唔洗試毫無味道可言相比起個煱實在太貴

　　自從那時佢哋出咗Ｄ生果壽司仲要收成１５蚊一碟之後已經冇嚟，今次嚟都係食下壽司咁啦．唔知係咪之前俾我的印象勁差的關係，今次又真係几好，除咗等得耐Ｄ之外．　　叫咗個拉麵及螺肉，其他都係食壽司多，望落Ｄ價錢好似平咗，Ｄ食物水準高咗，服務員態度都几好，而且今次係因為申請咗張卡有折扣所以嚟食，埋單．．２００蚊左右都OK喎！

向來元綠一定唔係我0既壽司鋪之列...不過近姨媽同bb 屋企, 元綠係唯一選擇亦因為附近無日本菜/壽司, 呢間分店經常性好多人等位或者太耐無食過元綠, 今晚又覺得無之前咁差食左三文魚, 海膽, 三文魚子, 玉子, 蟹柳, 蟹籽, 甜蝦, 燒墨魚鬚, 螺片, 立魚, 軟殼蟹手卷, 熟蝦, 波子汽水除左螺片之外無一樣野有深印象, 但係味道都未算差, 可幸服務都唔錯!唔駛叫, 一入坐就比bb 櫈我地, 又好friendly 撩下bb, 仲請bb 食糖真係好想食壽司而又無得揀既話, 會再黎既...三文魚壽司已經加到$13兩件了....$_$

　　六月十四日去咗這間元綠，7:23pm落單叫了兩個拉麵；一個係炸豬扒拉麵，另一個係海蝦天婦羅拉麵，等到7:37分，問位侍應，佢話要等多七分鐘，真係差不多就有得食，即係等了二十分鐘左右，我就唔知是否合理，當時大把位剩。　　兩個拉麵味道係有，但豬扒同天婦羅就一點味道乜沒有。開始進食的同時，”表演”就開始，不段有侍應攞野食埋嚟，但我同女朋友都無order其他食物，不段的意思是在我進食其間有四次攞另一張枱的食物放底係我枱面，每次我都話唔係我地架，我忍唔住了，要向那些穿套裝的職員投訴，投訴完亦繼續如是，一次，跟著我叫佢睇下Ｄ單，有幾張佢知搞錯，另重有一張都係錯，差點想入埋我地數，以為搞清楚晒唔駛再比佢煩。到賣單時，又嚟多個"大陣送"，又放碟野係度，食果兩個拉麵，煩到我都無時間同我女朋友傾下計，只係係度睇"表演"，你話底唔底。最后都只係講句對唔住，咁又如何！

果日想食pizza 又想打邊爐點知pizza hut又收左打邊爐又遠結果去左元綠兩樣都做晒以前去親都叫豬軟骨拉面, 好好食, 拉面都係現成果d但豬軟骨ok今次叫左帆立貝pizza : 餅底薄脆加d沙律醬永遠穩陣秋刀魚: 有燒過, 幾好牛奶海鮮鍋: 意外地好, 牛奶同海鮮/菜味好夾, 牛奶黃芽白好食!其他- 唔記得, 唔難食最尾有d 信用卡折扣無講清楚我地聽但都肯改番

上午11點多到, 人不多, 但食品需時極久。一電炸豬排拉麵居然要35分鐘。牛肉火鍋也要35分鐘- 所有東西都是生的，難道要35分鐘切。蜆肉麵豉湯淡如水，蜆殼晦到脆。埋單時還錯單。

10月30日,三個女仔真係唔食得多嘢, 呢幾張相已經差唔多係我哋食既全部!同埋呢期有好幾款壽司做緊「買一送一」, 最後有碟「花之戀」(兩件) 唔記得映, 我哋叫咗「蟹子壽司」,「螺肉」,「藍尾白蝦壽司」,「槍魷魚壽司」,「北寄貝壽司」,「鮮帶子壽司」同「蟹子沙律手卷」,「北海道帆立貝壽司」,「鮮蝦芒果壽司」, 「吞拿魚沙律壽司」,「黃金魷魚壽司」及「天婦羅軟殼蟹壽司」, 飲品係「紅豆抺茶冰」同「芒橙樂」。呢個「和味茄子」又出奇地幾好食喎~ (特價$20), 後面係「吉列炸蝦卷」。但原來兩個朋友都唔食生冷嘢架!!唉! 搞到啲刺生壽司全部都係我食晒咁滯!!! 包括兩件「花之戀」,朋友都只係幫我食咗其中一件「飯」咋...好飽呀~~~~~~~~~~~~~~~~同埋原來而家用「大新」或「豐明」信用咭, 食滿$200 有八折,埋單$225, 價錢都OK 啦! 至於食物方面, 都係「天下壽司」或「北海道活壽司」好食啲啦!

今日同老公游完水,我又想食壽司~咁咪黎lei道食tea lor門口見到d餐牌都ok~$25倒入面環境都幾大~幾令我叫左個什錦壽司+素麵老公叫左冷麵+蟹子手卷兩杯凍啡老公果個冷麵好快就黎~一睇之下......係蟹子沙律撈埋d麵lor....完全唔係一個麵,一杯汁,比你點果隻lor真係勁失望...味道就係蟹子沙律味。蟹子手卷無咩特別我果個素麵黎到,我仲o咀............好似張圖咁.....隻碗係一隻手指咁大lor....真係好"大"碗呀................加埋幾件壽司.....嘩~~~~~~~飽到行唔郁啦~~~~~~~~~~~~~~~~凍啡....酸ga==.....我o係大家樂飲果d係好飲過佢100倍!!!總括係非常失望!!!!賣單仲要60蚊wor!嘩......真係食完都背脊骨落早知去百佳買壽司食好過!

講起元綠，即刻諗起7-8年前小學時期，成日同家人去食，淘大那間元綠已經一早關門大吉，取而代之既係大量高質素既食肆。 細個果時食元綠多數食下午茶時段，每人食一碗麵，加多幾碟寿司已經非常滿足。今天人物依舊，景物全非了。 因為元綠送了免費會籍和剌身併盤的關係，所以今攻就同家人去食，老爹不喜日餐，所以三人行。1)免費剌身併盤價值$200 除左三文魚，其他都唔好食。蝦腥既，吞拿魚無味(連魚味都冇)，油甘魚好難咬，唔夠薄，其他都係唔得。2)三文魚寿司2碟$25(都係唔錯)、玉子寿司1碟$9.5(呢樣冇食)。3)鐵板雞扒香辣炒烏冬$48，好好食，本人食得辣都覺得有d辣，不過炒得好香。4)日式牛肉鍋$30，都好食，份量唔多。5)手卷做緊特價，買一送一。 海蝦天婦羅手卷x2 $16.5，幾好食。 軟殼蟹手卷x2 $18，唔好食，好油、粉太多。 香芒蟹子沙律手卷x2 $18 呢個冇食，素知元綠唔係用真蟹子，所以冇興趣6)咖啡特飲x2 $28(唔記得個全名)都幾好飲，咖啡幾香，但係就因為呢杯野搞到我訓唔著覺，訓得個零鐘就返學，真係又愛又恨。有八折埋單$183 是晚食左不少野，但覺得熟食就幾好，