兄弟幫冰室。大排檔 (已搬遷) 新店位置

星期六又要返工！收工去附近搵下有咩好食，又比我搵到間食得安心又放心既，暫時只招待香港人嘅鋪頭-兄弟幫冰室大排檔！裝修都幾新穎，同一般茶記唔同！今次試左豬潤面同埋叉燒滑蛋飯！豬潤有驚喜，口感勁爽，鍾意食豬潤朋友可以一試。叉燒滑蛋飯個汁送飯一流，滑蛋亦炒得夠滑溜，個豉油都幾好味，但叉燒略賺乾身同埋顏色唔太好睇，有改進空間。總括黎講，係會番食既一間茶記！既然叫得冰室大排檔，下次夜晚過黎試黎d晚市小炒！希望一樣有水準！

呢一間餐廳有好多Office boy and girls 黎食，而我一共食咗兩次外賣同堂食都有試過，呢間餐廳嘅沙律係十分之新鮮而其他嘅蛋奄列飯都十分之好食因為而家一定要幫襯黃店嘅關係， 所以呢間店都成日大排長龍牛肉絲干拌麵清新嘅沙律再加埋惹味嘅牛肉絲。賣相相當之吸引，而奄列雞蛋同雞扒嘅配搭意外地好食，個人認為佢最好食嘅就係佢嘅奄列炒蛋，雞扒有濃郁嘅香草味，係用牛油去煎香左煎蛋豬扒飯：蔥油茄豬扒我從來都冇諗過，但係意外地好食外買嚟講都算高質素，佢雞扒同雞翼都係相當之入味，雞扒外脆內軟，炸得好靚，滷水雞翼入味至極台灣腸意外地好食，我估係黑橋牌嘅腸仔

今次搵到一間CP值幾高嘅一間黃店💛，位於旺角上海街，叫做【兄弟幫冰室。大排檔】，但入面一點冰室大排檔感覺都無，反而採用簡約風格的裝修。✨講番呢間餐廳嘅快餐系列係星期一至星期日都不同，值得一試。👍🎈肉燥鹽酥雞飯 $48是日係星期五，A餐是肉燥鹽酥雞飯，見到個飯黎到我就已經流口水🤤，勁多肉碎嘅肉燥加埋大大件香口嘅酥雞😍，酥雞仍然外脆內嫩，雖然有D邪惡😈 不過唔知邊度仲有得食咁正嘅野呀😆。

香港茶餐廳必食沙嗲牛肉麵！有水準，不過不失，喜歡煮耐一點的公仔麵，所以外賣食最合心水。好耐冇食奄列，係常餐必備，情意結食物，就係喜歡不太熟的，當然你想食熟蛋都可以order。牛排飯，chill，牛肉軟硬ok ，但多汁更佳。#黃色經濟圈

呢度店小小，但裝修同食物都好新派，我點咗個滑蛋叉燒飯。個蛋係幾滑炒得唔錯，仲要有啲沙律菜，我覺得唔錯。但係舊叉燒真係麻麻地了，我一食落口，就係覺得好硬！硬到差啲咬唔爛，唔止硬仲要好乾，呢個真係扣晒分。另外個飯都有啲痴埋一舊，真心內啲失望。不過都讚返佢啦，個奶茶大杯，夠奶味又唔會太苦，算係有分加。另外店員服務態度好，坐我對面個人唻錯咗奶茶，雖然已飲咗，客人話冇所謂但店員堅持換畀佢。我覺得好好呀，因為我好重視服務態度，如果服務態度唔好，你幾好食我都唔會走去搵氣受囉，因為咁我都blacklist咗幾間。所以我希望呢間餐廳繼續改善，下次可以寫返篇文讚好！

每日都寫好午餐的兄第幫宣傳單張，今日星期三快餐午餐，竟然有一個比較特別的醬汁，波蘿黑醋汁蒜茸雞扒炸蝦飯四十七元，飲品就要了熱檸檬茶，一打開個外賣盒，入面有不少瓜，雞扒都幾大片，上面仲要有好多蒜茸在雞扒上，醬汁不多橙色以為是洋蔥汁，仲有二隻炸蝦，飯大約有一碗多，炸蝦咬只有微脆，可能因為外賣焗了關係，蝦不太大隻但味道都可以，醬汁真的有少少醋味，幾開胃，雞扒依然夠厚身而肉不錯。檸檬茶酸度都可以茶底有點苦，加了糖就好點。

想食特餐又不多有外賣，見到有兄弟幫有常餐，就叫了一個沙爹牛肉麵，入面仲有火腿奄列同方包，配個飲品。外賣來到見到一個圓碗加膠袋方包，原來奄列放在湯麵頂，所以湯底都比較油身，奄列浸了所以就味道一般，蛋的口感其實不錯，火腿入面都有不少，入面的沙爹味道好淡，牛肉沒有味道又淡而且好淋身，麵質因為外賣再加上上面奄列所以好淋身，食了一半都已經不想吃了，方包的牛油味不太重，包的口感都叫軟熟，飲品要了熱華田，甜了點但華田味都夠濃。

💛🤤🤤麻甩時間·🐽滑蛋兄弟幫叉燒大碗飯（$50）對滑蛋叉燒完全無抵抗力😆賣相吸引，叉燒半肥瘦都不錯，但豉油太多有點咸同埋飯粒偏硬😣·🍜蔥油豬扒撈公仔麵（$36）豬扒好大塊好抵食啊🤤配埋蔥油撈麵成份都好邪惡！！！·📍兄弟幫冰室.大排檔旺角上海街497號地鋪

成日食兄弟幫都是午餐同晚餐，第一次叫這間的早餐，今次叫了歐陸早餐，冰魚柳伴德國肉腸配香滑炒蛋和鮮油厚多士三十六元，都幾抵如果過了十二點叫的全日早餐的差不多食物，要六十五元比較貴。食完都覺不錯，下次都會叫回12點前的早餐。厚多士有點濕不夠脆，可能另外放會更好。腸仔十分大條不過是凍的，沒想到竟然仲有配菜青瓜同蕃茄，仲有茄汁豆有驚喜，炒蛋炒得不錯都幾滑，但有點油身，魚柳都幾大件而且十分厚身，魚質不錯夠脆，沙律醬味道普通。再配杯凍飲，凍咖啡的味有點淡口，好彩都夠凍，食完成個早餐，食完都已經十分飽肚。

在網上找餐廳，旺角找到兄弟幫冰室大排檔， 在上海街和豉油街交界，沒有冰室和大排檔感覺，裝修很光鮮。是日快餐星期一至五都不同，每日有四個選擇。蔥油豬扒煎蛋飯，$47，蔥油好好味，蔥和油的分量剛剛好，豬扒豬扒煎得很香很脆，我走了煎蛋，白飯加蔥油比平時豉油更好味。凍飲加$3，當然是大聲叫凍檸茶。鋪內電視播港台節目，加分。

今日又係旺角搵野食時間，依加百物騰貴，想食餐平平地又飽啲嘅都幾難，今次向大家介紹係旺角區抵食嘅午餐！今次叫左蔥油雞扒煎蛋飯 $47而同平時茶記唔同係佢呢度都多菜，成邊沙律菜，岩曬成日都出街食的上班族講番個飯，飯質素好高，蔥油鼓油撈飯一流，加埋個煎蛋，真係有衝動想加飯再食多碗😂😂另外豬扒大大塊，又有三舊，真係細食少少都可能食唔曬😱😱以呢個價錢食到呢個水準又夠飽，我大大力推薦兄弟幫比大家！！！！

因為返工既原因 平時都會叫兄弟幫食但係今日真係好差餐具冇俾 唔緊要但點解白汁雞皇火腿意會變左 白汁雞脾菇火腿意？我真係諗唔明平時食佢地蒽油飯 好食就算焗野都好好食但係星期日呢個快餐B 我真係好失望😞不過奶茶仍然好出色

今日行完街去旺角搵嘢食，當然要搵間"皇"。搵到依間兄弟幫，因為見到門口有水派囉。入咗去叫咗個蔥油豬扒飯，係星期日嘅快餐，ok呀，快靚正。 下次行完街之後都會再幫襯嘅。

因為喺旺角返工嘅關係所以成日都想食唔同嘅嘢唔想食死一間咁悶位於上海街附近好多一樓一有少少雜餐廳唔算好大大約10張枱左右但係餐牌嘅款式都真係幾多就咁睇都起碼三至40樣以茶餐廳來講都算多是日快餐嘅種類都好多款今日就試咗快餐A滑蛋吉列豬扒飯$46嚟到真係估佢唔到因為佢啲滑蛋真係整得好靚 一啲都唔似茶餐廳嘅水準呢度我都比幾高分跟餐會附送一杯熱飲男朋友叫咗雙拼三文治餐三文治都整得幾出色 跟餐會跟兩隻瑞士汁雞翼超級juice 同埋都幾大隻佢個餐就$30又係包野飲凍飲加兩蚊

又到了午餐時間，因為不方便出去吃午餐就看看公司有的餐廳單張，其中有一張兄弟幫快餐，價錢又不貴又有興趣就叫了一個外賣回來吃，今次叫了什扒飯，入面有豬扒，雞翼，火腿蛋，汁就是黑椒汁，底部的白飯勁多，真係沒有可能吃得完，黑椒汁都幾多有點杰身而有點咸，有少少黑椒味，豬扒勁大，咬啖啖肉又厚身好味道，雞翼好淋身而又太咸了，中間有片火腿同煎蛋，火腿感覺沒有煎過的有點失望，煎蛋就正常。飲品要了凍咖啡味都不錯如有那麼甜會仲好飲。