兄弟幫冰室。大排檔 (已搬遷) 新店位置

今日黎到旺角區食lunch，朋友介紹黎左呢間兄弟幫食❗️今日叫左呢個菠蘿黑醋汁蒜蓉豬扒炸蝦，個汁就一般，食唔出邊度係黑醋汁味🤦‍♀️🤦‍♀️但整體唔錯，炸蝦唔會太多粉，岩岩好，同埋仲好脆，新鮮炸出黎，雞扒本身多肉汁，配埋蒜蓉好惹味（利申：本人好鍾意食蒜蓉），同埋佢以茶記黎講算係好多菜，岩曬健康一族黎食❗️套餐仲包一盒雜果沙律同熱飲，凍飲+$3整體唔錯，加上依個時勢旺角區要食平過$50 難度不少，算抵食❗️

朗豪坊有我鍾意嘅公仔活動所以我哋諗住食完飯就過去咁岩行過見到呢間冰室就同老公入去試吓我見到佢個快餐係限量供應而且只得一款就係蔥油雞飯見佢寫住限量，應該好好食所以就嗌左啦佢啲蔥油真係幾好味老公都話啲蔥味好濃烈，所以唔食🤣可能佢比我嘅雞胸肉比較多，所以就略嫌唔夠嫰，不過隻雞都幾肥嘅老公就叫咗兄弟幫黑椒汁飯，即係類似公司三文治啲朋友我覺得個黑椒汁幾好味，辣味嘅比重都幾好而且老公話有兩隻蛋咁多添不過我哋兩個都比較麻麻哋佢啲飯嘅質地佢又好似琳琳地又有少少硬硬地....怪怪地不過唔知點解無啦啦有八折嘅😆😆

差不多每星期六都用App叫早餐的一間茶記，味道不錯，選擇唔多但貴精不貴多啦。但係真係越做越難食，越做越求其，如果太好生意太忙咁你唔好接生意囉，做乜做到咁求其。我幫襯你半年，由好鍾意食到我太懶先會勉强叫外賣，我今日決定以後唔再幫襯！經驗: 沙牛麵叫你分湯你一時記得一時唔記得，送到嚟就林到唔想食，餐具就鍾意就比唔鍾意就飲管都冇。咁麻煩你一係就收多少少錢如果你要額外餐具，唔好浪費食物。公仔麵其實真係好hea好易整既食物，你都可以整到咁，利害！而家想搵間好少少既茶記真係好難，難得開頭做得咁有心機而家又Hea做，可惜！

這間位於旺角的兄弟幫，都是常常會叫外賣的小店，今次就叫了這店的特餐 : 滑蛋义燒飯配凍咖啡，外賣依然都勁快來到，一開有驚喜，蛋炒得好好，仲有少少蛋汁，和還有蔥花在面，上食落去口感幾好，但蛋味不太重，但以外賣來講絕對合格，而且蛋的份量都不少，加了蔥增加不少口感，竟然仲有幾隻蝦都沒想到有，但不太新鮮都合格，下面的白飯勁多，有少少醬汁，另一邊的义燒十分乾身，而且偏硬了點，就有失望，而且豬肉味和醬汁都好淡。飲品凍咖啡的咖啡味都濃，沒有咁甜就更好飲。

在食評開始之時，我先向各位分享一下，我本來在旺角茶餐廳「兄弟幫冰室大排檔」訂了座，然後去到旺角「上海街」的時候，發現「兄弟幫冰室大排檔」實際的環境，實在很像一間港式茶餐廳。我始終也想不到，為什麼「兄弟幫冰室大排檔」，一到了晚上竟然會搖身一變，變成一間可以放心灌酒，盡情猜拳談心的火鍋小菜食雞煲晚餐食店。「兄弟幫冰室大排檔」有一點更令我摸不著頭腦的地方，就是「兄弟幫冰室大排檔」雖然在「開飯喇」程式內設有手機訂座功能，但是「兄弟幫冰室大排檔」的人實際上處理客人訂座的能力，我就不敢恭維了。各位「開飯喇」的編輯們，如果你們還不相信我的話，不妨翻查一下我個人的訂座記錄吧，當時我已經事先向「兄弟幫冰室大排檔」的店員表明已經透過「開飯喇」程式功能訂座，但是「兄弟幫冰室大排檔」的人還是做不到，無法確認我的訂座記錄。最後「開飯喇」程度系統透過手機系統通知我，通知我沒有出席「兄弟幫冰室大排檔」當日的訂座。我知道後非常惱怒，立刻從手機媒體庫裡面，翻查出已經拍攝下來的「兄弟幫冰室大排檔」收據，以證明我當日實在是有出席訂座。「開飯喇」的編輯們，你們也是在看完我的「兄弟幫冰室大排檔」的實際有效收據，才真正相信我實在

第一次早餐係奶茶難飲 第二次早餐係全完貨𣎴對版 餐牌寫住厚多士 出到黎變咗薄脆多 好 呢個我都算了 佢嘅薄脆多係燶到黑哂冇辦法食😰我話要榨菜肉絲公仔面 佢居然黎咗米粉 又轉 我明明落單請好咗要煎全熟蛋 佢又黎咗太陽蛋(我個人吳鐘意食太陽蛋)暈死拉 食個早餐服務員係冇跟單同冇聽清我講咩？？可以出聲 本來仲想叫佢轉反個多士 最後我都係算了 自己搣哂啲黑色再食已經得返小小拉食完快啲走

難得上海街開茶記，一定幫襯！之前外賣了一個焗豬扒飯同腿蛋治。個三文治非常吾掂，2片麵包又硬又凍，塊火腿片同蛋😑😨咬完一啖，嘔左出來🤮🤮🤮個豬扒飯真心又貴又難食😑😑之前已經想評論，但間餐廳係open rice 未開，想問個6個人係吾係自己友？🙄平時行過入面已經拍烏蠅🤣🤣

已經好耐無黎旺角，西洋菜南街最後一個周未做行人路，有回憶還是過黎睇下。旺角可以行嘅地方都無乜，先醫肚再行朗豪坊。好耐無食茶記，行過就黎咗呢間。見佢新開，價錢又唔貴。裝修係新穎，幾有feel，係旺角好少有咁用心整裝修，而且用上白色梳化，呢點係幾欣賞。除左普通嘅個人份餐之外，佢亦有雞煲，小菜。朋友叫咗呢個香蔥滑蛋蝦仁大碗飯，47元都幾多下㗎，汁都算夠，係飯硬左小小，蝦都多嘅，唔錯。本來我想叫沙嗲牛麵，但睇完餐牌又突然想食瑞士雞翼，就叫咗啦。汁嘅色係可以，我唔食得好咸就覺得ok。雞翼係全翼，夠入味，如果可以淋啲會更好。

其實我幾喜歡吃茶餐廳/冰室的食物的，可惜最怕餐廳環境不好，坐得不舒服食物又不乾淨這間餐廳在我公司附近，環境幾好的初初開業的時候，我天天8點50幾分衝回公司的途中，都會叫我進去吃早餐可惜我趕住回公司，注定和茶記的早餐有緣無份既然不能吃早餐，我和同事今天決定試一試它的午餐我們一共吃了2天的午餐,今天星期一的午餐十分吸引，有日式原條鰻魚飯，而且只需$54，十分抵吃，我同事立即便點這個餐了至於我，鍾情於全日早餐，於是我便叫了冰海魚柳全日早餐飲品叫了熱朱古力和熱鴛鴦。星期五的午餐便沒有什麼吸引力，所以我叫了香蔥滑蛋蝦仁飯，我同事叫了香煎豬扒飯，飲品叫了熱咖啡和熱菜蜜冰海魚柳全日早餐方面，食物種類十分多，包括了炸魚柳，德國肉腸，鮮蘑菇奄列，煙肉，火腿，厚多士和茄汁豆味道方面，炸魚柳是即炸的，熱騰騰的上碟，外皮十分香脆可口，而內裏的魚柳就十分嫩滑和少少鮮甜味，十分美味，美味過很多大型連鎖快餐店的炸魚柳德國肉腸方面，香腸是脆皮腸，脆皮腸十分大條，外皮都算脆口，而內裏就十分多肉汁，很juicy鮮蘑菇奄列方面，奄列煎得剛剛熟，奄列的口感十分之幼滑，啖啖蛋香味，而且沒有太多的蛋汁，是我至愛的熟度而蘑菇份量十

想係旺角搵間高質茶記真係唔易架💁🏻‍♀️今日行去上海街買麵包刀途中見到間新開既而我咁鐘意食茶記緊係要試一試😏😏本來比門口既下午茶既芝士流心西多吸引左，但坐低後發現選擇困難症既我病發啦🤦🏻‍♀️ 因爲餐牌上面既經典冰室系列, 大大碗滑蛋飯同招牌蔥油飯我都好想試😂曾經我係香港不停搵好食既蛋包飯，由連鎖店到小店都試過。估唔到係呢到有驚喜！ 我叫左個滑蛋肥牛飯🤭 係肥牛蛋包飯啊! 滑蛋炒得好靚，肥牛又多🤤🤤 大大碗岩晒飯筒既我老公就叫左蔥油雙蛋腸飯，一樣夠大份。蔥油好香，好快佢就食晒成個飯只係留返小小比我😭我地跟餐加12蚊叫左個抹茶紅豆冰，呢個係店員推介架。好足料又大杯！見到餐牌上面晚市仲有雞煲同小菜食，大排檔控既我下次一定要再黎試下😋

經過旺角見到有餐廳新開，就入去試一試，鋪頭乾淨企理，餐牌都幾鬼馬，有「多情系列」哈哈！因為唔想食肉，所以我就叫左個芝士茄汁焗野菌飯。呢樣野真係有別於傳統茶餐廳，唔洗個個菜式都係肉肉肉麻。哇！但呢個茄汁焗野菌飯有驚喜喎！估唔到個茄汁超濃，正呀～芝士仲好重本tim~~同行朋友叫左神級蔥油雞肶飯，基於我都係個蔥油怪，忍唔住我都偷食左幾啖，個蔥油撈飯真係無得輸呀！！！下次我都一定會嗌呢個神級蔥油！！！淨係蔥油撈飯都夠殺食！總括，絕對會回頭再食！

放假經過見到有新餐廳開張，好奇入左去試試，本來心唸茶餐廳來來去去都係嗰啲啦。環境ok，乾淨，坐得舒服咖(試過去d恐怖茶記嚇親過)坐低見到有鰻魚滑蛋飯，突然好想食雖然係$80，唔算平，不過話曬係鰻魚我覺得價錢好合理。黎到都幾驚喜！！賣相好正，唔覺得自己係食緊茶記！好好味呀值得一試！個蛋做得好好呀，好滑！鰻魚都好好食，唔會太咸，味道剛剛好！加埋杯凍奶茶，食左一個好幸福嘅lunch☝🏻☝🏻算係性價比高嘅茶餐廳！希望廚師保持水準！下次帶朋友黎試下！

約朋友出旺角行街，去到油麻地見時間尚早，搵間茶記食晏醫下肚先~老闆話推介香蔥滑蛋蝦仁大碗飯，不過我呢排唔想食蝦，就叫咗滑蛋吉列豬排大碗飯($47)。豬排香脆，滑蛋有點似日式蛋包飯個皮，滑溜好味朋友叫咗個肥牛滑蛋大碗飯 ($47)：呢個味道都唔錯，肥牛濕濕地易入口。茶記嚟講，食物質素真係唔錯。而且環境都好乾淨企理。初時冇為意，叫咗普通茶記嘢飲，食完先發現原來有得加錢轉特飲：仲有個玩味系列，好搞笑的特飲名，唔知係咪油麻地特色同伙計傾咗幾句，原來之所以叫兄弟幫，因為老闆係兩兄弟一齊創業咁解。呢間茶記開咗唔夠10日，而家仲係試業期間，所以都係做早午市同下午茶。過一排會考慮開埋晚飯。以後出嚟行街，諗唔到食咩好，又多個好去處了。