光榮冰室 (教育路)

营业中

休息中

早上七點幾想搵一間茶餐廳食唔使問啦一定要去呢一間去到一間茶餐廳想知道佢嘅功力調個沙嗲牛麵一定清清楚楚真係非常之好食牛肉汁又好啲麵又夠晒爽有人鍾意叫炒蛋我就叫咗隻箭双蛋淨係見到啲顏色已經知道好有誠意啦麵包厚厚牛油都係用心去查上去的這裏的服務非常之好知道有一位比較年輕又新來的侍應你見到她的殷勤主動合作有禮貌邊一間茶餐廳會見到咁好質素嘅員工？所以你都元朗呢一區你又想食茶餐廳又想體驗得到本港本地嘅傳統感情一定要來這一間茶餐廳

樓下就食到光榮冰室🤤正成餐飯都俾收銀姐姐吸引好少有做得咁開心既姐姐食左鮮牛肉煲仔飯飯焦正，甜豉油都幾特別鮮牛肉無特別醃，所以冇咩味公司飯餸多過飯🤣🤣誇張配埋蔥油係正既

早幾日打風日突然超想食椒鹽豬扒飯🙈夜晚落左風球就即刻去光榮度食🤣我叫左椒鹽豬扒飯(少飯)跟凍華田(少冰)，朋友叫左三眼仔雞扒飯跟熱菜蜜 (落單叔叔好好人咁話幫我地改做開心浩園餐，野食一樣但平三蚊😂)一見到個椒鹽豬扒飯已經有啲失望，豬扒唔夠乾身望落仲濕濕地。。。🙁 肉質ok，椒鹽味都香，如果乾身啲就perfect啦！白飯粒粒分明有米香，唔係用cheap米👍三眼仔雞扒既蛋煎得岩岩好，中間帶流心，撈飯一流😋雞扒好大塊，外皮雖然幾脆但炸得太乾。。。肉質尚算嫰滑，蔥油無咩特別，唔夠豉油於是問店員拎，佢地都好有禮貌好殷勤👍 另外用個細碗裝俾我而唔係就咁加落我碟飯度😊秘製豉油有啲似海南雞果啲黑醬油，偏稠身同偏甜，撈飯係幾正既😉食物同飲品整體水準只係普通，甚至有啲below average🙈 勝在價錢同服務搭救😅

如果唔小心叫咗多蔥，應該會食到你嘔，刷幾廿次牙都有陣蔥味。汁就無乜特別，我覺得精華在啲蔥度，一啖飯配一羹蔥，包保回味無窮，及得上姜蓉撈飯咁醒胃！雞扒大到成座岩石山，外皮煎到超脆，好似炸過咁，但肉質真心唔覺老，好味😋味道：環境：服務：特色：泊車：評語：食量不多的朋友可以叫少飯，相信䓤會多過飯

8號風球好多地方都冇開，好彩呢間有，一早已經坐滿晒人，叫了兩份早餐，茶餐廳必食㗎喇，麵可以揀，我就當然揀出前一丁，佢地會另上一包湯粉和一包麻油，落幾多自己決定。

昨日去元朗食下午茶，諗住試吓呢間黃店，點知食完就食完一肚氣。坐低咗之後，我就點左一個蕃茄蛋牛肉飯加凍奶茶。奶茶水準正常嘅，飲品係冇問題，紅茶茶底味係幾香幾出嘅。但係主角嚟到嗰碟飯真係嚇親我，因為我平時食嗰啲茄蛋牛肉都唔係咁嘅色，有圖有真相，食第一下望到係白雪雪覺得有啲奇怪，食落去似肉片多啲，同埋啲肉好韌，食落去有渣㗎，想訓練一下咀嚼肌可以去試吓點呢個飯。諗住點呢啲最穩陣嘅碟頭飯估唔到都出事，應該冇下次㗎啦。

黃店快飯➖光榮冰室💛有日要自己食飯 行行下發現元朗開左光榮 見佢價錢又幾ok就入左去食😚〰️葱油雞扒伴三眼煎蛋飯$55🍳🍳🍳有成三隻蛋 用嚟撈飯 流心蛋好正勁多蛋汁！雞扒煎得好脆又大大舊 btw小編好中意葱油 覺得送飯一流 葱油份量都比得好多🥳諗唔到食乜又想食下茶記 光榮係幾好嘅選擇 越開越多分店 又方便 快靚正☺️ 💰 $55 (1人)食物質數 ⭐️⭐️⭐️⭐️環境舒適 ⭐️⭐️⭐️抵食指數 ⭐️⭐️⭐️⭐️⭐️推介指數 ⭐️⭐️⭐️⭐️➖➖➖➖➖➖➖➖➖➖📍 光榮冰室 (教育路) (元朗)元朗教育路44, 46及50號兆明樓地下B號舖

元朗食早餐又多了一個選擇，實而不華的早餐，對我來說，是巨人的份量，煎雙蛋成隻碟咁大，加$1可以轉奶油多！沙嗲牛肉是必試之選，沙嗲醬混入蒜香及花生味道，味道豐富，絕非普通級別，是平民早餐的中上質素水準，加上價錢便宜，足以吸引到食客再次光臨。惟一美中不足是奶茶不是我喜歡的味道。味道：環境：服務：特色：泊車：（元朗市中心一向是難泊車，轉角有個錶位停車場，即使無位泊埋一邊停一陣都可以嘅）評語：其實係沙嗲牛肉好味，但又食過更好味的沙嗲牛肉，心情好復雜，係好味⋯但不會有強烈想再食的感覺。

今次早餐食 招牌豬排米 奶油多 雙蛋 凍奶茶。見響元朗開，特登去幫襯。有個習慣唔知叫咩既時候，就會點”招牌”菜。招牌菜都難食真係唔想有下次…然而今次點左個 招牌豬排 。又鞋又乾，咬落又無肉汁。早餐入面又要比較貴。咀嚼多兩啖直頭想吐出黎…元朗有個特色，就係唔知點解好多餐廳料理豬排都有一手。就算唔岩口味，但塊豬排至少係軟淋，食得落口。今次第二次食，兩次件多士都唔係即烘，如果唔係即烘既，就唔好收人1蚊，淨係做方包算啦，又唔係做到踢哂腳。凍左既多士真係扣分。

開心浩園餐💵55🍀🍀🍀🍀🍀🍀🍀🍀🍀🍀我同朋友嗌左三眼仔雞扒餐，有3隻荷包蛋，而蛋下面有好大塊既雞扒，亦有好多蔥係面頭，但味道比其他茶餐廳難食得多😐豉油唔夠味，唔係甜豉油之餘，塊雞扒仲煎到老左，啲肉好鞋颯颯😩可能滑蛋叉燒飯係最出色既，可惜我地無叫到🥲☀️整體而言，如果唔係🟡店，我都唔會黎試下，服務態度有啲差，不過我都明白，咁多客人要出咁多餐係會燥底既，出餐速度都算快，但希望食物質素會有進步～

真係好多分店💨😍希望佢哋越早越好😻人生第一次食光榮😂梗係要食叉燒滑蛋飯啦👀👍🏿 —————————————————————————————叉燒炒蛋飯 $50Omgg😳睇相就睇得多😐真係好震撼🤣有好多舊叉燒😂唔會太硬/淋~口感剛剛好 😋同埋啲蛋真係超級滑~份量又係好多😂上面嘅豉油同埋蔥花係精粹😍撈埋一齊食真係勁惹味💗但係都幾油膩👀分享食就啱🤌🏻9/10干炒豬扒意 $50豬扒份量又係好多🤟🏻仲要係又淋又入味😻意粉偏鹹🙈但係又有芽菜🤍蔥&洋蔥🧅中和返少少😂🤌🏻6.9/10 —————————————————————————————#為食tips👻 之前元朗店啱啱開🤣喺門口都等咗一陣先入到去~嗌左嘢食等咗好耐先來🥶食完意粉要再等多一陣先有個飯🤣不過啱啱開都正常嘅~ ~仲有上面兩個餐都包嘢飲🧃凍飲熱飲同價

知道元朗開咗光榮，一直都想去試，但係在午市或晚市時間路過，舖頭內就滿到瀉，門口就大排長龍！所以今朝唯有晨早到訪，食個早餐，幸運地人不算多。或者舖頭新，十分乾淨，樓面一律是師奶，相當好禮貌。食食吓早餐，聽見如下對話。「啲xx同yy唔夠熱喎！」某食客亞叔説，同時抹乾淨嘴戴返口罩。「唔好意思，馬上重做！」負責人即樓面兼收銀師奶説。「唔使啦」叔說，「唔得，一定要重做」師奶說，「唔使喎」叔説，「要呢！，你現在唔食咪拎走囉。」師奶説，「唔使呢…」叔說，雙方爭持不下。最後師奶扔下一句：「拎唔拎走都好，總之就要重做！」結果整咗出嚟打埋包，個阿叔真係點都唔肯拎走！雙方都十分固執， 十分堅持，但係諗深一層，唔堅持又點會有光榮呢？在光榮冰室見證到呢一幕，意義非凡！

-全日特餐($48+1$)🍜光榮試業第二日😎，趕唔切食早餐😌，下午茶時間就拉埋屋企人去試茶餐😙。雖然有人等位🕺，但都幾快就入得😆。今次叫咗香煎雞中翼烏冬🍗，牛乳炒蛋配牛油多士🥪。識我的人都知我好鍾意食茶記的早餐🤭，所以通常唔係早餐時間都會叫常餐😚。而我例牌都係會叫沙嗲牛米🤪，因為好鍾意個醬汁同米粉的結合😋。可惜沙嗲牛係末到3:00已經冇晒🥲，不過唔緊要，因為我細佬同老豆冇晒薯條仲惨haha🤣。好在雞翼都幾好食😋，夠香脆又唔會炸到縮晒水👍🏻，但個烏冬就有少少dry啦😌。雖然我知好多人食早/常餐會走包😗，但我覺得多士先係精粹😌，麵，蛋，多士一樣都不能少😤。不過可能廚房太忙同仲係試業末熟悉😗，個多士同炒蛋足足等咗半個鐘😅。(btw,原先想叫丹麥多又係賣晒🥲）我念下次真係要早餐時間去先得😫。-凍奶茶(跟餐）難得凍飲唔洗加錢🤪