光榮冰室 (厚福街) (已結業)

之前上網見到已經一直好想食，但係試過lunch time去只有普通嘅沙嗲牛肉，而呢個沙嗲牛肉煲仔麵就要2:30pm後先有，一直到今日先夾到時間過嚟食哈哈上枱時已經煲到好滾，bububu咁聲(可惜呢度放唔到片哈哈)牛肉份量好多，有成7-8片，啲麵好掛汁。煲仔麵同一般食沙爹牛肉麵唔同，佢個沙爹汁會一路食一路收水，越食越濃沙爹味，好正不過佢個窩蛋收咗入去啲汁入面，返而唔係好食到個蛋臨走時見到佢原來仲有窩蛋牛肉煲仔飯，搵日嚟要再試埋佢先~嘻嘻

叉燒滑蛋飯$50個份量真係超大份，而且叉燒大部份都係半肥瘦適中唔會比啲下欄嘢你，個滑蛋個份量好似唔駛錢咁😍😍😍，不過有少少美中不足嘅係好滑但冇乜味，煮嘅時候可以加返少少豉油同埋加番少少雞湯甘就完美啦，不過都係吹毛求疵，整體上已經好好。$50咁大份量，包一杯嘢飲，凍飲又唔使加錢👍🏽👍🏽👍🏽btw 啲樓面感覺好親切！🤣😂.Cp 值及夠飽: 食到攬住個肚走，價錢實惠.翻啅:一定一定會再返嚟

“全日常餐”($45)1月1要做嘅事當然要食全日早餐去嘅唔係牡丹樓而係要大大力g持嘅光榮今次嚟叫咗份全日常餐包咗牛油多士,火腿煎雙蛋,叉燒湯意我就轉咗炒蛋+沙牛一丁😋炒蛋夠滑,多士烘得夠香脆沙牛麵發揮正常,加埋辣油更正😛光榮冰室 (厚福街)尖沙咀厚福街5-6號地下6號鋪

成日見光榮冰室排晒隊 今日一試終於明點解✨蔥油雞排飯 $55好大塊雞排 大過我隻手掌 食落係外脆內超嫩滑 好香雞味又夠juicy 配埋啲香蔥勁香👍👍 推介要叫呢個✨叉燒滑蛋飯 $50個蛋炒得啱啱好 真係好滑 叉燒瘦得黎但又唔會好似柴皮咁 😋🍹橙冰茶 跟餐+$9幾好飲 似係甜嘅茶 橙味唔太出 可以唔洗特登+9蚊飲🍹西柚冰茶 跟餐+$9呢個比起橙茶比較澀 鍾意冇咁甜嘅可以試呢個嘅總括黎講呢個價錢食到呢個質素嘅野食性價比好高 不過坐得真係好逼 同埋都排左一陣隊先入到去食 但都係推薦嘅👍👍👍💰午餐人均$6x味道❤️❤️❤️❤️價錢❤️❤️❤️❤️❤️服務❤️❤️環境❤️❤️

今晚一個人食飯，所以去咗光榮冰室叫外賣。今次叫叉燒炒蛋飯，不過個飯底轉菜底😜 對於我來講有得將飯底轉菜底係10分好，因為我減緊肥。另外其實佢個份量都唔少呢個餐配埋飲品，我叫咗熱檸水。總共係$52

厚福街黃店，自從龍門執左就開始轉陣光榮冰室，6點前還有下午茶，很幸福，幫襯左很多很多次，有個姐姐很好人的，但最後個姐姐過左檔同街既另一店，有機會再寫。不過光榮是很抵食和好食。

去完staycation 同朋友一齊去附近食早餐 我尼咗光榮！！超級欣賞佢嘅炒滑蛋🥰又大份 又滑 仲要有好濃嘅蛋香味😆😆 配埋多士真係一流！！但佢嘅沙嗲牛肉公仔麵 雖然味道濃郁 但係太鹹☹️☹️☹️

從新聞中得知光榮冰室又被禁堂食，唯有親力支援這店。不難在尖沙咀附近找到食店，但這價錢和質素來說，的確難找。我點了三眼仔飯，有一塊蔥油雞扒和三隻半生熟蛋。 蔥油 雞扒 蛋 完全沒有考慮成本一堆蔥油 一大塊雞扒 三隻大蛋 一大碗飯 配起上來好夾凍熱飲同價在香港實在難得。隨便叫了一杯凍奶茶，正是香港茶記的味道。#開心浩園餐#凍奶茶#茶餐廳

食完先知原來尖沙咀店之前畀人鬧過嚟🤪因為piggy覺得好ok， 畀人鬧完有改善係值得一讚👍三隻蛋對蛋控嚟講真係好滿足😋每啖飯都有蛋汁好幸福🤗豬扒又大磈而且夠juicy唔乾，檸茶都做得唔錯，茶底夠濃🤤

態度差爛撻撻嗰啲都算啦，全程唔執枱，係行過幾次望到都唔執，好嘢👏 諗住最普通常餐火腿意粉炒蛋都唔會出事，吖佢個意粉都可以煮到一pat pat，淡味如醫院餐，仲要比漏個炒蛋。又要追爛撻撻，最後嚟左個太陽蛋🙂講真幫襯得都係支持下唔會有咩expectation，但最基本茶記要求都冇樣合格，坐又迫迫挾，仲要請埋班倒米樓面，冇心做不如早日拉閘不要消費香港人情感。

呢間成日門口都排滿曬人就一定有佢既原因😆今次終於有機會去試試滑蛋叉燒飯 & 杏霜🍲hkd 45呢個真心有驚喜，本身見佢呢個價錢大大份仲要係晚飯都無咩expectation, 點知d 蛋係滑嫁🤣叉燒仲要唔乾又唔太油，係啱啱好，呢個價錢黎講真係amazing🤩 仲要唔使加錢包埋飲品，唔使諗了，想去既快d gogogo🤣🤣🤣麻婆豆腐飯 & 凍朱古力 🍛hkd 45正常味道唔錯，可以👌🏻 少少驚喜既係我朋友叫左凍朱古力竟然都係完全唔使加錢，真心抵🤪🤪🤪

舊式嘅茶餐廳真係越來越少啦🥲但係茶餐廳嘅嘢食真係好好味，要多啲幫襯，保留呢個香港嘅傳統😌咖喱雞扒飯 $50呢個係👧🏻嘅至愛😍😌雖然有好多咖喱汁，但食落雞扒塊皮仲係脆脆地👍👍雞扒夠大塊，而且仲要juicy，唔會乾爭爭👍啖啖肉😍😍咖喱汁係傳統茶餐廳嘅味道，好惹味，不知不覺食左大半碟飯🤣滑蛋蝦仁飯 $50滑蛋炒得非常嫩滑唔會老，而且加大蔥同蔥花令到更加香👍🏼近排食少咗好多肉嘅👦🏽所以嗌咗蝦仁，🦐🦐好多而且都幾爽口，重點係唔會蝦仁同蛋係分開👏🏼茶餐廳嘅飯都係比較大碟，如果比較細食嘅話，可以落單嘅時候叫小飯👍

好多嘢都好想食不過今次淨係兩個人嚟所以只可以揀最想食嘅兩款試😋雞扒炒蛋飯 -56茄汁好開胃滑蛋好香好滑雞扒超大塊，覆蓋哂成個飯😂個份量重大過塊雞扒😂唔會好陣大雪味同埋都幾滑窩蛋沙嗲牛肉煲仔麵 -50上到嚟重滾吓滾吓等到啲湯汁停止滾動先夠膽撈😂然後撈勻隻雞蛋等啲公仔麵索晒啲沙嗲汁有少少辣而且沙嗲汁好香牛肉雖然唔太重牛味，不過都唔會梅溫馨提示大家食時要小心，因為攤咗好耐都重好熱🤣冬天食就夠晒暖粒粒

凍檸茶。凍奶茶我飲凍奶茶，一飲落口好似飲緊有奶嘅廿四味咁，同事飲凍檸茶，佢認同我。。。應該係個茶底🤔可能係佢嘅特別之處叉燒炒蛋飯全間餐廳八成人叫呢個🤣叫佢實冇錯蔥油雞扒飯唔會好咸👍🏻熱杏霜。熱檸蜜再去已轉咗飲其他三眼仔豬扒飯🍳🍳🍳第一次去見人食呢個，覺得好震撼（佢哋嘅係半熟蛋）我哋要求全熟沙嗲牛肉炒蛋飯沙嗲一般般，唔知關唔關出面係叫沙茶沙嗲牛肉嘅分別🤔有沙茶同冇沙茶第二次去食時又見人食呢個生酮餐，同事話好想試，所以又再嚟生酮餐常餐好攪笑，公仔麵🍜包粉同麻油就咁另外俾我自己落落去撈結果一星期去咗食4次🤪

個日喺尖沙咀厚福街食光榮。叫咗叉燒炒蛋飯，朋友就叫咗叉燒煎蛋飯。▪️叉燒滑蛋飯👍🏻個蛋真係好滑，多豉油好惹味，分量大😍👎🏻叉燒冇肥肉，全瘦，差啲口感▪️叉燒煎蛋飯👍🏻有蛋汁撈飯👎🏻叉燒有同樣問題會推介大家食叉燒滑蛋飯多過叉燒煎蛋飯，會再食！不過如果叉燒再好食啲就更好啦！