光榮冰室 (鴻威大厦)

营业中

休息中

▶️終於食到光榮冰室😍一直想試，不過而家因為工作關係好少出九龍，終於有機會試到💛三眼仔豬扒飯🍳🍳🍳🥩🍚明知三眼仔豬扒即係豬扒蛋，但係唔知點解就係好想食😂份量就好足，有2大塊豬扒🥩🥩，豬扒走過油，好食😋不過略嫌有啲乾🙈流心太陽蛋🍳好正，不過下面兩隻蛋都唔係流心，好可惜🥲蔥油+豉油+蛋+豬扒+飯本身係好普通，但係就係好食鍾意食😋😋⚛️本身就好鍾意茶餐廳，佢嘢食幾好，最緊要係有良心，絕對支持💛

中午入座，叫咗個雞髀蔥油飯。等咗10分鐘左右，個飯同個雞髀都係唔熱嘅。感覺係尋晚整咗翻煮算係解咗凍雞皮硬堀堀，白飯冷飯feel 好生硬超級失望唔係茶餐廳水準，喂係中學飯盒車咁😣😣

係嘉多利買完包就特登黎支持下比竇娥仲冤既光榮冰室，雖然三眼系列我都好有興趣不過考慮到車程就揀咗比較穩陣？既原條鰻魚滑蛋飯💛返屋企打開見到個賣相好吸引😍好似之前結業既兄弟幫既原條鰻魚飯咁，鰻魚果然要原條先正😆肉質夠厚身，醬汁比較甜der der但都完全接受到，同木魚花&海苔碎非常match。滑蛋份量都幾慷慨，顏色亦都讓人好有食慾😍雖然因為車程又焗住一段時間冇咁滑不過都好好食。飯量幾多，我淨係食咗三分二已經好夠😂口感就比較硬身啲，好似見過一篇食評講，係絲苗米同珍珠米既分別😂原條鰻魚滑蛋飯 7.5/9呢個價錢呢個質素絕對收貨啦💛感覺細節仲可以更留心啲，我有講走餐具，個收據都有寫明走餐具，但都比咗我餐具⋯⋯😅

每次做完gym 搵唔到食咩好 我一定會去光榮冰室 食佢個開心餐🥳佢個三蛋蔥油雞扒飯真係好正 勁大塊厚切雞扒再加三隻太陽蛋 真係健身人士嘅福音！最正就係佢嗰個蔥油汁 撈埋落個飯度食一流！

光榮冰室唔洗多介紹反而想讚讚廚房真係做得幾好依款雞脾炒蛋飯真心高質先係個炒蛋真係好香滑而個炸脾大大隻炸完唔會炸到老哂柴口當然唔會去到極浮誇有肉汁飛嚟但起碼食落口唔會變乾雞皮當然夠哂香脆惹味啦！

行街經過差不多下午茶啦附近茶餐廳都係門面買相所以價錢都唔平失業情況下都要食架就見到光榮價錢合理叫咗二個下午茶餐佢都有粉麵飯下午茶估唔到奶茶有水準👍🏻(只欠玻璃杯)即炸雞髀都好滑豬扒包好厚又可以選擇沙津或薯條真係掂😋

趕時間關係，又想不到要吃甚麼，就找了光榮冰室，果然落單到出餐都超快﹑超有效率🤣非常適合步伐急速的香港人😎點了極大份又邪惡的常餐👻1̲ 香煎雞扒公仔麵 $46轉辛辣麵、跟炒蛋、多士、熱奶茶招牌大大塊雞扒😆辛辣麵味粉要自己放進麵內，可以自行調節辣度👍🏼熱奶茶偏重茶味，但亦不會太苦澀，來茶餐廳就是要喝熱奶茶😎不過對於女仔來說實在非常大份

👦🏻同同事行完旺角信和同現時點，開始肚餓。同事問👦🏻有咩好推介，我地就一齊去我既旺角飯堂—光榮冰室😋。🌟沙嗲牛肉炒蛋飯🐮🍳🍚平時都係食開叉燒炒蛋飯，今日攪攪新意思，試下沙嗲牛肉炒蛋飯，結果無令我失望。沙嗲牛肉醃得濃味，重沙嗲同花生醬味🥜，炒蛋相當香滑，唯一缺點就係油比較多。成個飯份量比較大，夠一位男士食得飽飽。整體來講都係值得推介👍。誠意推介大家經開旺角試下，個炒滑蛋真係好好食😍。

平時好中意食蔥油，所以光榮既蔥油鴛鴦扒飯係我每次必點。今日嗌左個蔥油鴛鴦扒飯外賣，翻到屋企一打開外賣盒，發現一d蔥油都冇！！！唔好話油 一粒蔥都冇，d飯好乾，好在豬扒雞扒水準依舊，但係冇左蔥油，成個飯冇左靈魂！之前堂食就已經試過嗌鴛鴦扒飯，就淨係比塊豬扒，好彩同侍應講一講，都會補翻比我。外賣拎走，仲要翻到屋企先發現冇蔥油😢冇理由走翻去光榮叫佢比蔥油我架嘛冇辦法唯有拎屋企既薑蔥油加入個飯到，將就咁食下下次嗌外賣真係要睇清楚先

之前下午試過佢嘅咖喱牛腩飯，真係一試難忘，今朝早再來試吓佢哋嘅早餐先⋯$30雙拼通粉，連冷或熱飲同價，可以轉一丁/辛辣麵，仲要唔使加錢！係真唔係呀⋯ 😱😱😱$34單選沙嗲牛肉公仔麵，配抄滑蛋加厚多士，同樣地可以轉一丁/辛辣麵，冷或熱飲同價，真係賤物鬥窮人⋯沙嗲味香夠濃，牛肉又唔會煮得好老，而且件件都有返咁上下大件有趙口，配合大光麵點會輸！抄蛋真係好滑，入口可以滑入去，或夾厚麵包一齊食，效果最佳一流！反而碗火腿仿鮑魚通粉就真係普通咗D，或者呢個比較難突圍而出⋯ 😅杯奶茶依舊係我的致愛，我諗我一定會再嚟多几次⋯ ✌🏻✌🏻✌🏻

今次已經係第N次幫襯光榮冰室，不過每次令我考量嘅原因就係太大份，以一個普通女仔嘅食量根本無可能食得曬，我諗呢個份量係比從事體力勞動工作嘅男人食就差唔多，因為個份量真係超級CLS!蔥油雞扒一直係佢嘅招牌菜，通常我都鐘意食太陽蛋，不過如果外賣黎計會變左熟蛋，所以唯有食炒蛋，炒蛋外賣依然保留少許滑溜，值得一讚！個蛋舖滿成個飯面，我估計至少用左兩至三隻蛋。蔥油咸香味好正，雞扒煎得岩岩好唔會過火。食完呢餐晚餐我都無食，因為食唔落如果可以，希望餐廳出返一個女士份量我只係勉強食得曬塊雞扒已經真係滯足全日

下午茶 G 吉列豬扒配西多士（$35）+ 紅豆冰（$5）份量超大，咁嘅價錢簡直超級抵食。吉豬有用咖哩粉醃味，唔會炸過火乾爭爭（唯一可惜是油咗少少）。西多用厚方包，包中間仲有餡（呢件又唔油喎）。紅豆冰超多豆而且煮得啱啱好，軟硬適中。食完超級飽。

火榮企理出品, 地方乾淨企理, 光榮出品唔錯嘅茶記... ✌✌✌好耐冇食過咁好味嘅咖喱牛腩飯，原全係兒時嘅味道，咖喱香辣味又適中，唔太喊又唔太辣，牛腩唔散有趙口，又唔會黐呀，D飯又有飯香，一定要再試其他咖喱嘅產品⋯最出色竟然係佢杯奶茶，又滑又香，真係好耐冇飲過一杯咁正嘅杯茶⋯一定要搵日再嚟過試其他嘢⋯ ✌🏻

香港人食早餐相信有一種情意結，入來茶記緊係會有沙嗲牛肉麵啦係咪呀？！而且個個都係專家咁！由細食到大，基本上大家都可以食沙牛食到好似評全民造星參賽者咁，師兄一放低碗麵就開始由外表評分，呢個得呢個唔得，都未起音樂就知入唔入到圍啦！對我泥講凡事唔好睇表面。叫完餐之後，一位用譚仔話既靚姐，拿住呢幾包味粉同麻油走埋泥，細細聲貢話：唔好出聲啊！比你地自已加落去！😂😂😂好似有國家機密話我知貢！我話：靚姐！我唔係第一次泥！我以前食過，你唔孕得禾！比你笑死！😂😂😂😂一早食早餐，亞姐同你夠膽玩！你話幾開心呢🤣🤣🤣後來發現，佢哋成班伙記都係貢！有人入單，入單哥仔就同收單既靚姐講，有禮物比你啊！其實係張單泥！咁在旁邊我睇住呢份工作氣氛都會影響食客都會好開心！😙😙😙食物睇下相片介紹有詳盡分享😇😇😉😉💪🏼💪🏼

今日星期日休息，成日行過光榮冰室都冇乜機會幫襯，難得食飯時間冇咩人排隊，走咗入去食個靚飯~！！💛💛支持下黃店。入到去環境都幾乾淨，雖然坐位較為狹窄，店舖細小，但好有舊式冰室嘅感覺。食物方面，就叫咗大部分冰室同茶餐廳未必有嘅三鰻完蛋飯（鰻魚滑蛋飯），同好耐都冇飲過嘅紅豆冰，都只不過+$5就有，。份量適中，味道方面，滑蛋超正，加上啲鰻魚燒汁同木魚碎，突然令到隻蛋昇華左（誇張Mode）；但鰻魚就一般好食，如果可以燒到有啲焦焦地，咁就更加好食啦！碟飯攞嚟嘅時候，啲木魚碎仲識「旭」。紅豆冰應該落左椰奶（因為飲到有陣椰奶味），唔太甜，好過淨係淡奶加紅豆咁甜爺爺。🥤🥤價錢方面，個人認為碟飯同其他日本餐廳食嘅鰻魚滑蛋丼都算有得fight，唯一冇得Fight嘅，就係絲苗米同珍珠米嘅分別。所以如果想食唔到鰻魚滑蛋丼嘅話，性價比上粗粗地喺光榮冰室食都可以~！順手支持下黃店~！！💛💛