全記小店

营业中

休息中

是日報導的西貢早餐，是一間名叫《全記小店》的茶餐廳。《全記》這一個名字，相信大伙兒都聽說過，是西貢市馳名的海鮮餐廳。現在，《全記》一於通殺，搞多一間便民的茶餐廳，造福西貢。早上的一餐，我沒有叫扒，因為我看見他們用上了質素高的火腿，所以我很有信心，亦毫不猶疑地，叫上一個餐肉蛋麵。說過，這兒的餐肉是上等的火腿餐肉，入口特別的香亦特別有肉感，雞蛋是炒滑蛋，相比起一般的煎雞蛋，顯得更香口。奶茶，夠出色的，濃香也滑，不錯。《全記》，做海鮮做點心很有水準，而且混埋茶記，水準依然是高，來西貢想簡簡單單食茶記，全記的確是不錯。

今日約左朋友入西貢食早餐, 大家都冇乜 idea 食乜, 不過見小巴站附近 d 茶餐廳好旺咁樣, 就搵左一間黎食喇!睇睇餐牌, 覺得份份餐都好豐富咁樣, 正啊!  花多眼亂, 睇左一大輪之後, 竟然我地三個人都不約而同咁揀左早餐 D, haha!火腿通粉配炒蛋牛油多士:通粉都幾大碟, 湯有味, 粉唔太淋, 中規中距. 牛油多士夠厚夠脆, 如果多 d 牛油就好了. 炒蛋都算幾滑, 奶茶味道算濃, 但就稍稍有 d 澀.

    上次食過全記嘅下午茶，覺得相當唔錯。今次嚟到未夠兩點半，咁就食午餐啦！ 咖喱海鮮配意粉:有好新鮮嘅魚、蝦、魷魚、青口，仲有d甘筍仔同粟米墊底，咖喱好香好濃，正！(好得意！意粉送咗兩塊炸薯格!)星洲炒米: 份量,材料都好多，最正係個米粉炒得好乾身，又夠镬氣，好好味！午餐仲送老火湯，講明冇落味精喎！ 睇落好足料，飲落真係唔錯！ 

(755)西貢行山，尋找地方早餐，在巴士站附近選擇了全記小店。揀了這裡的醒晨自選雙拼麵早餐(30元)，飲凍奶茶加了3元，總共33元。雙拼麵揀了午餐肉，漢堡扒公仔麵，麵是出前一丁麵，麵質有保證，午餐肉感覺到是白豬仔，香滑好味，漢堡扒味道可口。凍奶茶，奶茶沖的都幾好，合自已口味。西貢茶餐廳來說，環境幾舒服，早餐，雖然貴少少，然而食得滿意。

以前每次嚟西貢，都會幫襯呢間全記小店嘅前身舖頭，都係一間茶餐廳。但轉做全記小店後，今次係第一次嚟食。 天氣熱到似火爐一樣，走入去後, 即刻叫兩個下午茶餐，仲要叫杯凍檸茶快d上檯先，d伙記都好好人, 幫我哋跟進。 超級三文治$34，烘底+$3厚多士夾住厚層嘅蛋、蕃茄、火腿同生菜，又夠多醬汁，雖然食到吱哂出嚟，但真係好好味！ 海鮮冬蔭公湯河$34估唔到下午茶都咁足料，又夠新鮮，有蝦，魷魚，青口、魚柳，河粉好多，湯底又唔會太辣，好正！凍飲+$3 *走時仲見到著住全記海鮮嘅伙記入咗去，好相信佢哋係同一集團！唔怪得d海鮮咁新鮮啦！ 下次一定會再嚟！

玩完獨木舟, 係西貢搵食. 太肚餓啦, 行行下就黎到呢度, 有下午茶. 入去!揀左冬陰公海鮮湯河同檀島咖啡.檀島咖啡餅店就成日食蛋撻, 未見過有間茶餐廳可以飲檀島咖啡. 味係炭燒咖啡, 反而加奶無咁好味. 唔加令到成個香濃的咖啡炭燒味一路流於口裡.冬陰公海鮮湯河- 海鮮料多, 蝦都有3 隻, 仲有魷魚青口~ 冬陰公D味可惜一入口唔夠濃同辣, 可以再勁D, 但殘餘留係口裡個份辣度都OK.D河粉夠粗, 闊度同厚度都係, 唔似平時個D好薄好幼, 所以口感幾豐富.做完運動~ E下肚真係人生一大樂事!

新春期間加價，停套餐可以理解，但服務應該未至於如此差。叫侍應拿水，她叫唔好心急。拿水來的時候又很沒禮貌竾叫我們自己放回餐牌到牆邊。食物到來，特別訂製的熱飲杯小得可憐，難怪其他客人都點冷飲。奶油多每片只有數滴煉奶。腿蛋治明顯地用隔夜麵包。已經第二次惠顧，服務仍是如此差，食物又不是突出。

今天我與外父一家人來到此逛街,大家心情愉快,四處購物和看看,去到黃昏的時候,大家有點疲倦及肚餓,因此便在附近中找好去處醫肚,逛了一圈後,便進入這間 內外裝修豪華的食店,我們一行八人,被安排坐在兩張大圓枱,一息間我便分別點了五樣小菜及兩樣粉麵飯,結果,一上碟後,仔細看看便感覺份量實在太小,不過我們仍然去品嚐各樣的美食,結果我們都同一感覺說西蘭花太硬了,魚柳和炒飯都太鹹,反而豉油鷄太凍,味道只算一般, 另外一味雪菜肉絲炒米,,似米粉浸在一堆豉油中,而價錢算中上, ,最後我們吃完後,大家便乘搭巴士往市區去.

是日又走麥徑, 第三段是比較難走的, 當然要先補充好體力, 就來全記小店吃早餐. 畢竟這裡是巴士站附近環境最好的茶餐廳.白豬仔午餐肉麵 $26: 7分, 跟文迪一人一碗白豬仔午餐肉麵, 麵是出前一丁, 午餐肉就是白豬仔的出品, 感覺上是比較有質素保證的配搭. 不過是日的白豬仔煎得不夠香口, 還好出前一丁的質感就不俗.凍檸茶: 餐飲方面, 揀了凍檸茶, 還帶點茶味, 以凍飲來講, 收貨了.吃完早餐, 是時候出發了.

同一班志同道合又一起出車遊遊香港, 放工後遊遊西貢後就到全記小店食晚飯.唔係有人帶路都唔知道有這一間食店.人地叫左幾碟小菜一起食,脆皮菠蘿咕嚕肉真係無改錯名, 咕嚕肉炸到外皮夠脆肉質又夠嫩, 加上個酸甜汁味道適中又唔會太甜十分開胃. 滑蛋蝦仁西蘭花, 我個人就覺得好一般, 蝦仁雖然大隻但唔算新鮮, 而且滑蛋汁蛋少生粉水多令到個汁太杰身有點漿口.最正我個人就覺得係 魚香茄子煲. 陣陣既咸魚香, 最難得係這個小菜做得唔係太油用來配飯一流

我臨時才決定去西貢.只逗留了二個鍾.途經呢條街有點驚訝全記竟然開了間茶記.環境比起同街的茶記整潔,也可以坐得舒適.服務下午茶時間人手少.都相當有禮和有效率,賣的食物種類有三文治,泰式粉麵.扒類的飯.小食.潮州粉麵.種類很多.但偏偏每個種類選擇也不多.凍檸茶:在炎熱天氣下最緊要夠凍.茶味也濃.檸也很多,抵飲...牛腩麵:我本來叫米粉.幸好麵無鹼水味,湯底完全無油,而清甜.但蘿白雖則無渣.但甜度低..牛腩切薄片.只有少少肥油位.但也有油脂香味.牛味也濃,比我想像中好..埋單大約30多元一位也相當合理...

由西貢著名ge全記海鮮酒家開ge茶餐廳,食物水準很好, 我地兩個人食左乾炒牛河同炒麵, 都非常有大酒樓ge水準, 鑊氣好夠, 唔太咸但好夠味, 估唔到炒牛河ge牛肉都可以咁滑!! 而且炒唔好睇張相以為河粉好細碟, 實際上係杯凍飲都幾大杯! 炒河其實好夠份量女仔應該食唔晒, 但我見隔離桌ge炒飯就細碟左DD, 但都應該夠食奶茶有水準, 凍飲都好大杯下如果入西貢想食有返咁上下質素ge茶餐廳佢會係首選, 比隔離果兩間ge食物質量好太多了, 而且新開無耐夠新淨又有電視睇, 可能新開關係招呼有D生手但熊度好搭救但佢地有一個好大ge缺點就係款式太少, 炒粉麵只有6/7款, 炒飯又係幾款, 公仔麵通粉又係得幾款, 成個menu加加埋埋都係得幾十款, 唔似平時食開果D茶餐廳咁百搭

見天氣還未算完全轉熱, 文迪提議再行一次山, 好, 不如就來個輕宜一點的, 走一走麥徑二段. 未出發前, 當然要先吃早餐, 見這裡開了家新店子, 叫作全記小店, 是全記的分店? 海鮮之外也打茶餐廳的市場? 見這裡環境是比旁邊兩家茶餐廳好, 就試試新店吧.這裡環境簡潔, 我們坐在單邊的二人位, 還不算太擠逼. 牆上還有電視, 讓客人可以看看新聞才起行. 看看餐湃, 選擇也不少, 要行山, 還是吃得飽一點, 就要個早餐D, 火腿通粉配炒蛋及厚多士, $28一客, 而通粉還能轉做出前一丁, 不另收費. 問問店員, 原來這裡只供應一種麵條, 就是出前一丁. 當然也包飲品一杯, 轉凍飲就加$3. 而文迪要的是白豬仔午餐肉炒蛋麵, 一樣是$28一客, 轉凍飲加$3. 計及出前一丁, $28一客早餐, 價位還算是合理.凍檸茶: 雖然是凍飲, 還算有茶味, 用上比較大的杯, 份量也不少. 文迪就要了凍檸水.炒蛋及厚多士: 7分, 都等了好一會兒才有得食, 多士是熱辣辣的, 幾鬆軟, 加上牛油, 還是幾香口的. 炒蛋就是一般, 其實更像煎蛋, 不夠蛋香, 也油了點.火腿出前一丁: 7分, 這裡除了麵條用