全記海鮮菜館

营业中

休息中

趁着天氣涼涼地，我哋一家大細去咗西貢一日遊，嚟到西貢點可以唔食海鮮呢！今次就揀咗擁有連續13年米芝蓮嘅全記海鮮菜館食海鮮食晚餐！我哋六個人每人$278一位另外再加一，六人套餐裏面可以揀六個海鮮，送個鹽水雞腳同油菜，再加紅豆沙糖水！真係非常之抵食！西貢屹立多年嘅全記海鮮菜館一直都係咁受歡迎！唔知係咪因為疫情關係，我覺得嚟西貢食海鮮好似比以往平咗好多，明碼實價，唔識揀海鮮嘅朋友仔又驚俾人呃可以揀食套餐，一家人來食就最啱啦！秘製鹽水雞腳雞腳都幾滑，點埋個秘製醬汁，都幾惹味唔錯（單點）半隻燒鵝王店家好貼心起隻燒鵝嘅下面開着個火一路燒住隻燒鵝，令到燒鵝既油唔會乾左，亦都可以保持鵝嘅肉汁，呢隻燒鵝王真係好肥美好正！不過如果老人家嚟食就可能覺得會有少少肥膩，但係係可以接受嘅，因為始終唔係成日食到燒鵝，隻鵝好新鮮，我鵝醬唔使點就已經覺得好好食！豉椒炒蜆蜆肉略少，但係個豉汁炒到好香濃好惹味！有少少辣椒味，好開胃好好食😋椒鹽賴尿蝦賴尿蝦好新鮮好大隻，原本以為得隻殼，點知食落去個蝦肉都好大粒，椒鹽炒到蝦肉好香口，食落去好濃味，豉油都唔使點好好食！極級推介大家一定要嚟食呢個椒鹽賴尿蝦！滿分滿分！豉汁蒸元貝元貝

週末入西貢玩左成日，傍晚經過碼頭邊見到有好幾間中菜館，都係用優惠海鮮套餐做賣點，就被佢地吸引住🤭🤭比較過價錢後發覺有上落，二人套餐為例可相差$100-$200🤔🤔原本因為無做功課，打算試最平個間算，但友人話聞到全記海鮮菜館嘅餸菜，係最香最吸引😤😤加上佢大大個招牌寫住連續13年獲得米芝蓮推薦，而我地都著重食物質素多過價錢，所以就決定試最貴嘅全記😆😆今次點了個二人套餐，包有四款海鮮菜式+油菜+果盆/糖水，每位$278免收加一，但另收茶芥每位$20。🔸 特濃芝士焗龍蝦配伊麵底🧀🦞｜原隻龍蝦開邊+$40/位必食之選😋😋課金原隻龍蝦🦞開邊上，咁一人就有半隻，而一隻龍蝦應該約一斤重（兩邊加埋）。澳洲龍蝦好多肉，肉質爽彈有鮮味，唔會因為芝士味濃而食唔到龍蝦味，而芝士汁🧀係濃到掛係麵上，好食！係本人今餐最喜歡的菜式😍😍🔸 蒜茸粉絲蒸元貝元貝好新鮮好大隻，蒜蓉粉絲亦夠味而無過鹹，係友人今餐最喜歡的菜式🤣🤣🔸 清蒸海上鮮🐟｜+$98轉沙巴龍躉蒸的時間掌握唔錯，沙巴龍躉肉離骨而嫩滑。課金都無投訴😌😌🔸 豉椒炒蜆好大碟，份量唔少，豉椒汁夠惹味🙂🙂套餐重有郊外油菜🥬及果盤/糖水。最後兩個人埋單$774，整體菜式

去海鮮街除左食海鮮都可以飲茶，而且質素都唔錯添。今日2點幾先去到，坐係戶外對住個海飲茶零舍歎。2個人叫左6款點心：叉燒腸粉、鮮蝦菜苗餃、牛栢葉、魚翅灌湯餃、燒腩仔同鮮蝦腐皮卷。每款點心都合格以上，燒腩仔個皮好脆，肉有幾層有肥有瘦，味道咸淡適中。魚翅灌湯餃好多翅（雖然係假）個湯餃好大好足料，不過湯就少左啲。牛栢葉佢加左芹菜紅蘿蔔落去蒸，有種特別嘅香味。鮮蝦菜苗餃餡料夠多，菜嫩蝦爽。除左點心唔錯之外，坐室外嘅環境有啲鮮風，又有好多人帶狗仔去，舒舒服服悠悠閒閒咁飲下茶，真係不錯

嗌左個二人餐:炒蜆/龍蝦伊麵/蒸扇貝/薑蔥炒蟹/生菜頭兩盤正常時間出，味道真係同屋邨酒家同油麻地大排檔冇分別之後嗰兩盤係等個幾兩個鐘都未到:喺食完頭兩碟等左半個鐘之後，嗌左個侍應追一追個生菜同薑蔥炒蟹，個侍應話ok再等多半個鐘，再問到未，個侍應又再追，原來冇落單，之後話冇哂炒蟹，冇蜆，冇蝦...第一次嚟到食海鮮連蝦蟹都冇...最後我地再叫多個扇貝.. 如是者再等半個鐘，連個生菜都未嚟，又再追過追完拎個生菜過嚟，同食冷盤冇分別，凍哂又再等扇貝，喺等嘅時間已經聽到隔離枱怨聲載道，張張枱都等勁耐都未有野食上，呢個時候先知I'm not alone最後扇貝都上埋，喺食完扇貝之後叫埋單(本身有送果盤，但我地已經嬲到連果盤都唔想要），就正正喺埋單嘅時候，個薑蔥炒蟹到左,surprise? 個找錢呀姐仲要串我地話又有炒蟹食？係，我都想知點解會有炒蟹食，乜唔係你話冇哂？總之食完呢餐飯，真係會成肚氣慎入!!!!!

西貢咁多好西，心思思樣樣都想食想食西餐，見到海鮮又好似好吸引坐低左之後，阿姐話三個人食四人餐，揀五個餸，價錢都人頭費x3order左芝士龍蝦伊面，白灼蝦，豉椒炒蜆，蒜蓉粉絲蒸元貝，椒鹽鮑魚跟餐仲有碟菜+糖水/果盤落完柯打，滿心期待美食送上食物上得太快，一口氣連上三個餸鋪頭冷氣好夠，未食得切已經吹凍晒白灼蝦～正常芝士龍蝦伊麵～芝士汁味道ok，伊面彈牙。主角--龍蝦過熟，好嚡。豉椒炒蜆～呢碟係五個餸之中最失望，豉椒嘅味道同平時唔同，帶點沙嗲味道，唔多識欣賞。蜆肉較瘦，仲有好多蜆肉唔知去左邊度蒜蓉粉絲蒸扇貝～粉絲乾左啲椒鹽鮑魚～呢個係成餐唯一好食，外面炸得香口，裡面鮮嫩軟腍阿姐話糖水未煲，只可以揀果盆🍊橙一碟成餐飯只得椒鹽鮑魚好食回頭指數🌑🌑🌑🌑🌑頭也不回

西貢無時無刻都咁多人今個中秋long weekend全記肯定又賺到笑😎🥢蒜蓉粉絲蒸元貝元貝算大隻，蒜蓉粉絲入哂味🥢龍蝦伊麵分量少咗，龍蝦都冇以前咁大隻🥢香蒜椒鹽鮮墨魚香口野，始終最好食🥢菠蘿咕嚕肉酸甜開胃，啖啖肉🥢清蒸沙巴龍躉魚反而 keep 到，新鮮，魚肉嫩滑🥢雞球大包懷舊點心，包餡足料，仲有蛋黃🥢灌湯餃 👉🏻湯浸餃😆唔算正宗嘅灌湯餃，不過鍾意飲多啖湯嘅就啱哂～雖然話係米芝蓮最佳食府，但未稱得上好好食，中規中矩咁啦，不過不得不佩服幾多人幫襯佢，有本身街坊，入去西貢上山下海玩一日嘅人，仲有以前自由行/遊客，況且地點喺正碼頭旁邊，係佔左優勢嘅～

四人叫咗個套餐，套餐有五個餸,1)蒜蓉粉絲蒸扇貝，用料雪藏元貝粒放在處理過扇貝殼蒸，扇貝殼是冇裙邊肉黏位,呃人嘅😡😡😡2)椒鹽鮮魷，肉質吾新鮮及超鹽😡3)龍蝦芝士伊面，芡汁水汪汪，芝士粒未溶化，龍蝦殼多，蝦肉極少，冇味😫4）海上鮮，又話冇䱽魚，加$138改沙巴魚，魚蒸太耐，魚肉超鞋，唔滑😒5）椒鹽賴尿蝦呢個較為好少少，五個餸，賴尿蝦算係正常少少。附送一碟炒菜，是白拾西生菜，冇味道。門市標榜係米芝蓮食肆,食物水準超難食😣😫

小心中伏…難得嚟到西貢食嘢，見到佢哋話米芝蓮推介就入嚟試吓...呀姐姐就推介個套餐，嘩好抵食…嗌咗椒鹽魷魚，芝士龍蝦伊麵，賴尿蝦，粉絲蒸元貝，蒸魚…椒鹽魷魚好鹹又唔新鮮，龍蝦伊麵好稀又冇味道，賴尿蝦都一般，粉絲蒸元貝完全是騙人的…攞返急凍膠帶子放上去和粉絲蒸，真係好難食🥲.蒸魚又要加錢但係質素又一般…真係好過分，餐廳對得住良心咩？同服務員反應有冇結果…真心唔好推介…四條友去食飯，千幾銀，質素好差…真係要用xxxx來形容啲野食…

賴尿蝦係霉的，仲要超鹹，跟本啲蝦就唔新鮮，無味。花雕蛋白蒸蟹，蟹唔新鮮，無花雕味，蛋白超「鞋」。落左單起過一個鐘先唻。龍蝦伊麵唔熱的，味道尚可但個芡凍左變左一pat pat起菜好慢，食完一道，等十分鐘，再上下一道. 食到窒吓窒吓咁，好唔痛快，唔係食到飽，係等到飽附近幾枱都有投訴，有一枱話蒸魚無「贊」油，一枱叫左條瓜子斑，但就話下次一定唔會再幫診，另外一台清蒸蟶子但就變左豉椒，另一枱落漏單。食物，服務，環境，真係無樣都讚得落

⭐️#西貢海鮮🫢黎到西貢唔係唔食海鮮掛🤣🤣揀左二人餐 唔駛諗 夠方便 懶人之選每位＄258 。茶芥20一位。免加一。任選四款！🌼特濃芝士焗龍蝦伊麵-龍蝦好新鮮爽口彈牙 肉厚 加埋芝士 好惹味！🌼薑蔥炒蟹-肉蟹配上薑蔥 好有鑊氣！🌼清蒸河上鮮-倉魚大大條 蒸魚時間岩岩好 尚算新鮮！🌼香蒜椒鹽墨魚-平時食鮮魷就多 椒鹽墨魚都係第一次食份量都幾多架！太耐冇去西貢 好似咁似食個海鮮餐 🦀🐠🦞好似跟團去旅行一樣 😂😂

之前入西貢見有太多選擇，見依間榮獲米芝蓮推介，試過之後就每次都會在此食海鮮🔹️上湯芝士大龍蝦伊麵龍蝦好新鮮，肉質爽口彈牙，非常濃的芝士味又不會偏鹹，伊麵有彈性又夠索汁。🔹️椒鹽瀨尿蝦椒鹽瀨尿蝦大大隻，肉質鮮美，炸到剛好火候，好入味。🔹️避風塘炒蟹蟹新鮮肥美，多肉多蟹膏，炒得勁有鑊氣好惹味。🔹️蒜香椒鹽墨魚墨魚新鮮，外脆內爽彈十分香口。

難得入到嚟西貢，梗係要去全記食海鮮啦因為得兩個人，所以叫嘅嘢食唔算多斑點蝦選擇左做刺身，肉質超爽口彈牙！拎出黎嘅時候連蝦頭都仲識郁㗎豉椒炒聖子由於我鍾意食辣，所以叫廚房加咗辣，味道更加惹味！同埋煮得啱啱好，唔會過老琵琶蝦米粉煎底琵琶蝦都係好新鮮，肉質鮮甜，呢個就用薑蔥炒，加埋煎底米粉，吸晒啲汁味道超好食！！

四人套餐， 份量較少。芝士龍蝦伊麵， 一上菜時已經唔夠熱，感覺似係一早整好擺係廚房，有客叫再拎出嚟，芝士汁溝咗大量水，稀到無朋友， 完全無味道。此外粉絲蒸元貝，真係好大獲，首先舊元貝100% 唔新鮮，完全無元貝味，反而有一浸膠味，似係唔知咩合成食用膠。椒鹽鮑魚冇乜特別。薑蔥炒蟹真係 🙃唔知佢咩份量，目測得一隻肉蟹仔😅，蔥就好多啦，4個人喎，唔比兩隻都比大隻啲阿，真係有啲過份，btw 蟹都係冇乜味 。最後個送糖水，好… 又係無味道溝水紅豆都唔多一粒。一個字“差” , 三個字“冇下次”

假日咁岩嚟到西貢玩，打算食埋海鮮先出返市區，俾佢門口米芝蓮嘅招牌所吸引，就決定食呢間喇！星期日嘅夜晚時分非常多客人，所以啲侍應都唔係咁得閒招呼我哋，我地一行四人，就叫咗個四人海鮮餐，但最後發現幾多個人都好，價錢都係一樣，每人$299，四個人可以選擇5種海鮮，不過份量就真係唔係好多，食完個都仲係覺得肚餓，仲額外叫多咗半隻燒鵝同兩碟小菜，味道係唔錯嘅，海鮮亦都好新鮮，不過就真係份量比較少，我哋兩個男仔兩個女仔食都唔夠，抵唔抵食就見仁見智，不過喺西貢食海鮮又的確有另一番風味！

伏到爆，無下次，感覺好差，難得黎到西貢，貪就手求其搵間黎左呢間全記，點知就出晒事，伏之餘，份量又少，瀨尿蝦一隻切開頭身尾再砌埋一碟勁少，完全不是原隻，除左冷氣夠之外，諗唔到可取既地方，永無下次，建議遊客止步