兩合海鮮火鍋飯店

营业中

休息中

同2老來紅磡街市食打冷, 之前都來過幾次街市熟食中心,每次都唔錯.今次阿媽發板,3個人點左4樣野,食到好飽 韭菜豬紅($25) : 由細到大都好鍾意食ge一樣野, 來到當然成為必點之選 睇落好似細細碗, 但食極都仲有XD 蠔餅($4x) : 早排去完台灣, 食左2次蚵仔煎, 2老都話蠔餅脆口好食d, 呢度亦相當大份又脆口, 但我個人鍾意用地瓜粉整ge台式蚵仔煎多d 滷水鵝($6x) :完全唔得, 最貴係佢, 但得個幾舊下面全部豆腐! 仲要d鵝仲肥過我! 全部都係皮包脂肪叫我地點食?? 呢樣應該係打冷ge鎮店之寶, 竟然整成咁 沙薑雞腳($4x) : 夠淋又唔會爛晒, 同埋夠入味唔點醬都ok, 中上水準加多2碗潮州粥,埋單$167, 3個人晚餐算抵食可以返兜!

昨天為老豆提早慶祝父親節，一家五口上左去食。其實好耐好耐以前已經成日食，不過自從佢搬左上街市就冇咩點去過。原本打算食打冷野、凍蟹....不過一見到D海鮮就雙眼發光了。。。叫左5個海鮮：1. 芝士牛油焗琵琶蝦加伊麵底 超好食2. 蒜泥蟶子王 新鮮3. 黑椒炒蟹 最好食4. 薑蔥爆鮑魚 新鮮5. 椒鹽瀨尿蝦 好正然後仲有九菜豬紅、鵝腸、筍、通菜鮮尤，白飯/粥連酒水。加加埋埋都係1000蚊。成家都食得好開心...係嘈左D同多人左D0者。

是晚因要去演唱會，所以兩口子大約七點鐘已經去到！(((幸好早到，遲多半個鐘，真係唔知要等幾耐至有位喇！))) 因為兩點幾至食午餐嘅關係，所以只係叫咗三樣嘢嚟試！ 三鮮炆骨髓︰真係好多年都冇食過骨髓，所以專登叫嚟食！味道好好，而且好有當年食嘅風味！不過我朋友話，啲草菇有陣酸味，但係我自己就食唔到有酸味喎！ 海棠滑豆腐︰呢個係我最愛，通常見啲食肆有的話，都會叫嚟試。出面大部分都只係用蛋白嚟蒸，但佢地就會用埋蛋黃，兩者我都OK冇乜所謂！ 乾炒牛河︰呢個真係平靚正，又夠大碟喎！Very Good 雖然有帶相機，但係一見到碟乾炒牛河上，就開心到掛住食而忘記影相lu...

同太太一起黎食飯 , 好懷念的大排檔感覺，差唔多7點, 好在有位…. 晚餐點了 蒜蓉開邊蒸蝦 蠔仔粥 沙拉骨 雞蛋焗魚腸兩個人眼大肚窄，最終是食唔晒, 要打包。蒜蓉開邊蒸蝦 – 新鮮…開邊蒸方便懶人食…蒜蓉好香。高水平出品。蠔仔粥 – 潮州粥是也，但米的份量較多….蠔仔的味道不太特出，中水平出品。沙拉骨 - 味道特別， 若非要好處理雞蛋焗魚腸一菜, 我想一定把它擺平。雞蛋焗魚腸 -魚腸處理得一點也不苦，可惜少了兒時在大排檔食慣的味道。可能自己要求高…總覺得差了一點。說真一點, 此處另有三鮮炒骨髓等小炒…是難以在其他地方食得到的心機菜….有機會的話，要多來一遍才可以。不過, 七時半後， 等位是無可避免。

同屋企人黎附近睇完樓,差唔多成十一點先黎食飯睇下個小菜牌,十點半後有幾十款$30既特價小菜,於是點左幾樣試下粟米班塊: 有大量粟米汁,但d班塊有d霉,最後都冇食晒沙拉骨: 其實係豬扒,佔滿了像是千島醬既醬汁,好味,全晚最出色既一碟南乳炸雞件: 只係d雞件炸好後點南乳黎食,d雞炸得有d乾,非常普通魚香茄子煲: 幾香,亦夠惹味,唔怕油既用黎撈飯食都唔錯沙爹粉絲牛肉煲: 完全唔掂,d粉絲太諗又唔入味,d牛肉又碎又乾金銀蛋西洋菜: 普通菜一碟,不過老左d總括黎講佢d特價小菜都係麻麻(正價果d我未試過),不過$30一碟實在唔可以要求太多,只能夠講勉強合格啦

幸好早到, 一行四人, 立即有位, 坐下不久, 已見排隊, 半少時後, 更至梯口, 真好生意! 落單六碟, 無益過半, 第一味餸, 椒鹽鮮魷, 一來即啖, 十分燙口, 炸粉夠脆, 參點喼汁, 送酒一流, 第二味餸, 清蒸泥鯭, 上次大條, 今次細條, 大條肉啖, 細條味香, 夾果皮絲, 同一起吃, 甘味流香, 第三味餸, 蒜香排骨, 心熱皮脆, 蒜味芳香, 第四味餸, 蒜容蒸蝦, 預期不同, 比較細碟, 蝦亦頗細, 大過基圍, 如手指般, 收九十八, 十圓一蝦, 價錢頗貴, 但蒜味香, 肉質彈牙, 第五味餸, 蒜容勝瓜, 材料新鮮, 瓜爽蒜香, 味差難矣! 第六味餸, 紅燒乳鴿, 即炸鴿啦, 味道可以, 唯欠賣相, 些少皺皮, 原因不明, 多種可能, 皮脂過多, 鴿肉部份, 熱後收縮, 肥比瘦快, 引致巢皮, 總括而言, 晚飯至此, 十分滿意

　　很久沒與老爹外出吃飯，老人家總愛在家馬馬虎虎用餐便算，不常出外用膳，又不想後生們花無謂錢，今天三吹四請才肯外出吃頓晚飯，老人家總想以經濟為原則，於是便往紅磡熟食檔跑，以前已聽說這裏有幾間抵食的食檔，畢竟在家往食檔只一街之隔十分方便，六時半到達以人頭湧湧在「兩合」光顧，應是今次我們的首選吧，多人光顧的食店起碼材料都較為新鮮。　　四個人叫了五道菜分別是，枝竹炆魚腩煲（$50）、香煎鹹魚肉餅（$48）、通菜炒牛肉（$42）、煙肉釀百花（$45）以及椒鹽鴨下巴（$45），三支大啤及兩碗白飯。　　枝竹炆魚腩煲的魚肉較腥及靭，個人因不太喜歡魚腥味，故不太欣賞；香煎鹹魚肉餅的鹹魚味近乎沒有，也沒有惹味可言；通菜炒牛肉最夠鑊氣，牛肉也不過不失；煙肉釀百花煙肉內包蝦膠，然後炸之，非常香口的一道菜，用作佐酒，是最佳選擇；椒鹽鴨下巴也是佐酒的一道好菜，送飯則不能。四個人吃得滿滿足足，價錢也不太貴，下次老爹可能也會才光顧，只要老人家喜歡，我們到哪裏吃也沒所謂。　　

Ｄfriends鍾意去果度食，其實是貪佢食完之後可以有得玩啤牌不過次次去都吾知點解好鬼死多人排隊，講野食我其實覺得Ｄ野真係麻麻地，果次叫個鴨下巴真係硬到咬吾開，Ｄ炸魚皮又乾噃，叫個老水什又細碟重要收成六條幾野。Ｄ伙計Ｄ態度好似黑社會咁，呼呼喝喝,粗聲粗氣，個個好似幹巴士一樣，Order慢Ｄ都罵到你狗血淋頭。同埋個地下又濕又滑，次次行去廁所都好似踩冰咁。不過飲飽食醉一人都係百令蚊，好過落酒吧飲咁貴咁話啦！

我住紅磡..我媽媽0係紅磡街市開檔..之前亦聽過幾個人講話好好食..但..今次我先第1次食兩合..3人共叫左 :沙拉骨---好好好好味..未食過咁好味的沙拉骨..搶食..失禮晒!炒顥---好熱..幾好食..但好細隻同幾多殼.."老"水鵝---好好味..仲好平..$4x咋!!炒鱔糊---我覺得普通lor..仲有好多果皮..我1食到即nur返出黎..男朋友話簡直唔得!可能佢食開上海舖0個d掛..仲有3碗飯+2汽水$201埋單..仲收$200就算..平左$1..好過冇丫..有1樣野好抵讚..就係所有野1落單轉個頭就有..勁快手!!點解我唔1早黎試下呢..1試便愛上..hahaaa..

一行九人上黎食叫左以下既野羊腩煲.. 好大煲@@超正..仲有生菜"豉椒炒蜆.味道幾好,不過太少..有5份1係得個shell=.=牛油芝士焗斑球.. 如果芝士味重既話一定勁正豆豉鯪魚油麥菜.. 呢個唔得,太咸!要叫粥送最後生炒骨... 比較少,,味道ok椒鹽九肚魚.. 脆卜卜.. 正丫..抵食菲菜豬紅.. 同自己整既差不多仲叫左兩碗congee同啤酒..食到飽,, 埋單先337.. 抵食丫!!唔計生日果個,,一人先40蚊多d..好reasonable~

老公係紅磡的原居民親戚及一齊成長的朋友常會到這裡聚聚，一來跟話事人相熟，二來食物大碟又抵食，三來有鑊氣，而且除親切感外，還有好味的餸菜～～椒鹽九肚魚（白飯魚）：大碟，外脆內軟鹵水食品：好入味，次次都會叫一碟菲菜豬紅：料多又入味粟米魚肚羹：好多料，魚肚好多又唔腥蒜容開邊蝦：鐘意食蒜容的我，會大啖將蝦肉連蒜容食埋，有時可能咸左少少蝦棗：好特別的餸菜，第二度食唔到蠔粥：真材實料砵酒煮蠔：ｄ蠔好大好肥美有時仲會叫廚房煮ｄ特別野，講得出佢都會整架！搞笑美中不足的係仍然有人食煙，衛生環境較差

正如不少市政大廈的大排檔一樣, 兩合勝在夠鑊氣, 大件夾抵食. 每次到訪, 必定吃凍蟹, 好大隻, 好平, 較一般打冷店平三份一至一半! 打邊爐不過不失, 我覺得不用點雪花牛肉, 一般肥牛可以了. 朋友們每次來吃, 一定會吃墨魚刺身, 沾些山葵品嚐, 實在美味!

1/3/2007 (星期四)因為朋友T工作的關係才懂得來這裡食飯,一直對街市的食肆印象麼麼,總覺得環境嘈雜及地方不太企理,不過估唔到一碟沙拉骨竟然是我們經常會再次幫襯的一間食店不知不覺在這裡也周旋了七,八個年頭了.今晚一行七人又來了,以前是我最愛的沙拉骨,現在變成大家的必叫菜式,經我推介之後他們個個都愛上了,尤其是我弟弟現在反而是他搶著要點叫,試過一次還叫了兩碟,好味程度真的不能言語,但十次偶有一,兩次都會失準,不過仍然好食過出面的店舖.沙拉骨~豬扒炸得鬆化,混合花生醬及沙律醬,酸甜香的配合,淨食又得要來伴飯更加開胃蒜香鴨下巴~對於沒有肉食的東西很少感興趣,不過味道香口,朋友們就吃得津津有味豉椒蒸帶子~帶子尚算鮮甜加上香濃的豉汁,味道還可,美中不足是肉質有些韌蒜蓉開邊蒸蝦~蝦的份量多而且幾鮮味,粉絲滲入了極多的蒜蓉汁料,非常入味金銀蛋波菜~一般的水準,味道OK蠔仔粥~有冬菇,方魚,蠔仔,蔥,料頭比粥還多,味道幾好油炸荀殼魚~第一次吃這種魚是從這裡開始的,魚經炸過後香脆可口,加上鮮甜的豉油汁味道極之好日式八爪魚~八爪魚鮮甜味美,亦可點著伴隨的芥辣醬,又是另一種味道,值得一試P.S.街市上