兩合特色餐廳

营业中

休息中

最近要到嶺大講課，被 canteen 那又乾又咸又冷的叉雞飯咸到。今日心想附近的茶餐廳起碼選擇會比較多，沒什麼期望只想飽肚。$45 一個午餐，也沒有很多選擇。最保險地選了西炒飯，一見卻叫我傻眼。滿滿的一碟雞蛋炒飯，食到最後都只找到2粒綠豆、3粒蝦仁、3粒粟米、5粒紅蘿蔔及零碎一些火腿片。很香雞蛋味，因為除了雞蛋便什麼味道也沒有。茶餐廳也有茶餐廳的道義吧！

第一次食晏就都唔算太差，今日第二次食但早餐真係伏到，個包又凍又硬，塊餐肉應該返煎再返煎又乾又難食，隻蛋煎到成個熱香餅咁，個沙嗲牛肉麵個味唔差，但碗野就唔係熱係微暖，唔會再食佢🙄🙄🙄食過咁多問茶餐廳最伏都係e間

家人買了外賣給我是兩合的咖喱🍛豬扒飯咖喱是有椰奶的這種，個人不太喜歡，但家人買給我的，因此也變得滿意外賣加一蚊，正常不過賣相一般，味道一般，價錢都一般，所以合理的意料之內呢間野既餐冷熱奶茶同價，但家人買來的是熱飲，因此決定加冰講真呢到附近真係無咩特別出色美味的食物，都係做街方生意，而街方又近近地搵食，節省了時間，不用烹調食物順帶一提，如果星期一至五中午時間同晚餐時間都係幾爆架....始終有學校，同呢個屋苑都幾多人居住

食常餐等了30分鐘都無通知 最後才知是新師父所以慢 ，只叫我們等。態度、環境又差 ，只理生意不理客人，多了欣田村後 ，人數多了，都預期了是慢 ，我都在兩合食了很長時間，但最近明顯有下降情況，極度失望。

閒日緊係想嘆下下午茶 ， 經過見到這間屋邨茶餐廳 ， 應該都好有歷史 ， 餐廳環境係掛有好多畫，有大卡位，小卡位，圓枱。地點也方便，位置係西鐵站 一上商場就是 。 看到餐牌 有下午茶餐， 都挺多選擇， 我叫了一個黑白配餐38元， 凍飲又唔使加， 只係汽水要加四蚊， 我當然叫杯凍奶茶啦， 嚟到碗通心粉都好大碗， 味道湯底也啱口味， 不過件多士好乾， 蒜蓉整得太燶， 整體來說都ok ， 侍應也很快手 ， 衛生環境ok ， 這餐廳都是做街坊生意 。食完晚上我也不用吃飯。

好多時候小店比大餐廳更好食！唔好睇呢間茶餐廳唔太起眼，佢地既小炒真係無得輸! 每次食都有新野! 今次食左豉椒炒蟶子，酥炸生蠔，粉絲蒸扇貝，芝士龍蝦伊面，重有好多無比相機食。哈！哈!！我個人最愛酥炸生蠔同芝士龍蝦伊面。生蠔唔會炸得好干或好油，係岩岩好，又juicy。 個芝士龍蝦伊面d芝士多到呢~ 芝士味好足龍蝦好新鮮。當然，以上既海鮮需要先訂了。我個人覺得好食過流浮山，價錢又合理! 如果大班人食飯，又多一個好去處

其實呢間茶餐廳間唔中我都會幫襯，貪佢抵食質素又唔差。可惜近期俾我留意到，原來佢地有例湯供應，不過就只會提供予熟客...聽落好似好好笑，為咗碗例湯而不滿，但我光顧過不下數十次：飯餐，粉面餐，散叫....沒有一次店員會提供例湯，甚至乎提也不提。但相反，熟客就算只是點一碗粉面，店員也會主動送上例湯....當然店主可以解釋價錢不包而他有權送贈予任何人，但調轉立場，大家也是顧客，為何同一價錢會有不同待遇，只是一碗例湯，有需要分等級嗎？另外，員工只顧談天說地而導致漏單頻頻，也很影響店舖形象，望能改善。

今日諗住放工去兩合食碗牛筋腩河，送上嚟的不是時下的清湯腩，而是傳統的柱侯味道的，這不是重要，最弊就係佢地嘅牛筋腩居然硬過硬膠，跟本咬不斷，可能下午茶時間就比呢d劣貨人客食，但都令我以後唔敢再幫襯

中午同男朋友豪少少食了西餐, 晚上就隨便食得啦~兆康好多人住, 但係茶餐廳就得個2,3間, 兩合我由細細個就食開, 成日叫佢個雲吞麵食~茶餐廳的服務就一定無得同西餐廳比, 何況平時都係D阿姐阿叔, 所以就唔好有要求了今晚叫了雲吞河同海鮮炒烏冬, 兩樣都係我平時食開的雲吞一向都夠彈牙同夠晒味, 保持水準海鮮炒拉麵今日比平時啖味了少少, 無咁好食, 海鮮就係普通的蝦, 蟹柳, 魷魚, 假鮑片各少少, 假鮑片最好食我通常都會加少少辣椒油 味道會再香D茶餐廳奶茶一向都OK, 不過晚上飲都有時怕會訓覺訓唔著男朋友叫了檸樂~ 好多冰~今餐食了97蚊, 100蚊都唔使雖然今餐炒麵水準失準, 不過我下次都會再來幫襯

一間餐廳坐落於屋邨咁多年，總有佢嘅原因。呢餐廳好好嘅地方係晚市會送例湯，連湯渣飲，非常足料。飲落去唔會覺得有味精，感覺就好似飲緊屋企嘅湯。豆腐魚腩煲：菇煮到好入味，豆腐都好滑，整體黎講個煲整得好香。欖菜肉碎炒四季豆：送飯一流，呢味餸有時出去食就係會太咸，但係佢呢個就咁食都岩岩好西檸骨：西檸骨黎講，佢會似豬扒多d，因為都幾多肉。汁就用左柚子蜜整，酸酸甜甜都幾開胃

去咗屯門一間充滿漫畫味的茶記。入到去掛咗好多幅港漫簽名板的茶記。點咗個椒鹽豬扒飯。價錢$40。個椒鹽豬扒份量好足，飯多。但係個椒鹽豬扒有點微涼。特價餐通常做定好多份，黃金時間可以馬上交貨。咬落個椒鹽豬扒好有咬勁。但係無乜椒鹽味。個豬扒金黃色，好新鮮。白飯好軟屬。杯奶茶好香濃。港漫迷唔好錯過。

我就住係呢間野樓上 ,早餐午餐下午茶晚飯小菜食過曬早餐 ($21-23)我叫開都係 1.沙嗲牛面/雪菜面 + 2.煙肉-炒蛋-多士(+$1) + 凍奶茶 (凍飲唔洗加錢)個面同個煙肉+炒蛋都係同其他餐廳差唔多 ,但係就大碗好多! D 面每次都唔會煮太耐 ,夠硬身,表現穩定 , 岩我要求而個凍奶茶就真係值得一試, 我唔識講,我鐘意佢茶味濃,同埋奶茶質素穩定,日日都係咁好總括凍奶茶值9/10分,(10/10分個杯凍奶茶我會俾係屯門富泰商場2樓電梯口對正既一間茶餐廳度)晚飯 (每位約$45 ,極飽,要打包)我同女友只叫了咖哩精選配豬頸肉 + 沙拉骨咖哩豬頸肉($40) : 好多好多好多好多...... ,咖哩汁撈飯好正 ,比較我食過既咖哩 ,佢排第3燒豬頸肉都好食,係燶左少少同埋切得唔係太好 (越棧既豬頸肉會更好食)沙拉骨 ($30) : 都係打冷質素 ,穩定地好食白飯 ($8碗) 凍奶茶跟小菜 ($6杯)整體黎講, 服務冇問題 ,環境同一般茶餐廳一樣最重要係: 價錢平, 份量好多 ,表現穩定 ,幾時去食佢都KEEP 到質素

餐廳連一般餐廳應有的餐紙巾也沒有提供,因為要抹同清潔餐具, 小朋友要乾淨, 問店員時居然要給錢買一包紙巾, 極不環保, 亦不體貼顧客需要.另外女店員經常叫聲震天, 喝其他伙計, 耳朵受罪 食物一般, 不過不失

食過三四次都係食這個餐, 一款粥+咸肉粽或油菜.$24元我每次都食皮旦瘦肉粥+咸肉粽, 扺食d, 飽肚d.碗粥都好大碗, 又多料.又好味.推介!

SEP 12, 2009 (SAT) LUNCH一早又要去覆診，痛到死辛苦極了！睇完都下午，食個晏先返去再訓過！午餐 $26 『出前一丁 +$2』火腿三文治、腸仔蟹柳出前一丁 + 熱奶茶三文治鬆軟，腸仔兩條煎得頗燶，蟹柳兩條看起來極紅，一丁麵質感跟以前不太相似，不過都是麵質本身問題了吧！似下午茶多過午餐的午餐喔！快餐 $26農村牛扖腸仔意粉 + 熱華田農村牛扖就像早餐薄牛扖似的，腸仔一條沒比午餐這兩條那麼燶，加上燴汁幾好味，意粉份量蠻多！吃不下那麼多了！華田不像一般的咁多奶，不用加糖也很好飲！卡位頗濶落，坐得挺舒服！