兩合特色餐廳

营业中

休息中

話說個日要去打波見早早地咪食個晚飯兩合給我的印象好深係成個區三間茶餐廳最好味係佢今晚6點幾開飯大家都冇物食慾而我叫一個餸一碟油菜一碗飯但令我想起久時係舊鋪既情況個時佢d蒜容包好足料成個包都係蒜容可惜現在卻大不如前為街食店還可但推介給大家我卻做不出

今日男友請客 本來想去酒樓的, 不過見"兩合"的3月小菜menu頗吸引, 故且一試, 順道看看佢地在改善形象之餘(即趨向"多元化小菜的食肆"), 食物質素有無一併的得到改善.甫坐底, 太子爺即趨前招待以及set 枱, 服務不錯! 食物方面, 我地點左五道小菜:咕嚕班腩 (HKD55)咕嚕汁調得恰到好處, 班腩亦炸得鬆化可口, 食落很開胃! 唯獨菠蘿片過酸 ... 豉汁蒸鱔(HKD55)份量很多呢! 約有十多片, 且每片都很多肉, 算是"抵食之選", 但略嫌豉汁不夠入味, 可能醃製時間不夠吧?炸大腸及生炒骨(HKD45)本來想叫九肚魚的, 可惜今日無 勉為其難才叫了大腸. 其實炸得okay香口的, 只是大腸本質油膩, 食了兩三件已經夠膩了 ... 生炒骨則和上述的咕嚕班腩味道相若. 蛋白蟹柳蟹肉炒包仔豆腐(HKD31)爸爸最愛這個菜(老人家畢竟怕食蛋黃這類高膽固醇的食物, 蛋白則較為可接受). 始終只是碟三十几蚊的小菜, 唔會expect有蟹肉的元素, 取而代之的係小量蟹籽"調味". 整碟豆腐都炒得不俗, 只是 .... 好以油左d .... (落油時重手左?) 鮑片炒生菜(HKD31

中同聚會前和同學在兆康站集合,誰知同學正患感冒,BBQ食物跟她絕緣,提議先吃些粉麵再到會場,月巴人當然奉陪,反正自己也不可吃太多熱氣食物。在商場裡隨意選了這間最方便的食肆,看到大字標題寫著自家製雲吞/水餃,這正是我們想要的!! 點了全日供應的粉麵餐,等待期間一位疑似太子爺的男子不斷為桌上的牙簽筒拍照,相信他就是樓下食評所形容的男仕了。凍檸檬茶最快送到,茶味OK顏色也很通透,甜度剛好,最重要是檸檬夠酸,這才算是檸檬茶嘛!!水餃河粉隨即上桌,一向以來月巴人也不喜歡吃湯河,只因不喜歡那浸得軟淋又沒味道的感覺!這裡用上幼身河粉,但質感卻不單薄,帶點彈牙的河粉令我對湯河的印象改觀;加了冬菜的湯底比較惹味也沒那麼單調,配上淡味的河粉剛好;自家製水餃體積不太大,用上傳統的蝦肉、豬肉、筍絲和木耳作餡料,吃來爽口無比!味道還算鮮味,蝦肉也很爽口,帶點肥肉的甘香,水準可以接受。同學兒子的魚蛋粉用了魚片和像豬肉丸的魚蛋,看到小孩子飛快地吃光,味道應該OK吧。蠔油菜心灼得青綠,看樣子相當對辦!以小碟另上蠔油,在屯門區裡算是相當細心的了! 看到其他食客的晚飯餸菜也相當像樣,而且外賣不斷,有機會也要一試。

昨天晚上來了這裏食晚飯,其實之前都有來過但不算多人,但今天很多人呀,門口也要坐,我等了一陣位,我們一家四口,太子爺不停推介新出的菜式,還拿了實物給我們看,其實有一個咖喱麭包都好吸引,不過我們最後叫了兩個特價的小菜,粟米班塊及生炒排骨,跟住叫了一個新出的蟹皇三鮮煲,再叫了一個蒜蓉粉絲蒸扇貝.不知是不是太多人投訢食物好慢才到的關係,現在他們落單會在單上寫時間,還有一些較長需時製作的菜式在menu一早寫上需時多久,這樣可以令客人更清楚不會感覺像要等好久似的.先來是例湯,是合掌瓜煲豬骨湯,都幾多料及甜.之後是粟米班塊,oh,好細碟,不知是不是特價的關係,不過25元還可以,味道好味呀,好香好脆但汁不夠多,我們叫左兩碗白飯,白飯都幾大碗,不過好淋,好像過火了,等了一陣再來生炒排骨,呢個都係25元,不過份量則大好多,好味,有洋蔥,青椒,菠蘿,生炒骨不太肥,好淋好味.再等左幾個字,因個煲要弄25分鐘,嚟左蒸扇貝先,有八隻呀,不算大隻但好足料,好多粉絲,好多汁好味道.扇貝都好新鮮.跟住最後就係個蟹皇三鮮煲,都好大個,好多料呀,有兩隻蟹仔,蝦,黃芽白,豆腐,扇貝,粟米,貴花魚半條,湯底係有南瓜的,好甜好足

昨晚跟屋企人來了這裏食晚飯,原來打算去金海酒樓的,但因為有人擺酒的關係,所以我們來了這裏,正因有人擺酒,這裏很多人,我們點了一個粟米班塊,一個中式牛柳,粉絲雜菜煲,因為很多人的關係,仕應已一早跟我們說要等耐一點,先來了例湯是冬瓜雞腳湯,很甜,好飲呀,過了一陣來了粟米班塊,很脆很多汁,份量也很多,好味,跟住等了很久也沒有來其餘兩樣,有個仕應就跟我們說"食物是由生煮到熟,所以要等耐d",真係俾佢攪到唔知好嬲定好笑,原來果個係太子,再過了一陣,我們再追,之後就來了中式牛柳,我覺得很甜,但很淋很好味.再等呀等呀,又過了好耐先來雜菜煲,雖然很熱但係菜及粉絲已淋晒,沒有湯,我想一定是過了火.但這裏是抵食的.

我連續去過呢間舖頭食過2次因為佢既食物有質素同埋好食不過d野都唔平架,但係都ok大碟我見佢d快餐都$24,下午茶一碟飯都$26第一日大概8點左右到,等左半個鐘先有位但係都叫做好服務,又送湯叫左姜汁介蘭+魚香茄子煲+椒鹽雙拼+砵酒焗膳頭3樣好快黎,但最後一樣等左成個鐘,其他野食哂都未黎,催佢個樓面又唔同廚房講就答我出緊黎...另外一枱客等左半個鐘都係上左碗米粉,大聲催佢結果仲要比人串...第2日叫左椒鹽雙拼+紅燒豆腐+姜汁介蘭今次個阿姐都係落單個陣講要等半個鐘以上結果椒鹽雙拼等左35分鐘左右,紅燒豆腐係催左好多次之後係等左42分鐘之後到,最簡單既介蘭就等左50分鐘.d飯就7蚊碗,但d飯多d同埋d米靚d...等個陣個場勁清,有好多枱都呆坐等野食,最後發現佢地一直做左外賣同大枱先,場內既細枱就自求多福啦~雖然話d野真係有水準同好好味,但慢工出細貨慢成咁都幾過份,真係餓d既都等唔到,不過d樓面都幾有禮貌...呢間野可以試試,但一定要早d去同埋勁有耐性先得