兩草 (銅鑼灣道) (已結業)

男朋友話去依間野試下，聽個名咁特別都唔知係食咩，抱住試下先既心態。黎到依間鋪都咪話唔多人，鋪既間格比較三尖八角，好難劃分位置，所以唔好期望坐得耐同舒服。我叫左個肉骨茶小籠包同菜，男朋友叫左肉骨茶同豬油蛋飯，咁我食左少少又幾好味喎！不過真係幾細碗下，女仔食係ok, 男人食就一定唔夠。到我個小籠包，試下飲d湯先，幾好飲個味好似胡椒豬肚湯咁，無之前飲既肉骨茶咁有藥材味岩晒我，成碗飲晒，小籠包浸湯咁食都係第一次。野飲方面有得揀檸檬薏米都幾好。整體野食價錢都ok, 不過真係唔好預慢慢坐、坐好耐，快食係ok ge。

依間餐廳都幾搞笑港式新加坡式上海式 都有性價比最強既係肉餅蛋餅飯唔係好多 一個女仔食其實ok ge 重點真係兩草野 你仲想點 仲有小寵包肉骨茶 9 唔搭八 但竟然仲幾搭wo 好搞笑的感覺 仲飲左黑咖啡 但一般

同朋友行行下街幾過這間小店，店內已坐滿，係門口等左陣，很快便安排等我們入坐。😍食品選擇都幾多，我地今次叫左幾個黎試試😋😋包括以下幾項：班蘭咖央多士香煎脆邊蛋肉餅飯小籠包肉骨茶

肉餅好好味肥瘦均一好鐘意佢地啲肥肉唔會切得太碎食到豬油香味隻蛋屈機，中間單黃流心，外面蛋白焦脆撈埋一齊上天炒蛋非常之滑可能因為炒蛋太OP所以顯得叉燒普普通通唔喺好甜同無乜味呢啲叉燒不過都值得推薦可以add佢隔離啲撈飯汁即刻提升左成碗嘅味道Friend食所以唔評論不過咬左一淡非常薄有咬口同鬆脆小籠包普普 唔喺自己包應該喺食物包裝到拆出嚟肉骨茶味道獨特，同傳統果啲唔喺好一樣胡椒同冬菇味比較重全晚最正我反而喺覺得喺呢碟神奇嘅腸粉必食。食完自己領悟

星期六中午2點左右去到 吾洗等直接有位滑蛋叉燒飯一上台碗飯熱辣辣 好香既叉燒蛋味噗鼻而來上面的蔥花都係精髓所在 半肥瘦叉燒 滑蛋 蔥花 簡簡單單的食材混合一齊 好有屋企既感覺😌😌胡椒肉骨茶胡椒味夠重 飲完熱辣辣湯有3條肉骨 全都啖啖肉冬天飲一定更加正雖然細細碗 但我食完呢2碗都好飽了不過如果男仔的話 應該可以再嗌多啲野試多幾款

睇到有好多好評，但次次想嚟食都唔岩時間因為店鋪中午時間會休息 同都算收得早今晚終於食到2個人 叫左4樣野 嗰飯小小地 但都好夠食始終夜晚唔想食太大碗流心既蛋漿撈飯 係一流啊第二個叫係 炒蛋&腸粉 蛋吸哂啲醤油 腸粉條條都煎到有小小焦係面感覺好正啊 另外都叫左佢地既咖啡 咖啡無加冰係入面 所以飲到最後唔會成杯水咖啡味好濃 而且都係好飲既最後我地追加左 小籠包肉骨茶 肉骨茶有好好重既胡椒味，有小小辣 但都好好食 價錢親民 越簡單食物越難有水準

超脆煎蛋🍳肉餅飯😍😍😍.成條街一路行去間間食店都幾百幾千上落😂唯獨係呢間排晒隊一個飯只係$30 😍 好簡單一個飯：蛋+肉餅+蔥+豉油😋但個蛋真係宇宙級既脆🤤加埋豉油係超香的🥰飯就稍為淋左啲，加埋豉油會更淋🙈.枱上面既豉油既咸香比原先佢落左係飯既更香，記得要試😁加埋個辣油撈飯好惹味，成碗食晒😎肉餅就唔太突出就係冇左佢唔得既角色😆叫左個魚餅對比係其他野食佢就略為淡口但$20 都唔可以要求太多😂😂😂但可以將個Quota 用係個炒豬腸粉到🙈🙈

網上💻搵資料，知道呢間馬來西亞🇲🇾小店之所以叫「兩草」係因為老闆想呢度食物嘅價錢大概維持$20💵左右。嘩！家陣$20-$30食個下午茶都好難，何況食個飯🍚？！.呢度嘅食物唔多款式，但樣樣都家坊價（$20-$40），叫多幾款都得。今次為咗 #香煎脆邊蛋肉餅飯 ☺️而來，$30嘅價錢絕對物超所值👍🏼，半肥瘦豬肉🐽用新鮮豬油煎，煎至金黃色，又香又鬆化，面頭加埋隻細個👦🏻時候屋企食到嘅燶邊蛋🍳、蔥粒及淋上特製豉油，賣相吸睛又好食。

經常係大坑食飯竟然無留意街角有間不太起眼的小店，晚上七點幾竟然坐無虛席，什麼年齡層都有，決定試下。未入黎次前已經諗好要叫咩食喇！肉骨茶好重好重的胡椒味，和我愛的馬來西亞式充滿藥材香味很不一樣，但仍能飲得出蒜香味，還不錯，只是個人喜好不一樣，喜歡新加坡式肉骨茶的人一定大愛。一字骨好入味好淋，唔錯。咖咉多烘得很薄脆的多士，金黃色但不過火，咖咉的椰香味好重，而且不漿口，不會有膩的感覺，個人十分喜歡👍🏻

來到銅鑼灣搵食，呢個地段食野一般都係中價位，對於窮學生來講緊係想搵又抵又好食嘅野，於是朋友帶左我來兩草。店內空間寬敞，圓枱好有大排檔、好地道嘅感覺。食品款式唔多，fit哂選擇困難症嘅我。兩個人叫左三款野食：煎脆邊蛋肉餅飯$30喜歡太陽蛋撈飯，加埋甜豉油令碗飯唔會好寡。肉飯都多肥豬肉，應該係肉餅愛號者嘅精髓。好味但唔算驚喜。咖央多士$20新鮮烘起嘅麵包，夾上半溶化嘅牛油同咖央醬，外熱內冷令口感好有層次。多士甜度適中，食兩件都唔覺膩。肉骨茶配小籠包$20好重胡椒味嘅肉骨茶，辣辣地幾開胃。小籠包皮厚度適中，咬落好多汁，冇諗過兩樣夾埋都幾match。總結：價錢合埋，份量細細碗但唔貴，岩哂兩三個朋友叫幾樣share試下味。雖然地方唔太就腳，但三點來到座位都有7成full，係小店嘅吸引力！

今次午餐時間大約1:10左右到達, 門口未見有排隊長龍感覺人流都算消化得快, 可能係因為食物size不大XD?店內環境尚可, 呢D時間都預左要搭枱枱櫈空間係細D, 大家都係互相遷就喔~.今次order左香煎脆邊蛋肉餅飯 hkd30班蘭咖央多士 hkd20小籠包胡椒肉骨茶 hkd35.肉餅飯賣相一流 顏色配搭超吸引, 蛋黃橙黃色又晶凝 香葱肉餅加醬油比例剛好上枱熱辣辣 蛋真的超脆邊肉餅鹹香配飯好食 單食個人覺得偏重味督穿蛋黃撈飯又係另一個享受佢仲有撈飯醬油俾你加, 濃味朋友唔驚唔夠汁.咖央多, 呢個係凍食ge多士薄脆 咖央香甜多士、牛油同咖央比例剛好醬唔會太多或太少每一口都有多士同咖央係口中混和咖央食落有種焦糖感覺 椰香搭上牛油有順滑感而唔會膩.小籠包肉骨茶胡椒味重！飲完feel到個人暖luplup小籠包味道ok的 正常咬開都會爆湯汁 唔會因爲浸左落肉骨茶就無湯汁不過兩樣野加埋嘅作用無大作用 可以分開食XDE個菜式比較普通

今日行過見「兩草」剛開門，人唔多，所以就買個外賣返去食本來想食煎蛋肉餅飯，因為記得在舊鋪時都覺得好好味！但由於無活豬供應，所以只有煎蛋豬扒飯吧⋯⋯⋯⋯最後叫左一個煎旦豬扒飯再加肉骨茶飯$35 肉骨茶35 外賣竟要$ 4 外賣只是兩個膠碗，真的需要$4？煎旦豬扒飯不及煎旦肉餅飯，而且個所謂既豬扒紙咁薄，根本稱不上是豬扒，只是肉片而已。今次個飯既豬油味太重，並不是我杯茶肉骨茶都真係麻麻，又油又唔夠味！失望😞未必有下次

🐣 香煎脆邊蛋肉餅飯 HK$30成個飯嘅精華係佢個豉油，好香撈飯好正，佢偏結身而且唔會好鹹。雖然個飯細細，再叫埋其他小食就fit啦!.🥣 小籠包 - 胡椒肉骨茶湯底 HK$35佢勝在多汁，好多汁，多到一咬爆整到周圍。🤭 (因為我原本無expect真係咁誇張，失禮晒唔好意思) 配上肉骨茶有啲胡椒，就會有少少辣好香。.🥢 蛋炒豬腸粉 HK$20腸粉炒得幾香，唔會好油。 個人原本特別鍾意食炒腸粉，但 而家少咗地方有得食到。.🍞 咖央多士 HK$20多士整得好脆，但唔係特別大份，個人對個醬無咩特別好感，所以呢個價錢食其他嘢好似抵啲。但可能你會鐘意都唔定。

之前有朋友食過話唔好食 但我又見食評唔錯 所以試下  真係勁後悔  可一不可再 ！ 叉燒滑蛋飯 賣相唔係幾好 全碗飯都係豉油 叉燒係碎粒狀 一片都唔夠 唔講都唔知有叉燒 飯勁乾同勁硬 一粒一粒 好似隔夜飯感覺 蛋還可以 最好嘅係好細碗 兩啖捱完， 肉骨茶 根本就係騙案 完全係出前一丁嘅味粉加胡椒粉溝水 哩個飲左兩啖 真係捱唔到 唔明點解可以攞得出來比客人 點解講得出係肉骨茶  ，小籠包係超市常見的 無問題 應該係無可能有問題，檸檬薏米水 係一杯眼見到有薏米同水嘅怪味飲品！ 成餐飯都真心覺得難食到癡線 咁嘅質素要收錢 簡直係打劫

今日還有三十蚊吃飽的美食實屬不易，呢間開系天后既平價美食店更不易。慕名而來食招牌肉餅飯($30)肉餅咸度適中，軟綿嫩滑，煎得很香口，配上半熟脆邊流心蛋的兩層口感，撈上疑似有豬油的甜豉油飯，還有些許的蔥解膩，帶來些許清香。成碗飯的所有事情恰到好處，組合一齊又1+1>2,完美啊！第一次黎到強烈推介呢碗！肉骨茶($35)都五錯，平平地35蚊有三條一字骨，肉香濃郁，配肉餅飯亦能起到解膩作用。湯底濃郁，有淡淡的中藥味同胡椒味，如果同朋友一齊黎，兩人兩碗飯一碗湯就夠，如果五系就會像我一樣食五曬(不過比起肉骨茶我更愛大蝦肉骨茶，一碗有四隻大蝦，湯底更多了份蝦既清甜)第二次黎嘗試了叉燒滑蛋飯($30)，飯底都係那個美味的飯底，蔥既分量很大，滑蛋亦是真的滑.唯獨叉燒切成了一絲絲，存在感太弱，要努力先能食到肉香，系好味的，如果能再多十幾條會更好，如果能切片就更好(雖然明白三十蚊成本不能太高，但主角存在感弱難免令呢碗飯失色不少)總括而言，呢間會列入我既飯堂名單，平又好食，贏好多快餐店九條街。ps.食店既薏米水都好好飲，夏天用黎消暑解膩最適合