兩草 (銅鑼灣道) (已結業)

這間食物雖然不錯。但到今天樓面侍應包括廚房也不戴口罩。大家對食落去的食物大家會如何？這是你食落肚的食物，給這個也是一個重要公共的地方。1. 廚房就一直也沒有帶。2. 男女樓面就不停又拉開口罩又戴上口罩。另外大家也是要想想他拉落嚟對外的口罩位置。不斷跟所有客人落單，跟住再用手去拿食物給你，我在店裏最少10 人， 門口有好多人排隊，自己想一想大家對自己仲肺炎的機會有幾大。這種方法，我真的建議大家不要去此店再食飯。

喺疫情之前呢間野成日都好多人排隊🙈因為佢出名兩草野就可以埋單早兩日去，已經唔需要排隊就可以入去食原本諗住食豬油渣溫泉蛋飯，但好可惜佢話冇晒🙈咁就叫咗個香煎脆邊蛋雞扒飯$43唔....塊雞扒好嚡🙊炸雞翼 $22 (前後叫咗兩份嘅)頭一份，唔知係唔係疫情關係少咗人嚟食呢，啲雞翼好鹹🙈🙊第二份，唔記得咗影相，但係佢係炸到好燶🤦🏻‍♀️好大陣油益味蛋炒腸粉 $20都算係正正常常冇咩特別.簡單啲來講，我係唔會去第二次🤣🙈

行開大坑附近, lunch時段就開始搵嘢食, OpenRice 見到兩草d食物圖片好吸引🌱 坐低左就叫左個香煎脆邊蛋肉餅飯$35, 個size同份量都好啱女仔食😋 煎蛋有待改善, 因為無煎到有流心效果, 無得撈汁食😢 個肉餅加埋豉油汁撈飯都唔錯, 不過就少少乾, 但係d米飯煮得幾好, 唔太淋又唔太硬, 軟硬程度適中👍🏻 但係咖咉多 $20 認真麻麻地, 塊麵包唔脆, d汁又唔夠多唔香口😟 最鐘意係杯檸檬薏米水 $22, 非常解渴, 去水腫又有益健康, 無加冰都夠凍☺️☺️ 整體其實都正正常常, 但又未至於覺得好特別or特別好食, 不過個價錢真係幾合理既😂😂

真係好難食服務態度一般本身想試下好唔好食一去到叫左個飯我自己Take錯咗飯之後佢講話整左冇得換唔緊要照食，一放入口凍嘅！我之後一淡都冇食仲要杯咖啡好難飲我唔會再去食

呢間餐廳喺大坑附近，離地鐵站唔算好近，之前見到有人寫過食評，好似幾吸引，所以就來食下。餐廳細細間，好似家庭式咁樣，所以食物選擇都唔算太多，一張紙都睇得晒。不過唔緊要好食嘅嘢貴精不貴多。我哋見招牌係香煎脆邊蛋肉餅飯，所以就一定要叫黎試吓。唔想兩碗飯一樣，另一碗飯叫咗滑蛋叉燒飯。先講吓個肉餅飯啦，我覺得嗰甜豉油配埋蛋黃汁撈飯，其實唔會差得去邊，所以就算整體都係啲普通野，食落都唔錯。 至於滑蛋叉燒飯，叉燒多個啲蛋，都算係好足料嘅！呢個價錢一碗飯，都叫抵食，餐廳名有幾得意，唔錯唔錯😂

令人齒頰留香嘅一定係呢碗煎蛋肉餅。脆邊蛋配特別調製嘅肉餅，十分好食雞蛋炒腸粉十分普通，同平時食嗰啲豬腸粉冇咩分別咖央多士，多士較薄，咖央醬不錯整體:🤤🤤🤤

朝早開完幾個鐘既會，早餐都未黎得切食，所有力氣都用完，肚仔餓餓，緊係要食返d米飯落肚，唔係真係撐唔到收工，突然靈光一閃，醒起之前book mark左既大熱兩草都未有機會試，諗著博下疫情睇下有冇位食，點知有播。。即刻坐低叫個名物肉餅飯食。。。雖然飯唔大碗，不過對於女仔黎講就岩岩好，7、8成飽，肉餅好厚實，有家的味道，加埋半生熟煎蛋，組口幾夾，唔錯，以衣個價錢黎講，cp值都幾高，下次有機會要試埋佢個肉骨茶。

呢間係喺大坑嘅良心小店☺️ 店名叫兩草，意思係廿蚊起就有得食啦！menu選擇唔多，主打兩款飯、肉骨茶同小食。最受歡迎一定係佢地既流心蛋肉餅飯🍳 對女士黎講份量岩岩好，肉餅煎得好香不過就比較多肥膏🐽 個人就麻麻哋。而另一推介係佢地既咖央多士，同平時食既好唔同，好香椰漿味🤤 馬來西亞咖啡呢就偏甜，未必個個都鍾意，但一場嚟到都可以試吓嘅👍🏻.🔹香煎脆邊蛋肉餅飯 $30🔹咖央多士 $20🔹馬來西亞咖啡 $22.📍兩草 (大坑)大坑銅鑼灣道110-114號永興閣地舖

今朝一起身已經係brunch time😂, 又諗唔到食咩好🤔就上網睇下有咩特別野好食, 見到E間兩草嘅肉餅蛋飯好似好吸引咁🤤, 二話不說就叫埋朋友一齊去試下😋 去到果陣唔算太多人, 出面貼有好多報紙雜誌嘅推介📰🗞, 應該都唔錯呢🤭~入面環境算幾乾淨企理, 日光充足☀️, 坐得幾舒服😊! 小妹同朋友叫左一個香煎脆邊蛋肉餅飯, 豬油渣溫泉蛋飯同一杯檸檬薏米水😋檸檬薏米水🥤薏米水清新好飲, 清涼又消暑, 薏米份量唔少而且口感煙煙韌韌😊👍🏻豬油渣溫泉蛋飯🍚豬油渣飯香氣四溢😌, 大半碗飯都鋪滿左豬油渣, 非常足料👍🏻豬油渣炸得色澤金黃, 口感酥脆, 香口惹味, 配搭流心嘅太陽蛋蛋汁🍳, 爽脆蔥花同微甜醬汁, 層次感同味道瞬間昇華😋, 一碗簡簡單單嘅飯, 已經令人相當滿足☺️👍🏻香煎脆邊蛋肉餅飯🍚煎肉餅非常香口, 肉味濃郁而且咬落去幾juicy，味道岩岩好唔會太咸😊, 太陽蛋🍳嘅邊邊焦焦脆脆, 加埋蛋汁同醬汁非常好餸飯, 餐廳仲提供指天椒🌶, 加幾粒落去撈飯又有另一種更惹味更刺激嘅口感, 超正, 十分推介!!😋👍🏻👍🏻

找到一月的舊相，補寫食評留念。吃過舊店，覺得不錯。經常排隊。後來搬了新店，店面大了，不過座位同樣很逼。12點30到，友人遲了。把袋放在旁邊的櫈上，不然座位一早便沒有了。明明其他枱亦未坐滿，我們一枱卻坐得超逼。不知道限聚令生效後，座位安排如何。兩個人，兩碗飯，一碟菜，加飲品。份量不大，當減肥。旁邊的兩位男士，除了一人一碗飯，全部小食都要了一份，再一人一碗肉骨茶。叉燒蛋飯。頗喜歡這裡的飯，濕度硬度都剛好。蛋也夠滑。切成絲的叉燒就沒什麼特別。略嫌豉油太多，遮了飯香和蛋香。肉飯飯的煎蛋要了熟蛋，但沒有理會，來了完全流心的煎蛋。肉餅不俗，幾滑，幾香。蛋煎得有燶邊，少少脆。坐得逼逼地，吃得不自在。店員服務態度亦一般。對面的嬸嬸不知是點錯了還是落錯單，店員一臉不悅。可能太忙，一直都顯得有點煩燥。不過兩個人，百餘元，當吃個快餐，還好吧。

今日放工就想周圍遊去左朋友公司，搵朋友傾計，都有一段時間無見朋友，每次去搵朋友都經過，裝修普通得來有D特別，就係用街市豬肉鋪用來照明紅色蓋既燈，做照明工具得來又可以裝飾，滑蛋叉燒飯，半生熟蛋混埋叉燒，加上叉燒瘦肉無肥膏，鮮蝦胡椒肉骨湯，蝦肉扎實新鮮，湯勁重胡椒味，都有肉骨味，脆香魚餅，香口重魚肉味，但係有D咸

每種菜式都細細碟，份量啱啱好，價錢由$10起，非常抵食，可以講得係價廉物美！一個人食飯都好容易叫野！十五蚊有油菜食，份量仲同傳統粉面鋪差唔多，香港島已經好少見了！

喺天后行入大坑，好多時都會直行直過左，但原來有間小店好出名食肉餅飯！香煎脆邊蛋肉餅飯，應該係呢度最多人食嘅菜式。價錢親民，味道啱啱好，隻蛋煎到個黃係流心，加埋個肉餅一齊食簡直天衣無縫。另外叫左個滑蛋叉燒飯，飯上面有大量嘅香蔥，配埋個就熟嘅滑蛋一齊食，食過一定翻尋味！整體來說，食物質素算高水平，價錢又平，只係d位坐得比較迫，建議襯唔係繁忙時間去。兩草地址📍: 銅鑼灣銅鑼灣道110-114號永興閣地舖.............................. 味道😋: ⭐️⭐️⭐️⭐️💫環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️⭐️💫

昨晚（4月7日）兩草銅鑼灣分店外賣，發現廚房內三人，其中兩人都唔帶口罩，另一人就睇唔到樣。提取外賣時己經提了店主。希望兩草為客人為社區/香港負番應有的防疫責任。

沿着大馬路行入大坑，你會發現呢間小店喺馬路旁邊午飯時間永遠都會有人喺度等位透過朋友的介紹，我知道呢間小店最出名嘅就係香煎脆邊蛋肉餅飯呢個飯雖然睇落去好似平平無奇，但係要做到好成績我相信絕對係唔容易嫁😍佢個肉餅呢煎得好香配上呢個蛋仍然都係流心嘅加上佢嘅豉油同埋新鮮嘅薑蔥呢😍😍簡直係平民美食中嘅極品啊另外因為當日非常之肚餓，我亦都叫咗一個小籠包肉骨茶。小籠包浸滿藥材味 ，好特別。但個人食晒咁多樣嘢真係爆到爆炸👻佢仲有一個咖咉多我見都好多人食，希望下次再去有機會試到🤤