影片
港铁铜锣湾站 A 出口, 步行约3分钟
继续阅读
电话号码
26177008
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
講真……裝修就係故色故香嘅，感到店家誠意，不過就到喉唔到肺咁，可能有好多限制，地方，擺設……同埋係酒店入面，經過見到一堆人一堆行李，確有少少影響格調。不過我又唔係有錢人，其實無咁講究嘅。最重要食物如何。一座低先比左前菜你……一條用汆好靚盒裝住嘅頂，太瘋小籠包尚算有水準，如加D薑絲我覺得更理想。黑松露波波素餃，本身黑松露一咬就湧出嚟，粒粒素都係個D料，但個皮薄，呢個可以一試。蘿蔔千絲酥出面好多酒樓都有，味道都一樣，,又係睇個皮，呢度個酥皮夠薄，必試。最值得推薦嘅黎啦…客棧茶拉米素即係"Tea"ramisu用我最愛伯爵茶做底而唔係咖啡，首先佢用煲仔已經好eye-catching，個味用茶同咖啡都有異曲同工之效，加上佢用好多酒好香好濃，口感好soft，好滑。本身有唸過千層一酥，但……呢個不得不試喎。因為主要我一個人食對面個個食少少陪我試新嘢，所以好夠。中上價位，但幾樣有驚喜……裝修其次吧！同埋人手不足但服務不錯喎，有禮講解詳細，香港係要呢D服務質素唔好理價位……咁先可以做落去。
继续阅读
今日嚟到銅鑼灣一間中菜館 @bameinn ，呢度專食一啲精緻點心同中菜。但食物係穿越時空同中西合璧，非常獨特。環境上入面唔係好傳統嗰種，但非常典雅。以深色為主調，中間擺放唔少仿古的古代文物，隔離有好多卡位，私隱度頗高，適合同朋友過嚟傾吓偈食吓點心。🥢🥢茶芥，開水 $20/head 🫖呢度有幾款茶飲揀，小編就揀咗桂花烏龍，桂花味相當之香，茶味就偏清淡。值得一提係佢哋茶葉嘅餐牌、茶壺、茶杯以及係Wellcome Snack都非常之特別，好似會喺古代宮廷見到咁。【點心】⭐️【頂！太瘋】小籠包 $78 🥟小籠包真係好癲，一咬出嚟啲湯汁係傾瀉出嚟。除咗滿滿嘅湯汁，鮮肉嘅調味都唔錯，皮薄餡靚。⭐️蘿蔔絲酥（大） $46 🥕外皮酥脆，出面嘅皮係一層一層咁。入面係滿滿嘅蘿蔔絲，濕潤唔會乾，好滿足。鮮蝦腐皮卷（大） $46 🍤外皮一樣好脆，但呢個就係薄脆嗰種。入面嘅餡好足料，大大隻蝦肉非常爽彈。麻辣牛肉腸粉（大） $46 🐮麻辣系列都係呢度另一個招牌特色，呢個腸粉嘅牛肉餡就加咗少少麻辣嘅調味，主要都係麻香，辣味唔算好突出。不過小編就略嫌腸粉嘅皮厚咗少少。⭐️厤辣燒賣（特） $52 🌶️平時小編都好鍾意食燒賣，而且一定會加辣油，麻辣會更加好。呢度就完全滿足咗小編嘅口味，燒賣嘅麻辣無論麻香同辣味都比較突出，香辣惹味搭配豬肉鮮蝦嘅香味，非常之夾。⭐️手工蝦餃（特） $52 🦐同樣皮薄餡靚，入面嘅蝦肉爽甜彈牙。【主食】⭐️黃金蟹粉沾麵 $248 🦀🦀呢個由餐具到食物都非常高質。佢係用一個好似香爐咁嘅容器裝住一大兜蟹粉，然後俾你倒落去麵度撈勻嚟食。蟹粉聽店員講係以固城湖直送之大閘蟹製作，係蟹中之冠，比陽澄湖更優質。佢嘅蟹味非常之濃郁鮮甜，有粒粒蟹膏。另外亦都有兩隻透明嘅爵裝住醋同酒，小編就落咗酒，係會增加佢嘅香味同層次。不過注意呢個一定要趁熱食，唔係佢嘅麵餅就會乾晒，不過店家都好貼心會比少少上湯我哋方便攪拌。【甜品】開心果千層酥 $58 😆小編作為開心果，梗係要試吓呢度嘅開心果甜品，佢嘅酥皮係幾香同酥脆，不過開心果味就唔太突出。黑金剛 $48 🍍佢入面係菠蘿再加蛋黃嘅餡料，入面酸酸甜甜，有少少似食鳳梨酥咁。據說呢度有個Tiramisu嘅甜品亦都非常出名，不過小編實在食唔落，所以冇叫到。歡迎觀眾朋友試過，話俾我哋知味道如何。【飲品】⭐️焦糖咖啡（熱） $48 ☕️呢度嘅飲品係必點嘅，因為佢實在太有特色，就算你唔鍾意飲為咗打卡都值得一叫。尤其是呢度作為茶樓竟然有咖啡飲，不過佢就係用一個類似缸嘅容器裝住，非有種莫名其妙嘅可愛反差感。至於佢嘅咖啡就正正常常，未至於非常特別。⭐️清燉雪梨茶 $68 🍐呢度嘅雪梨茶係用一個酒壺同古代嘅杯「爵」裝住，十足十古人飲酒嘅容器，當正自己係李白月下獨酌，「花間一壺酒，獨酌無相親。」或者係當自己係亡國君主李煜咁，賜毒酒。味道上佢嘅雪梨味道酸酸甜甜，加上粒粒雪梨，滋補又解膩。整體味道：8.3/10 （有⭐️係特別推薦🫶🏻)抵食：7.9/10環境：8.2/10服務：8/10八味客棧 (銅鑼灣)銅鑼灣霎東街33號智選假日酒店1樓RHS號舖#香港必食 #香港美食 #食評 #香港食評 #香港生活 #hkig #hkfood #hkfoodie #hkeat #mk #mkfood #銅鑼灣 #銅鑼灣美食 causewaybay #cwb #causewaybayfood #點心 #中菜 #粵菜 #復古 #古代 #宮廷 #dimsum #Chinesecuscine #chinesefood #ancient
继续阅读
最平$38就可以嘆米芝蓮升級手工點心，跟我嚟銅鑼灣新開呢間新派創意點心館啦，餐廳係以古代客棧為主題設計，店內擺滿多件乾隆年代的擺設，猶如參觀歷史展館一樣，餐廳主打傳統手工點心，重點推介麻辣燒賣，香辣惹味，黑松露波波同蟲草花燉雞湯，養生又健康！仲有季節限定必食嘅黃金蟹粉沾麵，蟹味極濃，配上幼細嘅麵條吸滿蟹粉蟹膏嘅湯汁，係好鮮甜（邪惡）嘅味道！點心手工蝦餃麻辣燒賣牛肉腸粉小籠包古法紅油抄手黑松露波波鳳爪鮮蝦腐皮卷蘿蔔絲酥保齡鐵醋豬腳薑蟲草花燉雞黃金蟹粉沾麵甜品清潤燉雪梨茶椰皇貓開心果千層酥
继续阅读
好少食完寫食評今次體驗值得一讚， 香港多幾間呢D餐廳咪好我冇book位，入到去細枱坐滿原先服務員叫我出面等，後尾我見到有大枱問下可唔可以坐，佢都畀我坐，然後同我講如果有客就要轉枱，咁我ok嘅。一坐低服務員好殷勤，重不停講唔好意思。同服務員溝通咗點餐，食物都好快到。原先想試佢個tiramisu，點知賣曬，服務員都好主動介紹另一個甜點。以下逐一介紹豬腳薑好食，足料，但由於本人好鐘意食，避免不能持平，唔講咁多，總之好食。蟹粉小籠包黎到嘅時候我仲食緊豬腳薑，店員就同我講唔開蓋住，為保暖。一打開就見到滿滿既湯包，咬落去啲湯湧出嚟，見到蟹粉好足，味道非常不錯。杏仁茶好香杏仁味，唔太甜，味道都唔錯，如果喺口感方面可以再整滑d就係攞獎級。整體係非常之好嘅一個用餐體驗，服務員態度一流，喺香港真係好少見到呢啲餐廳喇，歡迎你嚟，你都歡送你走，笑面迎人，會問客人意見，願意接納意見，真係好少餐廳做到。
继续阅读
銅鑼灣|八味客棧▪️▪️▪️ ▪️▪️▪️ ▪️▪️▪️
餐廳 : 八味客棧
地址 : 銅鑼灣霎東街33號智選假日酒店1樓RHS號舖▪️▪️▪️ ▪️▪️▪️ ▪️▪️▪️
位於智選假日酒店1樓的八味客棧
裝潢充滿特色，中間位置擺放了特色古董擺設，充滿古典氣息，給人怡人恬靜感覺，環境雅致舒適，坐位間寬敞舒適，絕對適合朋友到來聚會💫
餐廳以主打精緻全日點心及甜品為主，主食也滿有特色，來到可以盡情享受美食，擺盤及餐具非常用心，充滿驚喜💫
💢蟹粉大湯包，有小朋友拳頭大小，中間裝滿湯汁，輕輕一按湯汁就湧出來，湯中夾有蟹黃及蟹肉，鮮味無窮💫💢蟹粉烤餅，以酥皮包裹著中間蟹粉蟹肉餡，肉質鬆軟，切開酥皮很薄，餡料豐富，咬落滿滿肉汁💫💢牛肉腸粉 ，腸粉皮跟一般不同，用上台灣米漿，比較有口感同煙韌，再包裹着牛肉，腸粉皮有淡淡米香，牛肉帶有陳皮香💫💢蒜香鮮蝦春捲，外皮超香脆，咬一口連朋友也聽到香脆聲，皮香脆而薄，而且絕不油膩💫
💢手工蝦餃，絕對是薄皮餡靚，外皮煙韌，原隻鮮蝦非常彈牙💫💢蘿蔔絲酥，外層酥脆，中間滿滿蘿蔔絲，而且夠熱，蘿蔔入口清甜💫💢乾隆古法六頭鮑魚（4隻） ，以於私房古法烹調炮製的鮑魚，非常入味，鮑魚彈牙鮮味💫
💢黄金蟹粉沾麵，來這裡必點蟹粉，滿滿一鍋金黃色蟹肉，食時可加入酒及陳醋，再倒入沾麵中拌勻吃，鮮味滿滿，蟹迷絕不能錯過💫💢清潤燉雪梨茶，用上古式酒壺裝著，入口淡淡雪梨清甜及果肉💫💢酸梅湯，酸酸甜甜，非常解渴💫喂🍰開心果千層酥，絕對經典必點甜品之一，千層酥層層輕薄香脆。開心果醬味道濃郁💫🍰客棧茶拉米素”tea”ramisu，用瓦煲盛載著，中間印上福字，傳統造型配上西式香品，入口有淡淡咖啡味道，口感濕潤，帶少少Rum酒味道💫
继续阅读