八方雲集鍋貼水餃專門店

营业中

休息中

入左鋪頭坐底10分鐘都沒有店員理會 只顧執外賣諗住店員忙所以睇下食咩再叫 之後叫左兩次吾該想嗌野食 店員都直行直過扮聽吾到 鋪頭只有兩個客人等外賣 堂食只有我們兩人最後都吾想再逗留就走了

好慢，出得好慢。12點46叫野食，1點17分先拎齊，真係出得好慢，明明入面已經無咩客人，完全唔知搞乜。已經唔係第一次，建議各位趕時間嘅就唔好選擇呢間。味道上無問題，但係真係等得超耐。

星期五晏晝2點經過第一城，因為趕時間想喺第一城附近求其搵間餐廳食飯，咁啱見到八方雲集又幾想食鍋貼就入咗去。餐廳一個客都冇但有四個員工，不過大部份枱都未執好。叫完嘢食就坐低等食，等咗四個字上咗一碗湯+半份鍋貼，個員工先話搞錯訂單，有半份鍋貼要後上，最後落單後半個鐘先至上齊所有嘢，速度嚟講真係唔合格。嘢食普普通通，叫咗咖喱鍋貼有啲偏鹹，但係煎出嚟都脆嘅。個湯就幾Refreshing，貢丸唔彈牙，但係還好嘅。

行過肚餓想食嘢，第一城無乜選擇，所以入咗去食。聖誕節假期人唔多，入去就叫嘢食。明明無乜人，餐廳又有四個員工，但張張枱都好污糟，之前食客嘅都仲留喺度，地下好多包裝袋不過都算啦，做外賣呀嘛。叫咗個招牌鍋貼同麵粉，鍋貼好咸，麵線好細碗，收咗五十幾蚊無嘢飲，其實好唔掂。諗住叫多個咖哩鍋貼，點知仲咸仲難食，放棄，岀餐廳買嘢飲好過。之前食過都無咁差。不過都無希望無失望，希望舖頭唔好一味做外賣忽視咗堂食嘅order

今日有d口痕想食野，但又未太肚餓，想食d 小食。見到呢間八方雲集，即刻就食慾大增，好想食好耐無食過嘅鍋貼！落咗單等咗一陣就有得食，鍋貼好脆，好有咬感，d 餡都味道唔錯。

買生餃共40隻， 職員態度惡劣， 都唔明買嘢啫，使唔使咁嘅態度呢。 唔該你哋管理下啲員工。 雖然都係廣東話唔正嘅職員， 但係人哋譚仔幾有禮貌， 唔該你哋學下啦。 外賣就趕客，堂食又趕客， 惡到死呼喝喝， 咁嘅態度你哋賺乜嘢呀？ 唔怪得越做越差。 今日黃金lunch時間，都見到得半間舖坐了客堂食。

膠袋徵費2022年12月已擴展到已封口食物，但我買的是沒有密實封口的生餃子，收緊膠袋徵費的初期，如果自備膠袋是可以唔收一蚊，於是今日我再去買，我在家中自備乾淨的食物平口袋去買，去到，打單時已計一盒$55（$54加$1膠袋），店員有退返一蚊俾我，佢話以後唔可以咁做。佢又解釋自上一個月已一定要所有外賣收$1膠袋費。我覺得這樣的銷售手法令客人很難受，我沒有要求要膠袋，店方用膠盒關膠袋徵費什麼事？呢間店呢三年間，我親自試過兩次外賣放漏咗嘢，少一份十粒水餃、或者十粒錯咗變五粒都有，我都仲繼續支持，但價又不停加

原本訂咗兩個餐，只送嚟一盒，原打算一齊食變成分兩輪；所謂嘅勁量餐，亦原來只係細細盒；外賣珍珠奶茶無飲管，需要我破開包裝用匙羹刮來食嗎？仲有食物溫度只係微溫，如果要等齊再送來一齊食嘅話就只能食凍野。完全估唔到今次會係一個咁差服務。相當差嘅訂購體驗，唔會再訂！唔會再訂！唔會再訂！唔會再訂！唔會再訂！唔會再訂！唔會再訂！唔會再訂！唔會再訂！唔會再訂！唔會再訂！唔會再訂！唔會再訂！唔會再訂！唔會再訂！唔會再訂！

今日叫左外賣食餃子本身好期待外賣時間等左好耐 延長左時間天氣有啲涼就揀左有麵線既餐 再加左錢轉咖哩味餃子但黎到點知係凍既🤦🏻‍♀️🤦🏻‍♀️得麵線係熱真係有啲離譜 應該唔會再叫…

又到食晏嘅時候，搵朋友取完文件就梗係順便一齊食埋飯啦！因為趕住返公司所以找間快靚正速食啦！八方雲集就至啱心水呀！因為又好味又夠飽肚。我們兩個不約而同都是喜歡吃10號餐，因為有齊餃子或鍋貼、麵線同湯或飲品。凍豆漿，豆味濃香又幼滑，喝下很舒服。大大碗麵線，近期無得去台灣在這裡吃番碗麵線就最正，止止一下渴吧！我點韭菜餃子朋友點田園疏菜鍋貼一齊吃，大家都可以食多款菜式啦！材料豐富有豬腸貢丸等。餡料脹爆...滿滿韭菜餡

因為唔想食飯，而且又趕時間，今次經過八方雲集突然又好想食餃子，所以入咗去試。可能一段日子冇黎，覺得佢哋嗰個台灣米線好味咗，我本身就少食大腸，但係今次試咗一嚿之後覺得好入味，而且冇蘇味，正。至於鍋貼，餃子就唔使講都係一貫水準，點埋個醋食好味。 紫菜花枝丸湯 都好鮮味，而且佢哋個價錢又經濟，香港食地道台灣小吃及鍋貼餃子，又平嘅舖頭唔多，八方雲集絕對可以再去。另外佢哋個雙Q奶茶竟然有驚喜，啲珍珠係細粒型，溝埋啲Q果原來都好夾。同埋佢嗰啲珍珠雖然細粒，但係唔會淋謝謝係有咬口嗰款。我個人覺得好飲過出面好多專賣台灣飲品，或珍珠奶茶嘅鋪頭。

今日同家姐放左工就近近地係留下食個飯但又唔係好想食飯, 所以就簡左八方雲集叫左2個晚餐 10號同12號餐有3款餃子, 2碗面線, 仲加左柸珍珠奶茶最鍾意就係飲佢柸珍珠奶茶, 因為佢個D珍珠夠細粒~3款餃子就有3款: 栗米, 辣味同招牌都係辣味最好食~

雖然香港都有唔少餃子店，但好奇怪～一講起餃子一定第一只諗起呢到，同埋鐘意好多地方都有分店！另外，就係呢正嘅餃子性價比高又抵食，下午茶就更抵唔駛講！！！所以好多時都會外賣或者去門市食，特別每月糧尾個排更加想食～慳錢嘛！而且佢款式都多，唔係單單得原味，又有咖哩個啲，又有鍋貼同麵線。豆漿又大大杯，有熱有唔熱，所以都算幾多選擇。非常非常推介大家平食之選，同埋真係唔差！！！！！非常抵食😬😬😍😍😍😍

今天請左假，因要去到沙田威爾斯醫院覆診， 一早便知去到醫院一定會有好多人見醫生，坐馬鐵時到站後一落車，途經了第一城附近的（八方雲集），就坐下來叫咗個輕便午餐食左先去見醫生以便要等得耐的時候，都可以冇咁肚餓，店舖不是太大，所以坐得都比較迫夾，因要趕時間，所以就叫咗一些輕便的餃子同豆漿等的小吃 ，坐了一會兒，就趕快地去到醫院。這裏也有很多客人做外賣方便快捷。這餐廳的餃子都算不錯，但份量就比較少一些，而價錢都算可以的。

今次來到八方雲集，想來個沒點套餐，點了一碗台灣麵線及一碟油菜。台灣麵線口感豐富，有滑滑的麵線，切成丁的墨魚丸和貢丸，爽脆的筍絲及芫茜，點題的大腸，加上台灣味道的濃羹湯底，令人吃不厭。油菜也是推介，單叫14元(跟套餐10元)，份量對得住這價格。勝在是走油的白灼唐生菜，蠔油只放在一角。今次沒點的鍋貼其實也不錯，煎得甘香可口，款式多。正如之前的食評，點套餐是抵食的。第一城店，座位不多，只幾張桌子，容得下二十人左右。用餐期間，都不少顧客是外賣的。外賣鍋貼和餃子都是用度身訂做的紙盒。