八方雲集鍋貼水餃專門店 (已結業)

今日路過見到新開的那間店, 在油麻地 的這間八方雲集好新...早一個月前都未見有的, 見係新分店當然要"818", 入到店見好新淨坐得舒服, 馬上點個招牌 套餐 試吓! 是馬上落order 馬上做的但又幾快...服務同食物都滿意, 有機會會再來買外賣的, 因為一路食都一路看到很多人在買外賣....下次一定要再試其他招牌套餐!

此店開了這麼多分店都未和大豬女友食過, 今日行mk 咁o岩行經, 就一試喇!長條形的招牌餃子, 兩蚊隻, 但又一定要叫5隻起, 5隻又不可以夾其他款式, 要同款, 咁倒不如餐牌寫10蚊5隻算喇!麻煩!點少少醋, 其實真係幾好食. 食5隻真係唔覺架!夠香夠熱, 如果有d 日式的辣油汁仲正.麵線較淡, d 蠔仔有d gel 既物體痴住, 唔知係咩gel....及d 蠔係凍的....又冇辣辣的欖菜, 硬係差gum d 野...服務正常. 都係食餃子好了!

呢間野食物既味同其他分店一樣沒分別不過....d員工就真係好差!我6.15pm去到9秒9填好張落單紙想叫個staff落單但係揚極手都沒人理我當時裏面有4個員工....1個係門口整緊外賣另外3個就坐埋一齊包緊餃子其中一個望到我....但沒反應...都唔幫d客落order 包咁多餃子來做咩...好啦, 揚到手都攰 其中一個包緊餃子既員工終於都肯彩下我係6.22分幫我落單我點左一個餐10個餃子+1客湯熱湯好快就來左我唸住等埋個餃子先一齊開餐好過等陣沒野飲點知....等了又等等都6.40分個餃子都未來跟住我就問個staff叫佢幫我催催佢只係答: 得得得跟住咩都沒做到繼續去執佢既枱洗唔洗咁敷洐啊....跟住我攞起張單再問佢: 我6.22落單 4個字啦喎 會唔會慢左D啊 你幫我催催佢啦個staff先走去睇張出餐list....同講左兩句最後6.47分先有野食因為之後我約左人今日呢個晚餐簡真係倒落個胃到咁濟真係食得好唔開心個湯又凍哂到走果陣排隊俾錢個staff仲攞住個外賣膠盒 成盒熱辣辣水餃撞埋我手臂度對唔住都沒句就行開去同佢個同事傾計呢間分店絕對唔會再幫襯

先前試過在這裹買鍋貼外賣要等成15分鐘，今次見門口冇人等，有多款已煎好鍋貼，即時入內落單咖哩、泡菜、九菜鍋貼各5隻，問員工是否要等，員工說要，我對員工說買完其他嘢轉頭取，跟住買完其他嘢成20分鐘後去取，心想去到可以即時取，點知去到見到有好多煎好鍋貼冇人包，問員工取才有人幫我包，即時有啲火，跟著員工只係包咖哩、九菜各5隻給我，我問點解無泡菜，員工話將單劃咗泡菜所以無比，我話我已經比咗錢我張單有，員工問煎鍋貼員點解劃咗，煎鍋貼員話已經包咗泡菜鍋貼入盒放在檯面所以劃咗，員工才包回給我，如果我見唔到佢包，回家才發現會幾麻煩，佢哋外賣服務真係十分混亂及無人理，員工服務態度十差愛理不理。

我見舖入面唔係好多人, 而且又冇人排隊買外賣, 所以就試o下呢到d 餃子, 叫左個$26套餐, 有10隻招牌餃子+1個湯. 講真, 湯唔洗煮, 餃子煎好晒, 我唔明點解都要等10分鐘. 今日32度烈日當空, 條街人多車多, 我真係好後悔o係到買外賣, 粉麵檔都唔洗5分鐘就有啦! 味道方面, 餃子過得去啦, 個粟米湯, 係罐頭湯/沖包既感覺囉, 全無特別.

這天時間緊逼, 少爺匆匆接過小妹就要趕回校, 不過太餓豬, 就決定吃個快的鍋貼晚餐。餃子餡料有4款, 招牌菜肉、韮菜、泡菜、咖哩, 可以是煎的鍋貼或是灼的水餃, 少爺已選定是吃煎的, 小妹就選了招牌菜肉餡~~ 套餐價$26有餃子10隻 + 湯 / 價錢$10的飲品1杯~ 等了很久,, 很久,,, 鍋貼仍未見芳蹤,,,, 以為這是快餐形式應該會很快, 估計是招牌菜肉最多人點, 所以沒做得切 (離開時見廚房是連接著門口的外賣專位, 其實是有些煎餃而預先整好備著, 可能是其他的餡料較少人點吧)。終於等到~! 馬上要開動了! 餃子1邊煎得脆1邊皮軟, 菜肉餡料味道沒甚麼特別, 但整體而言是ok的。想平平地吃個餃子頂飽是不錯選擇~

上次試左「四海遊龍」，友人又未食過「八方雲集」..就促成左呢「災情之旅」入到鋪頭招呼算殷勤，坐低之後就察覺到佢張枱都幾「痴笠笠」同埋放餐具既地方無好清晰既指示!!點菜張紙要研究一段時間先知佢想點...友人點左「酸辣餃麵」我點左「黃金咖哩鍋貼」、「大腸蚵仔麵線」店入面既人手頗為不足，要嗌左兩三次先應...等左10分鐘左右.. 黃金咖哩鍋貼溫度可以，但無咩咖哩味..食到餡料中有苦味，overall黎講，不過不失比較好既係佢既鍋貼同水餃既選擇都幾多，可以單點..$2.2一隻 (最少點5隻)酸辣餃麵友人覺得好難食，一文不值...稀稠度有問題，而且水餃唔特別(要注意水餃味道無得揀)大腸蚵仔麵線呢個份量係大的 $16，味道尚可，但配料比較少等既時間亦頗長...唔係好值得!!!相信唔會有下一次，埋單個陣先見到佢將d 鍋貼向住街個邊，無任何蓋 or 膠片 or 布擋住，覺得唔係咁「衛生」，對住彌敦道都幾「麈土飛揚」鍋貼大王既質素好好多，而且價錢唔爭得遠，人地無咁多限制...要點幾多隻幾多隻個d...

見到通菜街分店有大腸蚵仔麵線,只係賣$12/碗,好似好正咁,但係又唔想拎咁遠(因為想拎反屋企食),所以去左彌敦道分店買,等既時間都唔算耐,不過買既時候就有d混亂,太多人了$12/細 $16/大(堂食) 外賣平$ 2蚊 拎到反屋企都仲係好熱既,抵讚!!!!陣味好得意牙,有少少酸酸地咁!!d麵既味好似童星點x麵咁,又好似碗仔翅既質地!! 用匙黎食,入面既蠔仔洗得幾乾淨,d大腸亦都好味牙妹平時唔食蠔嫁,但係今次佢都食左!!不過大腸既份量少左dtotal :用左$28/2一碗

食完lunch咁岩行過....一直都好想去呢間餃子店試下....所以飽飽地都入去叫左5隻煎韮菜餃...等左3個字....見到隔離枱遲過我地黎麵已經有野食上枱.....催左佢2次終於都黎左友人食左第2啖...佢同我講隻煎餃係凍ge!!!!!!我拎左佢隻餃試下...係真係凍到好似人地放左幾個鐘賣唔去個d咁....因為另外個4隻都係暖(都唔係熱)...所以友人就同我講話算數..我覺得佢地係博大霧將個一隻凍晒淨左ge餃子俾埋我地....我都唔係要求高架喇....淨左其實都唔緊要...但係唔係應該返煎一下呢...激死....以為都唔會黎!!!

今晚我放1030pm, 突然想食下餃子, 於是上open rice搵佢地個電話, 專登早2-3個字打過去叫定先, 因為知道佢地都需要時間去整, 亦唔使自己等咁耐. 我由油麻地行到過去, 其實我已經快步行過去, 個零字倒已經行到過去喇, 去到問佢地先知原來又係未整好我叫既o個 "一份"外賣, (點解用個又字呢, 係因為我之前係佐敦分店叫外賣都有同樣情況), 等幾分鐘唔係一個問題, 個Point係, 我打左電話叫定先又要等, 我去到先叫又係要等, 其實佢地無需要有個電話號碼架喎!! 加上, 彌敦道分店d餃子既質素的確係差!! 我寧願有時間返荃灣個間食喇.........

有時睇雜誌都會講下咦加”潮”食ｄ咩見住咦ｄ水餃專門店愈開愈多，質素就愈黎愈下降水餃專門店大多數都係26-30一個餐，有十隻餃同一碗湯湯不再話下，十隻餃都算可以，如不要求高的話。明白迎合年青人口味，總有少少創新。但還是媽媽包的普通白菜豬肉好味得多試一次就可以了!

誤打誤撞同老公入左哩間食水餃既店鋪，印象中一開就有八九間分店，勁．揀選左坐係卡位，都幾迫下，行出黎驚撞到其他既食客．餐具，醬油齊集係枱面，有需要通知職員幫忙．１號餐：招牌鍋貼＋湯品－酸辣湯：10隻煎得好香既餃子，味道唔錯啊！酸辣湯係咪台灣式？辣左少少，材料當然唔同上海果隻喇．３號餐：招牌水餃＋湯品－旗魚丸湯：烚水餃，皮有點兒厚；紫菜魚丸湯，好清，幾好．套餐加$5有飲品：order左豆漿，聞落有豆味，飲落有些少水汪汪，有待改善．

晚上兩個女仔唔想食太多野, 友人又話呢間好味, 所以嚟左呢間食~ 招牌鍋貼: 點鼓油幾好~ 不過本身都冇乜味 招牌水餃: 我唔鐘意... 冇味既一團粉 韓式辣味鍋貼: 正! 唔點野都好食 栗米濃湯: 栗米味真係濃喎! 不錯~ 又OK大兜不過環境真係好差..1. 窄, d侍應會撞到你 2. 阿姐响隔離包餃子, 唔夠位放會放响你張枱 (我隔離嗰張, 但都係連住我張枱)3.嗰晚有個洗碗阿姐都出埋嚟樓面, 幫d啱啱入嚟既客揾位(其實係叫d食完既走人) 所以呢間野絕對唔會俾你坐得耐.. 吹下水都唔得... 不過以價錢嚟講, 食得飽我倆, 味道又OK, 都俾返個笑佢啦!

We visited this eatery on a Friday night. We could tell the food was full of MSG from the big tin of chicken powder sitting at the open kitchen. But too late - we've already ordered our food!We ordered five curry dumplings and five kimchi dumplings. The waiter mixed up our order and served us some other dumplings. He didn't realize until we ate half of the mystery dumpling and put it back to the plate. He hurried and attempted to take the food back with a half eaten dumpling on the plate.

一行三人去試菜, 叫左三個套餐 (即一餃/窩貼跟一個湯)同二杯熱豆漿及一杯凍嘅 :-(1) 酸辣湯 - 太差, 淡得很, 冇飲晒!(2) 貢丸湯 - 三粒貢丸跟有莞茜的清湯, 貢丸一般(3) 旗魚湯 - 三粒墨丸跟有莞茜的清湯, 幾好味!(4) 招牌窩貼 - ok(4) 咖哩窩貼 - 很好味(5) 韮菜餃 - 幾好(6) 豆漿 - 味道好, 不太甜, 但有d渣