八福車仔麵

营业中

休息中

今日落大雨，入咗呢間食店，超多學生，場面混亂。明明有寫枱號，但佢都會拎住個麵係咁問人有冇叫。原來係因為太混亂，啲枱號未必準確，有啲麵又冇人認領。終於都settle晒啲學生，發現有枱有個學生漏咗單，於是阿姐就比咗兩個無人認領麵比阿仔揀，話唔收佢錢。之後見到仲有幾碗麵冇人認，阿姐逐枱問學生，甚至係大人客，要唔要加啲餸。雖然場面又混亂又甩漏，但阿姐好有愛。因為未夠字數，講下食物味道。蘿蔔夠甜，整體份量夠多，亦都好味。

食物質素是可以的，但環境清潔一般，有待改善，員工態度極度有問題不斷叫客人自己去櫃檯個電腦落單&俾錢，客人唔識就好串咁話人，我想講嘅係……明明應該係員工負責嘅工作結果轉移哂去客人身上，咁我想知請你返黎做咩？

係半山掘頭路開餐廳，若非食物品質出眾，就只能靠街坊/學生維持，我認為依間長期播放Viu TV的車仔麵的出品，只有“綠豆沙”(因為富山一帶無糖水鋪原故)和“韭菜豬紅蘿蔔”可接受，可惜“綠豆沙”早已唔賣(事關不太好食，閒時食下當清熱氣)。上星期再去買外賣30蚊一碗的“韭菜豬血蘿蔔”，回家發現只得以往份量的一半(即半碗)，作為街坊咪落樓返去間鋪問下，邊知一位最資深的阿姊話，佢地餐牌寫明只有4粒豬紅和4粒蘿蔔，咁我咪問佢攞餐牌睇下，如果有寫明，我都無野好講。結果係人都知邊會咁寫(若有寫即係倒自己米)。阿姊吹水吹大左，大話連篇，知道自己搵錯欺騙對象，但又唔肯補返足一碗的份量，唯有死死氣退錢。依間車仔麵能做到今日，除左因為街坊們無選擇之外，相信長播Viu TV是主因，但當今日得到香港人支持時，就咁樣做生意，......真正食盡“人血饅頭”。

好普通車仔麵款，間店就幾乾淨，但晏晝時段多學生又多人，都幾迫。但迫都算啦，我排梗隊等梗嗌外賣嗰陣，有啲疑似熟客打尖俾錢，而啲員工係視若無睹直接俾佢哋插隊嗌完之後我諗住坐喺俾人等外賣嘅凳到等，但坐低左之後個入口係會迫到行唔到人，我原本見佢門面咁迫都諗住行出門口等，結果行慢兩步就俾員工鬧，又對我呼呼喝喝，態度極差唔該改善一下入口設計同埋員工態度，街坊車仔麵兩餸都3040蚊起跳，但完全冇應有水準，上慈雲山食又平又唔洗受氣

啱啱食完早餐，環境乾淨衛生，可惜開放式廚房裡㗎阿姐勁大聲播放大陸口水歌，完全唔理客人感受，冇八達通收錢，可能係老細默許啲阿姐播放大陸歌曲。只有TVB睇。我希望老闆顧及客人嘅感受囉。唔好縱容啲工作人員噪音撩人。

豬軟骨蘿蔔生菜蕃茄湯蕃薯粉 $44-上次試咗河粉但夾落去好散所以今次轉左個麵做蕃薯粉同試咗新湯底, 即刻好食好多! 啲麵好彈唔再一夾就散, 同埋因為佢係蕃薯粉所以唔使怕索晒啲湯. 啲餸全部好好味, 蘿蔔夠甜冇渣, 豬軟骨入味夠淋. 整體來講超jengg我一定會再食🤣仲要我覺得佢呢個蕃茄湯好過譚仔三哥嗰個, 少啲油同埋食落好似冇乜味精, 食完飲晒啲湯都唔口渴. 估唔到一間咁細嘅屋苑餐廳會有咁嘅水準, 希望可以長做🤤❤️

今日去鑽石山嘉峰台拎貨嗰陣時，發現原來開咗間車仔麵，所以就入去試吓！八福車仔麵，除了車仔麵，還有黐飯，糯米雞，腸粉燒賣等小食..不過，價格不是屋邨價🙊車仔麵，由$8-$13元不等，飲品另加$5-$8...最低消費$25！ 如果下午茶時間，滿$38 就跟一杯熱飲！4餸$44 ，凍鴛鴦$3 ，價格感覺有點貴，但餸料份量也不算少亦不算多！豬皮爽口入味，牛柏葉新鮮爽口，午餐肉厚切的！秘製辣汁夠惹味！3餸$41，跟熱奶茶一杯。花膠$13， 墨魚丸$10有三粒，粗面底似蝦子麵但冇乜鹼水味！混醬腸粉$15，有四條，不夠滑，口感一般！

開業個陣已經有幫襯 正正個時就有個客人因為俾漏餸或者醬汁由屋企再落翻店舖大吵大鬧，咁我都覺得岩岩開業有咧啲情況都正常既(始終未上手啲野可能) 店員個陣都係用岩岩開業未上手為理由解釋 但係直至今日買個車仔麵都係可以漏俾個醬汁 令到車仔麵湯=滾水(車仔麵個湯或醬都無既話又點食。。。) 諗翻起買個陣都唔係好多客人等緊 外賣又淨係得我一個 所以除左粗心大意真係諗唔到其他野形容咧間店舖 食物質素中規中矩 無特別驚艷亦無特別差 但係價錢相比認為偏貴 餸既種類都還可接受 但出錯情況的確需要改善

懶煮想出下街食, 加上前排成日留係屋企自己煮真係好悶!咁岩樓下呢間新開既車仔麵未食過, 即管試試.食後簡評：豬軟骨最驚喜! 整得好入味又夠淋, 而且三件大大舊好抵食! 必食…...蘿白都幾出色, 無渣好重要, 而且我覺得甜味都出!紫菜就正常水準, 不過份量多到上檯嚇左一嚇哈哈, 不過個人覺得韮菜好味D總結黎講性價比幾高, 值得再幫襯至於環境就乾淨光猛過一般車仔麵店好多, 而且幾好坐(有電視睇哈哈近近地下次有機會再試下其他餸的~

放工相約女友在附近吃車仔麵乾淨企理，尚算寬敞舒適今次點了酸辣湯底花膠豬紅河驚喜盡在酸辣湯😂酸辣湯讓我聯想起米線的酸辣..😅嘩卡卡卡🤣第一口的感覺是香茅，然後是冬蔭的酸味，恍然大悟😄😄原來是鮮有的泰式酸辣車麵特別的配搭-冬蔭味湯配豬紅花膠是很新鮮的fusion美味👍🏻花膠很諗軟入味，河粉是滑漏吸湯的效果不俗👏女友仔的是辣汁豬腸豬紅韮菜河辣汁咸甜辣多層次的惹味伴著豬紅韮菜無得輸組合加入諗而不爛的滷水肥大豬腸入味滷水帶著香料味減油膩感十個讚👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻涼伴小吃青瓜木耳木耳夠酸夠麻青瓜相對不過不失，可以再濃味一點粉後綠豆沙原本對$15的糖水沒多大期望所以相片是隨意的喜出望外地吃出我兒時家中回憶臭草、海帶、開花綠豆、棉滑質感清香少甜十個得👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

昨晚去試下八福車仔麵, 地點很近79M 小巴總站, 一落車行兩步就到! 舖頭裝修很時尚, 叫左兩碗車仔麵, 加蘿白韭菜豬紅, 發現每樣配菜都很出色很好味 ! 😋😋特別係鹵水雞翼 ,柱侯牛腩, 豬軟骨, 水餃, 雲吞 , 樣樣都好好味呀! 水餃, 雲吞 食得出皮薄餡料靚, 是好新鮮好軟熟, 不似有些雲呑麺店, 水餃, 雲吞和未完全解凍就落水滾, 到上碟效果個雲呑皮同個餡料好似好硬! 湯底又可選擇咖喱汁,腩汁或其他汁。菜心,生菜,韭菜, 蘿白都好新鮮, 煮得啱啱好唔會太生唔會太林! 店主絕對係用心打造! 食完還有糖水選擇! 紅荳沙 和 涼粉都好好食! 又有汽水, 豆漿, 凍熱奶茶咖啡檸檬茶柚子蜜飲品, 簡直一條龍服務! 用瓦碗上菜, 好過用膠碗, 專業! 食得安心又衛生, 環境舒適, 非一般車仔麵可比美! 仲有..價錢很抵!! 值得強力推介!!

心血來潮想食車仔麵🤪入左去呢間試下新野啦🤪嘩嘩嘩有驚喜😻😱只係一碗車仔麵，但已經滿足左我3個願望第一，食車仔麵既靈魂-辣汁香辣惹味濃郁得黎帶點微甜吊味食過返尋味第二個願望大滿足：味蕾大躍動！乾淨而肥美仲要極度入味既豬大腸😻😻呢樣嘢喺屋企好難整，所以一定要出街先食到仲有我最喜愛既豬紅係好入味，所以唔腥😻我最喜愛魚面彈彈爽爽的口感呢次最驚喜係面裡埋藏魚蛋味，巧正呀！😻第三個願望：舒適晚餐, 午餐價錢不解釋，看圖啦🤪店面乾淨企理，格局類似小型茶餐廳唔駛再多人焗坐一張圓檯，比較舒適既車面環境，讚呀！I will be back🤪

咖喱汁又無味，丸類太淋、牛栢葉沒調味。真是不正宗車仔麵，另小食點叫腸粉，實在太難吃，價錢都一般。唔該你哋轉個舖名，應該叫八福小食館。非叫八福車仔麵。以後都唔再去食這間！

TL;DR. Pros:1. 清新車仔面，價錢合適;2. 味道不太鹹，用料不錯;3. 環境清潔，招呼親切;4. 電視播ViuTV，用餐格外舒適。Cons:1. 味道較淡，有少少「料還料，餸還餸」;2. 人多時如想買小食外賣，收錢略微混亂;3. 晚巿較早截單(2100)，食材有時較快賣完。嚟過食兩次都喺夜晚食，以車仔面嚟講，雖不算出色但勝在性價比唔錯，兩個人一份4餸面一份5餸面，加埋飲品埋單都只係百二蚊有找。餸嘅款式都幾多，而且味道唔太鹹，面底配菜全部自選。最緊要喺唔會見到啲員工黑口黑面，寫錯咗熱飲小甜，佢都友善過返嚟問返我哋。在一眾食肆一堆TVB電視中，我嚟咗兩晚，佢兩晚都喺播ViuTV，提供一個不同嘅選擇。呢度呢個商場，做乜就摺乜，冇咩生客。呢間鋪，講真，喺食得過。斧山邨呢附近冇咩嘢食揀，所以如果你唔想食白飯，呢個都喺一個唔錯嘅選擇。想過嚟呢個地方，黃大仙近公務員宿舍果邊有小巴站嘅小巴直達，喺去嘉峰臺就可以坐到總站。食完坐返小巴走，又或者行出斧山道都有巴士走。

由佢開張都依家幫襯過幾次，其實味道都可以接受，可能我個人食得比較求其嘅關係，不過最大問題就係裏面有個高大四仔比較年青果位，佢嘅服務態度非常惡劣，包括、係鋪裏面經常講嘢極度大聲、駁嘴（就算你同佢唔該前，唔該後都好你要求佢幫手拎小小餐具嘢或其他要求都會俾返幾句說話你聽）、送餐到枱永遠都係大大力噤擺落嚟！大佬你做車仔麵架啲湯熱架次次都彈到四圍都係！！！ 最後！我想講，你係呢啲人多餐廳小嘅地方開鋪都留唔到熟客再用呢種態度去招呼客人嘅話，我相信你間舖都做唔長！