八章軍 (啟岸) (已結業)

土瓜灣呢條新食街有唔少餐廳同小食店進駐 環境幾有特色 可以催眠自己去左日本/台灣🤭！今次率先試呢間章魚燒😗♡ 蟹籽章軍+明太子章軍 (雙拼8粒$43）呢間嘅章魚燒幾有水準 個人覺得好味過葵廣😚外層夠脆 內餡粉感唔會太重/太軟稔 餡料嘅章魚粒無偷工減料🐙亦有粟米粒 木魚碎份量唔手軟 入口好香～蟹籽多到完美地將章魚燒活埋 一啖放落口好有口感 明太子醬就比較濃味 鮮味重 兩款都好味 呢𝚛𝚘𝚞𝚗𝚍打和(≧∇≦*)仲有其他特別口味 例如櫻花蝦、紫菜肉鬆、青蔥、蛋沙律 都想一試啊

今日經過見到土瓜灣都有章魚丸賣，還有多款味道，比傳統的章魚丸更有特色，而且全部即叫即燒，新鮮熱辣。學生還有$2優惠。十多款不同味道包括海鮮類的蟹子、明太子、櫻花蝦；傳統的肉鬆紫菜、蜜糖芥末；還可以選擇雙拼，一次過食到兩款口味，一個人食都無問題。要了個至尊蝦章軍拼吞拿魚粟米章軍，至尊蝦表面舖上了芝士及蝦仁，入口外脆內軟，中間章魚粒彈牙。吞拿魚粟米章軍則帶點粟米甜香，旁邊還有大量木耳碎，食完之後都幾飽。

🎄假期開始😍第一時間要做嘅係周圍食嘢😆知道 #啟岸巷子 多嘢食去開影相就一定要覓食吓~行過聞到超香嘅章魚燒😍即刻衝咗入去 #八章軍.發現有好多味道揀而且仲可以揀雙拼款😆不過咁🤣以我嘅大食程度嚟講8粒係唔夠我食所以我雙拼咗芝士味同埋明太子之後再加多4粒蟹籽味🤤總共食咗12粒！.呢度嘅章魚燒係即叫即整，出到嚟熱辣辣而且啲料勁多💓章魚燒仲大大粒要分幾啖食同埋你哋睇吓我拮起咗粒蟹籽章魚燒之後剩低嘅蟹籽山有幾高🤤啲木魚絲同埋醬料都係滿到瀉食完係大滿足勁鍾意啲章魚燒食落外脆內軟而且真材實料，皮唔太厚但中間好多料咬一啖之後啲餡跌晒出嚟🙈食得有小小狼狽，不過食得好開心以後又多個地方掃街喇😆.🐙八章軍 （土瓜灣）紅磡馬頭圍道63號啟岸地下22號舖..#hkfoodie #hkfood #hkblogger #hkfood #foodiehk #hkinfluencer #hkig #hkgirl #hkbeautyblogger #hkgirls #hk #瑪姬兒的飲食日誌👩🏻‍🍳 #写真

突然好想食小丸子，即係章魚燒，竟然轉嗰灣就見唔到，好開心呀，小店主打多款獨特口味章魚燒♥️ 特色口味如紫菜肉鬆章魚燒、櫻花蝦章魚燒、柚子章魚燒等10多種款式😃章魚燒全部以店名命名為「章軍」，原來仲可以雙拼添架♥️其中必試招牌紫菜肉鬆章軍同埋明太子口味，加上清爽醬汁，又不會過甜，與章魚燒配搭恰到好處，每粒都有兩粒八爪魚架，肉鬆份量好多，而明太子味道同章魚燒味道好爽，擺入口就有一種爆漿既感覺，好幸福。

早咗打電話去，都要我等足20分鐘，我懷疑佢係收咗錢先至開始做，比一盒六粒嘅我，裏面全部都係水，全部都未煮熟，小丸子完全唔脆，超級難食！接單嗰個女人啲聲氣都好差，$35/6粒都唔係一個平嘅價錢啦，嘢食又未煮熟，態度有差，反映比佢知又唔理

今日做野經過馬頭圍啟岸，見到地下有很多不特色小店，於是八掛入去逛一逛，就係咁比呢間「八章軍」章魚燒吸引了。目測有好多款不同口味，心郁郁就買咗兩款嚟試下。首選當然人氣No.1《蜜糖芥末將軍》，另外再選了《蟹籽將軍》，即叫即做，大概等候5分鐘左右就可以了。章魚燒果然用料十足，粒粒都大大粒，並配有大量木魚片，睇見已經流曬口水。可惜趕時間，所以唯有拎返公司食，順便請埋秘書食。兩位靚靚女秘書食到舔舔脷，都大讚味道好好，仲話吾夠喉要再去買嚟食。不過本人建議最好即食，味道及口感最佳。12月底前，學生更有減兩蚊優惠添。

章魚小丸子，又名章魚燒，是不少人「掃街」的至愛！這間小店的章魚燒全部以店名命名為「章軍」，有15款口味選擇，即叫即做，每粒都夠大且飽滿，外皮脆口內裏軟糯，還加入了粟米粒、章魚粒增加口感，再在表面淋上醬料、配料和木魚碎，相當足料。份量方面可以選擇6粒或8粒，想一次過食到多款口味，可加$2選擇雙拼自選兩款味道。雙拼 (8粒) $42日式青芥末: 帶點清爽辣味明太子: 帶鹹香味的明太子沙律醬至尊蝦章軍(6粒) $40表面放上蝦、沙律醬和車打芝士，再用火槍微微炙燒，令味道更香濃突出，但又不會過甜過膩。

聽到有朋友力讚呢間章魚小丸子我又走黎試下，加$2可以雙拼咁我叫左原味同牛油粟米。雖然佢係做外賣，但舖頭入面都有張凳俾你可以坐喺度即食。個丸子即食好正，佢唔算好大粒，但入面個餡都算足料，而且外面係脆入面個質感係滑既 (試過出面有啲勁粉又無餡)。不過可能係其中一個係原味，其實食既時候原味已經吸哂牛油栗米啲牛油，所以對我黎講2個係一樣味既，不過個牛油味係好香，下次會再試其他味~

之前係荃灣店食過幾次好好食今次見土瓜灣開分店專程去買黎食點知勁失望😞 拎完就上車食 粒粒個外殼都好硬唔係脆卜卜應該係整定放係到 因為打開都唔熱由落單到拎得都係5分鐘左右下次都係會去返荃灣食

想食章魚丸好耐，但屋企附近冇，經過見到應該係新開冇幾耐嘅小丸子專門店，食晚飯之前，都要會一會佢😎😎細個勁鍾意食牛油粟米，估唔到佢哋竟然有牛油粟米章魚丸！章魚丸入面同埋出面都有粟米，份量都幾多，牛油味夠晒突出，外皮脆卜卜，即叫即整，即刻食夠晒熱辣辣👍🏼👍🏼至尊蝦章軍主要係比章魚丸上面嘅蝦吸引🤤🤤感覺性價比即刻高咗😆😆爽口既蝦同章魚丸都幾夾👍🏼👍🏼章魚丸可以選擇雙拼，都幾好，可以試吓唔同口味，最重要嘅係唔使加錢😋只要揀返一樣價錢嘅款式做雙拼就OK😎等緊拎食物嘅時候，可以出去行吓打下卡，周圍都好有日本feel

遇到八章軍係某日係路德圍章魚燒癮起一食就返唔到轉頭最近見到佢係啟岸開左分店果度成條日本小巷咁，好有氣氛，勁多打卡位仲要真係有好多特式餐廳小食好多人特登打埋小朋友狗狗去打卡__________________________🔹章魚燒 $41/8粒/雙拼👰🏻:🌕🌕🌕🌕🌘🤵🏻:🌕🌕🌕🌕🌑Keto friendly: ❌首先要講一講我中意既章魚燒係點既先我自己中意外皮烤得好脆既但又唔可以得層皮(之前食過個皮好脆，但裡面係中空😢)內餡帶少少口感煙靭既粉漿同最緊要有好好咬口感彈牙既章魚粒八章軍就係做到晒以上既時章魚粒仲要每個有成兩大粒😍😍.不過都知道有人唔啱食好脆嘅外皮所以店家都可以request要軟皮我估口感會煙靭啲？！.除左章魚燒本身，佢有勁多果揀，隻隻味都好出色同足料今次揀左明太子同肉鬆紫菜個肉鬆紫菜多到完全覆蓋住啲章魚燒重點係啲紫菜同肉鬆係脆紫菜同脆肉鬆！！明太子就一如expect 既咸香.題外話，土瓜灣啟岸呢度始終無路德圍咁多人出餐出得好快！

土瓜灣新樓盤啟岸樓下開咗好多餐廳，並以打造成為日本美食街為目標🎌。我呢日嚟開附近做嘢，就順便搵吓有乜啱食。見到「八章軍」，就諗起好耐冇食過章魚燒啦。小店係章魚燒專門店🐙，佢提供成15款口味可選，讓人花多眼亂。小丸子可揀6粒或8粒，又或者雙併(另加$2)。食物即叫即整，需時大約十分鐘⏳。期間同店主傾開偈，佢問我有冇食開章魚燒，霎時間我都唔識得點答，食就有食嘅，但又唔算狂熱。佢介紹佢哋嘅出品與別不同，在於外層脆卜卜。開頭我都半信半疑🤔，但一食就發現佢無呃人！章魚燒即使淋滿醬汁，不過外皮無因此而變濕。再者，就算隔咗成個鐘先食，佢狀態都唔差得遠，只係無咁熱。我即場啪完一盒，忍唔住即刻買多盒返公司同同事Happy Share🙈。第一款口味係明太子章軍($34/6粒)，明太子醬係精華所在，味道辣辣哋🌶，勁惹味，而且仲有少少蟹籽爆漿嘅效果，難怪係人氣首選！第二款口味係至尊蝦章軍($40/6粒)，顧名思義，每粒蝦章軍上面有一隻蝦🦐，雖然細細隻，但口感彈牙。調味主要由燒汁、沙律醬同木魚片所組成，係經典滋味，但就不及明太子出色。呢度嘅章魚燒另一特色係真材實料👍，外層除咗香脆之外，入面嘅麵粉唔生又唔濕，而且

📍八章軍 （土瓜灣） (紅磡)啟岸越開越多食店，地下原來被稱為日本街😆。👩🏻試試新開嘅章魚燒店，total有15款口味好難揀🥲。✨至尊蝦章軍 + 青蔥將軍 $46+$2表面有少少脆，每粒章魚燒都有兩大粒章魚🐙。至尊蝦章軍有好爽彈嘅蝦仁，加埋芝士(仲有mayonnaise!?)惹味得嚟唔會好肥膩。蔥絲唔會好青好辣，同章魚燒味道都好夾。因為好足料嘅關係，兩個人食都好飽，下次會試埋其他口味。📍八章軍 （土瓜灣） (紅磡)紅磡馬頭圍道63號啟岸地下22號舖

八章軍紅磡馬頭圍道63號啟岸地下22號舖當0+3公佈一班朋友即拎假飛去玩, 我這個可憐虫老沒錢沒假, 只好用消費卷留在香港, 食日本野當去左日本, 亦當時去旅行前架REHERSAL朋友搬了家, 去HOUSE WARMING 探下佢地, 未齊人前見小小肚餓, 係佢樓下商場行了個圈, 買了日本街頭小食章魚丸好多款口味呢, 有成15個, 香港人頭腦就是靈活有創意,有6及8粒一盒架選擇要了2個味,一個是明太子,另一個是紫菜肉鬆。一拎到好誇張, 成個面都舖滿了明太子同紫菜肉鬆, 用竹纖拮起章魚丸, 成粒放入口, 個皮好煙勒, 入面粒章魚肉碎有咬口。熱辣辣好好食呀, 同埋好多料, 真係要張到個口超大。肉鬆甜甜地同底下個美乃滋醬好夾, 蟹籽就日感加強。 all如果餐廳有埋飲品就好了, 食完好想飲返杯手搖茶。

夜晚喺紅磡食完飯覺得未夠喉，仲有d口痕想食下野，但又怕肥唔想食甜品，於是揀咗比較冇咁heavy既章魚燒嚟食。章魚燒有十幾款可以揀，款款都好似唔錯咁，最後決定揀至尊蝦章軍同紫菜肉鬆將軍兩款口味。因為即叫即燒既關係，所以打開嚟食既時候仲係熱既。兩種章魚燒基本上每粒都幾飽滿，餡料落得都足。至尊蝦章軍既蝦咬落爽口，而且同醬汁既味道頗夾。紫菜肉鬆將軍咬落內裏軟熟，章魚亦煙韌，唔會成粒都係粉漿，所以味道唔錯。