八雲札幌拉麵

营业中

休息中

平時東大街爆到七彩，今日經過八雲可能因為早，無咩人。呢間八零食左好幾次，保持水準。每枱放有一盤既蛋，係隨便食架！ 係全熟既普通蛋，野食未到前，可以食返隻我們選擇了2人餐 208套餐 選了浦燒鰻魚飯同普通拉麵， 拉麵部分忘記拍照，湯夠濃，叉燒比想像多，而鰻魚飯味道唔錯，比較細盒，如果汁多啲，鰻魚大小小會更好。另外叫了炸雞，炸蝦同餃子 鐘意佢椰菜夠大份，配合沙律醬好好味， 椰菜唔會乾晒水， 炸雞炸得幾好，唔會好油，入口多汁餃子賣相一般但係味道比想像中好，應該係椰菜豬肉餃，唔會太脆成日都有啲肉汁，放耐會變淋，要趁熱食炸蝦一般 ，粉比較多40蚊 厚切三文魚 食落都幾新鮮 可以一試

入到一間拉麵店但唔揀拉麵黎食haha因為要減肥所以就叫左呢個鯖魚定食雖然等得比較耐（店員話師傅堅持要燒到金魚色 脆卜卜先上得）食落完全係出面過百蚊既質素真係比想像中太有驚喜了！條魚外脆內軟 仲要超香 😭😭不過呢間鋪最得意既就係無輪你食咩入到去第一件事就係可以食到佢地既免費烚蛋最岩D學生/想食平野又飽肚既人去！！

📍#八雲札幌拉麵 📍Kny Yakumo Sapporo Ramen.🇭🇰香港筲箕灣筲箕灣東大街28-40A東興大廈地下5號舖🇭🇰Shop 5, G/F, Tung Hing Building, 28-40A Shau Kei Wan Main Street East, Shau Kei Wan, HK.🌐筲箕灣.#MFJ筲箕灣 #MFJ日本菜 #MFJ_ShauKeiWan #MFJ_JapaneseFood .人均消費: HKD68.味道: 👅👅👅賣相: 👀👀👀價格: 💰💰💰💰💰環境: 🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️回頭率: 🔆🔆🔆.開咗咁多年都無食過🙈過咗午飯時間食無乜人，裝潢係日系，但硬係有少許茶餐廳的感覺😂但坐得舒服每枱枱面都有烚蛋俾你食，免費的.🆗香蔥拉麵🍜HKD68香蔥係大蔥，味道比較辛香，岩喜歡食蔥的我湯底濃度可以，但有點偏咸𥚃面有叉燒兩塊，味道普普通通拉麵麵質屬半硬，口感可以，但有啲似未煮好的公仔麵，唔算好香，但都叫掛湯.⭐️自家製餃子🥟跟餐小食揀咗餃子，皮薄煎得好靚饀料不算好突出惹味，但勝在煎得好味，蘸汁唔錯.🆗招牌牛油拉麵🍜HKD68我無食😂食家就話

舖位唔細，有卡位，有大枱，吧枱選擇。午餐來到，人流唔多，價錢唔貴。坐低先比杯熱茶你，枱面既熟雞蛋可隨便任食，不收費。.🔸牛油拉麵($68)分數: (6.8/10)上面有一大片牛油，十分邪惡，牛油係呢碗拉麵嘅精髓，令拉麵有牛油香味。麵既硬度剛好，有一塊叉燒，味道不過不失。.🔸炸豆腐分數: (6.6/10)熱到十分足夠，但炸豆腐外皮冧咗，底下好多汁但唔會好鹹，上面亦有木魚絲作調味。.💈筲箕灣筲箕灣東大街28-40A東興大廈地下5號舖

朋友知我鍾意食拉麵，介紹我去呢間街坊小店。並不是高級日本拉麵店，但味道絕對不會比下去😋麵豉湯底味道夠濃但又唔會太鹹啱啱好😋😋串燒食物好香🤤另外亦都叫咗剌生同生蠔等等好正👍🏼👍🏼坐咗一陣，個個入嚟都係街坊，好熟絡咁樣同店員招呼問候，人情味濃。廚房企喺度的師傅就係老闆，樓面介紹食物嘅原來係佢家姐收工落嚟幫手👍🏼聽她說老闆師承札幌日本麵店，每年都會去北海道札幌拉麵節切磋參觀👍🏼仲有其他屋企人會落嚟幫手，唔怪得好有家嘅感覺🤗限聚令四個人😁瘋狂食，食下又多啲食下又多啲😂飽到上心口

中午經過東大街，可能時間尚早，店裏沒有太多人，便進來試一試。店舖採取開放式廚房，亦有一些日系小擺設如狐狸面具等等。點了一碗海鮮拉麵。拉麵是曲面，不會太稔；海鮮正常；湯底有一種安定的味道。跟餐有小食或飯可供選擇。多春魚雖然沒有很多魚子在入邊，但是有燒得外皮有少少脆，也算是一個不錯的小吃。另外一提，店家有放烚蛋在枱面上給客人吃。跟餐汽水是現在坊間少見的樽裝汽水，不知道是否錯覺，總覺得玻璃瓶裝汽水比一般罐裝汽水好喝。埋單總共$91，有機會再來嘗嘗晚餐。

東大街是港島東有名的食街，食肆林立，今晚與朋友到來吃晚飯。朋友喜歡吃拉麵，於是我們選擇了八雲札幌拉麵。這裏有各式各樣的拉麵散點和套餐，我們選擇了二人套餐$258，主食要了札幌螃蟹拉麵和鰻魚飯（另加$10 ）；除了兩款主食，套餐還包括了海鮮沙律、餃子、吉列蝦、雞翼兩串、雞軟骨兩串和汽水兩支，份量十足。有趣的是，桌上放了一籃熟雞蛋，店員說可隨意食用的。店內環境很有日式風情，食物質素高，最重要是服務態度良好，我們會再次光臨的。

多得附近返工嘅朋友介紹，我先知道東大街有呢間小店😀 講到呢間餐廳嘅特色，應該係仼食烚蛋喇👍🏻 每枱都有半打蛋，食得唔夠仲可以食多幾粒醫下肚，幾正😆 我地叫左個二人餐，有前菜＋四個小食＋兩個正餐，食到勁飽😂😂 不得不提佢個煎餃子煎得好岀色，鎖哂啲肉汁係餃子裹面，好juicy。炸蠔就有啲偏油。 雞軟骨串同雞翼串，雞翼串值得一讚👍🏻 好味得嚟又有小店嘅味道。 拉麵都ok👍🏻普通質素，勝在大大份夠飽肚！

店長店員都好好人, 講野好溫柔對小朋友又體貼, 有兒童餐具. 烚蛋又任食, 可以俾小朋友自己剝殼打發時間燒牛扒好好食, 食左兩片先記得影相. 好香又夠腍拉麵一向有水準, 牛油好香餃子皮薄餡靚, 跟餐有4隻, 抵食

自從奧海城店結業之後已經好少光顧札幌拉麵😔有緣經過就試一試佢😚平日午餐 💲68（拉麵+小食+樽裝汽水）我地叫左：雜錦拉麵🦀 加💲5海鮮拉麵🦐 加💲5鰻魚飯🍚 加💲5咖喱飯🍛✅ 熟蛋任食唔嬲🤣 記得注意膽固醇❣✅ 小食選擇好多🤩❔ 拉麵麵質同湯底都無咩出眾既地方🤔 但係以呢個價錢黎講仲送小食都算幾抵❌ 鰻魚少得可憐😭👅Taste：3/5💰CP值：3.25/5🙋🏻‍♀Service：3.5/5👁‍🗨Stylishness：3.5/5

平日中午到東大街搵食，同事食過呢間餐廳都頗推介，就佢啦。叫咗一份燒鯖魚🐟定食（$67，另加一服務費），附沙律🥗、漬物、白飯🍚、麵豉湯。侍應（老闆？）同廚房師傅用日文溝通，相信師傅係日本人嚟。鯖魚燒得靚，燒得夠香又一啲都唔燶，魚肉仲係juicy😋！去晒骨食得方便，而且調味啱啱好。本來都係唔想食肉先揀樣海鮮，但結果都幾驚喜。沙律、漬物、白飯、麵豉湯都係不過不失。份量方面，作為食得多嘅女仔我覺得有七成飽。同事叫嘅牛柳粒定食就真係多到誇張🤭。

假日筲箕灣泊車超級難，泊到邊食到邊，今次係拉麵店附近就試味套餐配搭都夠多，雖然拉麵款式萬變不離其宗，只有小小改動餸，但小食類別都多款揀招牌牛油拉麵-湯底正宗好濃郁小小膠口，但牛油太細舊發揮唔到香味飲2啖湯就冇左啦，义燒太薄太瘦有小小鞋，拉麵係原始曲麵又滑又爽又索湯，係我自己好鐘意嘅而家好難搵啦豬軟骨拉麵-豬軟骨要加錢諗住會好正點知炆得唔林又鞋又唔入味失望，糖心蛋色水ok但冇味道但心夠糖咖喱飯-普通日式咖哩味冇驚喜都係一般偏甜味，飯係用珍珠米，薯仔甘筍夠林串燒雞翼-即叫即燒好日本鹽燒味，面燒得好脆好乾身肉好滑仲有燒烤香味令我勾起日本食串燒滋味總結:味道都正宗岩我口味，服務唔錯， 烚蛋任食，套餐跟樽裝汽水，價錢唔算貴可以一試

晚上10點零喺東大街，原來好多餐廳都收左，冇咩宵夜可以選擇。行左一陣，除左串燒店同1、2間茶餐廳之外，就得呢間重營業中。一坐底，店員隨即放下一碟烚雞蛋，原來係餐廳免費送給客人食，送烚鷄蛋又幾得意喎。我叫左一人前套餐$88，Ankake Ramen + 鷄肉丸。拉麵即叫即煮，可惜湯底味道好麻麻⋯既不是豬骨湯，又不是麵豉湯，香味同鮮味都欠奉，麵條亦不夠煙靱，糖心蛋同叉燒也未見突出，整體非常一般。反而小食鷄肉丸不錯，有嚼口。

勁咸湯底。係咪咸就唔知食材唔新鮮。炒飯整到似粥，係咪比BB食糊仔？唔明可以收成90蚊。無下次。得支汽水𠶧，其它無樣好。無任何失望，因為唔會再去。 呢區真係好難搵食。

本來想食新開個間拉麵鋪,但冇開到喎!見就快落大雨,就去附近另一間食拉麵。枱上面擺左一籃雞蛋可以任食。 其實食一隻都已經好飽喇! 之前聽過店員講過話係用日本雞蛋㗎! 可能因為一入去已經有蛋食，放凍咗，冇想像中咁好食囉。 呢一碗個湯底同雜錦拉麵個湯底一樣嘅， 只係入面嘅材料唔同，呢碗嘅材料仲要少啲添。 個湯底都幾濃，豬軟骨好大件，都幾夠味，隻蛋雖然冇流心，都ok啦! 蟹棒屬一般貨色， 拉麵份量太少啦! 不過掛到汁。 雞軟骨幾有咬口，索索聲。 雞肉丸好多汁。