八鯨料理

营业中

休息中

老板係深黃 一定要幫襯依間小店未話自己係黃店之前已經好多人話左自己係黃店之後更加排曬長龍今日難得去幫襯嗌左好耐冇食既豚肉生薑燒味道同日本食既有過之而無不及仲送味噌湯同蟹籽沙律價錢係日料尼講算平 份量又足抵老板長做長有 生意興隆啊～

放假同屋企人出去食晏, 次次經過八鯨都放棄因為實在太多人等位啦🙈今次好彩等左一陣啫🕺🏻<刺身+六件壽司配細牛肉烏冬>呢個餐睇落份量好似唔多, 但其實好飽架🤰🏻刺身夠凍, 味道正常, 壽司冇得揀但都係大路野, 姐姐唔好腐皮卷但佢係飯桶so...😂烏冬簡簡單單幾塊牛肉昆布粟米, 湯算清甜🍲<自選定食>如果嘴刁既可以揀呢個自選, 款式幾多烏冬一碗+壽司四件+手卷一件+炸物一款👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻壽司可選: 腐皮/玉子/蟹籽/三文魚/北寄貝/牛油果/熟蝦/鰻魚/碎蔥三文魚手卷可選: 蟹柳/三文魚/蟹籽沙律炸物可選: 一口炸雞/炸紫芋球/和菓子👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻👆🏻冇影餐牌唯有打出黎比大家睇, 留意返自選既係素烏冬冇牛肉, 但可以食炸雞, 炸雞幾好食外脆內軟🐥<特上魚生丼配麵豉湯>呢個魚生丼既刺生好出色內容物: 玉子🐣,甜蝦🦐,海膽, 三文魚🐟,八爪魚🐙,鱆紅魚, 蟹棒🦀,帶子唔知點解多左塊北寄貝~ 全部刺生夠凍真係贏左一半, 除左三文魚睇落冇咁靚仔之外, 其他都好鮮味,

放工同個friend約咗喺大埔食飯，估唔到我地八點幾先嚟都仲咁多人，果然大家都好支持黃店由於我哋兩個都唔係好肚餓嘅關係，所以就叫淨係叫咗幾樣小食。呢個肥牛金菇整得唔錯，肥牛唔係好乾，而入面啲金菇都好 juicy啲壽司就一般般啦，冇話特別好食，但都唔係唔新鮮嘅但d甜蝦都幾大隻，唔錯我覺得最好食嘅係呢一碟芝士鰻魚加州卷，啲鰻魚燒得好香鰻魚上面仲有啲芝士同埋蟹杼喺度，同啲鰻魚超夾，好好食佢所有嘢嘅價錢都唔係好貴，我覺得好抵食

阿仔仲放緊聖誕新年假，其實我見有啲學生已經返緊學，做咩佢間學校仲未返? 阿媽唔想日煮夜煮, 晏晝一於同佢出去食過咗食晏高峰期，但係都要等一陣先有枱， 呢間舖頭長期人滿，一定有佢原因餐牌有好多選擇，心大心細，又想食壽司，又想食烏冬，於是揀咗豬軟骨手打烏冬配是日壽司三件。 壽司確實不錯，不會將貨就價，隻蝦新鮮，壽司飯不會過硬或過軟。 手打烏冬揀咗豬骨湯底，湯底好濃郁，豬軟骨好軟又入味阿仔揀咗金菇牛肉卷配飯及麵豉湯先嚟個麵豉湯，幾好味，唔會係死咸，金菇牛肉卷，冇認真數過，大大話話都有十件，仲有一大碟椰菜絲， 阿仔食到冇停口， 就知幾好食食物質素唔係話頂級，但係用呢個價錢食到呢個質素，CP值很高了

✨大埔黃店🍣平民價日式料理✨—————————————————💛#littlefatwest良心小店 💛仲排隊去元氣食蟲刺身？不了😌大把日本料理又平又好食平時已經好多街坊排隊 因為真心抵食😍兩個人叫左四樣 人均只係$88!而家發現係黃店仲多左人😂85有罷工表態支撐 同路人係值得撐既—————————————————🥑牛油果軟殼蟹卷（$52四件）(9/10)即叫即整 軟殼蟹仲係好脆🤤又足料牛油果再加蟹籽沙律醬 一啖食口感好豐富！.🍠吉列紫芋甘栗餅 ($22) (7/10)熱辣辣好香口 不過芋頭味唔算太出.🍳紫菜玉子厚燒（$42）(7.5/10)似韓式雞蛋捲多d😂冇日式玉子燒咁甜加左紫菜多左種咸香 面層微焦 好食🥰.🍣碎蔥三文魚丼（$60）(8/10)啖啖飯都食到三文魚！魚生新鮮厚切配料有葱花 紫菜加芝麻 撈飯食一流☺️

八鯨算係區內最抵食嘅日本餐廳之一雖然質素未必係最靚但肯定係最有良知💛未黃之前已經好多人食黃左幾乎晚晚都最少要等20張台🤣要預多少少等台時間食過幾次晚餐都覺得價錢好抵👛壽司拼盤有晒common嘅款式🍣好推薦芝士焗蠔手掌咁大 芝士又多🧀仲食左三文魚炒飯 🐟$60-$70兩個人都食唔晒其他小吃都好好味另一次食晏就有好多選擇—拉麵、烏冬、丼飯...🍜🍱今次揀左丼飯同日式滑蛋豬排飯🍳🐷份量大到唔洗錢咁啲黃店真係好囂張😤有次食完好嬲無啦啦塞個甜品俾我地😡又送個咁靚嘅鎖匙扣🤯一定係得閒得滯！日日去罰到佢無停手，開分店得唔得先！😤

星期六晚同2位朋友食晚飯，一於去食八鯨😊▶️等位大約30分鐘🤔唔係好記得👇🏻多人食可以留意番個板有咩食，不過我地今次全部單叫😋饅魚夠厚食落好滿足以前未食過海饅，今次朋友叫先第一次食。佢地話海饅比饅魚少骨、甜。不過我鍾意饅魚多啲。💫必叫💫左：三文魚腩脆脆（卷物）三文魚腩好肥美，面頭放魚子，包住炸脆卷物😋每次黎都要叫玉子燒即整即食，好味道啊！一邊同朋友傾計，一邊享受日式美食，真係一大樂事。唔少朋友仔必叫既至愛美食。單叫串燒 x2：串燒比人感覺油膩，但煙肉包住蕃茄仔呢個組合，就準對唔會。👇🏻老闆娘請食哈密瓜糯米糍（驚喜）😍

八鯨一向都超受歡迎超多人食，而且價錢唔貴，食物質素又幾好，同朋友經過附近又想食日本野，見時間尚早又未係好肚餓就排隊支持下。由於係星期六夜晚，同平日相比更多一家大細黎食，我同朋友兩個人反而唔係等左好耐就有位，未夠半個鐘就入到去坐。隔黎有一家大細等左一個鐘小店既座位唔算多，座位可能會有少少窄，店員好有禮貌好nice，上餐既速度好快。海老天(炸蝦天婦羅)︰粉漿薄，咬落脆身，蝦爽口彈牙，而且好大隻。美中不足係略嫌多左少少油，我哋將d蝦喺紙上面碌左幾下先食，咁樣食落就唔會太多油。吞拿魚丼︰吞拿魚大滿足！好鮮甜，好多吞拿魚，食落超新鮮！魚籽咸咸地咁，同鮮甜既吞拿魚夾埋真係一流。鰻魚飯︰鰻魚厚身，肉質彈牙，烤得好香，底部有少少脆身，醬汁香甜。有機會經過又有時間等既話，非常推介一試，親民價錢高質日式料理。

我本身不是很好日本嘢，因為我唔鍾意生嘢，但我對八鯨卻情有獨鍾！我工作地方就在附近，有時放半日都會黎尼度食飯！我每次去都會點鐵板三文魚拼金菇肥牛卷飯。因為尼個都係熟食！鐵板三文魚個肉質很緊致，我對腥味很敏感，但是這個三文魚處理得比較好，腥味很輕，加上點左豉油同芥末，已經無腥味！另外我很喜歡金菇肥牛卷，同炒雜菜！特別係炒雜菜，夠曬鍋氣！一set 有齊飯送同味增湯，埋單62蚊，性價比真係好高！以後仲多啲黎尼度食飯！

這間日本料理小店一直在大埔人氣高企, 而且午市和晚市都勁多人排隊, 呢日我地返到去都9點後, 過左晚市最繁忙的時間, 所以終於唔洗等太耐都有位啦~ 因為雁左食飯, 所以一來就叫左魚生飯先三文魚厚切, 三文魚籽大大粒, 而且配料都好足tim之後叫左一申豚肉串燒, 一上枱就出煙, 外皮燒到好香脆, 上面灑了少許調味, 好juicy, 一D都唔鞋, 係邪惡之選!最後叫左個海苔蛋卷, 又係一上枱就出煙, 即叫即整, 外焦內滑好厚身, 好抵食, 正侍應姐姐好有禮貌, 服務超好~ 下次一定要再來

當市道淡靜，平日既夜晚呢間係要排隊等位，就知香港人好齊心！大家一齊去懲罰呢間會罷工既小店，狠狠地食哂佢d野啦！入面坐位窄d,小店feel,但老板娘好有心，我帶住小朋友同bb會安排鬆動d既位，食物質素不錯，上菜速度合理，仲有而家好難搵到既波子汽水，小朋友好開心，一定會再幫襯！

八鯨料理本來就以CP值極高而係大埔聞名，每日午市晚市都勁多人排隊，平日午市快則排半小時、晚市排個半鐘😂.不過係呢幾個月，八鯨都成日會關門去左遊行集會或罷工，堅係良心小店！令米米完全愛上呢間小店！————————平日午市♦️三文魚丼配麵鼓湯 $56完全估唔到$56就食到如此高質新鮮嘅三文魚丼，雖然唔算厚切，但三文魚舖滿整個飯，絕對抵食同夠飽！飯粒方面就係正常嘅珍珠米，未去到好香，但麵不過不失.♦️碎蔥舌拿魚腩丼配麵鼓湯 $68超大pat碎吞拿魚，好似食極都食唔曬咁，入口清甜唔膩，而且非常smooth，比起三文魚我更愛呢個碎吞拿魚丼👍🏻

大埔聽講真係有好多正野食，日本野都唔例外。難得入到黎緊係試下全港得一間既八鯨我叫左雞扒烏冬。依到烏冬冇得頂，好挺身唔會林patpat好有口感，同埋好掛湯！湯底我叫左清湯，滿滿甜甜既日式醬油味，好滿足（另外仲有豬骨湯，唔肥利，各位女士可以放心）烏冬仲有配3件壽司🍣，好抵食唔洗驚唔飽學生哥lunch放學可以黎食，因為有學生優惠！(真心贊依家好小餐廳會做學生優惠)

其實不下一次去同家人朋友去食八鯨料理 程度可以算是半個飯堂了吧=] 今次又帶左另一個朋友仔去食 由於都係無得訂枱既關係 所以一收工n_cc就9秒9去拎位 基本上6點左右到 第一round是可以確保入座 這次都唔例外 四周看看發現佢地既菜單都加左唔少新菜式芝士鰻魚加州卷入口芝士味濃 鰻魚惹味細滑 食落無橫骨而且唔腥 兩者合起來一併食口感非常夾 金菇牛肉卷 賣相精緻可愛 細細一卷 入口容易亦方便 牛肉唔係肥牛 不過食落唔算鞋口雖然牛味一般 不過心意搭夠 燒茄子 去了皮既茄子 入口細滑 味道是略帶清淡 不過併埋木魚絲一起又有另一番味道算是健康之選汁燒墨魚餅食落不算特別 感覺跟煎魚餅差不多 不過來得彈牙 試過一次便好黑松露煙肉炒麵 食落是非常濃郁既黑椒味 味道相比下就比較濃味  雖然整體味道香濃不過就是吃不到黑松露味道 略嫌有點可惜  蛋黃醬免治雞肉棒 一枝枝方便易食 啖啖雞肉 口感細膩 嫩口細滑 鬆軟之中外皮帶點爽脆 肉汁仍在 配合蛋黃醬同吃 味道更讚之餘 雞肉更見滑溜 層次感豐富 紫菜玉子燒每次都會必點必食 雖然水準仍在 依舊蛋香細滑 不過份量就是一次比

我其實真係好鐘意食日本菜，所以捐窿捐啦又搵到間小店，依間真係細細間，大概坐3-40 人左右火焰黑椒三文魚魚腩壽司 $30三文魚壽司 $20芥末八爪魚軍艦 $26芝士蟹子軍艦 $30帶子壽司 $34唔可以話勁好味，但都合乎標準蟹子沙律 $32份量少左啲加州手卷 $26碎蔥吞拿魚手卷 $24雜錦天婦羅$66夠脆，又唔油，都唔錯蛋黃蟹子焗蠔 （3隻）$58熱辣辣送上，酸酸甜甜，隻蠔都好大隻，唔錯！滑蛋豬扒飯 $60好大碗，而且個味幾好，仲配有啲雞脾菇皇帝蟹柳烏冬 $56 （👆🏻已經比人夾走左一碗）因為小朋友唔食壽司，所以專門叫烏冬比小朋友，佢話好夠味，好好味喎5大1小，埋單$657 ， 都唔錯啦