六合小廚 (已結業)

今日約左朋友係尖沙咀食飯，咁我地兩個都好耐冇食中菜，所以就約左係這間中菜館。餐廳有好多唔同種類的食物，包括普通中菜、抄粉麵、車仔麵、粥等，最後我同朋友就選擇左叫餸食飯。我地叫左魚香茄子煲、蜜椒土豆牛腩粒、蒜香雞翼、例湯加兩碗白飯。基本上每樣野食都好大份，我地兩個男人都食得飽。我最欣賞的係蜜椒土豆牛腩粒，薯仔好重蜜糖味，非常入味，食到停唔到口。而餐廳亦選擇左牛腩粒而唔係常用牛柳粒，煮得更入味，而且肉汁更多，亦夠淋。至於個魚香茄子煲就淡味啲，不過撈飯都足夠味。

尖沙咀逛累了想吃海鮮～亂跑亂撞來到了六合小廚看餐牌套餐也挺豐富，點了個香辣蟹二人餐胡椒豬肚湯一大碗湯，可以飲碗湯暖暖肚先，胡椒豬肚湯煮得好香,好足料既豬肚、排骨煲嘅濃湯，豬肚煙煙Unun香辣蟹上碟香辣味濃郁，炒得好出色，拆開蟹肉肥美，辣蟹好像炸過一樣，牙齒也可以咬開蟹殼，蟹肉的味道很鮮甜，海鮮挺出色😋😋燒味拼盤燒味拼盤一次過可以滿足晒三個願望燒鵝雞肉叉燒，叉燒d肉炆得好琳,不錯👍🏻雞肉蒸得剛剛好，肉質肥美幼滑。燒鵝，皮更是精華所在，大讚🤤帶子炒西蘭花帶子炒西蘭花，一碟西蘭花有成10粒帶子，每粒都好大粒，足料的海鮮炒小菜闊老炒飯，瑤柱鮮蝦魷魚海鮮配料甚多，整個炒飯滿滿海鮮瑤柱味🥰值得點😋小菜

去左廣東道搵食,因為見OPENRICE好多好評,於是去左呢間樓上大排檔食,MENU有圖可以參考睇下,幾好。因為3個人去食,叫左一個2人餐($228)同額外叫多一碟菜食。二人餐都有3款俾你選,每款是有指定的菜式,二人餐有2碗例湯,兩個白飯,一碟油菜,我地點左欖菜肉碎四季豆同咖哩牛腩煲。平時出街好少會叫欖菜四季豆，所以叫左黎食，幾好食，味不會太濃。另外叫左個薑蔥鯇魚腩煲($98)，好香薑葱味，魚也很入味。上菜速度快,而且價錢不貴,菜式選擇多,環境又不嘈。

今日又去尖沙咀廣東道上堂，同學仔相約一齊食早餐，原本打算去食粉麵，見到呢度有生滾粥，就改變主意去呢度食。店內都幾大，有卡位有圓枱，原來呢度開始做早餐無耐，唔怪之得唔係好多枱客啦。除咗生滾粥早餐，仲有車仔麵、西式早餐好多選擇。生滾粥早餐配熱飲免費，凍飲或汽水加$3，豆漿加$7，特飲加$10。如果想加小食，可以加$14，四揀一：腸粉、XO醬炒腸粉、魚肉燒賣或三絲炒米粉。揀咗鮮淮山紫薯香芋粥，加配XO醬炒腸粉同埋凍檸樂。生滾粥即時製作需時，先來飲品同小食，可樂夠凍，檸檬片多，好夠味。生滾粥熱辣辣，淮山鮮甜，紫薯夠香，芋頭又香又粉，這個粥養生又健康。XO醬炒腸粉夠惹味又唔油，同學仔的窩蛋牛肉粥，再加腸粉，佢口味較濃，腸粉要再加辣醬鋪滿面。下次可以試吓佢嘅車仔麵。

陪朋友去中山看項目， 出發前想吃個早餐，但中港城沒什麼選擇， 於是朋友帶我到中港城對面的一家樓上餐館。餐館橫豎都像是吃晚飯小炒的， 我說：有早餐嗎？原來他真的有早餐，而且選擇有好多都意想不到， 比方說有早餐就有多款口味餃子，也有車仔麵，而我今早就點了車仔腸粉， 選了魚片頭及牛丸兩餸。配咸檸雪碧。車仔腸粉配了混醬，質感唔錯。牛丸魚片頭都想當彈牙。其實我更想試牛雜之類的惹味餸，不過早餐就吃這些好像很過份所以算了。下次再來吧！

🐷🐷🐷▪️避風塘炒茄子 ($88)避風塘既精華一定係香口既炸蒜粒。依間既炸蒜粒口感酥脆，鹹、辣、香並重，每啖食落口齒頰留香，雖然辣但又控制唔到繼續食第二啖，真係卻罷不能😍 炒茄子既炸粉均勻，外脆內軟，帶有茄子原有香味，中和左咁重口味既其他香料，好易就食左好多😜〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️秘製口水雞 ($108)平時好怕啲口水雞太油膩，又唔夠香。但依間既口水雞就唔會。辣味鹹酥嘅醬料為雞肉增添左好大既特色。而且雞肉都幾鮮嫩，皮亦不厚。〰️〰️〰️〰️〰️〰〰️5/5🐷〰️〰️〰️〰️〰️〰️〰️▪️香煎潮式蠔仔烙 ($88)外皮炸得香脆可口，但食到蠔仔又即刻變左滑膩鮮美。蠔仔嘅份量一啲都唔吝嗇，值回票價，而且仲食到蛋香😜 不過略嫌生粉既份量較重同炸得有少少乾。〰️〰️〰〰️️〰️〰️〰️4/5🐷〰️〰️〰️〰〰️️〰️〰️值得一提嘅係，呢度嘅員工都好有人情味，見我哋冇嗌野飲，就送咗兩碗餐湯俾我哋🤭 而且仲不左好多湯渣😝 係尖沙咀呢個咁繁忙嘅區，有本土氣息既餐廳真係要好好珍惜。🔸Overall ($284)📍六合小廚 (尖沙咀)尖沙咀廣東道116-120號海威商業中心7樓

呢晚途經尖沙咀～成日係尖沙咀都唔知食乜好，因為太多選擇，咁岩係海港城個邊，又想食個快飯唔想等咁耐，睇睇下openrice充得黎左呢度～搭lift上到黎見到人都唔算多，因為我地都比較早～見佢餐牌都有幾多選擇，又有多人套餐，但係我地唔想食咁飽，散叫左小菜～我地叫左避風塘炒茄子，蒜蓉炒西蘭花同埋半隻燒鴨避風塘炒茄子：好好食！夠哂酥脆！ 我估個味應該同香辣蟹差唔多食完都唔係好夠喉添蒜蓉炒西蘭花：個樣頹左d，但係個味道好好！夠哂蒜，同埋西蘭花唔會煮到好淋又唔會煮到好硬正！有番d菜落肚！燒鴨： 估佢唔到呢暗鋪d燒鴨都幾正！隻鴨一d都唔騷，皮脆，油脂分佈岩岩好，唔會話太肥搞到入唔到口！！！正！

平時到尖沙咀都係食連鎖店的餐廳，今次去咗Apple Store附近的樓上餐廳，進去的感覺好有大排檔style。餐牌上有勁多菜式，有腸粉燒賣等的小食、車仔麵、燒味、特色小菜和海鮮都應有盡有。無論幾多個人，都有不同的套餐選擇。喜歡食大排檔但怕熱的朋友仔必黎呀🤪🤪🤪🧡香煎潮式蠔仔烙 $68煎蠔餅新鮮製作， 勁大份，香口得黎又唔會熱氣，唔洗點任何醬汁已經好好味🤤🤤🤤蛋都煎得岩岩好，邊邊位置好脆口，中間又可以吃到一粒粒蠔仔，勁滋味🧡富貴黃金蝦 $188上碟時已聞到陣陣的鹹蛋黃的香氣，有十多隻大蝦🍤廚師𠝹開了蝦身，不但更加入味，而且賣相勁靚，望落每隻蝦都脹卜卜🤩🤩🤩我蝦身連蝦殻一齊咬，會發出卟卟聲，滿口都是鹹蛋黃汁，味道極濃。亦有西蘭花作半碟，食完一隻蝦再食🥦可以清清味蕾

熟悉尖沙咀嘅人，就知道廣東道呢條名店街一邊係海港城，另一邊其實臥虎藏龍，好多樓上鋪都好正。今日就去左港威大廈斜對面嘅樓上舖食蟹。呢間私房菜，真功夫，用料正。平時都係幫襯lunch，見佢有做夜市，ot完就同同事黎獎賞一下自己！🔆佢嘅招牌香辣蟹，果然名不虛傳！肉質香嫩鮮甜，肥美蟹肉吸收晒香辣醬汁，超級惹味！我忍唔住同店員講，個香辣蟹好得，隻蟹仲勁大隻，呢個價錢真係好抵！店員笑笑隨即揭開一箱剛到嘅蟹，隻隻勁生猛！🔆霸王雞超級勁滑，連埋薑蔥豉油食勁正。🔆欖菜肉碎四季豆，份量好多，四季豆新鮮脆口，加上肉碎同欖菜炒埋一齊，鹹鹹香香撈飯一流。🔆二人香辣蟹套餐仲連埋香脆花生、茶、兩碗例湯、同白飯，隻蟹大過我塊面，唔使加一，賣六百幾蚊，仲可以去邊度搵？

大家都知廣東道都是賣名牌的，還有很多大商場，到裡面餐廳食就比較貴了.但原來也有平民化的選擇-六合小廚，不用走遠，在廣東道就行街看在那裡休息食飯了！.在港威商場正對面，在Apple Store 附近一棟小商廈的7樓。.食物都是香港茶餐廳食物為主。.最平$40幾有個套餐，還想怎樣！樓下有大大的牌寫上當天午餐的選擇，感覺有很多附近的打工一族會來食/外賣吧。.而晚餐也是挺便宜的，2人套餐$228，3餸一湯，包白飯和茗茶。.⭐️明火例湯不錯的，而且還有湯渣-紅蘿蔔及豬骨。.⭐️川辣口水雞份量不少，辣得剛剛好，雞肉頗鮮嫩的。.⭐️魚香茄子煲炆得入味，茄子吸汁味道濃郁很適合伴飯食。有陣陣魚香，煮得很出色。.⭐️蠔油菜心.另外也叫了其他小食-蒜香雞翼，$33有三隻。飲品方面，叫了豆漿。凍豆漿是外賣包裝。.整體而言，在廣東道這個貴地段，三餸一湯只是$200幾，食物質素不錯服務也幾好，真的沒什麼可挑剔了。

在尖沙嘴海港城附近搵一間平靓正有港式早餐的茶餐廳，都唔係咁易既事。呢間樓上既茶餐廳賣多元化港式早餐，例如車仔麵，粥，炒麵以及燒賣拼腸粉。叫佐燒賣拼腸粉既套餐，只要30蚊配飲品，魚肉燒賣Q彈，而腸粉就配以混醬：甜醬，麻醬，辣醬，豉油，混成一體，口感濃厚，十分惹味。份量都好夠， 有3-4條長腸粉加4粒燒賣。下次想要試下水餃 ， 早餐竟然有浄水餃食 好有北方的感覺。附近番工就多一個好選擇 早午晚3 餐都有 ，下次試左其他再update 啦

一走進去六合，就感覺到它的特色，半開放式的廚房，有點大排檔的風味；而且讓客人放心看到煮食時的衛生情況，是餐廳信心的表現。座位方面，也算是比較寬敞，絕對不會像地鋪一樣，在享受美食的時候，需要和其他人背貼背，這個也是我喜歡光顧樓上鋪的原因；而且樓上鋪不能靠人流和過路客，必須要靠實力和口碑。這次店員向我推薦他們的招牌菜 – 香辣蟹，我們少數服從多數，就落單試一試。蟹一上枱，我們幾位餓男餓女已經見到蟹的鮮金紅色澤，香辣味撲鼻而來。吃進去口裡，發現蟹肉新鮮而且結實，炒出來不會過份乾身，肉汁保存得很好，最難得的是，雖然辣得非常惹味，但辣的程度拿捏得非常準確，不但沒有蓋過蟹的鮮味，更能令到蟹味更加濃郁香口，呢個蟹同外邊那些，用不新鮮蟹加上勁辣味來煮那些，絕對不能比。而且廚師非常細心，蟹鉗已預先敲碎, 吃起來十分方便。唯一美中不足的是（不關廚師事），一隻蟹只有兩隻鉗！我們不夠分啊！！胡椒豬肚湯 ($98)🥢胡椒味岩岩入口並唔濃烈，但有後勁！不過喜歡胡椒味𤆥喉的朋友就可能唔夠皮🤷🏻‍♀️🥢湯料好足！一錨起有好多豬肚同埋排骨，如果多啲酸菜就好之後老闆過來跟我們打招呼，原來他們的廚師是做鮮辣蟹的高手，早就技癢

之前係尖沙咀做野間中會黎依度食lunch, 今晚約左個舊同事聚聚, 就簡單係度食個飯傾下計上到黎見到老闆娘岩岩寫緊聽日餐牌跟住見到個辣蟹套餐! 之前唔覺有喎應該係新menu❓睇落好似好吸引又辣蟹又盛咁, 就決定要經濟版辣蟹2人餐啦整碗青紅蘿蔔湯同個小食花生先!霸王雞雞本身好食唔un又唔會成舊都係骨, 我覺得鋪面既配料都係亮點之一, 炒香過既配料撈飯一流欖菜肉鬆四季豆好大碟, 依款餸本身屬油膩, 但係相比之下依度做得唔算油得過份, 有時係出面食既食到底會有成浸油架~ 欖菜肉鬆咸咸香香正招牌香辣蟹一上枱已經聞到勁香, 避風塘咁既做法有大量炸蒜辣椒蔥等等, 隻蟹亦都算大隻! 炒完仲見到個蟹蓋連埋住一層膏, 勁正一啖咬落去, 走過油! 所以連殼都脆卜卜, 另外仲食到佢應該加左辣醬落去炒, 香口到不得了!!!哩個餐包左兩碗飯, 初頭我仲話唔想食咁多飯所以分左d飯比朋友, 但由於今晚d餸全部都勁好撈飯!!食哂自己d飯之後就覺得唔夠😂奉勸大家如果食依個餐就唔好分自己d飯比人

🔎 尖沙咀廣東道116-120號海威商業中心7樓*📍 六知小廚.($668 香辣蟹2人套餐)霸皇雞肉質好鮮嫩,唔會好韌.上面有啲薑蔥,配飯很不錯喔😛而且雞一啲都唔肥膩😋香辣蟹餐廳好細心,已經剪一剪啲殻,所以輕輕一咬,好易就食到d肉.辣度一般,好多蒜所以十分惹味🥰仲落咗啲啲蒜配埋飯食😂非常好味.欖菜肉碎四季豆欖菜咸香唔配埋四季豆食唔好啊.可惜四季豆唔多覺有用油炸過,好腍,唔係有啲欖菜應該會無咁好味🙈

有個外地朋友嚟咗香港探我， 去尖沙咀玩咗一日之後佢話想食啲有香港特色嘅嘢，咁我梗係即時諗起避風塘炒蟹嗰啲啦。 搵到呢一間餐廳好似專門係食蟹嘅， 而且又近我哋行街嘅地方，所以我哋就上咗去啦。 要嘢食嗰陣我哋發現今日啲蟹賣曬，就唯有轉食炒辣蝦。 我哋仲叫咗個雪菜炒四季豆，另外仲叫咗半隻霸王雞。 雖然冇得食炒蟹，但係炒香辣蝦我都係第一次食，因為平時都係食開黃金蝦椒鹽蝦之類。 香辣蝦下面用牙菜墊住，過做法有啲似四川菜， 食落我朋友就覺得太辣但係我都叫做食得辣所以我覺得啱啱好。 炒四季豆就住得比較特別啲，有少少甜甜地嘅味道。霸王雞個味道比白切雞濃少少，食落個雞嘅質地唔會太老，分量亦都足夠。 另外我哋每人都叫咗杯嘢飲，佢哋叫咗紅豆冰我就要咗一杯蜂蜜柑桔。因為紅豆冰真係香港茶餐廳嘅特色嚟嘅，我建議如果怕辣嘅人呢都可以要杯紅豆冰用嚟解辣。我杯柑桔蜜唔會太甜，飲落都幾消暑。食食下朋友先至話想試下食車仔麵， 不過我哋已經食得好飽所以冇叫到。雖然個價錢有少少貴，但係坐落都幾闊落冷氣又夠凍，而且啲嘢食嘅份量都好足夠，有外地朋友呢都推薦可以帶佢去食。