六味屋

营业中

休息中

個日咁啱經過 冇特別睇咩推介係店門口睇到有 每月特色麵以為有個係檸檬鯛魚拉麵但入到去冇咗 可惜 見到咁得意諗住試下叫咗 西京味噌蜂蜜金团拉麵賣相唔差 都好香 有個牛油係到 但加埋落去食少少 係真係幾ok好食嘅札幌湯咖哩拉麵上菜就好香食落都好香濃咖哩味 唔係日式個啲甜咖哩係香濃有香料味嘅咖哩好食 😋😋跟咗餐 叫埋餃子同埋 唐揚炸魷魚餃子正常味 冇咩特別但唐揚炸魷魚 係香脆 油脂勁啲嘅野 但好食嘅但試食一兩次就夠 還好啦嘅感覺 😂😋

平時嚟開太古都係去太古城或者康怡食飯，因為9:30太夜，好多餐廳都閂晒，唯有走出去搵嘢食，就見到呢間拉麵，諗住快手食完唔好阻人收工。濃厚雞白湯拉麵雞白湯湯底濃厚，湯底掛上拉麵好夾。拉麵有兩片豚肉叉燒，一片雞肉叉燒，雞肉叉燒好軟滑，但較細片，豚肉叉燒味道焦香，相比之下雞肉叉燒比較出色。西京味噌蜂蜜金團拉麵湯底仍然係雞白湯，但配上蕃薯蓉及蜂蜜，為香濃湯底加上一股甜味，增加咗層次。側邊的牛蒡，都為拉麵增加了爽脆的口感。唐揚炸魷魚上桌時熱辣辣好香，但可惜外觀炸燶咗。雖然魷魚熟度不錯，但外皮偏硬，影響咗口感。

我就叫咗雞白湯拉麵首先個湯質感上唔會好厚身，但濃度上係啱味，唯一係油較多，由於啲油一定喺面，所以要飲湯個feel就會有啲油膩我都係第一次見會有西蘭花連莖出現喺拉麵度，啲麵係幼身嘅麵，軟硬度適中，隻蛋（寶物沉歸底）就無咩特別，反而雞肉薄得嚟嬾滑我加咗套餐，揀咗炸餃(2 隻)/汽水如果想煎餃就一定要貴啲硬食5隻見到有啲鑊嘅殘留物喺隻餃子邊度炸餃就多數做唔到皮薄，變咗有啲似炸物肉丸咁，啲餡就好一般，好似普通超市會買到嘅餃子。店舖環境佈置幾好，係張櫈有啲硬，cushion薄到用唔用都無分別咁。睇到員工耐心解答顧客問題。睇得出哩間嘢食物/服務無問題，但喺啲細節處理未夠好，希望會向好處繼續發展。

原本好想嚟呢間「六味屋」試吓佢哋嘅［青檸醬油涼麵］不過原來係期間限定，仲要係舊年暑假出😅，睇餐牌俾一款［西京味噌蜂蜜金団拉麵］吸引住🤩，不過我始終都係第一次嚟呢間食，所以都係諗住叫啲安全牌食先，如果真好嘅⋯⋯下次先試。今次我就叫咗碗［濃厚雞白湯拉麵］，碗拉麵嚟到嘅時候個樣同餐牌上張係一樣🥰還原度100%已經好加分，首先證明佢哋好用心去做👍🏻。碗麵有一塊豚肉叉燒、兩片雞肉叉燒、半隻蛋等。我先喝第一口湯，嘩！🥰好味，雞白湯很濃，不鹹，我立即想把湯全部喝完，真的好味👍🏻。拉麵是幼麵，有Q度，不錯。雞叉燒算嫩不柴。而豚肉叉燒就跟現在很多拉麵的不同，它不是薄片，它是有厚度，而且豚肉是有彈性的，不是很軟的呢種，偏傳統那種，也是好吃的😋。整體上我真的好喜歡，應該很快會有下次😘。

出名多日本人住的地區，梗係要試吓啲嘢掂唔掂啦。橫濱家系醬油拉麵，好濃，有別於一般，佢係用豚骨湯加雞白湯，雙重味，有蛋同紫菜。湯好味，但麵質一般，用普通拉麵。西京味噌蜂蜜金團拉麵，衣個好得意雞白湯加了蜂蜜，小小咸帶有小小甜，又唔肥膩，重點係好多牛蒡絲，增加了口感，軟硬剛好。薯仔蓉凍的，就咁食都幾好味，甜甜哋，溝溶了就分別不大。叉燒就硬咗啲。麵都係一般咁。第一次食甜拉麵有驚喜。佢每個月都有特色款，如果再出檸檬系可能會再來。

今日去試太古城新開間拉麵店提供種味道嘅湯底鹹、辣、鮮、甜、酸、苦, 十分特別，餐廳環境都好似去左日本咁，檸檬🍋鯛魚清湯拉麵 鯛魚熬製成清湯,鯛魚湯嘅鮮味配上檸檬汁，令味道更突出,肥美蜆肉做配料清新,麵幼身麵條滑溜白醬油昆布拉麵湯底香濃帶有淡淡鹹鮮味，慢煮日本鹿兒島雞肉叉燒肉質多汁嫩滑，使用札幌拉麵麵條爽滑彈牙！日式煎餃子🥟去日本餐廳必食小食，餃子皮薄入面多肉汁炸雞呢款小食比較麻麻，炸粉比較厚身，時間比較炸得耐，有少少乾身

今日去開郵局寄信, 一於試一試呢個拉麵. 午飯時間都唔使排隊, 係幾方便. 我叫左個$88　拉麵, 麵同湯都夠熱, 但材料係凍嘅, 扣左分… 食完之後我仲肚痾🙈 希望唔係關碗拉麵事…不過值得一讚係店員都好好人👍🏻

最近都一直想食拉麵.醒起一間新開去試咗嘅拉麵.味道破格😲🍜以甜.酸.苦.辣.鹹.鮮.六款口味為主題湯底.➿ 三河八丁味噌拉麵苦瓜又叫半生瓜🥒要有返一定嘅年紀先會接受到😂所以可以話係苦味擔當!!🍜以半肥瘦鹿兒島豚角煮叉燒,苦瓜片,苦瓜蓉,牛蒡,白髪蔥做配料.原來三河八丁味噌味道濃厚.其實中和左苦瓜肉同苦瓜蓉既苦味.兩者平衡到.幾特別..➿檸檬鯛魚清湯拉麵想食返清淡一點可以試檸檬鯛魚清湯拉麵.以酸為主🍋湯頭清甜.蜆肉飽滿略嫌顯肉未夠飽滿.正常發揮.而且拉麵店湯碗比較淺.份量亦都相對冇想像中咁飽肚..➿三河八丁味噌拉麵 ᴍɪᴋᴀᴡᴀ ʜᴀᴛᴄʜᴏ ᴍɪsᴏ ʀᴀᴍᴇɴ ʜᴋᴅ 𝟿𝟾➿檸檬鯛魚清湯拉麵 sɴᴀᴘᴘᴇʀ sᴏᴜᴘ ᴡɪᴛʜ ʟᴇᴍᴏɴ ʜᴋᴅ 𝟷𝟷𝟾--#毒你食#毒食太古#毒遊太古.(.❛ ᴗ ❛.) foodiepoison👩‍🍳  整體味道: 7/10💸  性價比: 7/10📸  打卡指數: 7.5/10🤵🏼  環境服務: 7/10🤔  推薦指數: 7/10

裝修跟一般市面見到的日式餐廳差不多。不過就有著人情味的店舖，像是一間家庭式的鋪。有一個上年紀的侍應，不過態度親切有禮，是令人喜歡的。拉麵的種類很多，不過主打六款。看似是人生六味。不過呢，每一款都比較特別，我就選咗鯖魚湯檸檬拉麵。等待期間，兩位師傅大聲拉下口罩交談，確實讓人感到煩躁，畢竟工作一天都想休息一下。拉麵的湯底有魚香，不過鯹味亦重，加上檸檬的確能平衡返。麵質一般，是普通的拉麵有著兒時平價拉麵的感覺，有情懷卻普通。加上雞肉一片，肉質偏‘鞋’，大蛤幾隻，加強了鮮味，但係就滿足不了肚子。檸檬卻莫名地多，拍照可以但看不到用途，難道我要吃一片？加上一隻味蛋，收費要$15 有點偏貴。最後埋單，連加一 $127。 性價比很低。

青檸醬油涼麵 $78夏日祭既特別版涼麵🎐咁熱嘅天氣配一碗凍嘅涼麵真係好正🤤 青檸既清爽配蘿蔔蓉一齊食～別有一番風味🥰雞肉都好嫩滑～店員話可以配沙律醬食，我哋覺得係濃d都幾特別，可以一試～濃厚雞白湯拉麵 $88聞落去有明顯雞既香味，好濃好順，特別一讚嘅係佢嘅糖心蛋，算係我近期食過最好食嘅糖心蛋🥹❤️而且食完成個麵都唔會口乾 ～我哋叫左3款祭典小食，全部都係$38唐揚魷魚圈伴雙色蛋黃醬好酥脆，魷魚味都好明顯。配埋佢地夏日祭既檸檬酒，超爽🤩🤤必試！章魚燒好似去咗日本興典既感覺日式甜醬油丸子再食多次都仲係覺得好好食🍡檸檬水燒酎梳打 $38唔太飲得酒既朋友都可以試吓，因為唔會太難入口～原味乳酸梳打 $18唔飲酒嘅朋友試吓🤭❤️特別想講既係店員姐姐超好人，好細心解釋每一道菜，淨係服務都值得再幫襯！

係太古城中心嘅外圍，有一間日本餐廳🇯🇵燈光柔和，神還原日本居酒屋裝修🎎店外仲掛住彩色嘅燈籠🏮點解餐廳取名“六味屋”呢?原來餐廳用六種味道---甜酸苦辣鹹鮮，製作出主餐牌嘅六款味道拉麵。由8月8日至9月15日嘅下午3點後，餐廳仲有期間限定夏祭餐牌🌞想試下日本夏祭傳統美食嘅朋友記得把握時間啦～🍋酸---檸檬鯛魚清湯拉麵 $98雖然呢款拉麵嘅主題係“酸”，但湯底本身係鯛魚清湯，所以係唔酸嘅。上面加左新鮮檸檬，食客就可因應自己想食酸嘅程度而決定篤幾多檸檬。湯底有魚嘅鹹鮮味，融合檸檬嘅清香👍🏻雞肉冇咩脂肪，都整到非常嫩滑。蜆鮮甜大隻無沙，好食😋🐟青檸醬油涼麵 $78湯底係鯛魚醬油清湯，比上一款拉麵會重味少少，成個麵都好清涼，拉麵煙韌彈牙，有蛋香味。🐔雞肉同上，兩個字“出色”，加埋新鮮青檸，果然係夏天嘅開胃美食🌞🎆花火壽司盛 $198以煙花嘅顏色為藍本🎆色彩繽紛，又係igable嘅美食📸有吞拿魚、三文魚、香蔥吞拿魚碎、熟蝦壽司🦐黃蘿蔔小卷、玉子等。當中以三文魚壽司最出色，雖然唔係腩，但都有好香嘅鮮味同油香😍吞拿魚都唔係腩，但都唔會有腥味，依啲咪食得出嘅鮮味囉😋🦑唐揚魷魚圈伴雙色蛋黃醬 $38蜜糖芥

店內裝飾以木材為主，燈光微暗，環境寧靜寬敞，最適合同朋友一邊品嚐美食一邊偈。由8月8日至9月15日，餐廳有特別嘅夏祭餐牌，想試下清涼嘅傳統日式美食記得把握機會。青檸醬油涼麵 $78湯底係鯛魚醬油清湯，成個麵都好清涼，加上新鮮青檸，呢款開胃美食最適合夏天冇咩胃口嘅朋友，拉麵口感彈牙👍🏻花火壽司盛 $198賣相非常吸引，有三文魚、吞拿魚、香蔥吞拿魚碎、熟蝦壽司、黃蘿蔔小卷、玉子等。用料新鮮，魚帶油香。福岡蕃茄蜜糖漬 $38清爽完熟蕃茄配搭蜜糖同薑，香甜開胃菜。唐揚魷魚圈伴雙色蛋黃醬 $38兩種醬一邊係蜜糖芥末蛋黃醬，一邊係蟹籽蛋黃醬，同魷魚圈一齊食係絕配。日式甜醬油團子 $38軟糯嘅團子，淋上鹹甜日本醬油，再加上少少焦香，好食。章魚燒 $38章魚燒外脆內軟，入面有大大粒章魚粒，加上木魚碎同特製醬油，黎呢度一定要試下。北海道薯角伴柚子蜜糖 $38薯角只係輕輕燒過，冇出面一般嘅炸薯角咁熱氣，加上清甜蜜糖，完美配搭👍🏻Mega檸檬水燒酌梳打 $58清新飲品配搭，甜酸度適中，食到飽飽地嘅時候飲啖，消滯開胃，又可以繼續食🤣水蕃茄 Red Eye $58蕃茄同啤酒嘅新鮮配搭，兩種味道都濃，鍾意蕃茄同啤

太古返工既好友,今午帶我到六味屋食拉麵.近來,舉辦夏祭活動期間,8月8日至9月15日,有一款推介清爽拉麵(青檸醬油涼麵), 同9款祭典小食.青檸醬油涼麵,鯛魚湯底,清而不淡既魚味,加上清香既青檸,令我想起在東南亞生活時期,每餐把青檸汁灑在餸菜上,清爽清香. 最後整湯我全都飲下.三沙八丁味噌拉麵,係朋友最愛,我分佢一小碟來試試,炙豚肉特別香口, 味噌湯底濃香,配上苦瓜片帶出點甘苦,碎葱帶上青葱香,令整碗拉麵,不覺肥膩感覺.我一邊飲檸檬燒酎梳打,朋友飲冰番茄Red Eye(Beer+番茄),一面吹水,一面追叫追食章魚燒,唐揚魷魚圈拌雙色蛋黃醬,大學芋,北海道薯角伴柚子蜜糖.開心過咗一個午餐.值得帶一班朋友來,點多幾款,大家share試多幾款.

太古人氣拉麵小店夏日祭開鑼！🎏1. 青檸醬油凉麵 $78十分清爽冰涼 個麵十分Q彈彈牙 食落涼浸浸 個湯底又酸酸味味咁 面頭有少少七味粉同雞麻油點綴 好fresh 好清新得黎都有啲咸咸地嘅調味 而個雞肉都幾腍 夏日之選2. 濃厚雞白湯拉麵 $88好濃厚嘅雞湯 果然係店內no1 個湯飲落濃得黎唔太厚 所以幾舒服幾smooth 個唐心蛋幾正 蛋黃好流心蛋味出 個雞肉同上面一樣 唔錯3. 福岡番茄蜜糖漬 $38又一個夏日清爽之選 甜甜地酸酸地 好解膩4. 北海道薯角伴柚子蜜糖 $38幾鍾意個薯角 外皮脆 入面又腍 個薯香味又重 加埋蜜糖 甜甜地 好過癮5. MEGA大蔥雞肉串 $38雞肉幾嫩 燒得唔錯6. 大學芋 $38有啲拔絲甜薯嘅感覺 好味7. 唐揚炸雞伴五色他他醬 $38雞肉酥脆 個他他醬整得幾好 個沙律醬嘅酸味甜味拿捏幾好8. 檸檬水HIGH BALL /檸檬水燒酌梳打 $38兩個都超多檸檬 係highball whiskey 嘅酒味出啲 另外個個就冇咁重酒味 啱晒啲唔太飲得嘅朋友………………………….🌝夏日祭活動嘢食幾特別（衣家去到15/9）都幾抵食🌚位於太古城嘅民居樓下……………

青檸醬油涼麵涼麵爽口彈牙，上面啲雞肉好軟嫩，夾埋個清澈帶點咸咸酸酸既湯底，透心涼之餘仲開埋個胃口！隨麵附上既蛋黃醬，可以自由添加落麵或者雞肉一齊食，都幾夾喎！大學芋芋頭本身都甜，外層加上糖水，甜味多個層次🤩Mega大蔥雞肉燒過既大蔥甜味出咗黎更加好食，雞肉保持到水份，調味適中😋唐揚炸雞伴五色他他醬炸雞外層脆脆地，醬汁幾香，送酒一流👍😋唐揚魷魚圈伴雙色蛋黃醬魷魚無冰鮮味，雙色醬，明太子醬同wasabi醬，一食兩味，抵食😋😋章魚燒 外層焦脆，內層香軟，我覺得同坊間小食店相比，佢個質素可能更好一點😋😋冰番茄red eye睇落好茄紅色，飲落茄味唔會太突出，係任何人都接受到既水平🤩檸檬冰 high ball檸檬好多好重手😂，飲落檸檬味好香，好清爽！夏祭活動日期：8/8/2023-15/9/2023每日15:00後供應，記得要食就快啦！  以上食物都有夏祭推廣優惠，除咗拉麵同飲品，其他食物都係$38！