六游

营业中

休息中

是日又去中環食好西🤤🤤今次揀咗間上海麵🍜試試佢見佢嘅menu幾日式 擺碟好似拉麵咁 睇落好正😋店舖名叫「六游」 位於1樓 裝潢走木系文青風格牆上貼滿與音樂🎼相關嘅相仲掛咗一幅超大超吸睛嘅黑板畫 畫上霓虹招牌、龍、港產片字句 充滿港式情懷聽店主講 原來係佢特意拜託朋友畫嘅👍🏻而想睇風景嘅朋友可以坐近窗邊嘅bar枱 超寫意六游雞湯上海麵🍜（$82）自家製雞湯用上6至7小時熬煮而成質感濃稠 味道濃郁一問之下 店主就將佢嘅故事娓娓道來起初佢只係一個忙碌嘅上班族因為想自立門戶 所以用近2年時間邊返工邊研究湯底配方大半年前就辭工全心全意投入開鋪👍🏻除咗麵食🍜 呢度仲有冷、熱小食各三款 我哋揀咗其中3樣試下🤤莎莎豆腐（$28）第一次見呢個配搭個莎莎亦殊不簡單 以番茄🍅同茄子蓉🍆加上不同嘅醬汁製成 酸酸甜甜幾開胃蟹肉黃金蓮藕（$38）蓮藕好爽脆 加上蟹肉 令味道更上一層樓焦糖蕃薯🍠（$42）蕃薯條加上焦糖之後 黏口得嚟又甜甜地

好有驚喜！個人好鍾意個香辣雞湯上海麵，自家熬制雞湯加袐制辣油(辣度可以特別要求，我嗌左大辣)，辣汁好香！有辣味得黎唔會蓋過本身湯嘅味道，濃而不膩，雞肉醃得好味，配埋炸蒜非常惹味👅！湯麵有煎蓮藕做配菜，夾埋上海麵，幾特別👍🏻三鮮魚湯麵就相對清啲，但味道好鮮甜，絕對會想一啖又一啖飲晒成碗湯👍🏻😋愛飲湯人必揀小食特別推薦蟹肉黃金蓮藕&焦糖蕃薯，煎得好香，黃金蟹肉醬係廚師特製，must try！！

老公帶我試新嘢，係有日式feel的上海麵雞湯上海麵麵軟硬適中，雞肉唔肥，湯好好味，食完都唔口渴，又唔油膩一啲罪惡感都冇。配蓮藕片、雲耳、洋蔥感覺唔錯，賣相都吸引。三鮮魚湯上海麵賣相同雞湯麵差唔多，湯濃，配麵唔鹹剛剛好。老公好鐘意個湯底並要求加湯，店員好好，加多一小碗比佢，仲好夠熱好正。小食雲耳萵荀萵荀爽口，好食蟹肉蓮藕本身唔食蓮藕，但又幾好食，我對蓮藕改觀環境唔錯，我哋坐窗邊睇窗景，呢度對正壁畫街，睇住遊客影相打卡好得意，另有一番風味。

雞白湯超正👍食完唔口渴冇味精😋中環隱世小店必吃之選👍 海鮮湯濃郁有鮮味👍👍簡單有質素👍👍下次自己一條友食都ok... 環境幾好...服務哥哥好nice 又好傾😄 起碼有禮貌囉...會再過嚟食😊 人多最好預約...食咗2次..小食都非常唔錯..聽聞係店主每天新鮮入食材😱 性價比高...同一價錢呢個質素中環好少...同區好似都冇呢類麵食... 食lunch好適合(特別係一支公🫠)...**建議搭中環長電梯到最高處再行落去🤣

岩岩去完日本瘋狂食拉麵落機同朋友經過中環搵野食， 諗住試下其他野，經過壁畫個邊誤打誤撞入左呢間新開既鋪頭試左個雞湯，朋友試個海鮮湯，再加多份小食個湯底好濃好正，係日本食拉麵食完會有小小口喝，呢間飲晒碗湯都無問題非常推介個雞，好耐未食過唔鞋既雞，做開gym既真係要試下，好食既雞肉唔係咁容易搵到麵底就好岩我，河粉既形狀，q彈既口感小食就好有驚喜，唔講咁多，一定要試下萵荀木耳😋😋店員有禮，個fd倒瀉水都第一時間幫我地處理

改日行返屋企見到有間新鋪開張，門面好靚有打卡feel，上到去個環境比較開陽，舒服，我一個人叫咗一碗麵同埋一款小食，碗麵食得出個廚師有俾心機去整真材實料，碗湯係有膠質會黏口，小食就正常OK，下次會再去食，我見冇乜客咁樣同個老細傾過偈，老細話佢每日晨咁早返去打佢個碗湯，同埋每日嗰啲嘢都係新鮮朝頭早整定，其他兩款海鮮湯同埋辣湯底，下次一定會去食埋，同埋佢其他款式嘅小食，如果佢嘢飲方面多啲日本嘢揀我會開心啲