六福菜館

营业中

休息中

天氣好好！今晚同朋友到西貢六福酒家聚餐～椒鹽奇脆豆腐 6件 $60 外層椒鹽超薄皮，而且仲超級脆！入口外脆內嫩，裡面豆腐好滑溜，即刻食會有啲熱！超好味同埋好抵食！😍😍 西貢地道魚湯 (一窩) $248大大窩新鮮魚湯，招牌蕃茄魚湯🍅 湯底鮮美魚味濃郁，濃郁嘅魚味，而且湯底無油好清！有住家魚湯味！米湯低溫慢煮元貝 (每人一隻） $540 6隻元貝肉大大粒，入口甜鮮嫩口，配搭清甜米湯，師傅用低溫烹煮可以保留原汁原味，好滿足啊🥰🥰魚湯粉絲浸花甲 粉絲吸收哂魚湯精華，花甲啖啖肉夠鮮香，口感滑嫩，感受到海鮮鮮甜與滑順～🦪椒鹽焗大連鮮鮑魚 (每人一隻） $570 6隻大大隻鮑魚！椒鹽鮑魚肉質超厚入口彈牙鮮美，椒鹽香氣濃郁，外層微焦，內裡嫩滑，估唔到咁大隻鮑魚保持到彈牙！🍖客家鹹菜木耳炆腩仔 自家製辣椒油 $188腩仔肉半肥瘦飲肉質軟腍，調味剛剛好！木耳增添口感，底部有鹹酸菜提味，配搭自家辣椒油令人驚喜🤩🍆蒜蓉粉絲蒸茄子 $148表面鋪滿蒜蓉同粉絲，底部喺已去皮嘅茄子🍆蒜蓉香濃粉絲吸附鮮美汁液，茄子清新又不油膩，好惹味呀🥰🥰 薑蔥鮑魚煲仔炒飯 $480炒飯香氣撲鼻，鮑魚鮮嫩，薑蔥提味，米

在呢度食海鮮午餐、晚餐就多，都係睇你識唔識叫嘢食，你識點菜就唔算好貴，其實我都無留意，原來依家有個仲平啲嘅午市套餐(每位$198，最少2位起，已包茶芥加一)，仲要有唔少選擇，份量也不少，而且水準都唔差。午市套餐有分A)-F)項，A)項必定是粟米魚肚羹及F)項必定是上湯浸時蔬；B項可以有5款選擇，有蜜糖雞翼、芥末鮮雲耳、涼拌四季豆、黑醋拍青瓜及醬爆虎皮尖椒(3位客人內就選2款，而4位客人起就可以選3款)；C項同樣有5款選擇，可以選擇其中1款，有椒鹽焗大連鮑魚、豉椒炒蟶子皇、蒜蓉粉絲蒸元貝、天婦羅桶蠔及椒鹽鮮魷；D項就有8款選擇，如果有4個人起就可以選擇其中1款，有梅菜蒸肉餅、三色蒸水蛋、醬爆尖椒牛肉、蒜蓉粉絲蒸茄子、照燒汁炒雜菌、豉油王炒腸粉、蜜糖欖角骨及山扣北菇雞腳；E項同樣有8款選擇，可以選擇其中1款有鹹魚雞粒炒飯、瑞士汁炒牛河、鮮黃薑菜粒炒飯、濃湯肉碎泡飯、欖菜肉鬆炒飯、鮑汁炆伊麵、蟹籽海鮮炒飯及瑤柱蛋白炒飯。由於我們4個人，所以點了4人份量，B項就點了芥末鮮雲耳、黑醋拍青瓜及醬爆虎皮尖椒；而C項就點了名物椒鹽焗大連鮑魚；因為我們有4個人，所以D項可以點1款，於是我們點了又是名物的

朋友話有個飲食達人話西貢最早出名嘅係蒸鮑魚，反而唔係椒鹽鮑魚，爭論之下我覺得可能我未夠識食，唔係達人，不如約一齊去食啦，試下咩鮑魚最好食，於是又來到六福。每次都必點嘅係西貢地道魚湯同椒鹽奇脆豆腐，重點係每次都唔會失手，最重要嘅係個椒鹽豆腐真係非常好食。椒鹽豆腐食得多，反而第一次食椒鹽鮮魷，唔夠膽講佢好有特色，但入口夠香口夠好食係唔需要懷疑。應該第一次遇上呢個整法，米湯低溫慢煮元貝，個人覺得就好似食緊一個元貝粥咁，不過以Fusion咁嘅presentation 出發。我當然要椒鹽焗大連鮮鮑魚，因為坐上客未吃過，表現一如既往，正。蜜糖欖角骨同客家鹹菜木耳炆腩仔食咗咁多次都好似冇一次試晒兩樣，但今次食完都好驚喜，原來呢度唔止海鮮係咁出色。我未試過食蠔食到咁滿足，天婦羅桶蠔生菜包大到不得了，用上新鮮雞嘅脆皮風沙雞又係一絕，直頭覺得係俾海鮮耽誤左，應該要做多啲非海鮮嘅菜式。蒜蓉粉絲蒸茄子換上了非海鮮嘅做法，又係值得一試，個感覺真係好似蒜蓉粉絲蒸蟶子咁，未食過要點。最新推出另一個鮑魚傑作，薑蔥鮑魚焗飯我地用上了4隻大連鮑魚，勁多薑同蔥，再加埋牛油，呢個又係一個必點嘅新菜式。似乎真係要試下搞番局啦，

去海鮮街都離不開呢幾個地方，分別有油塘鯉魚門屯門三聖同西貢碼頭，當然各有各出色嘅海鮮街參觀之餘，仲可以食到鮮味十足海鮮，至於今次去咗西貢係碼頭沿途一帶雖然已有多間海鮮酒家不過今次我哋嘅目標係西貢米芝蓮食肆，就係喺海鮮街牌坊行入市場街嘅六福菜館，喺門面已睇到佢連續多年獲得米芝蓮一星榮譽，已經證明廚藝出眾，我哋都急不及待入去享用，餐牌除咗有各款美食菜式仲有2人同4人套餐提供，我哋都散點了幾款特色招牌菜可以食多幾款口味，而且上菜都係順住次序先來有呢款蕃茄薯仔地道魚湯係一窩上都係$248 ，份量都有返咁上下，入口已飲到香濃鮮味魚湯，鮮甜十足仲可以飲多一碗滋潤美食開始陸續嚟，有推介小菜椒鹽奇脆豆腐12件$120，表面皮脆可口入面滑溜香軟口感食落好惹味再來係天婦羅桶蠔生菜包，賣相夠吸引大大件，粉漿炸得好鬆脆，輕輕已食到飽滿嘅蠔肉滿口啖啖肉汁之後有椒鹽焗南非鮑魚（3隻）$480連加工費$120，南非鮑魚果然肉身豐厚之餘，我估應該係三頭鮑所以先至咁大隻，灑滿粒粒蒜香，切開已見軟滑肉質口感十足鮮味除咗食海鮮又可以品嚐一下呢款客家鹹菜木耳炆腩仔，睇落去好似好肥好多脂肪，但食一啖包你上癮，入口即溶化，色香味

在香港想食海鮮，好自然會想起西貢，西貢海邊有很多x記，作為遊客，望住個海食的確別有風味，但若然講究廚藝及質素，連續15年獲得米芝蓮一星的六福菜館，才是真正的理想選擇。並不講求花巧及賣相，心思放食材及烹調技巧上，秋高氣爽的這個週末，我們一行三人專誠去朝聖，點了多款招牌，吃得滿意滿足。西貢地道魚湯 $248是以番茄薯仔配合的濃魚湯，以十幾款魚久熬而成的奶白湯頭，真材實料，味道醇厚，配合蕃茄薯仔的酸香，更誘人食慾！先飲湯，真是個好主意。建議3人以上點一窩，此湯一碗售$80，一窩 $248 可分6碗更抵飲。椒鹽奇脆豆腐 $60 （半客6件）做得的確好，外脆內嫩，豆腐本身非常滑，椒鹽份量恰到好處，唔會過鹹，香口惹味。椒鹽焗鮑魚 $320一客3隻，大連鮑魚，都好大隻，相比來貨需$200/隻的南非鮑魚不輸蝕，味道及大小相若。六福的招牌菜，果然水準之上，焗得出色，鮑魚柔軟富彈性而不靭，椒鹽成功提味。天婦羅桶蠔生菜包（4隻）$288炸漿剛好完全包圍着桶蠔，外酥脆，內嫩爆汁，完美的口感。建議先淨食，享受酥脆原味，第二只以生菜包着吃，奇妙的效果，生菜的脆爽平衡了炸物之膩感，吃多兩件亦不飽滯。花雕蛋白蒸斑馬瀨

好耐沒有入西貢，哩日約齊好友入去食海鮮，我地去咗間連住15年米芝蓮一星海鮮酒家，睇吓我地6人點咗乜？椒鹽奇脆豆腐(6件) 外層很香脆內裡很滑溜，椒鹽調味剛剛好，哩個仲喺佢地招牌菜👍來到必食。西貢地道魚湯(一窩) 簡單食材都可以煮出咁鮮味魚湯，奶白色魚湯完全唔腥冇味精👍十足住家湯好好飲。米湯低溫慢煮元貝(每人一隻）聽店員講哩個元貝是用米水粥嘅水慢煮的，千祈不好忽略佢個米湯，非常鮮甜，元貝當然肉質爽彈👍魚湯粉絲浸花甲花甲及粉絲吸收哂鮮甜魚湯，鮮味十足😋椒鹽焗大連鮮鮑魚(每人一隻）鮑魚超厚超級彈牙🤤大隻到要用刀叉🍽客家鹹菜木耳炆腩仔腩仔夠肥先好味😋再沾上佢地自家製辣椒油🌶真喺絕配👍底層仲有酸菜，味道又好夾。蒜蓉粉絲蒸茄子滿滿蒜蓉🧄茄子吃落不會油膩感👍薑蔥鮑魚煲仔炒飯鮑魚真係有番咁上吓份量，真喺可以砌番原隻出嚟🤭炒飯底仲有飯焦香👍豉油王炒麵(例牌)炒得乾身又很香口今餐真喺超過豐富，環境又坐得舒服，各店員親切友善🥰

在繁忙的都市生活中，偶爾偷得浮生半日閒，來到西貢，享受一頓令人垂涎的海鮮餐，無疑是最奢侈的享受之一。隱藏於後街的「六福菜館」，自2006年開業以來，以其家庭式的溫馨氛圍和新鮮的海產，吸引了無數食客的光臨。更令人驚喜的是，自2010年以來，這裡連續15年榮獲**米芝蓮指南（香港/澳門）一星**的殊榮。六福菜館的外觀低調樸實，與一般海鮮餐廳不同，沒有華麗的裝飾和大魚缸。三層樓的餐廳內裝潢簡潔，充滿了家庭的溫暖。坐在這裡，仿佛回到了家中，讓人感受到一種放鬆的愉悅。椒鹽奇脆豆腐這道開胃小食以外酥內嫩的豆腐為主角。經過精心炸製，豆腐外表金黃酥脆，裡面卻保持了柔軟的口感。椒鹽的香氣四溢，搭配微微的辣味，讓人一口接一口，難以抵擋。這道菜不僅能喚醒味蕾，更是完美的開胃選擇。薑蔥炒蟶子皇這道菜以鮮嫩的蟶子為主料，搭配薑絲和蔥段，呈現出海鮮的鮮美。蟶子經過快速翻炒，保持了其嫩滑的口感，薑蔥的香氣則為整道菜增添了層次感。每一口都能讓人品味到海鮮的原汁原味，令人陶醉。椒鹽焗鮑魚鮑魚是海鮮中的瑰寶，而這道椒鹽焗鮑魚則將其鮮甜可口的特性發揮到極致。鮑魚在焗製過程中，吸收了椒鹽的香氣，外層微微焦脆，內裡卻保持了多汁

嚟到西貢食海鮮，我一定會推薦「六福菜館」！佢哋已經連續四年攞到米芝蓮，最重要係，味道始終如一，食咗多年，都仲係咁好食！！！而且呢到d服務態度超好，超nice，又會主動問你食得好唔好，甚至講解今次海鮮嘅來源，讓你感受到佢哋對食材嘅重視今次佢地出咗4人海鮮套餐，真係好抵🥹 以前得散叫嫁咋！仲要套餐入面都係我平時食開嘅野！椒鹽奇脆豆腐（8件） 以我所知係香港第一間整嘅椒鹽豆腐，豆腐外皮炸到金黃色，外脆內嫩，椒鹽味道控制得好，皮薄，唔會過鹹。薑蔥炒蟶子王（4隻）我另配左米粉底！呢碟菜係我時不時都會番黎食！蟶子王真係大隻，好多薑蔥炒所以超入味，精粹係個炒米粉，因為會炒到好似啲麵餅咁脆卜卜，仲吸哂啲汁，食落好入味。 超級推薦⭐️椒鹽焗鮑魚（4隻） 呢碟又係我平時食開，鮑魚大隻又彈牙，薄薄椒鹽吊味，唔會搶左個鮮味，反而鹹香惹味鮑魚更好食天婦羅桶蠔生菜包（4隻） 炸到金黃色嘅桶蠔，一拎上手有我半塊面咁大！配埋新鮮生菜，唔會咁漏 。炸蠔外脆內軟，天婦羅非常鬆化，蠔嘅鮮味完全保留，食落去好正。上湯焗開邊龍蝦（2隻）配伊麵 龍蝦肉鮮甜彈牙，配埋伊麵吸晒上湯，食到好飽都停唔到口鮮菠蘿生炒骨排骨炸得啱啱好

weekend放假我特登入去西貢chill吓，一場嚟到西貢冇理由唔食海鮮㗎，所以夜晚嚟到呢間米芝蓮推介嘅海鮮餐廳，試吓啲海鮮有幾正先。😍**椒鹽奇脆豆腐**(8件)賣相一流，豆腐炸到金黃色，仲勁脆口添，咬落去「卜卜脆」聲就知佢咩料。個椒鹽味調得岩岩好，唔會太鹹，又唔會太淡，簡直係完美配搭。😋**薑蔥炒蟶子王**(4隻) 配粉絲呢啲蟶子王真係勁大隻呀。肥美多汁，仲好鮮甜。薑蔥嘅香味同蟶子王嘅鮮味完美融合，簡直係人間美味。粉絲都吸晒啲湯汁，食落去好入味。☺️**椒鹽焗鮑魚**(4隻) 呢啲鮑魚個size都幾大吓，隻隻都肥嘟嘟，彈牙十足，絕對唔會好韌。椒鹽嘅香味滲入鮑魚裏面，鹹香惹味。😳**天婦羅桶蠔生菜包**(4隻)炸到金黃色嘅桶蠔，配上新鮮嘅生菜，再點埋個沙律醬，真係一流。桶蠔size真係超級大隻，仲大過我手掌，而且炸得啱啱好，外脆內軟，蠔嘅鮮味完全保留住。生菜包住桶蠔一齊食，口感豐富，又解膩！🦪**上湯焗開邊龍蝦**(2隻) 配伊麵龍蝦肉鮮甜彈牙，上湯嘅味道好濃郁，配埋伊麵，簡直係絕配。伊麵吸晒啲湯汁，食落去好入味。🦞**鮮菠蘿生炒骨**酸酸甜甜嘅菠蘿配上香脆嘅排骨，真係好開胃！排骨炸粉

好耐都冇嚟西貢，趁住放假，嚟行吓街，食個lunch～經過見到呢間米芝蓮一星嘅中菜館，好想嚟試下～菠蘿生炒骨一大碟生炒骨，仲有半個大菠蘿做伴碟🍍酸酸甜甜嘅菠蘿配埋炒得好香嘅排骨肉，好香嘅外皮，仲有燈籠椒🫑成個配搭好正薑蔥炒蟶子王四隻好多薑蔥夾埋新鮮嘅蟶子炒得好香好有鑊氣，幾鍾意蟶子嘅口感，幾有鮮味～我哋好快就清咗碟，連啲蔥都食埋添上湯焗西澳海邊龍蝦配伊麵四隻有四隻好大隻嘅龍蝦🦞同一大碟伊麵～龍蝦肉好新鮮好嫩滑，食落覺得啖啖肉，好入味～食得出龍蝦嘅鮮味，幾鍾意佢嘅伊麵，醬汁配搭得好好椰汁糯米糕四件椰汁糕，食落有好香嘅椰汁味，入面仲有糯米，層次分明，甜甜地，作為飯後甜品十分滿足餐廳嘅職員服務態度好好食物一流，唔怪之得呢間餐廳獲得10幾年米芝蓮一星嘅殊榮，好值得一試

趁着禮拜日放假，約咗幾個朋友嚟到西貢行街，順便食個lunch～喺西貢市場街度揀咗一間米芝蓮中菜館，我哋叫咗個四人餐包埋加一同茶芥，只需要$3288，呢個價錢都唔錯脆皮豆腐八件一磚磚炸得好香嘅豆腐，外皮好香脆，入面係熱辣辣嘅豆腐～好嫩滑嘅豆腐，幾鍾意佢嘅椒鹽外皮，外脆內軟，幾正椒鹽焗鮑魚四隻四大隻鮑魚，有一粒粒椒鹽喺面，食落覺得好香，鮑魚煙煙韌韌，好新鮮嘅感覺，幾有咬口天婦羅桶蠔四隻炸到金黃色嘅大蠔🦪外皮好香脆，食落啲蠔肉好Juicy，一咬啲肉汁就流晒出嚟，好豐富嘅口感，配埋佢嘅沙律醬，仲有生菜包住，我哋食得好滋味米湯浸時蔬一大碗上湯煮菜心，菜心食落覺得好爽口，佢嘅上湯好入味，好健康嘅菜式

今次我同朋友去咗西貢呢間海鮮酒家，食左一個4人海鮮餐，份量好夠幾抵食。1. 椒鹽奇脆豆腐：新鮮整出黎，熱辣辣，外脆內軟，好好食！2. 薑蔥炒蟶子皇：蟶子肉質煮得剛好，薑蔥亦都好好食。3. 椒鹽焗鮑魚：椒鹽粉薄薄包住鮑魚，唔會太厚，肉質爽口，椒鹽味恰到好處唔會太鹹！4. 天婦羅桶蠔生菜包：桶蠔好大隻，入面炸得剛剛好，天婦羅粉亦唔會太厚，包入生菜中一齊食，口感層次分明，大讚！5. 上湯開邊龍蝦伴伊麵：龍蝦肉質煮得剛剛好，伊麵正常發揮。6. 鮮菠蘿生炒骨：生炒骨唔會太厚粉，正常發揮都幾好食。整體來講，呢間酒家性價比都算高，海鮮新鮮好味，下次可以再黎！

公司今年預約左間星級海鮮酒家做冬，超期待喔！大顆兒準時7點去到，阿頭已經揀好晒海鮮餸菜，我們坐低等吃就可以。黃金脆豆腐看似平凡的脆炸豆腐，一放入口卻令人驚喜萬分，裹住豆腐的一層脆皮雖薄卻脆，鬆化香口，入口不油不膩。白灼海中蝦蝦肉鮮甜，簡單白灼沾上調味豉油，味道已經非常鮮美。豉椒炒蟶子煎米粉一上枱已經聞到豉椒香氣，店員提醒先吃蟶子，蟶子爽嫩鮮甜，煎米粉香脆焦香，米香味十足，而且吸收了豉椒香氣，兩者非常之夾，令人食指大動。椒鹽焗鮑魚今次用上大連鮑魚，鮑魚椒鹽香氣滿溢，入口辛香惹味，鮑魚食落味鮮肉嫩，肉質爽彈。芝士龍蝦伊麵芝士龍蝦伊麵芝士味道剛剛好，讓每一條麵條吸收到芝士的味道而且又不會太杰身，咸香味俱全，龍蝦肉爽嫩鮮甜，口感彈牙。欖角蜜糖骨欖角的味道特別又帶甜絲絲，醬汁薄薄的掛滿整件蜜糖骨，入口香脆，完全做到外脆內軟的口感，肉汁豐富。

上星期屋企人食飯揾左呢間係西貢連續拎左15年米芝蓮一星嘅六福菜館😍之前間唔中會去西貢食海鮮，但係呢間餐廳第一次去，位置就係海鮮街牌坊行入少少😙入面有3層都幾大，而且服務都幾好😌🔻首先一定要叫嘅係西貢地道海鮮魚湯（$248）🐟，店員話啲魚係漁民每朝早新鮮捉嘅，個湯完全冇落任何味精，入面加左啲蕃茄，飲落好鮮甜💯💯💯超級推介！🔻然後就係佢嘅脆皮風沙雞，呢個記得要預先訂，份量都幾多，可以揀半隻/一隻，雞皮炸到好脆，隻雞有少少肥，但好好食😋🔻椒鹽奇脆豆腐（$60/半份），呢個都係店員推介，有例牌/半份揀，個皮又係炸到好脆，入面嘅豆腐好嫩滑！😚🔻西貢艇仔蒸飯（$288例牌），呢個飯都好特別，店員叫我地唔好撈勻，個飯其實好香啲海鮮味，上面鋪左好多材料，例如魷魚、白飯魚仔，蝦乾等，好入味👍🏼🔻另外仲叫左鮮菠蘿生炒骨、蒸扇貝、陳皮蒸飽魚等，每樣都唔錯😉😉😉

朋友們一直想食連續15年嘅米芝蓮六福菜館，上星期終於約齊人，好感動。黎到當要試必飲嘅西貢地道魚湯，看似簡單，裡面有大量嘅蕃茄，湯頭煲到勁濃郁，入口勁鮮甜，忍唔住要忍多碗。椒鹽奇脆豆腐勁出色的一道菜，件件炸得金黃酥脆，表面薄脆入唔會油膩的感覺，重點唔係一夾就散，內裡豆腐勁細嫰。椒鹽鮮魷(例牌)點左一份例牌，份量都幾多，炸得剛剛好，入口酥脆，鮮魷一D都無炸過龍，肉質嫰滑。椒鹽焗大連鮮鮑魚一上枱已相當吸睛，件件手掌咁大隻，入口帶少少椒鹽鹹香，而且外脆內嫰，鮑魚厚肉，且勁鮮甜彈牙，真係不得了。客家鹹菜木耳炆腩仔估唔到佢地炆腩仔都有一手，調味剛剛好，腩仔肉質好稔滑，一啲油膩感都無，配埋木耳鹹菜一齊食，真係好惹味，配飯一流。天婦羅桶蠔生菜包佢地d炸物真係相當有水準，表層皮薄酥脆，內裡蠔肉肥美，包埋新鮮生菜，層次感十足。脆皮風沙雞上枱時會另外配上南乳醬，沾上醬汁，味道更豐富、更有層次。薑蔥鮑魚焗飯 我地另加左大連鮑魚去製作，我最欣賞焗飯係用炒飯底，配埋香口嘅薑惹真係令你忍唔住食完一碗又一碗。