影片
以上资料只供参考，请与餐厅确认详情
食家推介
準時收工，呢個咁普天同慶嘅日子更係放工相約友人去睇戲，今次去平日必有位的寶石戲院睇阿拉丁，9點多散場，順便去果頭搵食，友人介紹了一間牛肉拉麵﹐主打牛肉手工蘭州拉麵，聽落幾吸引，一於試下。 友人是常客，店子未搬時已常幫襯，搬到新位置，店子大了﹐坐得舒適。 友人是常客，店子未搬時已常幫襯，搬到新位置，店子大了﹐坐得舒適。 酸菜豬肉餃子，＄20/6隻﹐店員推介餃子好味﹐一於試下，餡料酸香開胃，食落冇油膩感，幾好味呀。 牛肉手工拉麵，＄38。 據聞手工蘭州牛肉麵有多款不同形狀的麵條，分為圓形、扁平及三角，（細分有多種：毛細、柱子、薄寬、蕎麥棱等.....)唔食唔知咁講究，而呢一碗﹐夾雜了有粗有細的麵條﹐入口滑溜，彈牙煙韌﹐湯底清香，牛肉夠諗。都幾抵食呢。
继续阅读
特意走訪無它全因「蘭州」這個名字,喜歡《蘭州拉麵》這個手作已是久遠之事、毎次都能深深吸引著自己,它的柔韌口感比機械式麵條來得好,紅磡這一間放入「袋」多時終來一試。。。一位女伙記充當樓面,好招呼純熟落單聲線直飛全店，叫來一個紅燒牛肉拉麵HK$38.麵質介乎較稔身幸好不算太稔.湯底屬於較清,牛肉雖稔但部位太瘦咬起來有點黐牙至於叧一款酸菜豬肉餃子HK$20.六隻,來到之時已忘記匆匆吃下一隻,肉類比例是9比1、酸菜比例不算多不過味道還可以整體來説以這個價吃得飽又不會擰擰頭出門口算過到自己門檻。
继续阅读
仲記得以前紅磡有間「牛肉拉麵」，招牌有D求其，主打人手即叫即拉嘅牛肉拉麵，雖然間店好細，只有好似3幾個位，但係次次去都爆場，講真，無論係面定係湯底都係無得頂，本人亦是捧場客，次次食都食到見碗底，後來唔知點解（執左）。最近係網上見到原來搬左，就係麥當勞斜對面。即刻約埋幾個friend去食返餐，招牌都係簡單幾個黃色字寫住「牛肉拉麵」。入到去見到以前人全部都換曬，（心唸會唔會中伏，）拉麵個男仔換左人，但係係出面都見到師傅係度拉緊面，應該就係呢間。四個人點做一個我嘅至愛牛展拉麵，大腸拉麵，仲有蕃茄牛肉麵，小食涼拌青瓜，海帶，麻辣牛肉，同埋雙拼韭菜餃同牛肉餃。大腸滷得夠淋夠入味，份量好足，拉麵爽口譚牙，係即拉嘅，保持以前水準。牛展拉麵本人覺得最抵食份量多又好位，湯底都依然係清湯，無落味精，因為我成碗湯飲曬都唔會覺得口渴。後來👂樓面姐姐講，原來呢度有段故仔
继续阅读
今日心血來潮想去街市買餸煲下湯，去街市途中見肚餓決定填飽個肚先，行行下見到呢間牛肉拉麵記得拉麵好像即拉，9秒9入去坐底!跟手吾知叫乜好，咪上黎openrice search, 點知一search大部分評語也不好，以為中伏! 我都入左黎就點了泡椒牛肉麵，麵到了同我諗住泡椒有些不一樣，噢！點知食第一啖麵好爽qq, 牛肉好唸入味，餸份量也不少!而且見到隔離枱好多問題又吾少要求，侍應姐姐都好有禮貌，所以忍吾住要上黎寫下食評支持小店
继续阅读
行到依頭好多美食突然有感而發想食麵 又見唔洗等位就揀咗佢原先侍應介紹我地食烤魚 不過都係揀食麵餐排夠簡單 一眼睇曬而且要選擇嘅嘢唔多我叫咗個番茄牛肉拉麵 ($38)上菜都上得快 叫完等咗10分鐘就上第一眼睇落去 個腦就已經諗：點解得咁小牛肉嘅😭的確而且 佢係得~7小舊牛肉仲要瘦肉佔嘅比例少...一半都冇...論味道係ok嘅有牛味 唔會覺得佢係唔新鮮嘅肉輪到試個麵份量正常佢哋sale個麵係手打麵 新鮮又獨有睇個樣好似公仔麵不過好味好多我會話個麵挽救咗我對佢嘅第一印像因為個麵質好好食🤤好彈牙而唔易斷界乎日本拉麵同臺灣刀削麵之間至於湯底就偏鹹但係好有番茄味一定要食埋啲番茄啊👍🏻-原先想俾好評 但係餸方面真係差少少如果可以多啲牛肉嘅話就好啦不過我覺得依隻手打拉麵值得試試
继续阅读