蘭特餅店 (已搬遷) 新店位置

去這間餅店訂了個蛋糕，啲色素好勁，食完成條脷咀都變了紅色，加咗個生日牌係無生日快樂等字句，打給他説可以加上去，到取蛋糕時無加上去，再打給他態度非常惡劣，叫我去工場自己加，還請我以後不要再到店買任何物品，可能生意大咗再不用我們啲小顧客，如果去這間餅店可能做個大客對你態度可能會好小小!

行過見到呢間鋪仔細細嘅麵包舖，好多人買，有人買蛋糕又有人買曲奇，好奇心之下，都忍唔住買左個蛋糕試吓，見到佢嘅戚風蛋糕好抵食，$20有一大件，買嘅時候諗住試吓，意外好驚喜好好食！🍰日式芝士蛋糕 $22 (8/10)平時日式芝士蛋糕都好貴，起碼要$30-$40一個，$22買到真係好抵，本來都諗住平平哋過吓口癮，冇諗過咁高質咁好食😋芝士蛋糕有兩層，底層係海綿蛋糕，上面嗰層先係軟芝士，蛋糕口感比較濕潤，芝士味好香，未去到好濃，有種輕芝士嘅感覺，好輕盈，食完一啲都唔罪惡😆🍰 抹茶岩燒蛋糕 $20 (8.5/10)抹茶蛋糕口感比較乾身啲，抹茶味超級香濃，表面嘅岩燒係有少少鹹嘅芝士再燒香咗，好特別好好食😋真係食完一啖又想繼續食！推薦指數: 9/10真心$20有呢個質素，好抵食！完全係超出左$20嘅價值，再去嘅話想試埋咖啡同埋蜂蜜嘅岩燒蛋糕，一定會再買來食，真心做下午茶真係一流呀！

細個嗰陣你太子經過一定會叫屋企人買但有一日就冇咗🥺個陣唔知可以去邊揾返因為唔知店舖名🤭直到有一日冇意間經過揾返😳咁多年黎水準都keep到🙌🏻🔹300g (6款味)🍪 $69🔺朱古力脆脆曲奇好脆🤤仲有d朱古力粒🍫所有曲奇我最鐘意呢款曲奇🔺朱古力棉花糖其實同朱古力脆脆一樣不過冇咗朱古力粒變咗棉花糖😗但個人鍾意朱古力脆脆多啲🙌🏻🔺咖啡杏仁曲奇好鬆化👐🏻咖啡味好足夠☕️仲有d杏仁粒令口感更佳😚🔺朱古力杏仁片朱古力味好明顯，每一塊都有杏仁片，曲奇都係好鬆化🔺特濃朱古力呢款係最鬆化😆但個人覺得朱古力味唔夠🤭🔺伯爵茶同樣係鬆化🙌🏻伯爵茶味好濃😙伯爵茶控必食😉🔹焦糖杏仁條 $32呢個少貴,淨係得8條💰比起平時嘅杏仁條口味較淡😗但都係好食嘅❤️杏仁片甜甜地🙌🏻下面嘅酥皮都好食🤤🔹芝士脆味棒🧀$25呢個係必食‼️芝士味好夠😚而且好脆🤩會忍唔住一口接一口食✨好快食完一盒😂

早前與妹子食飯她特登買了屋企附近小店的曲奇孝敬我 ~~曲奇細細塊，一口一塊 ... 入口鬆化，鬆而不散，甜度適中，一連食幾塊也不會覺膩 ~~曲奇有很多口味 ...有原味牛奶、特濃咖啡、朱古力脆脆、蔓越莓、伯爵茶 ...妹子揀了朱古力和伯爵茶兩款口味曲奇的包裝很簡約 ... 用普通的透明膠袋裝好，放在印刷精緻的小盒中4 安士份量，大約有廿塊曲奇 ... 只是 HK$23 ... 真是抵過自己整 !!!除了曲奇，還有蛋糕、卷蛋、蝴蝶酥、泡芙 ...下次記住要買埋比我試喇 !!!** 以上分享是以我的口味、體質和情況作出分享及感受，一試 / 合用與否請自行決定

這間YY cookie 雖然是小店，但曲奇很鬆化，我買咗兩種咖啡口味，分別是杏仁咖啡和expresso 啫花曲奇。沒有想過$23 ～4oz, 能有如此高質素！杏仁咖啡曲奇，一小塊已經充滿杏仁粒，絕無欺場，而啫花咖啡曲奇，很鬆脆！真係好吃過那些鏈鎖麵包店曲奇。唯一缺點是包裝欠奉，店員阿姐用普通半透明膠袋（超市買生果那種）磅曲奇時，有一種小時候落去餅店買曲奇感覺。雖然她有想幫我放入紙盒仔，但為了環保拒絕了，反正也是自己屋企人吃。如果想吸引多啲些客人，恐怕要改進下包裝方法和產品外觀設計😅

來來去去都係食個啲蛋糕，今次大膽試下呢一間款式都好多，仲要價錢便宜，初時諗唔好食都係一次啫，唔想食大集團個啲最後揀左呢款，爆珠楊枝甘露1磅賣$160拎蛋糕個時，一拎上手就覺得好重，有啲懷疑係咪買左1磅切蛋糕時食落係真材實料，不太甜，個個都讚好味，食飽飯食埋呢個做甜品，剛剛好裡邊好多料，芒果大大粒，仲有其他生果，蛋糕側邊係西米慕絲裡邊係海線蛋糕下次一定會再幫襯呢間，咁多款有排食順帶一提，佢呢度啲曲奇餅都好好味

母親節嗰日一早諗定買個蛋糕比阿媽慶祝屋企樓下有好多蛋糕舖不過好多都係連鎖蛋糕舖黎黎去去都係個啲款而且起碼都係150-200蚊起所以最後都係揀咗呢間因為平時都有買開佢啲曲奇同埋芝士麻薯波波又平又好味所以今次試吓佢啲蛋糕本身揀呢個草莓朱古力蛋糕係因為佢粉紅色襯返母親節點知食落有驚喜，草莓同朱古力好夾蛋糕面嘅草莓一啲都酸！一家人都讚好又平又好食半磅只係$90而且佢仲有啲西餅size比大家買到時可以試吓先好食再買full size蛋糕

話說朋友一直推薦將軍澳隱世曲奇專門店，話果到既曲奇好好味，而且價錢公道，最後托住響將軍澳住既朋友買比我～～朋友幫我同另一個朋友買，我就買左曲奇餅，而朋友就揀蝴蝶酥用黎送禮，所以今次未試蝴蝶酥啦～最後揀左4款口味，包括(1) Butter Almond：重牛油同杏仁香(2) Chocolate Mashmallow：朱古力味濃，偏甜(3) Cheese：芝士味濃，偏鹹(4) Earl Grey：伯爵味好出，甜度適中總括而言，四款都好好食，以咁既價錢食到咁既質素，完全物超所值最後，今日經過油麻地了不起珍珠奶茶店，發現原來呢到都有寄養，以後唔洗托朋友！^_^

呢間小店，係商場既位置比較僻，其實都比較少行去果邊，之前聽講過佢地既芝士波波幾唔錯🤤有去過一兩次都賣晒🤧適逢今日中午無野做就行去睇下，佢地都有賣曲奇餅同西式切餅，不過我諗佢地主要係賣蛋糕，眼見3D蛋糕款式幾多，亦都好似做得幾精緻，有機會要試下😋😋😋好快就比我見到我既目標芝士波波😳一袋六個$12！一到手就忍唔住拆開，拆開果下啲芝士味衝出黎幾香呀～～～🤤🤤手都無洗就試食，面頭有三四粒芝士😍😍而且一啲油都無，隻手仲係好乾淨乾爽😌煙韌又有咬口，但又唔會好似某連鎖店果啲咁，食完好un胃喎🙈🙈真係好香好香芝士味😍所以食下行下，行下食下就一個人食晒六個啦😋😋食完都覺得好有罪惡感，但實在係好香好好味囉😆

早前同友人只喺簡單茶聚，但估唔到友人咁有心，乘過年時日，送小弟一包曲奇，當喺「新年賀禮」，實在太客氣喇。其實，能抽時間賞面聚一聚，已經好有心喇！而曲奇嚟自「蘭特餅店」，喺好陌生嘅名字，絕對喺第一次試嘅品牌。鮮紅色嘅包裝袋，袋面只印有店名及其商標，就算袋背、底下，都再無其他相關資料，實在低調，由於包裝袋都無提供曲奇口味嘅資料，下文都喺靠個人試味試出嚟。打開包裝，將啲曲奇倒晒出嚟大晒冷，一共8款口味，每款兩片，即共有16片全獨立包裝。咖啡曲奇每款唧花曲奇都做得頗為工整，而咖啡味亦比預期芳香突出，實在唔錯。朱古力曲奇除咗味道本身OK之外，烘焗出嚟嘅口感亦非常鬆化，但又唔會太流於好似「小熊曲奇」嗰種好粉嘅感覺。？？曲奇呢塊顏色就紫紫哋，連食兩塊，真抱歉，都食唔出喺咩嘢味，紫薯？香芋？唔會紫糯米啩，知道嘅人不妨話番聲我知。牛油曲奇傳統而基本嘅牛油曲奇味道，算幾香，但牛油味唔會過於太重，哈哈，可以講喺「少油」嘅牛油曲奇。薑味曲奇呢片初時以為喺類似杏仁嗰啲口味，一入口就知喺薑味，好強勁嘅薑味，而且，仲有啲好似薑糖嘅煙韌粒粒，掂喎。伯爵茶曲奇比較大路及穩陣嘅口味，伯爵茶味幾清幽，而依一款曲奇做得好鬆脆

蘭特餅店位於商場內的一角，並不起眼，但知道它的人也會經常幫襯，因為價錢十分便宜！質素一直很不錯。曾經有買過蛋糕，不用一百元就能買到，樣貌吸引，味道不錯。還有曲奇、芝士麻薯波也很好味。今天吃完晚後前來買飯後甜品，嚐嚐它的甜品。法式栗子撻 $16首先外貌不錯，跟美X的栗子撻頗相似，不過表面的栗子蓉味道很假，吃下去是人工的味道，完全吃不出真正的栗子味，最頂d栗子顏色偏淺黃，同樣是很假的味道！口感更是欠奉，並沒有我想像中的幼滑細緻，質感更很黏笠，蛋糕部分也略乾😟下次還是要小心謹慎地選😳

係新都城行街，唔打唔撞見到依間係商場尾及角位的餅店。向來我都是喜歡光顧小店的，所以便走過去看一看店舖比較小，價錢是比一般連鎖餅店便宜。而我一向都是十分喜愛吃麻糬波波的，見到這間餅店都有售麻糬波波，所以決定買來試一試麻糬波波在這間小店是只有一款味道，就是芝士味。而且是6 個一袋的，但只售$12。是十分抵食！ 因為這個價錢在連鎖餅店應該只可以買到三粒！而味道亦非常有驚喜！每一粒上面都有兩粒芝士粒！好有芝士味！咬下去麻糬亦很煙韌！這個價錢真係無得輸！希望之後都可以推出更多味道啦

2018年10月1日 (星期一) 1:00pm 29°C 提供多元化蛋糕、3D立體蛋糕及曲奇餅等。 燈光明亮，環境整潔乾淨，各款蛋糕賣相精緻，擺放齊整，一目了然。 店員提供膠刀子及爉燭，可算貼心。 本人第二次惠顧，上次吃過後覺得美味，所以今次慶祝 ※懶懶熊大聯盟※ 9週年，特地再次挑選此餅店，購買一整個蛋糕。 人數：2人 HK$140 不用排隊 重量是一磅，以咖啡和芝士為主。 意大利芝士蛋糕 - 屬於意大利名點提拉米蘇 Tiramisu，輕柔的蛋糕質感及濃醇的咖啡，撒上苦香可可粉，口感柔軟順滑。咖啡香氣撲鼻而來，且每啖都充滿奶油和慕斯，滑溜無比。整體來說，質素絕對比得上酒店級的餅店，屬高水準。【推介之選】❤❤❤ 梅花間竹，層次豐富。【 溫 馨 提 示 】：❶ 提供膠切刀、爉燭❷ 只收現金❸ 不收信用卡、八達通、支付寶、微信等

2018年9月10日 (星期一) 30°C 提供多元化蛋糕、3D立體蛋糕、流心奶皇月餅及曲奇餅等。 燈光明亮，環境整潔乾淨，各款蛋糕賣相精緻，擺放齊整，一目了然。 店員提供膠叉子，方便顧客隨時進食，可算貼心。 『平民價錢，皇室享受』 原價：HK$22，特價：HK$14 人數：2人，一共買了 3 件蛋糕，合計：HK$42 不用排隊 咖啡芝士蛋糕 - 味道香濃幼滑，跟意大利的提拉米蘇 Tiramisu 相似，輕柔的蛋糕質感及濃醇的咖啡，梅花間竹，當中奶油和慕斯如絲香滑。面層撒上苦香可可粉，口感綿密濃郁，中央位置放了一粒朱古力，又香又甜美。底層是一塊消化餅，略帶脆口。【推介之選】❤❤❤ 芒果芝士蛋糕 - 芒果慕斯軟滑，芳香四溢，綿密的質感猶如雪糕般，叫人驚喜！同樣地，底層是一塊消化餅，略帶脆口。《 環 境 》：

其實知道呢間餅店開左係度一段時間， 有幾次咁岩等位見到d 蛋糕都好吸引， 但每次食完野都太飽放棄左今日收工心血來潮行經呢個角落位， 本身打算買d 曲奇番屋企同母上大人分享。點知...就比上面唯二兩包既芝士麻糬波波吸引左 番到屋企已經即刻開黎食。打開包裝已經聞到好香芝士味麻糬波波都唔似聖安x 同山x 咁又貶又細粒仲要愈黎愈貴...圓碌碌咁， 大大粒芝士粒係上面，芝士味超香咬落唔會太硬， 算係偏軟但係我鐘意既口感食曬成包先發現無影底佢一包六粒都只係12 蚊， 又抵又好食下次一定要試下佢d 蛋糕同曲奇‼️不過如果佢d 麻糬波波可以多一兩隻味就好啦！另外就係佢個位的確太隱世希望多d 人留意到啦， 咁高質既小店唔想佢無左呀...