興利茶餐廳

营业中

休息中

今日係2020年最後一日，來到西環，想起不太多人認識的茶餐廳。這小店已轉手幾次了，但水準仍然不差。在記憶中，每次到這小店，我首選的是"沙嗲牛肉飯"👍其次會選擇食佢哋嘅"咖喱"👍。但是，今次想試吓佢哋嘅"黑椒牛扒飯"啦！果然沒有令人失望。首先飯底很有香味，軟硬度十分滿意；另外牛扒煎得也不錯，牛扒不會煙韌，不算太好，但已經很滿足了。黑椒汁很濃烈，配合牛扒的味道十分滿意。例湯是金銀菜蘿蔔煲豬骨，熱辣辣很濃郁味道。附上熱鴛鴦，這個午餐值得再試。

興利茶餐廳感覺有小小歷史，鋪面噶話就比較舊式啦，不過都幾有feel啦，食物方面噶話選擇就同一般茶餐廳差唔多啦，沙爹牛肉炒烏冬都幾正噶，色水唔錯，烏冬咬口唔錯，牛肉都幾多下，配上凍檸茶都幾好噶！

食左茶餐廳，本身就無咩好寫，我自己都真係無寫咩普通一間茶記，點知食左真係忍唔住要寫寫，興利係西環尾一間唔起眼既茶記，無論餐牌定環境都係唔會想寫什至入去，但打開門試下後干炒雞扒一丁，最大原因令我一定要寫，上台已覺得厲害，丁麵每條分明但唔係靠好多油去做出黎，每條顏色味道都相約，炒得相當好無一舊舊而味道相當好，鑊氣超乎預期唔會好咸而唔係淨得鹽或豉油味，睇相就知真係唔係一般一丁可以做到既效果雞扒腍身好味，香口而脆皮，但應該有味精，不過味道仍好好另一碟試左沙爹牛肉炒烏冬，上枱賣相都好正，鑊氣一流，烏冬唔係兜亂個隻，味道好好青椒、紫洋蔥配沙爹好正配料、份量十足牛肉就真係發水牛，大量鬆肉粉、味粉，但味道都好ok送個例湯，明顯有味精，但都ok架配奶茶都有驚喜，茶味唔夠但都還可以成間餐廳，味道真係一流，非常好但實在煙霧瀰漫，油煙大到想死，有味精味所以，自決啦，我寫得味道一定有一定水準，不如叫外賣#蒸餸都正#隔離都有一間但佢旺人地拍烏蠅

這一天的中午，走到來西環找東西吃。本來想找些好店，可是得一個人，冇乜心機去食好東西，於是就求其搵間茶仔解決好了。而在我的眼前，有這一家看落很舊的《興利茶餐廳》，沒有多看評語了，舊舊地，啱我心意，而且又平平地，就硬著頭皮試下。一坐低，就有一碗例湯，看得出是老火湯，只是煲得很水而已，然而，美中不足的不只是這樣，入口感覺到味精的味道是一個小敗筆。我叫了一個京都豬扒飯，有汁，有扒，有飯，沒要求時其實是可以的。個汁其實就是咕嚕汁，酸酸地，能開胃，我在沒有對這餐廳抱任何期望的心態下，把這飯食晒。而是日的奶茶，只可以用不過不來形容。這一餐，沒期望所以沒失望。

5月29日, 今朝一早就要去澳門工作, 臨出發前呀比就陪我去呢間開喺西環尾一尾嘅茶餐廳食早餐~::: 奶油多 + 凍奶茶 ::: $14多士烘得唔算脆, 咬落淋淋地有少少隔夜feel… d牛油唔知點解可以咁黃, 不過都幾香~ 煉奶就落得頗求其, 可以睇到4塊包都唔係搽得好均勻. 整體一般啦, 但其實奶油多又好難做到話難食嘅…凍奶茶反而不錯, 奶味濃, 茶味亦夠! 而且口感厚滑, 我轉埋外賣杯慢慢飲到d冰溶晒都仲幾好飲~::: 油飽火腿蛋 + 沙嗲牛肉麵 + 凍檸檬茶 ::: $19 + $1竟然係太陽蛋, 有d驚喜, 蛋黃煎得幾靚同剛好, 食到好豐富嘅蛋黃汁~ 火腿煎得幾燶, 不過都算香~沙牛麵大大碗, 雖然係唔多鍾意嘅沙爹汁撈牛肉, 不過牛肉咬落唔韌咁啦~ 係街市以外覺得最抵食嘅早餐~我估呢到唯一值得讚下係d早餐款式都幾多同埋夠平囉~ 無喇!

說出來可能有人不信，本人出外用膳的經驗，也可算是幾豐富，但在食物中發現小強，聽的多，見到的，也是第一次。來吃個快飯，是朋友帶來的，就要了個鹹蛋肉餅飯。鹹蛋肉餅拿來，肉餅看來蒸得幾鬆軟，將鹹蛋打在肉餅上，賣相也不錯。正要舉筷之際，就在肉餅內發現異物﹝圖中碟子左下方的小黑點正是了﹞，大為掃興。冷靜的叫阿姐來，換過一碟。看清楚沒有異樣，照吃，其實肉餅的味道，也不錯的。坦白講，說餐室的廚房沒有小強，是甚麼也不相信的，但在食物內出現，又真的有點兒那個。人手不足，兩位阿姐都忙得團團轉，服務一般。連飲品一杯﹝當然是熱檸水而非奶茶咖啡！﹞，埋單29蚊。「喊面」一定要俾，而街頭巷尾這麼多食肆，也沒有再幫襯的道理。